ناني فيبس;11382549:
فعلا انا جايبه منهم في المطبخ دول تحفه عاملين زي الفلين او مطاط كدة
بيمصوا فعلا الميه وبيتغسلوا وكمان بيلزقوا في الخشب او الالوميتال هايلين بمعنى الكلمه احسن من بلاستيك والكلام دة
فيه رول كدة عباره عن مطاط او شبه الفلين مخرم خروم ضيقه اوي هايل هتلاقيه في كارفور وبيبقى لونه ابيض او لبني هايل دة للمطبخ
نيش مودرن مش بيتحط فيه اي مفارش خالص لا صغير ولا كبير
والجهاز المعطر دة عندي زيه هتلاقيه في كارفور معرفش سعره عندك كام بس مش هيقل عن 70 جنيه
وعلب العطر نفسه بتتغير سعرها مش هيقل عن 25 بس هايل بيخلي الريحه تحفة
والجاهز بتظبطيه على توقيت معين يفضل يرش لوحدة كل مثلا 5 او 7 او 9 او 15 دقييقة حسب انتي لما تظبطيه
ناني فيبس;11382591:
صورة شبكتي اللى مش بتتلبس خالص :085:
لان الكوليه ضخم وتقيل هو لوحده 70 جرام
والحلق ابوخ منه 20 جرام مش فاهمة ايه اللى خلاني اختارها بصراحة مش عمليه خالص
من طيبه الشبكة بس من طيبه دبي
هنا اقرب بس مش طالع التوينز
F: ناني فيبس F:
مرسي ياقمر انا هبقي اجيب المفارش والمعطر من سبانس او كارفور ربنا يسهل
وشبكتك مشاء الله عليها جميله اوي
انا عندي نفس الكوليه بتاعك كده بس الورد اللي فيها فصوص سمرة وابيض
والاسورة برضوا نفس بس علي قلب والفصوص حمرة لازوردي بالخاتم بتاعها
ومعاكي حق مش بيتلبسو هههههههههه
والله شبكتي والدهب القديم اللي عندي مش بلبسهم الا في المناسبات فقط
لولى & سمسم;11382629:
ميرسي جداااا يا ريومه ربنا يتمملك على خير يااارب ويفرحنا كلنا اللهم امين يارب
بس منطقة السواح بعيده عننا وعن اهل العريس
الحلميه والنعام مناطق كويسه ربنا يسهل يارب
F: لولى & سمسم F:
ربنا يجليكي يالولي ياقمر وربنا يتمللك علي خير انا اعرف قاعات كتير بس كلها معدية بعد 4000 ج
بصي في قاعة برضوا في مول علي مااظن الزعفران اوالسرايا في القبة مشهوار اوي بس بصراحة معرفش القاعة حلوة ولاايه
انتي ممكن تروحي بتاعت النعام عشان قريبه منك انتي روحي قهوة عماد هتلاقي سنتر كده هي بقي في الدور التاني او تالت مش فاكرة روحي شوفيها ويارب تعجبك
CuTie KaTkOoTa;11382630:
تقصدي القاعة اللي عند البنك الاهلي اللي واخد ناصية ده في السواح؟
بصي فعلا كنت لسه هقول علي مركز شباب اللي في شارع سليم منعند ميدان الحلميةده والمستشفي اللي تقصديها بتاع العظام والتكميل.
وبردو جت في دماغي القاعة اللي في متحف المطرية عند الملاعب اللي هناك دي.
وفيه واحدة في شارع موازي لبوسعيد بس هسألكم جوزي واقولكم، كانت تعتبر في الزاوية باين حضرت فيها مرة، بس انا مش بعرف في الاماكن اوي هناك فهسألوا هي فين بالظبط.
وفيه اظن عند مترو سراي القبة قاعة افراح بردو.
ممممم هفتكر فين تاني كمان شوية كده اجمع بس
F: CuTie KaTkOoTa F:
اه ياكنكوته ياقمر انا قصدي علي القاعة اللي عند البنك الاهلي انا حضرت فيها بس من زمان معرفش جددو فيها ولا ايه
nosha_2000;11383569:
يا واد يا جامد انت يا بتاع الحاجات الامريكى هو با ريومة انا اعرف ان الكريتين دة مش فرد قد ما هو علاج دة اية بقى الهتستعملية انتى فرد و لا علاج ؟؟؟
بصى فى دة اهو موجود فى اى صيدلية او سوبر ماركت و مش غالى و الرش فى بنفسك لكن التانى بيشتغل لوحدة و دة.. فى منة نوع "جاف للمطبخ و الحمام"
وفى نوع غالى بيكون شكلة كدة الرش فى بمؤقت زمنى يعنى بيطظبط على الميعاد النتى عايزة
بنات انا لسه جاية من دار المدفعية انتم عارفغين انا بابا ظابط و كدة روحنا اتغدنا هناك و عاملين حتت قاعة جدبدة ملهاش حل بس واضح انها غالية اوى اوى اوى
اما القاعة بتاعت حورس هى قدمها جنينة كدة فاعملين زى اقواس كدة كلها نور لونة ابيض و العروسة ماشية جوا الجنينة دى فى الزفة كان شكلها قمر اوى مشاء الله و اعقبالكم كلكم يارب الواحد نفسة اتفتحت على الجواز يارب كلكم:04: كلكم تجوزا بس كيتى كيتى الاول علشان غلبانه زى:06: بقلها كتيرررررررررر و بطة علشان تفرح و متبقاش زعلانه ريومة و جولى
