¸.•~ تجهيزات عرائس ( قطر ) لشهر ربيع الأول 1431 - 2010 م / الجزء = 97 ~•.¸

حبيباتي انتوا


مشكوووورات ع كل الي رد عاستفساراتي بخصووص الفنادق ف بلدكم الغالي

والله ما قصرتوا أدها وأدووود ههه

عنّادي

تبين رايي روحي عند كذا مصمم وشوفي تصاميمهم وعقب قرري وين تفصلين

انا ارشح لج انوني بما اني مجربته

وعندج شيك ليدي بس يقعد الوحده على اعصابهااااا وممكن يسلمج الفستان ليله العرس لوول

الا جان تعطينه تاريخ العرس غلط وتجدمينه

وعندج البرينسيسه

انا عن نفسي ماحب اللبنانيين مدري ليش احسهم يتفلسفوون وايد

شموخ ..

جربتي تفصلين عند مابيل ..

ترى تفصيله روعه و مضبوط و يجنن و لا قد شفت عنده تصاميم مب حلوة و تقريبا تصاميمه مثل ايلي ابي راشد وايد حلو شغله انصحج فيه و بقوة ..

بولكا دوتس ..

الله يوفقج حبوبة ..

قمصان النوم و على حسب علمي من البنات كانوا ياخذون 20 و الباقي يشترونه في الهني مووون او بعد الزواج ..

اما بالنسبه لعشا العرس اول شي قبل لا تدخلين يعني على ال9 و نص يحطون المقبلات و اذا انتي بتدخلين 10 خل يحطونه 10 و نص

Polka Dots;11557066:

صبـــاح الخيــــر

شخباركم صباياا؟

الف مبروووك حــــــايره والله يتمم لج على خير حبيبتي :087:

.
.
اوف بدا الكاونت داون :060:وبديت اتوتر صج ..

بنات سؤال بالنسبة لقمصان النوم والبجامات .. كم لازم يكون عندي ؟ انا خذت بس احس مو كفايه ابي بعد

وسؤال بالنسبة للعشا متى ينزل ع الطاولات ؟ بعد ما انزل بشوي اوكي ؟

شوفي حبيبتي بالنسبه للقمصان النوم لاا تكثرين لان باقولج الموضه تتجدد وكل يوم ينزل شي جديد واكيد دامج عروس كل يوم مجمعات وسفرات وبتشوفين بجامات روعه وحلوه يعني بتشترين بتشترين يعني اشوف لاتشترين زياده في الوقت الحالي


وبالنسبه للعشا اذا نزلتي 10 خل ايحطوووونه 11 الاربع

يعني اول ماتقعدين عالكوشه العشا ينزل

كوكيتا

نصيحه اخت لاتخلين ريلج بروحه ف الغربه صدقيني الغربه اعتماد ع النفس واستقلاليه ماتتخيلينها انا وحده لو يحصل لي اسافر واتغرب ماباقول لا بالعكس انا اللي احن على ريلي يدور له بعثة ويخلص دراسته بس عشان اتغرب لان اختي جربت الغربه وكانت مستمتعه فيها وبعدين مثل ماقالوا البنات بتتعرفين على حريم ربعه وبتطلعين معاهم وبتروحين وبتجين يعني مابتنحبسين

نصيحه ثااانيه استخيري واستخيري واستخيري اذا الله رايد لج الروحه ربي بييسر لج كل شي لكن لو انه مب رايد الا بيصير شي يكنسل السالفه بكبرها

الله يوفقج حبيبتي

الســلام علــيكم

صبحكم الله بالخير ..

قلب قلبي;11531507:



روحي
ان شالله دوم مستانسه وتضحكين ... سويت لكم اكشن شوي خخخخخ
عاد قالولج وين انفاسك دخون وانا الذكذك على بالي فالعسيري ! يمكن فكتوريا سيكرت فالعسيري !
المهم بخور ياس في سوق واقف رحت له لاني ماكنت اعرف الاسم بس ادل مكانه ... اسمه العوسج ... شفتي وين المسجد فالسوق اللي عالشارع للرجال روحي السوق وخليج انتي والمسجد نفس الخط ودشي السوق وروحي سيده ومادري وين لفي المهم لوول من ذاك الصوب تلقينه ومشاهده محل مواعين بعد ...
امحق وصف ! المهم اسمه العوسج :025:

اللهم امين وانتي وياي ,, ان شا ءالله افرح فييييييج فديتج انا وفديت كلوووشتج
اما الوصف لايعلى عليه ان الله كتب ورحت بطبع ردج وبرسمه ههههههههه
بس رحت انفاسك دخوون بالرويال
:072::072:

:: حرمــــــان ::;11537270:
بخ



وحشتوووووووووووووووووووووووني مووووووووووووووووووووووووووووووووووووووووووووووووووووووووووووووووووووووووووووووووووت

بنات النت عندي خربان تعرفون وين اقدر اودي لاب توبي واصلحه
ابي ارجع نفس قبل :(
بجد بجد مفتقدتكم واااااااااااااااااااااااااااااااااااااااايد
ابي مكان مايخربه وامين :) << ياحلوي اتشرط خخخخ


اي صح ابي اقول مبروووك للي تزووجو وربي يهنيهم

حــــي ذا الزوووول .. فديت هالطاري
وانتي وحشتيني انا مووووت :087:
حبي في محل المانع اعتقد اسمه نسيت والله بس اتعامل معاه في محطه الوعب الي فيها باسكن وايد اوكي:ok: وقولي له اذا تبين ملفاتج القديمه وكذا يسيفهم لج ..

شموخ عنّادي;11539583:
مرحبا بنات

من احسن مصمم في ستنزا ؟؟؟ لاني سمعت ان عندهم كذا واحد

وشرايكم في فلنتينو ؟؟؟


عرس اخوي وابي شي كشخه رحت حق كلود رسم لي بس مادري متردده بكره اخر يوم لازم اروح ادفع نص المبلغ

انا اللي مخليني متردده اول مره رحت له قلت له الافكار اللي في بالي وقال برسم لج 6 ولا 7 رسمات يوم رحت لقيته راسم بس موديلين وغييييير عن اللي قلت له وحاول يقنعني فيهم واخترت واحد

ثاني شي اللون اخترت لون وقال اوكي ومادري شنو يوم شفت السمبل طلع اللون غيييييييييييييييييير كللللش عن اللون اللي اخترته وهو يقول لا هذي هو

سالته عن الموضه في الصيف بالنسبه للالوان والموديلات قال مافي موضه معينه :(


وانا ماعرف اتخيل الفستان من الرسم كللللش


امي وخواتي خلصو وانا لين الحين :(

حياتي اذا استانزا الي بالسد جنب مودا ليدي ف الين تصميمه حلوو وشغله زيين
لو ماعجبج يرسم لج اكثر من مره ..

عندج مابيل ووفي مسمم اعتقد ام الغالين دايمن تمدحه اذا ماخاف ضني اسمه روبيلا :02:

atnfs.hwak;11540932:

مراااحب بنااات

انا رحت اليوم عرس ولد انوار

وبكتب لكم التقرير ومابخليه بخاطركم

مع اني والله العظيم فيني خرعه الحين وشوي خااايفه من اللي شفته

المكان : فندق لاسيغال -قاعه الوجبه

انا اول مره اروح هالقاعه الصراحه القاعه وايد وايد كشخه

الطاولات حاطين عليها مفرش ابيض عليه نقش بالذهبي

وحاطين على بعض الطاولات فازه ذهبيه طويله وفيها ورد وطاولات ثانيه مستوى الورد انزل

والكراسي عاديه حديد ذهبي والصراحه مش مريحه ابد

الكوشه من وررى كااامله مغطيه بقطعه سوداااا والكرسي بعد كان اسود

وفيه مربعات نازله من الكوشه كانهاا زجاج عليهم خطوط صفراااء وفوقهم ورد

وفي نص الكوشه عاد لاتضحكون على تعابيري ماعرف شسمه بس نقشه ذهبيه عوده دايما يسووونها في الكوووووش

وعلى نهايات الكوشه نازل كرستالات

عجبني سيرفس الفندق عددهم كبير وحسيتهم متعاونين

وبعد جاوبواا بنات الضيافه لابسين نفس جلابيه بيج حرير

العروسه كانت صغنونه حليلهاا فستانهاا اممممم ماركزت فيه عدل كان حليو عادي

مكياجهاا كان حلو عليها وبسيط وزفتها شعر باسمهاا

وبعدين يوم بيدخل المعرس طلعوهاااا وزفوا المعرس فرقه شباب كانت حلوه الحركه وايد

وبعدين دخلت العروسه والمعرس ينطرها الكوشه مع اخوانها ماسكينها واهي داشه

اممممممم شنو بعد اي صح العررررس كان موت موت زحمه من الخااااااطر

لدرجه وايد ناس واااقفين

والصراحه انا اول مره اتم في عرس لوقت متأخر لين 3 بسبه الموااصلات

وخفت موت وبغى يوقف قلللبي اكيد عااارفين شيصير بهالوقت انا اول مره بحياتي اشوف وتفاجأت

برايفت اثار : زين انج مارحتي ولاكان خفتي مثلي ههههههههه وحتى اصلا زحمه وايد يادوب تقعدين
ان شاء الله انشوف بعض في فرصه ثانيه

واعذروني بنات عالتقرير المخربط

:040:

يسلموووو على التقرير الصغووووونن .. وزين اني مارحت بعد ..
من طق لهم ؟؟

Government;11541700:

انا دااااشة عرض خخخخخ

حشرية الاخت

انا احب قطر واهلها موووووووووت

وفديت البنات اللي فيها بعد

وراح ازوركم قريييب بأذن الله تعالى

بس سؤالي الغاليات

شنو اقرب فندق لفندق الفور سيزن ؟؟ اظنه فشارع لكورنيييش

هلا حبيبتي حبتج العافيه .. والعين لج اوسع من المكان يالشيخه
وبتنور الدوحه بجيتكم .. حبيبتي عندج فندق الموفنبيك
وعندج الشيراتون وفندق w وفي فنادق بس شوي بعيده مو وايد يعني تقريبا 10 او 5 دقايق توصلين لها بالسياره الي هم ( الردتز - وحياة جراند ) واذا بغيتي اي شي احنا حاضرين :065:
والبنات كفوو وووفوو

قطريه_H;11550797:
انوني بعد عجيييييييييب يرسم لج 10 رسمات
كرستالاته حلووه وروحي عند ايدمن :)



بنات من احجز مكياج لعرس رفيجتي كلمت مها وامنه شاهين وميرا كلهم فل :(
شسووووي من احجز ابي وحده تجيني :(

حياتي انتي اذا تبين شي ناعم وخفيف وحلوو ناديه اليهري انا وايد عاجبني مكياجها

بنت الغالي;11550891:
مرحبا بنات

طولت الغيبه اعذروني مشغوله بالشغل وخظوبتي بعد شهر

عندي سوال وايد مهم ليش كل مابي وحده تطلع محجوووزه :035::035: انا وايد متضايقه

سوالي هو

الي شافت ستايل معصومه للمكياج

من نفس ستايلها ؟

سعاد فكري محجوزه ابي وحده خبره وناعم ويحلي حتى لو من البحرين

حياتي انتييييييييي يارب يتمم لج على خير
حبيبتي عندج تماضر الدرويش :ok: نادية اليهري
انا شفت مكياج معصومه مره وحده بس وماعجبني على عروس فماقدر احكم يمكن طلبها كان كذا ,وعندج اشواق الي بيتها بالمطار ...


كوكيتا حبيبتي رايي من راي البنات لاتهدين ريلج ,, وبالذات الغربه احس انها تقرب الزوجين مهما كان عنده شغل
وربي يوفقج ويهنيج ويسعدج *_*


وبقولكم وجهة نظري في مير ( لابوم )
صح تشوفين افكار وترسم لج وتحسين تبتكر بس مووايد لاكن تفرض رايها وتستهزأ برايج وذوقج
وترى شغلها ضربة حظ مره تصيب ومره تخيب مره تشوفون شغلها 100% بيرفكت ومره داووون وتشييب

وجهة نظري في جميل( البثينه )
صح شغله حلوو وكرستالاته حلوه لاكن يعل الجبد انا الصراحه تعبت لين ماسويت فستاني عنده وصج يتكلم شوي
ويقوم ويخليج ويكلم الكستمرز الثانين ويقولج شوفي بالكتلوج وحيور كانت معاي بفستاني ..
لاكن بط جبدي قبل العرس بيوم كان في اساور كرستالات بيديني انمجعوا وكنت اقوله بيطيحون يقول بتعلميني بشغلي
وقبل لا اطلع للقاعه انشق فستاني وخيطوه ويوم نزلت مع ريلي من الكوشه انشق الجرار بكبره :@

اما زينه اكككككس بالعريض

وبعد هذا ابداء لرااايي

صبااااااحكووووو


عطور
وين مابيل ؟
انا متردده حق عرس اخوي مادري اشتري جاهز والا افصل في عرس اللولو صراحه كان مآساه اللي رسمه شي واللي حاطته في بالي شي واللي طلع شي فنتوووكي خخخخ


روحي
ههههههه فديتج

بولكا دوتس
الله يوفقج حبوبة
احس وايد 20 قميص نوم خخخخخخ !!
اول شي بتلبسينهم بسرعه لان عندج وايد بتحسين تبين تنوعين ! وبتشترين جديد !


شموخ
اذا تبين رايي في فستان لولو قطرية اللي تقول عنه ام الغاليين تراه مشالله مشالله روووووووعه بس الجسم يساعد ترى اكثر مشالله لولو وايد ضعفانه ..



كوكيتا
وييييييييييييي والله انا اتمنى اني ان شالله اتزوج واحد يكمل سنة او سنتين فالخارج وياحبذا امريكا ولاية سنعه هههههههههههههه صج احس وناسه ... ميته في خاطري اعيش برا شوي بس ماشيل غراش الماي والجمعية مثل مادلوعة تقول لاني جربت فتره مب حلو لا ابي امريكا مع السيارات هههههههه تحسون حتى فالتفكير دبه :085:


بنت غلوي العزيزة

والله مدحولي مكياج معصومة وايد بس مادري ولا مره شفته .. سعاد فكري في خاطري احط عندها ... او يمكن تماضر درويش حق عرس خيوو...

قلب قلبي

لو تقدرين روحي الرياض عندهم الفساتين الجاهزه حلووه
والقطع بعد تهبببببببل مع موديلاتهم

انا قمت اشتري جاهز والله اريح من عوار الراس

KOKETA;11555745:
بناااات انا متووووووووووووووووهقه

ريلي بيروح بعثه سنه في بلجيكا ويبيني اروح وياه

بس انا متضاااااااااااااايقه مااابي اروووح بتمللل هو بيكون لين العصر فالجامعه

واخاااااااااااف اتم برووحي ..انا اذا في البيت واقفل البيبان لين طلع شلوون برااا ههههه..

مادري وااااااااااايد افكر واحاااتي وشلووون بستحمل ...وبنتي توها سنه ماادري شلون بعابلها برووحي.وشلوون بغسل وبطبخ وحاااااااااله......مابي اودي الخدامه لأن الكل قالي ان الخدم يشردون هناك...وانا خدامتي فلبينية ومومتزوجه يعني الشرده عندها سهله خخخ

والله متضااااااايقه احيان افكر مارووح بس هو يقول ان ربعه بيودون حريمهم وشلوون انتي ماتيين وياي..:(

شسوي انتو شراايكم..؟؟؟؟

كوكيتا تحممملي تخلينه برووحه ..
انصحج تروحين
انا وحده اشوف ان الرياييل مايتخلون بروحهم هالايام


...

قصه قصيرة :

كنت اتعشى فمطعم مع زوجي واول ماقمت اغسل يدي جاته وحده وقفت قريب من الطاوله واشرت له بيدها نفس ماتمسك التلفون ..عاد زوجي فشلها قالها شتبين ؟ وراحت

......... صراحه انا مادري اذا اول مره وحده تتحرش فيه او لا بس تطمنت ان قالي ماخش عني ووشوفي الفتره الي خليته اقل من 10 دقايق فما بالج تخلين ريلج فالغربه وبين اجانب والفتن وايد

وتقدرين تدخلين معهد او نادي رياضي تشغلين وقتج :042:

استخيري ..


اثار صح انا كرهت البومي بكبره

بنات بليز سجلو في هالموقع http://go.3roos.com/735c4fO5YMD وصوطولي

على هالتصميم



او اي تصميم من تصاميمي

اسمي semsem

في الموقع

وجربوا تصممون في الموقع وايد خلو

يحطون لكم الفساتين والجواتي والاكسسوارات ولازم تصممون لوك لعروس يصلح

http://forums.3roos.com/showthread.php?p=11559117#post11559117

نوروني بذوقكم

اتنفس هواك
اي انا كنت حاطه فـ بالي جي اسوي وحصلت لي موديل
بس آخر شي سويت فستاني عند فوزيه النافع فالخبر .. واسعارها تبتدي من نفس اسعار المصممين عندنآآآ وتوصل فوووووق
بس على شي جديد مب من النت



ام الغاليين
من هذي مدام ميري =) .؟!




بولكآآآ دوتس
الله يبآآآرك فيج حبيبتي .. آآآمين ولج بالمثل إن شاءالله .. تسلمين :*
<< مم انا احس قمصان النوع 15 - 20 تقريبا اوكي << هاي كلام رفيجاتي المتزوجات
اما البجامات نوعي بين قصير وطويل واخذي لج عدل لأنج بتلبسينهم اكثر من قمصان النوم .. بس شكثر مدري .. انا بروحي ابي اعرف هههه




روحي قطر
ههههه >.< كل ماتقولين عن جميل جي انا اتحسف اني وديتج له -_-





ظبي الجنوب
>.< مافي حيآآآ خلآص فالبنات هذيلا اصلا .!
انا رايي من رايج

':
[ح ـايرهـ][;11559851']


ام الغاليين
من هذي مدام ميري =) .؟!




بولكآآآ دوتس
الله يبآآآرك فيج حبيبتي .. آآآمين ولج بالمثل إن شاءالله .. تسلمين :*
<< مم انا احس قمصان النوع 15 - 20 تقريبا اوكي << هاي كلام رفيجاتي المتزوجات
اما البجامات نوعي بين قصير وطويل واخذي لج عدل لأنج بتلبسينهم اكثر من قمصان النوم .. بس شكثر مدري .. انا بروحي ابي اعرف هههه

حيوووره

مدام ميري تشتغل ف روبيلا وهي فنااانه ماشاء الله عليها

وعن البيجامات اخذي لج من 10 الى 15 بيجاما وعقب اكيد بتشترين لان صج البيجامات تستهلك اكثر من قمصان النووم

قلبووو
وااااااااااااااااااي ذبحتيني من الضحك لما قلتي عن غراش الماي
صج مسببة لي ازممممممممه اسوي كل شي ولا اني اشلهم لان عندي مشكله في ظهري وكلش ماقدر اشيل حتى لو غرشه وحده من الكبار تسبب لي بلاوي لوول

كوكيتا
بالعكس الغربه واااايد حلوه وتعلمج وتكبرج لووول وعن ريلج اكبر غلط انج تهدينه يروح بروحه
وعن بنتج ترى في حضانات لو ماتقدرين تعابلينها طول اليوم تقدرين تودينها الصبح وممكن تاخذين لج دوره او كورس تستفيدين منه
وبالنسبه لي اقولج قعدي فالبيت اونس وابرك
والتنظيف والعفسه عندج خدامات يجون بالساعه يشتغلون لو تجيبين وحده مره او مرتين فالاسبوع كفايه
اهم شي تاخذون شقه اووكي وجديده عشان ماتتبهدلون ويكون المطبخ فيه دش ووشر غسالة الصحون
انا ماعندي فشقتي مع ان ربعي عندهم وندفع نفس الاجار يعني انا قاصين علي لان شقتي ناقصتها وايد اشيا شريتها بنفسي وادفع نفس الاجار
وووالوقت يمررر بسرعه صدقيني يعني لو ريلج فالجامعه لين العصر حطي فبالج بتقومين الضحى تتريقين وتخلصين شغل البيت عالسريع وبعدها تطلعين تتمشين وتمشين بنوتتج انا المبنى الي ساكنه فيه فيه حديقتين ووحده منهم كبيررره وشرحه وحلوووه وناسه وفيه جم بعد فالخلاصه اهم شي دوروا مكان عدل ويكون قريب من السنتر عشان ماتملين وتقدرين تروحين وتجين بروحج ويكون في سكيورتي فالبلدنج انا البلدنج الي ساكنه فيه عندهم كونسيارج 24 ساعه اي شي يصير تكلمينهم ودايما يلفون بالليل يتطمنون وفي كاميرات مراقبه يعني امان والحمدلله واعتبريها تجربه يديده وسياحه ووناسه

حيوور
فديتج لاتتخرعين انا شفت فساتينكم واعرف ذوقج ومير فنانه وتضبط الفساتين وانا وااايد من ربعي تعاملوا معاها وشفت شغلها على فساتينهم وبالعكس اشوفها كل مره تبتكر وتطلع حركات غريبه ونااايس وان شاء الله تطلع الفساتين رووووعه ومثل ماتبون واحلى

ووووبس

الموجودين شوفوا قناة قطر الحين

معرض أعراس

أوداج;11561292:
الموجودين شوفوا قناة قطر الحين

معرض أعراس

يسلموووووووووووووووووووا

كووكيتا


صج الغربه صعبه وضيقه فالبدايه بس عقب تعودين ان شالله


انتي استخيررري واللي فيه الخير ربي بيسره :)