la jolie;11386483:
انا لله وانا اليه راجعون ربنا يسكنه فسيح جناته ان شاء الله ويصبر اهله وخطيبك ان شاء الله معلش كل تأخيره وفيها خيره معلش يا ريومه وبأذن الله ربنا هيتمملك بخير متزعليش:091: :091: لا مشمعتش بصراحه ممكن يكون من الشارع اللى ورانا او ممكن اكون انا اللى مش عايشه فى الدنيا .
بالنسبه للستاير اللى انتى منزلاها جامده اوى ورقيقه بس المشكله عندى مودرن زياده عن اللزوم ومش عارفه هل البراقع دى ممكن تليق ولا كده ممكن اعوك بقى ؟؟؟؟؟؟؟:042::042::042:شوفتى اول صوره دى اللى انا حطاها ايه رأيك فيها دى ممكن تلايق عندى اوى
اصل انا اخويا اتجوز السنه اللى فاتت عقبالك ان شاء الله
وعامل فى اوضه النوم واحده زى اللى نزلتيهم دول بمبا فى ابيض بجد وهميه بس تعالى دلوقتى شوفيها مراتو هتجنن اتوسخت خالص بقت رمادى ولازم تجيب تانى بتاع الستاير يفك وتتغسل ويجى تانى يركبها وهياخد نفس اللى خدو تقريبا فانا مش عايزه وجع دماغ عشان انا بتخنق بسرعه :085::085::085::085::085: اصل انا ست المخنوقه :085::085::085::085: بصراحه الستاير اللى منزلاهم وهميه بس المشكله فى التنضيف
وبالنسبه لبتاع الستاير طبعا عارفاه وهل يخفى القمر بصراحه مدخلتلوش قبل كده بس هدخل اتفرج بس ماما قالتلى ان شاء الله هنروح الازهر فمش عارفه بصراحه انا هشوفو بردو
انتى نزلتى الازهر ومعجبكيش حاجه ولا ايه ؟؟؟؟؟؟
ولا مرحتيهوش خالص ومبرووووووووووووك عليكى مقدما يا قمر
لو مرحتيهوش انزلى اتفرجى وخدى فكره وفى ناس كتير هنا بتشكر فى قماش الستاير بتاعهم بصى يا ريومه
احسن حاجه عارفه لو معرفناش ايه نوع القماش الخفيف انا هعمل كده ان شاء الله تختارى صور الستاير اللى انتى عايزه تعمليه من الصور اللى عجباكى دى وتنزليها على الموبيل بتاعك وتوريهم للراجل يعملك زيهم بس وان شاء الله ربنا يكرم ونعمل الستاير ونخلص
سؤال بقى:
انا عايزه اعمل اوت لوك بس الاساس عندى ان شاء الله هعمل ستارتين خفيفه وتقيله واوت لوك تنفع تلاته تحت بعض ولا لا اصل عندى بيقولولى ايه ده كلو 3 مواسير تحت بعض وبعدين الحاجات اللى بتتعلق عليها الستاير بتتجاب منين المسوره دى ؟؟؟؟؟؟؟؟؟؟؟؟؟
F:
la jolie F:
جولي ياقمر انا برضوا عايزة اعمل حاجة مودرن من غير شغل كتير بس المشكله مش لقيه صور غير الصور دي ههههههههههه
الراجل بتاع الستاير اللي في الخارجة اللي راح خطيبي وبابا وانا مرحتش ومرحناش لسه الازهر ولا الوكاله وانا قولتلهم نروح نجيب القماش من هناك والمحل برضوا بيفصل عشان الراجل ده غالي مووووووووووت وانا لما انزل الازهر او الوكاله هاجي اقولكوا
المواسير علي مااظن من العتبة او الازهر او الوكاله وانتي ممكن تسالي الراجل اللي هتجيبي منه القماش بيكون عندهم خلفية
وربنا معاكي ياحبيبتي وتخلصي كل حاجاتك
جولي انا نسيت اسالك انتي جبتي السجاد؟
علوم;11386521:
ريومة يا قمر لو زى ما بتقولى يبقى هاتى 4 شبشب فلات وواحد منهم يكون غالى قوى علشان ينفع كسهرات لو رجلك وجعاكى اصل اختك عمرها مكان ليها فى اى حاجة ابو كعب علشان الجامعة والكلية ووقفة المعامل لاربع ساعات وكده وربنا يتملك على خير ياقمر وبصى بالنسبة لموضوع صاحب خطيبك اولا ان لله وانا اليه راجعون احنا برده كان موجود عندنا فى عاجيبى واصف شاب توفى فى حادثة برده ربنا يصبر اهله وممكن فعلا يأجل الفرح لبعد الاربعين ويتعمل الفرح على نص اربعة كده وربنا يتملك بخير عملتى ايه فى موضوع المسجد اللى هتكتبى فيه استقريتى ولا لسه
F: علوم F:
علوم ياقمراية انا طويله يعني 165 وبلبس برضوا كعب ههههههههه بس في السهرات والمناسبات بس بعد مارجلي اتكسرت مش بعرف امشي بالعالي زي الاول هههههههه عشان كده انا مش هجيب غير صندل الفرح العالي وبس عشان عندي صنادل وشباشب عالي كتير اوي
هو الفلات بس اللي هاجيبه وصندال الفرح ومعاكي حق الفرت بيريح جامد اوي
بنسبه للمسجد والفرح والله ياايمي خطيبي عارف ان انا نفسي في فرح حتي لو صغير عشان كده مش عايز يحجز المسجد غير لما يخلص الشقة كلها ويعرف معاه كام ساعتها هيشوف هنعمل فرح ولا كتب كتاب وهو عرف اسعار المساجد كده وبيسال علي القاعات وانا قولتله علي القاعات المتوسطة في حدود 4000 ج وفي اقل طبعا وربنا يسهل بقي ان شاء الله
وموضوع صاحبة ده هو لسه زعلان عشان مات موته وحشة اوي ربنا يرحمة ويصبر اهله
GANNA 23;11389901:
ازيكم يابنات وحشتونيييييييييييي اوى عاملين ايه وشكرا لكل اللى سالوا عليا جولى وريومة وسيما ربنا يخليكوا ليا انا بس كنت مشغولة شوية فى الشقة وكمان اجازة نص السنة كان اخويا محتل الكمبيوتر لوحده انا هحاول اتابع تانى واقرا اللى فاتنى
انا كنت فى ان اند اوت من فترة كده وصورتلكم سريرين مفروشين بطريقة حلوة قولت اوريهالكوا
الاوضة اللى جاية دى كان سعرها من 8000الى 10000 مش فاكرة خالص بس كان سعرها رخيص اوى وعجبتنى اوى النجفة اللى متعلقة دى
وايه رايكوا فى الشبشب ده
شوفوا كمان فوط المطبخ دى
GANNA 23;11390568:
فوط المطبخ دى انا جايباها من محلات 2.5 ج
ام دى اف انا سمعت قبل كده انه بيكون ورق كرتون مقوى ومعالج وعليه طبقة خشب بس انا مش متاكدة من الكلام ده وفى بنات كتير هنا فى المنتدى اشتروا من ان اند اوت وشكروا فيه جدا
F: GANNA 23 F:
جني جات :072::093::013::029::027::022::056::074::062:
ايه الغيبه الطويله دي ياجني واحشتيني اووووووووووووي :087:
متغبيش علينا تاني ياقمر علي فاكرة الاوض جامدة اوي
النجفة دي شفت زيها في معرض في شارع جنينة مول كده في عمارة كانت 600 ج علي مااظن بس كانت جااااااامدة اخر جاجة فوط المطبخ شيك اوي وشبشب روش مووووت
معاكي الحق الخشب ده فعلا كده
tota_10;11390140:
:032:ريومه:032:
:032:علوم:032:
:032:كلاسيك:032:
ميرسى جدا يا قمرات ..بس انا كنت عاوزة أسأل على حاجه هو لما الاقى سعر الذهب نزل لحد كام اقول عليه كده كويس ؟؟؟ اصلى معرفش خالص :040:
:032:
عندى سؤال يا بنات مهم .. هو الهدوم الشتوى لسه موجوده أصلا ولا خلصت خلاص ؟ عشان كنت عاوزة ألحق السيل
F: tota_10 F:
توتا ياقمر الحقي هاتي الهدوم وفي سيل كده قبل الصيفي ماينزل
ريري_84;11390405:
عايزة اسال يابنات يعني ام دي اف يعني هو النوع ده من الخشب وحش ولا ايه؟
F: ريري_84 F:
بصي ياقمر الخشب ام دي اف ده خشب صيني خطيبي شغال في مستورد وبيقولي ده خشب هاعمل زي الورق كده الكرتون مضغوط وحاجات كده مفهمتهاش هههههههه بس اللي فهمته ابعدي عن الخشب الصيني ده عشان ملوش امان ههههه
ممكن تخدي الديزين اللي انتي عايزة ونجار شاطر يعملك زيه وتكوني ضمانه الخشب ايه
يعني انا كان نفسي في اوضة مودرن وطبعا خطيبي فاهم الشغل ايه والخشب اخد الصورة وعملنا في معرض في مدينة نصر وصاحب المعرض كان عامل زيها بظبط كانها اهية اللي في الصورة بس مزود حاجات وكانت 13500 بس عشان خطيبي بينزله شغل حسبهالوا 10000
