ريري_84;11354647:
بنات لو سمحتم هو السبت الخوص بتاع الغسيل البامبو حلو وعملي ولا لاني كل مقول لماما عليه تقولي ده حيبوظ افردي كان الغسيل مندي ولا حاجة حيبوظ منك وبقولها منا ممكن اخليه في اوضة النوم وبتقولي البلاستيك عملي وانا اشكال الخوص عجبني موت لو حد يابنات متجوز يقولي تجربته بليز بدل مشتريه على الفاضي لانه غالي كمان
فعلا كلام مامتك مظبوط السبت الخوص دة لو مصممه يبقى حطيه في الاوضه ومايجيش ناحيه الميه ابدا لحسن بيعفن
وفعلا انا جايبه البلاستيك عملي ونضيف
emoosmsm;11355407:
الاقي فين يابنات محلات شنط تقليد الماركات العالميه ؟
في محل في الملحق التجاري لهلتون رمسيس في الدور الرابع تقريبا
pharm4;11356183:
وكمان الف شكر يا نانى فيبس وعاوزة اسالك على حاجة السيشوار دة جايباه منين فى دبى وممكن الاقيه فى كارفور دبى وهل ينفع اشيل الفرشة بتاعته واستعمل السيشوار فى تنشيف الشعر او لما اعمل حمام كريم وللا لا
العفو يا حبيبتي
جيباه من شرف دي جي محلات اجهزة كهربائية منتشرة جدا في دبي وهتلاقيه في كارفور وينفع يتشال الفرشه وهو معاه كذا قطعه مش الفرشه بس
معاه جزء كمان زي المشك بيخلي الشعر ليس ومعاه قطعه بتعمل الشعر كيرلي
ومعاه فرشتين دوارة وحدة كبيرة للشعر الطويل ووحدة صغيرة للشعر القصير
حبيبة كريم;11356392:
الله ياببارك فيكى يا جميله بس اعمل ايه حماتى لما عرفت انى نازلة اجيب حاجات عرضتت تيجى معايا وخطيبى قالى خالى ماما معاكى وكمان العربية هتسهل عليكى اتكسفت ومعرفتش ارد وطبعا حماتى راحت قالت لامرات ابنها التانى مش عارفة اعمل ايه بس :064::070:
انزلي معاهم عادي واتفرجي واهو تلفي كذا مكان وتخدي منهم فكرة عن الحاجات واشتري كام حاجة عاديه عشان بردوا ما يضيقوش وبعد كدة ماتبقيش تقولي قدام خطيبك انك نازله غير مع مامتك او اختك
وكمان متقوليش لخطيبك انك قصدتي ماتشتريش وهما معاكي لا عشان ممكن يزعل خليها عادي اعملي كدة وماتحكيلوش اي حاجة غير انك لفتي وشفتي محلات وخلاص
اي حاجة بتمس عيلته اكيد هتضايقة وخصوصا لو جيتي ناحيه مامته كله الا مامته اي راجل في الدنيا يحب ان مامته دي تبقى فوق الراس فأنتي حسسيه بكدة دايما
semsema_semsemy;11356714:
عندى استفسار تانى يابنات معلش
بالنسبه للأوتيل اللى هيبقى فيه الفرح المفروض انى هروح قبل الفرح باسبوع مثلا ان شاء الله اقولهم على الديكورات اللى انا عاوزاها فيه
عاوزه افكار لتزيين التربيزات وافكار للكوشه
هى الكوشه كنبه مش كرسيين
ومثلا لو هحط ورد او كده على كل تربيزه هيبقى من ضمن التمن اللى دفعناه فى القاعه ولا احنا اللى هنشيل تمن الديكورات دى
معرفش سؤالى فى المكان المناسب ولا لا بس ياريت تفيدونى
بصي يا قمر اي اوتيل بيكون البكدج بتعته شامله الحاجات العاديه ( الاساسيه ) وبيبقى عنده كتالوج فيه اشكال لو انتي عايزة تبدلي الحاجات الاساسيه دي بحاجات تانيه وبيكون ليها سعر مختلف بيزيد على سعر البكدج
يعني البكدج فيها شكل سنتر بيس بسيط اوي مش عجبك هو هيوريكي الاشكال التانيه وانتي هتختاري بس هيحسبك ان سعر الوحدة مثلا 20 جنيه وهتشوفي عندك كام ترابيزة ودة هيبقى حساب زيادة عن اللى انتي دفعاه وهكذا نفس الشيء مع الكوشه لو هتغيريها مع بقى الحاجات الاضافيه المتاحة عندهم كل حاجة بحسبها
دلوعة الغالى;11356749:
بنات هى دى الحاجات اللى اشترتها النهاردة
ده شيماء وياسمين للسرير الاطفال
ودى لسرير اوضة النوم شيماء وياسمين بردوا
ودى ملايات شكل تانى ملايتين مع بعض شكلها حلو اوى
دى كوفرتات اطفال عجبتنى اوووووووووى
دى بقى فوط مطبخ
وجبت طقم حلل صاج بس مش صورته
هااا ايه رايييييييييييييييييييكم
تحفة تحفة ذوقك شيك اوي ماشاء الله
مبروك عليكي يا قمر
emoosmsm;11357115:
[QUOTE=دلوعة الغالى;11356749]
طيب افيديني بقى انا اخويا بياخدنا معاه بالعربيه انا وماما و (( مراته )) عشان اشتري حاجتي
والى الان كل ماأجيب حاجه مراه اخويا تجيب زيها !!!!!!!
هي متجوزه بقالها سنه ونص وحاسه انها بتجهز معايا وحاجتي بقت عندها زيها بالضبط
قوووووووووووووووووولوي ده عادي .... اصل فعلا لقيت كل البنات وصحباتي يقولوي حاجه العروسه مفاجأه وكده... طيب اعمل ايه.....
هو الشتوي خلص من المحلات ولا ايه ؟
بصي يا حبيبتي لو هي بتشتري معاكي اكيد رفايع لبس او حاجات مطبخ كل دة عادي يعني كل الناس عندها نفس الحاجات ما انتي مش بتجيبي من محلات بتعملك الحاجة مخصوص
بلاش تحطوا في دماغكوا الحاجات الصغيرة البسيطة دي
وبعدين حاجاة العروسة بيكون بقى الشقة والعفش وتنظيمه وديكورتها لكن مش هيبصوا على لبس وحاجات مطبخ يعني مش للدرجة دي
وهي كدة كدة حاجاة العروسة الناس بتشوفها بعين مختلفة متخفيش
