medowawa;11558375:
بصي يا حبيبتي المفروض اننا نتعامل مع حماتنا زي امنا ..كل اللي انت شفتيه ده هي عاوزه تقربك منها
امال لو شفتي الحموات اللي على حق
يابنتي احمدي ربنا
وانت اصلا طبيعي بعد الجواز بتفكي شويه وبتتعلمي تجاملي
يعني انا قبل الجواز كنت قفل اوي ومش بعرف اجامل خالص وعيلة جوزي مجاملين لاقصى حد
وكنت قفله ومابتكلمش
بس اتعلمت ولازم الانسان يكون فيه نسبة مجامله اصلا
لانك بتتعاملي مع مامته واخته وجوز اخته واهله كلهم لازم تتعلمي بس ده مش بالغصب ده بييجي مع الوقت والحياه بتكبر
وبعدين بكرى حتدخلي ابنك المدرسه ولازم بردوا تجاملي المدرسات وتجاملي مشرفة الباص
وتجاملي جاره بتحب تكلمك او تسلم عليك
يعني هي صح مش غلط
انت بس ماتوتريش نفسك وصاحبيها مش يمكن تبقى كويس,,وتبقى فعلا تعتبرك بنتها
حطي نفسك مكانها هي لوحدها مع جوزها مبسوطه بمرات ابنها وجواز ابنها
انت تحبي مرات ابنك تقول عليك كدى
ايه يعني لو نزلت اتفرجت وقالتلك شافت حاجه عجبتها شوفيها كدى
وليه ماتعتبريش انها اكبر منك ومعرفتها بالحاجه اكتر
وحتى لو نزلت قبلك شافت الدهب يمكن عاوزه تشوف الاذواق هي كانت فرضت عليك حاجه في الشبكه
وبعدين احنا مش داخلين حرب ,,ده جوزك وسعادته واستقراره النفسي بان علاقتكم مع بعض تبقى كويسه
وحيشيلك على دماغه لما تشيليها وتحترميها وخدي بالك مسيرك في يوم تبقي حماه وكما تدين تدان
ولما تحضي جوزك على طاعة مامته وعلى طول تخليه يقوم بالواجب معاها والله يابنتي حتلاقي حياتك انت اتصلحت لان هي حتدعي لابنها
وشوفي دعوة الام لابنها ازاي
انا دلوقتي ام وتعبانه مع ولادي وعرفت ان الموضوع مش سهل اكبر انا واربي وبعدين جت مراته تاخده ويتجوز ماليش انا في حياته اي مكان يلغيني كدى وينساني
ازاي وتعب السنين والسهر
يعني اكون في حياته مااتلغيش منها كدى بس في حدود ويمكن هي بتعمل كدى بحب
وبعدين مين اللي قال ان العريس وانتم بس اللي بتلفوا طب ماهو العفش بفلوسه وانت قلت هي تبص عل الاجهزه ليه دي بفلوسي يبقى انت اهلك مايروحوش معاك عشان في اوض بفلوسه هو اللي جايبها
وبعدين لازم طبعا يروحوا يشوفوا عفش ابنهم ويتفرجوا ويفرحوا
ياجماعه امه وابووووووه
هو ايه اللي بيحصل في الدنيا
ماتزعليش مني بس والله انا عاوزاك تبداي حياتك كويس وعلى حق لان في اول الجواز لما بتشوفي مشاكل وبيبقى في بينكم عداء مابيتنسيش ومهما بقيتوا حلوين اللي في القلب في القلب
فعشان خاطر حياتك وجوزك وولادك راعي حماتك وحماك
ولو هي وحشه اوي ساعتها تجنبيها بس ماتحرضيش ابنها عليها
والوحشه دي انا اقصد بيها حماه تمد ايدها على مرات ابنها او حماه تهزا مرات ابنها في بيتها وتعايرها
والله موجودين
انت حماتك كدى احمدي ربنا وراعيها عشان خاطر ربنا يراعيك
وربنا يوفقك
ماشاء الله يا ايمي كلامك عين العقل انا معاكي في كل كلمه قولتيها ودة عين العقل والصح واللى المفروض كل بنت داخلة على جواز لازم تكون حاطاه في دماغها كويس اوي
عيلة جوزك دول وخاصة امه وابوه مش اعداء لا دول لازم يكونوا من نفس معزة وغلاوة مامتك وباباكي
ولو انتي ليكي اخ ومراته سمعتيه بتقول كدة على مامتك ولا بتعاملها بطريقة مش لطيفة شوفي انتي نفسك رد فعلك هيكون ايه
ياريت يا بنات نحط نفسنا في الموقف قبل ما نشتكي منه او نحكم عليه
الجواز دة حياه جديدة جميله مش حرب
SmSm27;11558377:
ازيك يا قمر
بصي اولا مضايقيش نفسك
كل الناس كدا
انا زميلتي في الشغل مش قادرة اقولك بتعمل ايه
اولا فعلا بتنزل تتفرج علي كل حاجة تتخيليها لدرجة انها بتتفرج علي ادوات المطبخ وتقولها انا عاجبتني حاجات في المحل كذا روحي هاتيها او تجيبها وتديهالها
امبارح اتفاجات بيها بتقولي انها نازلة تجيب لابنها برنص بتاع الحمام بقولها العروسة بتجيب قالتلي لا وانا ايه اللي عرفني افرض مجبتش او افرض جابت خامة اي كلام
نزلت جابت فوط للحمام نفس لون الحمام علشان تضمن ان الحمام يبقي شيك وشكلة حلو قولتلها هي اكيد العروسة عاملة حسابها
تقولي لا انا بجيب حاجة حلوة لابني ماليش دعوة بيها
ونفس الحوار بتاعك برضة اللي هو لازم تكون اجتماعية والكلام دا كلة
لدرجة انهم كل يوم جمعة بتروح هي واولادها واخواتها عند مامتها اللي هي جدة العريس
وقالتلها اعملي حسابك انك كل يوم جمعة معانا لدرجة ان ابنها ممنوع يروح لخطيبتة يوم الجمعة علشان يروح لجدتة ولو عايز يشوفها تيجي تقضي معاهم اليوم عند جدته
شوفتي الجبروت
بصي خليكي زي مانتي وحاولي تفيهميها بهدوء انك بطبيعتك هادية ومش واخدة علي الجو الزحمة دا وانك طبعا اكيد لو فيه حاجة تستدعي وجودك مش هتقصري والكلام دا كلة
ولو علي الحاجة اللي بيشوفها خليهم يشوفها وفي الاخر اشتري اللي انتي عيزاه
ومتقولليهاش الحاجة اللي انتي مختارها وحشة ممكن تقوليلها حلوة بس اللون مش عاجبني تقسيمة الدولاب مش عجباني
كدا يعني حاولي تلعي عيب ميتعالجش
بس قولي في الاول انها حلوة وعجباكي بس كذا
فاهماني
وفي الاخر هما مش هيجبروكي علي حاجة انتي مش عيزاها
الست يعني كتر خيرها مايتقالش عليها حاجة غير انها ست طيبه وحبوبه
وانها بتجمع العيله يوم الجمعه دة مش جبروت بالعكس دة احلى حاجة في الدنيا ولا نفرح بالتفكك وكل واحد في حاله زي معظم اللى بيحصل دلوقت
وبعدين مفيش حاجة اسمها يروح لخطيبته كل جمعة اصلا مش صح
ياريت قبل ما نحكم على الناس نفهمهم كويس الاول ونحط نفسنا او امهاتنا مكانهم وهنلاقي ان تصرفاتهم دي على قلبنا زي العسل
medowawa;11558483:
وبعدين انت بتقولي مابعرفش احكي
انا زيك بردوا بس شوفت ايه اهتمامتها وبقيت اتكلم معاها فيها
يعني هي بتحب الشرا جدا جدا وبتحب الاكل والحاجات الغاليه
فاقعد اكلمها واحكيلها وكدى وتندمج معايا
مش لازم تدخلي معاها دخله فظيعه خلي العلاقه في حدود بس لما تكونوا مع بعض خليها تحس انك زي بنتها,,وكلميها كل يومين في التليفون ولو جوزك ماكلمهاش يوم قوليله انت وفكريه ,,,ياااااااااااااااااااه حتاخدي ثواب كبير
ولازم تخصصي يوم في الاسبوع تزوروها
صدقيني انا بقول لك لمصلحتك وربنا يباركلك
انا كمان بقيت اعمل كدة وكنت الاول مش مستوعبه اني لازم اتصل واكلمها لكن فعلا بالتعود وباخد بالي من تصرفات غيري وبلاقيها صح وبعمل زيها
Heba 87;11558630:
والله ياايمو انا بكلمها يوم بعد يوم ف التليفون ولما بتيجي فرصه بنزل معاها
وهي مبسوطة مني والله انا بقول ان الموضوع تقيل عليا اوي لأن طبيعتي مش كده خالص
عارفه الاتنين اللي عكس بعض خالص .. هي اجتماعيه جدا جدا جدا
انا من كتر مانا هاديه وقافله علي نفسي كان اللقب بتاعي "طوبه"
يعني اختلاف 180 درجه .. انا اه بتكلم معاها وبحاول اشاركها في اللي هي بتقولوا ولو حتي بمجرد تعليقاتي لو معنديش حاجه اقولها وبتصل بيها كتير وهي مش زعلانه مني بالعكس الحمدلله مبسوطة اني بقرب وكده
انا بس تعبانه من الاختلاف في الطباع
وبالنسبة للف والفرجه والكلام ده .. انا مبحبش ألف كتير بطبيعتي لو حاجه عجبتني وخامتها كويسة وسعرها كويسة هجيبها مش هستني ألف تاني لمجرد ان - يمكن - الاقي حاجه تعجبني اكتر وغالبا لو لفيت اكتر بتشتت ولا بتعجبني دي ولا بتعجبني دي وبروح من غير مااجيب حاجه
فموضوع اننا ننزل مع بعض ده عشان نشتري حاجه صعب شوية لو هننزل نتمشي ولا نخرج مع بعض احسن عندي مليون مرة
يوم الشبكة محدش فرض عليا رأيه بس كنت مروحه معيطه
مينفعش يعني نفضل نلف من الساعه 12 لحد الساعه 9 بالليل !
وانا اصلا كان عاجبني طقم من بعدها بساعه مثلا وكل مااشوفه في محل اقف قدامه وقلت انه عاجبني مرة واتنين وتلاته .. والرد دايما تعالي نلف تاني يمكن تلاقي حاجه تعجبك
يعني من 1 ل9 انا كنت مقتنعه بحاجه وبلف معاهم وخلاص وكل مااقف قدام الطقم ده يقولولي نلف تاني يمكن نلاقي حاجه تعجبك .. طب ماانا عجبني خلاص
كنت خلاص حسيت اني مقهورة اوي وكنت هعيط وسبتهم هما يمشوا قدام ومشيت لوحدي ورا واليوم اتقلب خالص لحد ماخطيبي اخد باله اني مبقتش مستمتعه بالفرجة اكتر يعني ورحنا جبناه
انا خايفه من السيناريو ده يتكرر
ههههههههههه انا كنت وخدة نفس اللقب بتاعك طوبه ههههه
بس الحياه بتعلم وبتغير بس لازم نكون عندنا الاستعداد ومفيش حاجة لما نتغير للاحسن
مش عيب انك تبقى بتتكلمي وتقولي رايك وتسمعي الناس وتردي عليهم مش عيب خالص
انا كنت الاول كدة لكن حسيت اني اللي فيه دة مش صح وبيتفهم غلط وحاسيت اني لازم اتغير في حدود الصح والمعقول
وعلى موضوع اللف دة عارفة انك كل الفترة دي عشان كنتي بترضيها خدتي ثواب قد ايه
اهل جوزك زي اهلك بالظبط زي ما تحبي يتعملوا من غيرك انتي كمان لازم تعملي غيرهم زيهم
وكل ما تيجي على نفسك عشان ترضي حماتك هتحبك اكتر وتخدي ثواب اكتر وجوزك يحبك اكتر لما يشوف بتعملي مامته ازاي وحياتك هتبقى سعيدة ان شاء الله
انتي عشان ترتاحي غيري نفسك وحاولي التغير مش غلط ومش وحش
