¸.•~ تجهيزات عرائس ( مصر ) لشهر ربيع الأول 1431 - 2010 م / الجزء = 145 ~•.¸

kitty_kity;11379702:
كتكوت
انا بتاعتي سايبر شوت
هنا ف كارفور ب800 جنيه
وبره ب600 ريال فهنا اوفر
وكدا كمان الضمان يبقى هنا وده احسن طبعا

يارا...انا بكره الدهب اكتر منك ههههههه
تاني حاجه...ده دهب الشبكة :) الي ماتلبستش من يوم ماجت ههههههههه
انا عندي دهب كتير جدا لان مامتي من عشاقه
انا بقولها انتو مشييلني ذنب كدا...الدهب بتاعي معدي النصاب ومش معايا اطلع عليه زكاة ههههههههه
فهي بتطلع مع بتاعها بقى...
ف كل مناسبة ليا بيجيبولي دهب
وتقولي الدهب زينة وخزينة هههههههههههه حكيمة اوي اصلها هههه حكيمة...بتدي حقن ههههههههههههههههههههههههه
دي صورة شبكتي بس قولوا ماشاء الله يابنات :)
انا ماحبيتش احط دهبي معاها عشان تبان الشبكة لوحدها
فمش حطيت دهبي ولا فرجته للناس اساسا...غير تقريبا بعدها...وانا ماكنتش حابه بس اهلي واهل خطيبي قالوا المفروض كدا...فحطوا بقى علب دهبي...وصوروها معايا وبقية عاملة زي تجار السمك ههههههههههههه


الطقم الاصفر لازوردي
والابيض دهب طيبة
والسلسلة القلب دي هي الي خطيبي جابهالي هدية...ماشاء الله روعه عامله زي التل كدا بس دهب
التل ده دهب احمر
والقلب دهب ابيض
والدواير الي فيه دهب اصفر
جميلة جدا بس بخاف عليها اوي لانها عايزة استعمال نضيييييييييييف
استعمال طبيب ههههههههه
والانسيال الي تحتها برده واحده بيضا وواحده صفرا وواحده حمرا

والسلسلة الي فيها حرف M هدية منه برده...اكتشف فجاه انه ماجبليش حاجه عليها حرف ام ههههههههه

شكرا كتيييييييير يامشمشه تامر eng_bobربنا يخليكوا انتم اللي عبرتوني
بس ياريت بجد حد يرد عليا
عايزه اسال سؤال حيرانه فيه جدا جدا ياريت لو حد يعرف يجاوبني احسن هتجنن دلوقتي انا ان شاء الله هنبني والشقه مساحتها 141متر هنعمل دور ارضي ودور فوقه وهنشطب الدور اللي فوق بس دلوقتي لكن الاساسات هتكون لاربع ادوار فاهمين طيب سؤالي بقي الدورين دول يتكلفو كام
ارجوكم ردوا عليا او حتي اسالولي احسن محتاره وقلقانه جدا واللي يرد عليا ربنا يخليها وهدعيلها كتيييييييير

لا يااشري انا لسه بكره الدهب هههههههههههه مش لابسه حتى حلق
هي الدبلة والمحبس بسسسس
ولولا ان الدبلة واسعه وبتقع من غير المحبس كنت قلعته

يارا
سعر الدهب بقاله فترة بيتأرجح ف الرينج ده
انا عديت ههههههه
انا جايبه شبكتي لما كان الدهب ب105...كان ساعتها جرام الدهب ف شبكتي ب145 علشان نوعه
ومصنعيته كمان كانت اغلى
الدهب العادي كان ب9 جنيه المصنعية
ده كان ب20
وكنا مستغليين الدهب
دلوقت بنقول الحمد لله احنا نفدنا ههههههههههههههههه

كيتي ويارا انتوا كمان بتكرهوا الدهب زيي هههههههه، انا برضه مش لابسة غير الدبلة وحلق بتاعي من وانا صغيرة
على فكرة انا جبت الشبكة بتاعتي من سنة بالظبط النهاردة، يبقى كدة المفروض اطلع زكاة ولا اعمل ايه؟؟؟
وهتكون كام؟؟؟

ابتدي احضر لفستاني من امتى ان شاء الله، انا كدة فاضلي اقل من 3 شهور باذن الله

كيتي

انا برضه جبته ف الحدود دي او اقل كمان شوية

كان الدهب غالي شوية ساعتها ونزل رحنا شاريين ف رمضان

عندنا امل ينزل تانى ف رمضان برضه انا متغاظة بجد


امة الرحمن


لو الدهب يا قمر عدي النصاب

انا معرفش كام اكيد كيتي تفهم اكتر مني :D

بالنسبة للفستان اعتقد كمان شهر او اتنين كده ان شاء الله

تبتدي تنزلي تبصى على الاذواق وكده لأن لازم تكوني

مقررة وحاجزة قبل شهر او اقل حاجة بسيطة

ربنا يتمملك بخير عقبالي انا وكيتي وكل اللى خللوا زينا



ميرامية

يا قمر سلامتك من الجنان

بس السؤال ده عايزة بنّا مش بنات :D

لأن احنا مش بنفهم اوى ف الحاجات دي


يا بنات طيب انا كمان مش بلبس غير الدبلة والتوينز

ومن زمان قالعه الحلق وبكرهه اصلاً

بس عايزة احرم ودني تانى علشان حلقان الدلع وكده

بتوجع دي ولا ايه ؟

طيب انا مستنية كيتي، وعلى فكرة يا كلاسيك انا هفصل مش هحجز عشان كدة بسال ابدا امتى، انا بفكر ابتدي على نص 3 ان شاء الله عشان الاتيلييه اللي بعمل عنده بتخلصني بسرعة اوي ماشاء الله والشغل مظبوط، ادعيلي
ويارب يا يارا انتي وكيتي تحددوا ميعاد فرحتكم قريبا غير اجلا يااااااااا رب

بنات انا محتاجة كمان صور لفة زفاف عادية مش اسبانش

أمة الرحمن
قيمة نصاب الذهب 85 جرام ياقمر
يعني لو دهبك معدي ال85 جرام يبقى معدي النصاب فبتطلعي عليه الزكاة
وفي خلاف
في ناس بتقول الزكاة على الذهب المكنوز بس
وفي بتقول على اي دهب
انا وماما بنحب ناخد بالاحوط
لكن كنت بقولها انا حاليا ماملكش الي اطلع بيه زكاة لاني مش بقبض ولا ليا دخل
هل كدا يبقى عليا زكاة ولا لا
اصل لو كدا انا هيبقى عليا حوالي الف وشوية زكاة ... فهل انا ملزمة بدفع الزكاة؟ مش عارفه

اممم عشان المخالفة
انتي هتعملي فستانك فين ياجميل وبكام
لاني بفكر افصل برده

ام الرحمن


لو انتى مختارة الموديل وكله تمام وهي بتخلص بسرعه

خلاص خليها تبدأ فيه بس مش بدري اوى علشان مش يتبهدل من الركنة

وقوليلي التفاصيل او ابعتيهالي اصل انا برضه نفسي افصل

بس خايفة بعد ما افصله الموديل يطلع مش حلو يعني انتى قستي

حاجة زيه ولقيته حلو ولا النظام كان ازاى

بالنسبة للطرح دول يا ستي اللى عندي كان فى حد منزلهم

ممكن تبقى بطة ودول اللى عجبوني وانا ناوية اعمل حاجة كده ان شاء الله

لأني بحس ان الاستبنيش ده مش حجاب

Eng. BoB;11367716:
انتى ماتجيبيش اصلا الا الطقم الصينى ده للضيوف والنيش وطقم أركوبال أو الحاجات الجديدة اللى طالعة دى وده لاستعمالك كل يوم وخلاص ...
على فكرة دول كفاية قوى بجد ومش محتاجة حاجة تانى معاهم
ولو حاسة انهم قليلين او بتحبى تنوعى ممكن تجيبى طقم عشان صغير وخلاص بس كده

ميرسى يا قمرية وفعلا ماما قالتلى كده بس قولت لما اشوف بردو رايكم انتم كمان ايه ...
يابنات هى المارش السيرما اليدوى بتتباع فين و فى حدود كام:072::072::072::072:

kitty_kity;11378782:
الهدايا كتير غير البرفيوم ياقمر :)
ممكن تجبيله حاجه لبس..والسيل شغال الله ينور اهو ههههههههه
ممكن تجيبيله ماكينة حلاقة كهربا
ممكن ميدالية فضة
محفظة جلد شيك
حاجه بيحتاجها...ام بي ثري مثلاوتحطيله عليه القرأن..
ساعه
دي الحاجات العملية

ممكن اي حاجه حلوة تعجبك تجيبيهاله..نا بعمل كدا
لو ماشية ف الشارع وعجبتني لعبه عايزة اجيبهاله بجيبها

تصدقى انا دخلة النهاردة اسالكم اعمل اية خطيبى عيد ميلادة يوم 1 اول الشهر مش عارفة اعمل اية انا غالبا جبت كل الحاجات الكيتى كتباها دى قبل كدة يعنى قبل كدة جبت الساعة و مرتين برفيوم و مدلية فضة و اخر مرة جبت تيشرت من or و معاة mp3 و معاة محفظة نايك دماغى وجعانى مش عارفة اجيب اية المرة دى طيب اية رايكم فى ترننج من اديدس و معاة السبراى وبتاع الحلاقة و البرفيوم ؟؟؟ انا اصحابى بيقولو مش لطيف انك مخطوبة و تجيبى ترننج بس محدش فاهم انا انا عايزة اجيب البيكون بتاع خروج البيتراح فى الجيم انا محتارة بجد المهم عايزة اعرف رايكم و العندو افكار يقول من فضلكم

انا سالت ماما والشبكة مش معدية النصاب فالحمدلله مش في زكاة عليا، بس بالنسبة لسؤالك مش عارفة يا كيتي
ممكن تخلي والدتك تدفعهوملك على اساس انها هي و والدك اولياء امورك وممكن تخليها تدفعهوملك على اساس السلف يعني

انا هعمل الفستان في اسكندرية عند نفس الاتيلييه اللي عملت عنده فستان الخطوبة وكتب الكتاب، انا فاكرة اني كنت باعتالكم تفاصيله عشان بتاع كتب الكتاب كان عاجبكم
واسم الخياطة مدام فاطمة عبدالفتاح، شوفوا كدة لو مش عندكم ابعته تاني
و ان شاء الله مش ناوية اكلفه كتير عشان انا هعمله اميريكان وهادي كدة ومش فيه تطريز كتير يعني ممكن اكلفه الفين ولا حاجة بالكتير اوووووووووي

يللا شوفوا لو مش عندكم ابعته دلوقتي

أمة الرحمن
لو عندك صور فستان خطوبتك وكتب الكتاب ابعتيهملي ياريت لو ينفع مع التفاصيل

انا مش قست حاجة يا يارا بس انا عارفة جسمي وعارفة ايه اللي يليق عليه، كمان انا جربت المنفوش في الخطوبة والسيمبل في كتب الكتاب والسيمبل كان احلى كتيييير الحمدلله
و انا اصلا جسمي زي الموديلز شوية الحمدلله يعني، طويلة ومش مليانة اوي فحاجات كتير هتليق الحمدلله :040::040:
كمان هي اصلا بتقوللي الحاجات اللي تليق والحاجات اللي لا


و ميرسي اوي عالصور، انا زيك برضه مش بقتنع بالاسبانش دة خااااااااااااااااالص، وياريت لو بطة فعلا صاحبة الصور تبعتهالي من غير تظليل عشان تكون واضحة اكتر

nosha_2000;11380305:
تصدقى انا دخلة النهاردة اسالكم اعمل اية خطيبى عيد ميلادة يوم 1 اول الشهر مش عارفة اعمل اية انا غالبا جبت كل الحاجات الكيتى كتباها دى قبل كدة يعنى قبل كدة جبت الساعة و مرتين برفيوم و مدلية فضة و اخر مرة جبت تيشرت من or و معاة mp3 و معاة محفظة نايك دماغى وجعانى مش عارفة اجيب اية المرة دى طيب اية رايكم فى ترننج من اديدس و معاة السبراى وبتاع الحلاقة و البرفيوم ؟؟؟ انا اصحابى بيقولو مش لطيف انك مخطوبة و تجيبى ترننج بس محدش فاهم انا انا عايزة اجيب البيكون بتاع خروج البيتراح فى الجيم انا محتارة بجد المهم عايزة اعرف رايكم و العندو افكار يقول من فضلكم

نوشه يا قمر وحشتني يا جميلة كيتى انا فكرت وقررت انى اجيب لخطيبى روب اللى هو بيكون قصير كده واخترت اجيبله لون نبيتى غامق و معاه ماكينة الحلاقة الكهربه دى بس مش عارفة هتكون فى حدود كام ؟ :ok:

kitty_kity;11379702:
كتكوت
انا بتاعتي سايبر شوت
هنا ف كارفور ب800 جنيه
وبره ب600 ريال فهنا اوفر
وكدا كمان الضمان يبقى هنا وده احسن طبعا

دي صورة شبكتي بس قولوا ماشاء الله يابنات :)
انا ماحبيتش احط دهبي معاها عشان تبان الشبكة لوحدها
فمش حطيت دهبي ولا فرجته للناس اساسا...غير تقريبا بعدها...وانا ماكنتش حابه بس اهلي واهل خطيبي قالوا المفروض كدا...فحطوا بقى علب دهبي...وصوروها معايا وبقية عاملة زي تجار السمك ههههههههههههه

ما شاء الله ولا حول ولا قوة إلا بالله يا كيتي حلوة اوي يا قمر وكفاية انها من الغالي :041::041::041::041:

بقولك انا لما باجي ادور بدور علي السايبر شوت بس في نفس الوقت تكون عدستها فاريو تيزار زي ما كتبت المرة اللي فاتت عشان دي احسن حاجة، ودي بلاقيها في حدود ال 1500 مش بتقل عن كده، لكن لو سايبر شوت وبس العدسة بتبقي عادية بلاقيها اه ارخص من الالف فعلا

amatalrahman237;11380627:
انا مش قست حاجة يا يارا بس انا عارفة جسمي وعارفة ايه اللي يليق عليه، كمان انا جربت المنفوش في الخطوبة والسيمبل في كتب الكتاب والسيمبل كان احلى كتيييير الحمدلله
و انا اصلا جسمي زي الموديلز شوية الحمدلله يعني، طويلة ومش مليانة اوي فحاجات كتير هتليق الحمدلله :040::040:
كمان هي اصلا بتقوللي الحاجات اللي تليق والحاجات اللي لا


و ميرسي اوي عالصور، انا زيك برضه مش بقتنع بالاسبانش دة خااااااااااااااااالص، وياريت لو بطة فعلا صاحبة الصور تبعتهالي من غير تظليل عشان تكون واضحة اكتر

ازيك يا قمر، بقولك لو انتي مشتركة في جروب الفيس، ادخلي واتفرجي علي صور سويتي لولا، هتلاقيها اخدت نفس شكل اللفة الي حطتوها من شوية وغيرت فيها بسيط وعملتها في فرحها، وانا بقي عملت سبانش بس مش اوي وغطيت الرقبة يعني قفلتها من تحت.

بس شوفي بتاعة لولا كده.

medowawa;11379172:
ميرسى يا كيتى على الرد ياقمر لاحسن انا ابيض فى حكايةالهدايا دى :025: بس تصدقى كلامك صح:ok:كنت بسال الستاير فى الوكالة احسن ولا الازهر وبردو قماش التنجيدبتاع الصالون
بصي انا بحب الوكاله بس فصاااااااااااااااال جامد,,لان السرقه للركب
بس الازهر في بنات قالت ان في كام محل مميزين فروحي وبصي عل ال2

شكرا يا ميدو بس تفتكرى انا محتاسة جدا يعنى مش ماشية بالترتيب فى الجهاز يعنى لما مثلا بشوف حاجة فى الفرش اوى المطبخ او حتى اللانجرى بجبها تفتكرى كدا احسن ولا بند بند:072::072::072::072::072::072:

مبروك يابنات الجزء الجديد ويارب الكل يستفيد منه وبالتوفيق ان شاء اللهوعلشان المخالفه ممكن حد يقول احسن انواع اللحاف الفايبر ايه ومنين اجيبه واسعاره ايه

kitty_kity;11378892:
الصواني التيفال ممكن كدا وممكن كدا
موجوده فرداني وموجوده اطقم
بس الاحسن هاتيها فرداني عشان تجيبي الشكل والمقاس الي يعجبك
الطقم مثلا تلاته مدورين...مش هتحتاجي تلاته مدورين وتجيبي كمان تلاته مستطيلين
ليه يعني ؟ كتير
فالاحسن تجيبي فرداني والي تحتاجيه

ميرسى يا كيتى يا قمر و فعلا عندك حق بس انا فعلا حابة انى اصنف فى الصوانى يعنى الاشكال و الاحجام :ok::ok:

اشرى;11379598:

فردانى افضل عشان تختارى المقاسات الى على كيفك وراعى ان المقاسات تكون صغيرة بلاش الكبيرة اوفر واحدة بس كبيرة والباقى صغير افضل لان كلهم بيقولوا ان هو دة الحجم الى احنا بنستخدمة فى الاول انا جايبة 2 مستطيل وواحدة مدورة ((بحب المستطيل اكتر عشان اسهل فى التقطيع )) وجبت 3 مدور المونيوم و3 مستطيل كمان و3 بسبوسة و3 بيركس

انا مش مسئولة عن الاعداد دى ماما هى الى جابت انا كل الى جبتة بيركس وبورسلين هههههههههه وتيفال بصراحة

:037::037::037:

حلوين بسم الله ما شاء الله يا جميلة بردو ماما عايزة تجيب من كل نوع طقم بقنعها كل ده هيتشال فين :085:عند الجيران ولسه الطاسات دى كمان طقم ولا ايه ؟:072::072: