undisclosed;11347526:مبروك على افتتاح القسم الجديد
بغيت ارد على بعض البنات اللي مستفسرين عن الليزر وانشالله اقدر افيدهم.
الله يسلمكم الليزر حق الويه 20 عند العريض و 25 عند طارق وسميرة عندها بو 20 و 25 و 30 لأن 3 اجهزة كل واحد له قوة معينة
للأرجل كاملة مع الفخوذ 200 عند طارق و 20 عند سميرة المتروك وماعرف عند العريض بكم
ومنطقة الأبط (الأندر ارم) نفس اسعار الويه
واليد ترى ما يشيلونها كلها يعني يخلون الزنود لأن على حسب كلامهم ان الشعر خفيف واذا سووه بيزيد بس ماعرف بكم.
والأرداف ب100 والبكيني ب 50 عند طارق
والشنب عنده ب15
اما حنان معرفي فعندها ليزر للشعر الخفيف (الزغب)
واللي تبي الجسم كامل فيتراوح عند طارق من 450 إلى 500 دينار وكل مرة يخف السعر شوي شوي لين يستقر على 250 دينار.
اما سميرة المتروك فالسعر 450 وتقول حسب كلامها ان الجسم يحتاج 8 جلسات بس وبعدها مايطلع الشعر خير شر على عكس الوجه اللي مستحيل ما يطلع ولكن بكمية أقل و على فترات اطول.
طبعا المعروف ان كل ما كانت البشرة افتح والشعرة اغمق كل ما كان مفعول الليزر احسن ونتائجه أقوى.
وفي معلومة أخيرة حبيت اقولها لكم لأن محد من الدكاترة قالها لمرضاه ولكني شفته في برنامج Good Morning America الا وهي أن المفروض الوحدة تروح حق جلسة الليزر في الوقت اللي الشعرة قاعدة تنمو فيها مو عقب ما اكتمل نمو الشعرة (أي انها وصلت لطول معين ووقفت تنمو) عشان يكون التأثير على الشعرة أقوى.
والسموحة اذا طولت عليكم
يعطيش العافية & تم التقييم :014: