ازيكم يا بنات .. وحشتكوا طبعا :02:
انتوا كلكوا وحشتونى
قلبى وعمرى .. علوم .. كلاسيك .. la jolie .. ريوومه.. لقاء .. بطه .. الحب هو الحياه .. مكروونه.. smsm .. seymaa
بجد مش عاوزة انسى حد .. وميرسى لكل اللى سألوا عليا:016:
انا بقالى فترة مش برد عشان ماليش نفس اكتب .. مش عارفه مالى مخنوقه اليومين دول ليه كده:01::01:
حاسه ان الدنيا عندى ملخبطه ومش عارفه ارتب نفسى
ادعولى بالله عليكم
الحب هو الحياة;11487956:
القوالب السيلكون بتعملى فيها الكيكيات
توابل الخزين الكبير حتلاقيها فى كارفور
معرض شهر 3 الحلو فيه اسعار الاجهزة الكهربائية والادوات المنزلية والنساجون الشرقيون
ميرسى يا توتى
Heba 87;11489112:
هي فعلا معندهاش بنات ونفسها ابقي بنتها
بس انا هاديه وانطوائيه حبتين وهي ماشاء الله عليها اجتماعيه وشعنونة
فمش عارفين نتأقلم يعني مع بعض
الحمدلله نزلنا النهارده واتكسرنا شوية من اللف بس جبت ف الاخر طقم سواريه لذيذ اوي
كنت عاوزة اصوره بس معرفتش اصوره لوحده كان لازم يبقي حد لابسه او علي المانيكان عشان يبان
مبروك عليكى يا قمر .. وربنا يهدييلك حماتك ويسعدك مع خطيبك يارب
* كلاسيك *;11489931:
بنات بالله عليكم تدعولي بالشفاء علشان انا تعبانة جداً بجد
ربنا يكرمكم يارب ويتمملنا جميعاً بخير
ألف سلامه عليكى يا يارا .. يارب تبقى كويسه .. وتكونى دايما بخير
مجروحه الحب;11490287:
يابنات انا مامه خطيبى متوفيه وباباه متجوز واحد ه تانيه دلوقتى المفروض انى اجيب لمرات باباه هديه ولا اجيبها لخالته ولول هجيب هديه اجيب ايه
على حسب علاقه خطيبك بيها يا قمر .. يعنى لو هو بيحبها اوى وقريبين من بعض هاتيلها
يا هلا;11495707:
ازيكم يا احلى بناويت
انا استفدت منكم كتير جداااااااااااااااااااا
انا سافرت ورجعت ولما رجعت كان النت فاصل ولما رجع لقيت الشهر خلص ولقتكم وصلتوا لصفحة 162 فى الشهر الجديد
المهم السفرية الحمد لله كانت موفقة جداااااااااااااااااااا
ـــــــــــــــــــــــــــــــــــــــــــــــــــــــــــــــ
اشتريت الحلل بتاعتى من زهران
كان عامل تخفيض 5% نقدا او 15% هدايا
انا اشتريت 6 حلل اسنانلس بغطاء زجاج+ حلة الضغط تيفال + 4 حلل تيفال اوبمتال
واشتريت كمان 3 طاسات احجام مختلفة + 2 صانية بغطاء زجاج استانلس + سوتيز تحمير استانلس+ حوض كبير تيفال
اشتريت احدث حلل تيفال كان يد الغطا بيتحرك لخروج البخار
كان نفسى اشترى الحلل الى يدها استانلس بس الراجل اقنعنى بى بتاعتى
والمعلومات اللى عرفتها منهم هى
اولا: فى المعرض بيبقى التخفيض حوالى 10%
ثانيا: يوجد قطع غيار ليد الحلل او الغطاء لو حاجة باظت منك
ثالثا: حلة البطاطس اللى بملعقة زيت دى لكل انواع المقليات اللى فى الدنيا
وقلى الراجل ان البطاطس الفرش بس اللى بتتقلى بملعقة زيت لو الحاجة مجمدة بدون زيت اصلا
وكمان بيتعمل فيها الفراخ اللى بالكراميل اقنعنى بيها جداااااااااا بس هى غالية عليا اليومين دول
ــــــــــــــــــــــــــــــــــــــــــــــــــــــــــــــــ
بعد كدا اشتريت قمصان النوم من جويا فعلا السنة دى التخفيضات عبيطة خالص
بس اشتريت قميص تحفة تحفة تحفة ستان وفية شيفون من قدام وروبة شيفون
اشتريت اللون البنى والشيفون بتاعة اللى فى الوسط اوف ويت وابيض
بس فى اللبس يجنن كان منة الابيض بس حسيت ان دا اجمل
ونفسى البسة اول يوم مخلينى تحفة
ـــــــــــــــــــــــــــــــــــــــــــــــــــــــــــــــــــ
واشتريت كمان لبس الخروج اغلبة كان من يتامو ودانى دونى
ـــــــــــــــــــــــــــــــــــــــــــــــــــــــــــــــــــــــــــــــــ
كملت لبس البيت واشتريت بديهين من محلات بواقى التصدير اللى فى اول عباس
ـــــــــــــــــــــــــــــــــــــــــــــــــــــــــــــــــــــــــ
عجبنى مفرش سرير وهمى فى انتيك اللى فى اول عباس
كان 1600 ونازل 1400 بس انا سريرى مودرن ولسة بفكر بس هو بجد تحفة جداااااااااااااااااااا
هو زى الستان وكلة ورود تظريز وفية لولى ولة ملاية كمان غير الخداديات
قلت لو ملقيتش حاجة فى المعرض حلوة اشترية ان شاء الله
انا هسافر تانى كمان اسبوع
لو تعرفو حتة فيها حاجات حلوة قلولى فين
ـــــــــــــــــــــــــــــــــــــــــــــــــــــــــــــــــــــــــــ
رحت ايموشنز اللى فى سيتى ستارز بتاع الصينى البون شينا
لقيت الصور اللى نزلتهم بنوتة قبل كدا
الطقم اللى عجبنى جدااااااااااا ونفسى فية ب8 وشوية وكدا غالى جدااااااااااااا
شكلى هشترى 50 قطعة وخلاص هو اصلا مش بيتنقل من النيش
وحجزت طقم ملاعق المانى فى محل انفنتى فى اركيديا
الطقم كان ب3 ونص نازل 1820 هو سادة خالص و68 قطعة
مش عارفة ان كان غالى ولا كويس كدا
كمان مش محفور علية انة المانى ولما سألت الراجل قلى محفور علية الماركة(wmf) وعلى العلبة مكتوب انة المانى
قلولى كدا كويس ولا غالى الراجل قلى ممكن تاخدى فلوسك عادى
ـــــــــــــــــــــــــــــــــــــــــــــــــــــــــــــــــــــــــ
كمان لقيت محل فى اركيديا عندة اطقم شاى وقهوة مرسوم عليها عليها عرض بـ 300 ج
اشتريت نص طقم 6 شاى و6 قهوة للنيش فوشيا فى فضى حلوين كانوا بـ 150
كان هناك اشكال كتير بس اللى كان عجبنى قوى مش عليةو عرض كان بـ 550
كمان عندهم مفارش سفرة من اللى فيها خرز عليها خصم 40 %
كمان اشتريت طقم تحفة من تيوليب فى سيتى ستارز عبارة عن 6 خشاف بطبقهم و6 مية
وتحفة تخيلو بكام 60 جنية بس
ـــــــــــــــــــــــــــــــــــــــــــــــــــــــــــــ
انا دلوقتى مش لقية وصلة الكاميرا اول مالقيها هفرجكم على المفرش والكوبيات
وكمان الموبليا بتعتى
انا نسيت اقلكم انا رحت دمياط والنجار طلع شاطر جداااااااااااا وعملى الحجات زى ما كنت عيزاها
مش فاكرة حاجة دلوقتى لو افتكرت هقلكم
سؤال المخالفة
القى فين طقم توزيع يكون حلو ونوعة نضيف لقيت واحد عند زهران حلو جداااااااااااا
بس غالى والراجل هناك نصحنى انى ممكن الاقية برا ارخص
انا مش فاكرة اصلا هو اسمة اية؟
مبروك عليكى حاجاتك يا قمر .. وربنا يتمم لك على خير
la jolie;11501944:
ازيكو يا احلى بنات ازيك يا علوم وجنا وجوجو ربنا يفك كربك وحبيبه كريم وريومه وتوتا الوحشه اللى مبتسألش عليا وتوتى ازيكو وحشتونى اوووووووووووووووووووووووى
ريومه يا قمر نفسى اشوفك فاتحه مره واحده نفسى ارغى معاكى
انا اليومين دول مكنتش فاضيه كنت بجيب الحمدلله النجف وجبنا للاوضه الفاضيه دولاب وسرير وجم الشقه ركبوهم الحمد لله عقبالكو ان شاء الله
انا جبت كمان ملايه قولولى ايه رأيكو فيها حبيتها موووووووت لان لونها لون اوضه النوم عندى
ناقص ان شاء الله الستاير والسجاجيد يارب اجيبهم على طول ومدوخش فيهم
اجيب من دلوقتى طقم الفرح الابيض(البرا والاندر) والطرحه التل الجليتر من دلوقتى ولااستنى شويه ؟؟؟؟؟
بجد يا حبيبى غصب عنى .. بس انتى على بالى بجد انتى وكل
القمرات اللى هنا .. مبروك عليكى كل اللى انجزتيه .. ربنا يتمم لك
على خير ونفرح فيكى بقااااااااااااااااااااا:041:
كليوباتراا;11502803:
ازيكم يابنانيت يارب تكونوا بخير ومبسوووووووطين علي طول ان شاء الله ... ....
باركولي انا جبت الشبكة الحمد لله .......يوم الجمعه اللي فات ....
وان شاء الله الخطوبة بأذن الله هتكون في ابريل 8 /4/2010
ادعولي بقي ربنا يتمم بخير بس انا كنت عايزة اخد رأيكم في حاجة انا عايزة أأجر فستان احمر ؟؟اية رأيكم يكون حلو ولا بلاش ؟؟؟؟
وهجيبة النظام الامريكى ........
اية رأيكم .؟؟؟ ولو الاحمر وحش اختار لون اية ؟؟؟؟
صحيح حـطــــو اســـمــــى ف الـــــلـــــــســـتـــة نــــفــــســـي اشــــوف اســــمــــى في اللستة بــــالله عـــــليـــكــــم عــــايـــــزة افـــررررررررح
مبرووووووووووووووووووووووووووووك .. وربنا يفرحك دايما .. ويفرحنا كلنا يارب :025:
مشمشة تامر;11509350:
بصوا يا قطاقيط
اولا الفصال ليه طريقة خبيثة ههههههههههههههههه
بصي انتى بتنقى المفرش الى عاجيك و بعد كدة بتختارى واحد تانى اقل منه في الجودة بيكون اقل في السعر انا بتاعى كان 900 ج و بصيت على واحد اقل في الجودة قالى 500 ج اول ما نزلت نزلت النص على طول يعني قولت 250 ج قالى لا فضلت واقفة ممشتش وقالى 450 قولت له لا كتير و لسة هاجيب حاجات تانية و بعد كدة سبت المفرشين و دخلت للدرابيات شوفتهم و سالت عن اسعارهم و بعد كدة رجعت للمفرشين الرخيص و الى انا عيزاه انا كل دة بفاصل في الرخيص بعد كدة قولت له انا مش عايزة امشي غير اما اشترى انفعك و استنفع فقالى خلاص يبقى 400 فقولت له خلاص خلينا وسط بـ 300 ج فقالى لا حرام و كدة خسارة قولت له بص انا هقولك كلمة اخيرة عشان اعرف الاقي فلوس مواصلات 350 دي اخر حاجة فقالى بعد تفكير عميق ماشي فقولت له طيب وريني الاشكال الى عندك شوفت كام واحد كدة و بعدين اخدت الى عجبني فقالى لا دة شغله اكتر و اغلى مينفعش 350 فقولت له طب انا اعرف ان اهل سوريا ناس كريمة ترضي تمشيني زعلانة انا عايزة انفعك و في نفس الوقت افرح فقالى خلاص متقوليش لحد عالسعر و الف مبروك يا عروسة :093::093::013::013:
دى طريقة من ضمن طرق الفصال و في طرق كتيرة اوى هبقى اقولها لكم ان شاء الله ولو في اي سؤال للفصال انا تحت امركم و خدوا بالكم انتوا ليكوا عين في الحاجة مثلا قمصان النوم في قميص نوم بيكون 150ج بس خامته متجيش 70 ج فانتى ليكي عين في الحاجة طبعا المفرش بتاعى انا كنت ناوية اخدته على 500 لو زنقت وفي ناس اخدوا بـ 600 ج بس هو فعلا حلو جدا جدا و خامته تحححححفة اوى
و ربنا يوفقك الجميع و على فكرة ملحوظة مهمة جدا الفصال محتاج برود و تناحة و طولة بال مع البياع
مشمشه .. مبدأيا ماشاء الله حاجاتك حلوة اوى .. مبروك عليكى
تانى حاجه بقا .. انا هأحسدك بجد :037:
ماشاء الله عليكى فى موضوع الفصال ده .. عاوزين دروس بقا لازم
ده انا طلعت هبله هبل :040:
انا المفرش اللى ب 900 ده كان ممكن اخرى اخده 850 وشكرااااااااااااااااااااا
ماشاء الله عليكى بجد .. تستحقى تحيه كبييييييييييره:ok:
seymaa;11510193:
بنات انا نزلت انهاردة مع سمسم المهندسين مش عارفه اقولكم سماح دى طيبة قد ايه
احنا مش جبنا حاجات كتيرة بس هى صورت ليكم شوية حاجات
بس كنت عايزة اسأل هو البيركس و البورسلين ممكن يدخلوا الفرن العادى اللى هو بالغاز و كمان سمعت انهم ممكن يتم وضعهم على نار البوتاجاز العادية بس نضع مثلا شياطة تحته علشن اللهب بتاع النار مش يكسره
ايه النظام فى الكلام دا؟؟؟؟
البايركس والبورسلين فى الفرن عاااااادى جدا... بس انا بخاف مووت من انه يتحط على البوتجاز حتى لو كان نوع غالى .. يعنى بلاش أحسن
Heba 87;11510635:
بنات انا حماتي كانت قالت قدامي ان الحلة التيفال بتاعة الرز قشرت وهي عاوزة تجيب واحده
هيبقي شكلها وحش لو جبتهالها في عيد الأم وجبتلها معاها عباية بيت مثلا؟
انا بحس انك لو جيبتى لحد حاجه هو محتاجه هيفرح اكتر من اى حاجه تانيه لنه هيحس انك مهتمه وعارفه هو فكر فى ايه ومحتاج ايه
توكلى على الله .. فكرتك حلوة وان شاء الله تعجبها
baata;11515535:
بنات هو انا لو ناويه البس النقاب اتعامل مع خطيبي ازاي المفروض اعمل ايه ومش اعمل ايه لاننا مش هنكون مكتوب كتابنا ؟
اجيب كام طقم كاسات ؟
بطه .. شوفى يا قمر بالنسبه لموضوع الشقه
ماتفرطيش فى الشقه اللى جزتيها فى التجمع الخامس دى لأن المنطقه حلوة وبتغلى كل شويه وكمان كام سنه هتبقا مكان مهم وحلو اوى
بس بصراحه موضوع الاستعجال فى انك تاخدى قانون جديد ده حاساه خراب بيوت وخسارة بجد
انا مش هقدر احكم اوى لأنى بأمانه معرفش هما ممكن يسلموكى الشقه أمتى
يعنى لو مش هيطولوا اوى اصبرى وربنا ان شاء الله هيفرجها
لكن لو هيطولوا اوى يبقا مش ادامك حل تانى .. خدى شقه ايجار وخلاص
وبالنسبه للنقاب انتى اكيد عارفه ان خطيبك مش هيشوفك خالص ولا المفروض تقعدوا لوحدكوا ولا تخرجوا ولا الحاجات دى
على فكرة انا مش منتقبه ولا حاجه بس انا بقولك اللى المفروض يتعمل وانا متأكده انك عارفاه
ربنا يهدينا كلنا :065:
lolagalaxy;11515879:
اولا الف الف مبروووك يا كيتى و ان شاء الله ربنا يكرمك و يكملك على خير
بصى يا ستى انا كنت ناوية اعمل فرح جامد و قعدت اخططلو شهور و شهور و انزل الف على قاعات و حعمل الاغنية دى فى الاول و دى فى الاخر و سبحان الله مرة واحدة غيرت تفكيرى فى كل دا
ايه اللى يخلينى اعمل فرح يتكلف اد كدة عشان ناس تيجى تاكل و تمشى و تتريا على كل حاجة و خلاص
ايه اللى يخلينى اقوم ارقص و البنات ترقص ادام الرجالة الغرب و اسمى بدا انو فرحة و اعصى ربنا فى اهم ليلة فى حياتى و فى الحياة الجديدة اللى انا محتاجاه فيها
ايه اللى ميخلينيش اوفر فلوس الفرح و اطلع تركيا مثلا و لا ماليزيا اقضيلى كام يوم افتكرهم طول حياتى و يفضلو احلى ذكرى انا و هوا بس بعيد عن كل الناس
عارفة انا عملت ايه انا مكتوب كتابى و ان شاء الله حعمل اشهار فى المسجد حلبس فستان فرح بفصلو دلوقتى و حتصور فى الاستديو و زفة عربيات و كل دا
و قبل الفرح بيومين حعمل ليله حنا جامدة و حجيب فرق بنات ترقص و حلبس لبس شوهات اسككندرانى و لبنانى و هندى و تظبيط و افرح انا و صحباتى و اهلى و نلبس اللى عايزينو و ارضى نفسي و ارضى ربنا
فى الاول مكنتش مقتنعة اوى و قلت مانا ممكن يبقى نفسي اعمل فرح و كمان كام سنة حبقى متضايقة انى معملتش بس اقتكرت حاجة مهمة اوى
من ترك شيئا لله عوضه الله بخير منه
يعنى ان شاء الله ربنا حيعوضنى فى صحتى و جمالى و جوازى و ان شاء الله لما ربنا يكرم فى عيالى و فى رزقى و ما تتخيليش اد ايه بعد انا و خطيبى لما خدنا القرار دا ربنا فتح علينا فى حاجات كتير و بجد عواقب كتير ربنا ذللها ادامنا
اتوكلى على الله يا كيتى و ان شاء الله ربنا يكرمك يا جميل
لولا .. انتى قولتى كل اللى جوايا بخصوص الفرح والكلام ده
بس انا مخنوقه وحاسه انى مش عارفه اتخد قرار
عاوزاكوا بجد تساعدونى
انا دلوقتى كتب كتابى والشبكه فى يوم واحد ان شاء الله يعنى هى دى تعتبر الخطوبه وكتب الكتاب مع بعض عشان انا مقرى فاتحتى بس دلوقتى
وعاوزة اعملها فى قاعه بس ماتتكلفش اكتر من 5000 جنيه بس عاوزاها تكون حلوة يعنى حاجه ماتكسفش
حد يقترح عليا أماكن عشان مش عارفه الا مكان او اتنين ومن على النت بس .. اقترحوا عليا اماكن تكون فى الحدود دى اروح اشوفها
وبفكر بقا فى موضوع الفرح ده بقول بما انى هيكون مكتوب كتابى ان شاء الله انا مش عاوزة ادفع كل المبلغ ده فى الفرح .. بجد خسارة كل ده على كام ساعه والناس هتييجى تاكل وتتريق وتمشى.. انا بفكر اسافر بالفلوس تركيا مثلا
بس فى نفس الوقت مش عاوزة اضيع على نفسى يوم بييجى مرة واحده فى العمر
بقول ممكن يوم الفرح ده البس الفستان ونتصور ومثلا اعمل زى عشاء كده لعدد قليل اوى فى اى حته بس معرفش ايه هى بقا .. عاوزاكوا تفكروا معايا
انا اسمع عن مثلا زى مركب اوى يخت او اماكن مفتوحه زى الحدائق و كده
وياريت يا لولا تقوليلى عروض تركيا اللى بتسمعى عنها دى بتبقا فى حدود كام
يعنى السفر بكل حاجه اعمل حسابى فى حدود كام؟؟؟؟
معلش انا رغيت كتير
بس عاوزة حد يفكر معايا ويتكلم معايا .. عشان كل ما اتكلم مع خطيبى فى المواضيع دى لازم تقلب بخناقه:091::091: