¸.•~ تجهيزات عرائس ( ليبيا ) لشهر ربيع الأول 1431 - 2010 م / الجزء = 8 ~•.¸

مبروك يابيسو بالصحة عليك ان شاءء الله

دايموند حلوة التسريحة والصبغة حتى هيا اقنينة

Diamond Ring;11529781:
شكرا يا حلوات على التفاعل البوت من الجرنازي في حي الاندلس ب45د.ل لانهم مدايرين تخفيضات مش عادية
بالنسبة للازرق توب و بنطلون
الجلوسات يبيعو في الشنطة هذي معاها 4 جلوسات ب20 من bhs
سؤالي كان على تسريحة و صبغة نبي نعرف تمشي لعروسة و نبي نعرف رايكم فيها

حبيبة التسريحة حلوة لكن ردي بالك تغطيها باالطرحة لان لو تغطت حيضيع السغل للى فيها ومش حيبان
والصبغة حبيبتي على حسب لون بشرتك وعيونك وانت لو بشرتك زى الامورة اللى في الصورة نقول لو تزيدى دكنى الخصلات او فتحيهم باش يبان الاختلاف مع الاضاءة .
:016::016::016::016::016::016:

بيسا
ماشاء الله عليك حلوة حاجاتك رووووووووووووعة


بيكا تشو ياحلوة

اسعفيني

وين محل سيتيزن اللى في قرقارش انت بس لان موجودة و اللى تدخل من الحلوت تعطيني العنوان قبل العشية .

امورة خطيبك نفس قفطانى تمام انى خديت منه لون طرطارى رقم 12 واسع شوية وتبيدى بالهنى
دياموند انشاءالله بالصحة

روح الوليد سيتزن قريب من زرقاء اليمامة لكن راى الشخصى اشرى ساعة من الشيخ او البرغتى اومن سوق التلات عندهم تشكيلة جديدة تهبل انى شريت من الشيخ ساعة من شهر حلوة وفى شارع المقريف ساعات يهبلو واحسن ماركة نحبها رادو

مبروك الحاجات الجديدة يا بيسا وكيف حال القطاطيس
يابنات وينها روزى 89 ليا يومين ماقريتش منها حاجة انشاء الله خير

بيسا

تهبل يا بيسا كلاسي على الاخر مبروك عليك و انشاء الله حياتك مع راجلك نور في نور

بيكاتشو

شكرا على المساعدة يا عسل

هنو

صحيتي يا سمحة بس وين اخر مشترياتك شاركينا

روح الوليد

سيتزن بحدى شذى لملابس السهرة بالظبط مقابل مطعم الصخرة كان تعرفيه اليوم كنت عنده الظهر شريت منه ولاعة لخطيبي تهبل تعرفي

مساء الخيرات على الحلوات

دياموند امورة خطيبها بيسا الحلوة مبروك عليكم مشترياتكم وملبوس الهناء ان شاء الله

حبيبتى دياموند فعلا التسريحة واللون يهبل بس لو كانت بشرتك نفس اللي في صورة قصدى من حيث اللون لانك لو كنتى بيضاء مش رح بطلع عليك اللون

وهذا راي ان شاء الله يعجبك

خير ياصحباتى حبيت نحطلن صور اليوم صورتهن لكن طااااااااااااازة بلكى تفيد

يعطيك الصحة يا بيسو ديما متعبينك معانا

ماشاء الله عليكي يابيسا حلوات باالمرة والالان خطييييييييييييرة
قوليلنا بكم ومن وين ؟؟؟؟؟؟؟؟؟؟؟؟؟

قصدي الالوان رهيييييييييبة

ردا على استفسارات العرايس الحلوات بنسبة لاغراض المطبخ من محلات الساحلى الفرع الى فى السلمانى ورا مستشفى الجلاء وسعر القطعة الوحدة يتراوح سعرها من 35 الى 40
ام اكسسوار البيت الى هم التحف على حسب ارء اصحاب المحلات ان هل النوعية هى الى دارجة والى صورتهن ست كامل بدل متقعدى من كل بساتن زهرة واسعرهم تتراوح من 125 الى 200 من محلات العائلة الفرع الى السلمانى جنب نحلات الفرش
اى استفسار بيسا فى الخدمة

بارك اله فيك يابيسا ويعطيك الصحه

بعض الصور بلكى تكون مفيدة وتعطيكم افكار اثناء التسوق للبس الكجول........ بليززززززززززز لو عجبكم موضوعى قيمونى

بسبوستى عارفتينى ديما ذوقك يعجبنى لكن ماتزعليش منى الطقم متاع المطبخ الاول والثانى موضتهن طاحت نازلات فى السوق من كم سنة بس الثالث روووووعة احلى منهن واجد
ويا بسبوسة هضا رايي
ماعليش يابنات انا الايام هذينا فى موضوع شاغلنى بكل نقولا لكن تضحكن عليا
بس عشان انتن خياتى توا نقوللكن
عنى خويا الى اكبر منى مواليد 83 نبى نخطبولا وهوا متخرج من الطب ومواصفاتا ماشاء الله لكن شروطة صعبى يبيها مؤدبة ومحتشمة جدا ونحنا نبو تقعد نفس المستوى والله كانهن البنات كملن
الله يربحكن ادعن رب ييسر من موضوعا ونحصلوا البنت الكويسة