اعمل فيكم اية مش قولتلكم حد يقولى اعمل اية لخطيبى فى عيد ميلادة ؟؟؟
nosha_2000
كسفتني يانوشا:o ههههههههه عامله ايه ياقمر وايه الاخبار الجامدة دي بتاعت القاعات الجديدة دي ده انتي اللي جامدة:K: وعقبال ماتعملي فرح فيها ان شاء الله ياقمر وتكوني احلي عروسة ومرسي علي الدعوة الجميله دي اللي جايه في وقتها هههههههه اصل حاسه اللي انا خللت هههههههههههههه
هدية ممكن تجيبي تورتيه علي شكل قلب وتكتبي كلمتين حلوين كده
وكمان ترنج شيك اديدز او بومة او اي ماركة
او تيشرت سبور وبنطلون سبور
ال chi يانوشا ياقمر فرد وعلاج في نفس الوقت وبصراحة جميل انا هموت واعمله بقي هههههه وان شاء الله هاعمله علي نص 3 كده وهبقي اقولكوا الاخبار ايه وانا كلمت الست اللي هتعمله وطبعا مشفتش شعري انا وصفت طوله قالت 1400 عشان هو طويل شويتين
Heba 87;11383627:
علي فكرة القاعه اللي في السنتر اللي قدام قهوة عماد دي جميله جداااااااا
كنت عاوزة اعمل فيها خطوبتي بس احنا حددنا المعاد متأخر وكان علي العيد وكله محجوز
القاعه اللي في نادي المطريه مش حلوة علي فكرة .. حضرت فيها شبكة قبل كده ومكانتش حلوة
ولا اللي في منشية التحرير برضو .. مش حلوة خالص
F: Heba 87 F:
بجد ياهبة ياقمر القاعة جميله اصل لما رحت انا وصاحبيتي عشان نسال علي القاعة ساعة خطوبتها كان في فرح جوة وطبعا اتكسفنا ندخل نتفرج عليها
بس مش فاكرة الاسعار ايه ممكن تقوليلي كام وشامله ايه عشان الزهايمر ههههههههه
الأُمومة;11384525:
يابنات اللى بيفكر يعمل (كراتين _ او CHI)
يتحرى عنهم كويس جدا جدا لأنى سمعت فى مواضيع ان الــ CHI
فيه مواد مسرطنة والكراتين لا ومدحوا فى الكراتين
والعكس قريته دلوقتى
ده غير ان المواد دى الغير أصلية والتقليد داخلها كيميائى وبتعمل مشاكل زى البرمنانت وأكتر
أنا عن نفسى احتارت ومش عارفة اعمل ايه !!
F: الأُمومة F:
بصي ياقمر انا سالت علي الاتنين لقيت الكراتين مش مضمون عشان مغشوش بس الchi الحمدلله كله الاصلي مش مضروب وارخص كمان من الكراتين وامان وهو فرد وعلاج في نفس الوقت وهو احسن من الكرايتن بكيتر
وانتي ممكن تروحي كوافير كبير ومشهور ويقولك كراتين الاصلي وتدفعي 1500 او 2000 او اكتر ويطلع في الاخر المضروب وشعرك يبوظ وفلوسك تروح في الارض عشان كده الchi اضمن
noogy;11384607:
انا هقول اللى اعرفه عن ال CHI
انا فى واحدة كوافيرة اعرفها بتستخدم منتجات الشركة دى وبتقول عليها انها حلوة جدا
واسعارها بصراحة غالية مش رخيصة
يعنى المكواة بتاعة الشعر بتاعتهم ب 800 او 900 جنيه تقريبا ودى مش بتحرق الشعر لو اتغسل زى الباقى
والكيرايتين احسن حاجة لحد دلوقتى فى فرد الشعر
بس طبيعي ان لكل حاجة فوايدها وعيوبها
وده من معلوماتى المتواضعة عنهم :040:
F: noogy F:
فعلا هي غاليه عن انواع الفرد التاني وارخص من الكراتين عشان الضجة اللي معموله علي الكراتين دي وانتي مش ضامنه انه الاصلي ولا المغشوش الchi معروف ومش بيتغش خالص
ريري_84;11385105:
والله ياريومة ياحبيبتي احنا عندنا زيها في البيت بتظبتلها الوقت بس والله صدقيني بطلع ريحة ساعة مابترش بس وبتشتغل بالبطاريات عارفة انتي ممكن تجيبي الفواحة احلى اللي بالشمع كمان احلى من الكهربا لان ريحتها بتبقى ثابتة اوي في البيت
F: ريري_84 F:
مرسي ياريري ياقمر علي ردك طيب الفواحة دي اجبها منين من محلات العطور ولا ايه؟
يبنات سؤال مستعجل ضروري ورد عليا بسرعة بابا وخطيبي راحو محل بيفصل ستاير قالوا هاخد علي المتر 70 ج كده كتير ولا قليل ولا ايه من فترة كنتوا بتكلموا علي الستاير وسمعت اسعار خيالة المتر 5 ج هههههههههههه طبعا فرق شاسع الاسعار ايه وانواع القماش ايه عشان انا هجيب قماش خفيف بيج وقماش تقيل بني انواعة ايه بقي بس تليق علي المودرن والانتريه اللي منوله صورته في الديكور
