¸.•~ تجهيزات عرائس ( ليبيا ) لشهر ربيع الأول 1431 - 2010 م / الجزء = 8 ~•.¸

بيسا الطاولة فوقها كل هدا

هدا يعني لما المعازيم يجو للعرس يخشو يلقوها هكي

ولا هدا بعدين ؟؟

يعني من البداية امعبية هكي ؟؟؟!!!

Rose 89;11508286:
بيسا الطاولة فوقها كل هدا

هدا يعني لما المعازيم يجو للعرس يخشو يلقوها هكي

ولا هدا بعدين ؟؟

يعني من البداية امعبية هكي ؟؟؟!!!

الحاجات كلهن شلناهم فى الصبح ومجتش الساعة 7 الة كلة مستف فوق الطاولة والعشا بس هو الى حطوه بعدين

نرجس الموف صعب اتلاقيه خليه وردى متوفر اكتر

اوكي حنعتمد الوردي و انا توا نوريكم صور الفرش و الله حلو يا بيسا كان تبي منه انتي وبنات بنغازي اندلك ع المحل و مش غاليات ب 55 بس و تركي وهو مخفض فيهن المحلات التانيات ايبيعو فيهن ب 75

نرجوسة نحس فيهم ابيض سمح وبالبودري سمح وحتي الموف يعني كلهم سمحات

انتي شوفي بقي حاجاتك شنو اغلب اللون وخذيهن زيهن

نبي نسالك وين هذا محل بوجرادة؟

بيسا السمحه شكرا ع ردك انا نحكي ع تورته العريس والعروسة *_* هذي الي انتي

تحكي عليها؟

مبروك عليكم يابيسا وعقبال عندك يااااااااااااارب

كيف حالك نرجوسة انى نبى نسالك ليش انتى اخترت لون ابيض ورودى عندك هلبة الوان تانية بما انا حمامك ابيض يطلع عليه اى لون تعرفى انا نحب الالوان الغريبة الى مش متكررة انا شخصيا عندى حمام لونه ابيض فكرت فى لون غريب يكون من درجات لون المية لانه اصلا حمام وعادة يكون المية اكتر نبو نستخدموها بعدين شريت لحمامى فرشات لون تركواز وركبت معاه فوط درجتين تركواز ودخلت فيه لون ذهبى وخديت معاهم ورد مجفف تركواز وشمعات فيهم ريحة وحتى الترية كانت تركواز ودرت سوابيت مليتهم بكريمات وشانبوهات ذهبى وتعرفى فى سوق التلات فى الدور 4 تلقى توا جايبين اكسسوارات حمام تهبل وبالنسبة لستاير الحمام شريتهم توا واتيات من سوق التلات وفى منهم فى سوق المهارى هما يبيعو فيهم باسعر مختلفة وفيهم خرز بسيط من تحت يعنى نوع من التغير وانشاء الله يعجبك كلامى

بيسا مبروك وياربى يهنيك

بيسا الف مبروك وان شاء الله عقبالك ونفرحو بيك عن قريب :025:

بسبوسة ماشاء الله حاجات حلوة وربي يهنيكم وتكون بنية حلال يارب والعقباليك انتى لما تكملى مشوارك وتستريحى يارب

شن رايكم يابنات نفتحو موضوع لشهر العسل
كل وحده تقول وين خاطرها تمشى ووين مقررة واللى متزوجات يقولولنا وين مشو وكم كلفتهم السفرة وكل التفاصييييييييييل ومشكورين...............................
خلى نبدا بيا انا ههههههههههه انا كان جانى نصيبي وربي بعتلى ولد الحلال خااااااااااااااااطرى موووووووووووت فى ماليزيا وطبعا هذا كله حسب الاماكانيات وكان مايقدرش الله غالب حتى بلادنا يشكرو فيها

هونيدة


حبيبتي تسلمي وشكرا ولما نتفكر حاكة من السعودية عندة اوخية انوصييها سلمها يارب اوخيتنا هونيدة


بيسا

ماشاء الله عليهم حاجاتك بس حبيبة اسألي عن الغلاية الكهربائية في النت لانها مضرة باالصحة شوفى وابحتي لان اختى استعملتها شوية وبعد سنة لما جتها البنوتة استبعدتها خافت على بنتها .



نرجس الشرق

حبيبة لا انا مش من بنغازي لكن اندير في زيارات وعندى اقاربي نمشيلهم وكنت غادى في شهر 1 وكسرت رجليا في شارع دبي وشارع 20 وشارع جمال وفي الفويهات ..........................................


وانا ردي على الحمام انت لونه ابيض فغيري اللون .وماتديريش فيه اللون الابيض بكل .


وسلام للحلوين


بيكا حلوة الساعة قبل لاننسا مبروكة عليك



هلا ب
هنو السمحة نورتينا

اوو سورى عروستنا نحساب هنى هدرزة مايتعلق بالافراح نكرر اسفى

انا سألني قتله خاطري ايطاليا او فرنسا

وهو قال حيرفعني الاثنين ههه اسبوع ونص كل وحدة ههه

ان شاء الله يعني

طبعا اولا جايبتلكم صور لمدينة عين دراهم التونسيه جنوب تونس تقع هالمدينه على ارتفاع 1000 متر فوق سطح البحر وهىى مدينه مغطاة بالتلوج خاصة فى فصل الشتاء وهى تصلح لشهر العسل واهى مش بعيده علينا كا ليبيين
اولا نبدا على بركه الله






هذه صوره للقريه



شوفو بالله منظر الثلوج الله روووووووعه




هذه صورة للفندق من بعيد


هذه ماتسمى بقريه الفلين فى مدينه عين دراهم



وان شاء الله يعجبكم ياوخياتى

مشكورة هلبه ياماشية اصلا المدينه هذه معروفه فى تونس ويديرو فيها فى معسكرات المنتخبات وحبيت نصلحلك معلومه بانها مش جنوب تونس هى فى الشمال الغربي لتونس حدود الجزائروعموما بارك الله فيك عالمعلومه والصور الاروع من روعه

اوووووو سورى والله خطا مطبعى بمااننا كلنا نعرفو الجزائر غرب تونس هههه لاكن يلا

شوفوا اول شي ها الموضوع منقول من مركز مملكة بلقيس.


وعجبتني فكرة العروس بس تكون تفصيلت فيلوها نفس فيلو العروس وبنفس اللوان والقماش
ولكن انا الصراحة بعد ما شفت فكرة الكتاب امتاع المعازيم القيتها احسن وعملية اكتر بس شوفوا وقولو رايكم




وهنى الكروت عا الفستان وكل ضيف بيكتب عا الفستان كلمة او تهنئة.
:072::072::072::072::072::072::072::072::072::072:


:083::083::083::083::083::083::083::083::083::083::083::083::083:


:08::08::08::08::08::08::08::08::08::08::08::08: