¸.•~ تجهيزات عرائس ( ليبيا ) لشهر ربيع الأول 1431 - 2010 م / الجزء = 8 ~•.¸

السلام عليكم ورحمه الله وبركاته

كيف حالكم ياسموحات؟ نتبع من بعيد جدا

عروس ليبيا وسعي بالك وربي معاك ان شاء الله

عروسة السمحه حتي انا باذن الله نفكر في بيان قريب من متاعك

هونيده نحبه بكل اسمك عشان نحب اسم مهند *_* ربي يتقبل منك ان شاء الله

وادعيلي نصفي السنة هذي من الدور الاول وربي يوفقني مع خطيبي

بيسا السموحه الف مبروك ع خيك وماشاء الله تبارك الرحمن الذهب روعة

امممم من اخره والله نسيت يادوب الي في بالي ماتزعلوش لو نسيت حد

ربي يوفقني واياكم ان شاء الله

سؤال مخالف: بنوتات في الميلود شنو يجيبوا هل العريس للعروسة؟

وهل العروسة يدزوا حاجه ولا يجبوا حاجه ولالا؟

في امان الله

بارك الله فيكم كلكم

وبالاخص حبيبتى عروسة رايقة على الدعوات الحلوة واللهم امين انا ومريانا فى اقرب وقت

سؤال المخالفة الى عروس لبيبيا نبى عنوان الدكتور التونسى تباع التجميل ياريت تعطينى تفاصيل اكثر وسامحينى

تسلمي ياهونيده بس الاسم مش اسم خطيبي

بس اسم نحبه واجد:02:

نورتي يااميره

وينكم كنكم ماجوبتوني ع سؤالي؟

مرحبا بحبوبات قلبي

ان شاء الله تكونوا بخير جميعا

حبيبتى قدرك كبير بقلبي بنسبة لسؤالك عن الميلود هو طبعا اكيد تختلف العادات بس انا نعرف ان في طرابلس يرفعوا موسم يعني حاجة ذهب بسيطة و حلويات وشجرة الميلود وعسل ورب ( رب يعني عصير التمر ) باش يديروا بيهم العصيدة ثانى يوم

وبنسبة لاهل العروسة كان زمان مايردوا شئ لكن توا بدت العروس ترد معاهم في بعض الهدايا مثل شموع للبنات وام العريس يعنى نوع من تقريب القلوب يعنى تكون مجهزتهم في سلة مثلا او بوكس حلو وتحط معاهم ملبس يعنى اي فكرة تخالي شكل الشموع حلو

وهذا اللي رح انديره انا ان شاء الله في الميلود على اعتبار ان خطيبي هو بس اللي رح يجي ويجيب الموسم وبنسبة ليه هو انا مجهزتله هدية ليه بروحة

وهذا اللي نعرفه طبعا وان شاء الله نكون افدتك

لكى تحياتي

بارك الله فيك ياعسول

قصدك في هدية حتي للخطيب؟

نقدر نعرف شنو تبي تعطي خطيبك ولو سر عادي راه ماتقوليش*_*

تسلمي بجديات ع ردك فرحتني توه نشوفوا هل بنغازي شنو يدروا

وحتي نحن نقولوا رب امتاع العصيدة*_*

تسلمى حبيبتى هذا من غير جميل احنا لبعض

بنسبة للهدية انا بعد البيان كان مفروض فيه ردان سوابيت لكن للاسف ماما تعبت هلبة وانشغلنا بيها فاماصارش من ردان السوابيت وحاليا هما حوشهم صيانة كاملة فقالولي مش لازم من ردانهم فقلت كل مرة نهديلة حاجة من الحاجات اللي كنت مفروض انردهمله
اهديتلة اكم من حاجة قبل توا انا فكرت على الميلود نهديلة كاط ( يعني بدلة عربية مطرزة كاملة ) متع الجو الحديث جو الجبب المطرزة خصوصا انه يحبهم هلبة ويحب يلبسهم نهار الجمعة فانا حاليا اموصية على وحدة يخدمولي فيها وان شاء الله عقريب تجهز وهادى هى الهدية

ان شاء الله انكون افدتك

لكى تحياتي

نجيها ياربي بارك الله فيك

انا اصلا مش فاهمه شنو تردوا وماادراك

زعمه حتي نحن عندنا؟. مممممم مش عارفه

تسلمي ياسمحه وان شاء الله هدية تكمل وتقعد سمحه ويلبسها بهنا ان شاء الله

السلام عليكم
كيف حالكم يابنات وصحيتو على النشدة عليا
قدرك سؤال جي في وقته واجابة جولي استفدت منها فعلا ياريت كل البنات اتقول رايها في هالموضوع باش نعرفو شن انديرو بمناسبة الميلود

قدرك كبير بقلبي;11379788:
نجيها ياربي بارك الله فيك

انا اصلا مش فاهمه شنو تردوا وماادراك

زعمه حتي نحن عندنا؟. مممممم مش عارفه

تسلمي ياسمحه وان شاء الله هدية تكمل وتقعد سمحه ويلبسها بهنا ان شاء الله

حبيبتي ان كنتي انتي من بنغازي نحنا في بنغازي ما انردوا في شئ بس لوجابولك حاجة العصيدة اطيبيلهن عصدة و تحطيها لهم وراهوا في ناس ما يجوش في العيد و في ناس ايجوا و في ناس ايمدوا و يجيبو معاهم حاجة وناس ما يمدوا شئ الا القنديل بس .. وحتي انا كيفك مزلت نستني وهو كلمني توا قالي قاعد في السوق نختارلك في هدايا للعيد توا بعد ما يجيني انقولك شن جابلي و شن درتله ..

امورة خطيبي;11379792:
السلام عليكم
كيف حالكم يابنات وصحيتو على النشدة عليا
قدرك سؤال جي في وقته واجابة جولي استفدت منها فعلا ياريت كل البنات اتقول رايها في هالموضوع باش نعرفو شن انديرو بمناسبة الميلود

امورة كيف حالك وين هالغيبة ؟؟؟؟؟؟
سؤال المخالفة::- *روب الزفة ممكن ايكون سكري او لازم ايكون ابيض ***

نرجس الشرق;11379835:

سؤال المخالفة::- *روب الزفة ممكن ايكون سكري او لازم ايكون ابيض ***

يا نرجوسة انى من وجهة نظرى مش مشكلة اللون المهم يكون هادئ
ويكون نعوم

نرجس الشرق;11379824:
حبيبتي ان كنتي انتي من بنغازي نحنا في بنغازي ما انردوا في شئ بس لوجابولك حاجة العصيدة اطيبيلهن عصدة و تحطيها لهم وراهوا في ناس ما يجوش في العيد و في ناس ايجوا و في ناس ايمدوا و يجيبو معاهم حاجة وناس ما يمدوا شئ الا القنديل بس .. وحتي انا كيفك مزلت نستني وهو كلمني توا قالي قاعد في السوق نختارلك في هدايا للعيد توا بعد ما يجيني انقولك شن جابلي و شن درتله ..

حي عليا وحي وسعي:039: بالك فاصل اعلاني :091:

انتي قصدك نحن في بنغازي ندرلهم عصيده ثاني يوم وندزها لهم؟:042:

لالالا انا ماجابليش سيره بكل بلكي عشان مازال بدري !!!:01:

خلاص معناها قوليلي انتي شنو حديري عشان نقعد عارفه حتي انا شنو ندير:02:

مانيش فاهمة حاجه اصلا وماعنديش نيه نسال بس فضول :094:

الف مبروك ياسموحه

الف الف مبروك لهنو الدلوعة صدق من قال من غاب جاب الغنايم

ان شاء ربي يفتحها عليك وعقبال العرس ان شاء الله عما قريب

حبيبتى قدرك كبير بقلبي تسلمى على الدعوات الحلوة ربي يخاليك

حبيبتى نرجس الشرق انا نشوف زي ماقالت بيكاتشو مش مهم اللون المهم انه يكون رقيق وانا على فكرة انميل لسكري اكثر من الابيض انحس فيه انعم وان شاء الله انكون افدتك

لكم تحياتي

الف مبروك ياهنو والعقبال للجميع يارب
ربي يهنيك ويسعدك

نرجس الشرق;11379835:
امورة كيف حالك وين هالغيبة ؟؟؟؟؟؟

نرجس الشرق;11379835:

سؤال المخالفة::- *روب الزفة ممكن ايكون سكري او لازم ايكون ابيض ***