مشمشة تامر;11507687:
بسم الله الرحمن الرحيم
اولا يا بنوتات دة تقرير عن سفرية القاهرة انا مرحتش اماكن كتيرة هو مكان واحد بس لفيت فيه طبعا انا اتحركت من اسكندرية و وصلت القاهرة كنت عايزة اروح تحت كوبري رمسيس في هناك بتوع هدوم كتيرة اوى بس جوزى مرضاش ينزلنى انا و ماماعشان ميتاخرش عن شغله المهم وصلنا عند موقف العتبة ركن العربية في الدور السابع و نزلنا كان في هناك سوق كبير اوى تقريبا اسمه سوق الموسكي بس كان في حاجات حلوة اوى طبعا اول ما نزلت الازالة جت ههههههههههههههههههههههههه المهم مشينا لاقينا هناك الملابس الدخلية القطن حلوة اوى الـ 3 بـ 10ج و الحاجات الدلع الـ 3 ـ 10ج و في بالواحد بيكون في حدود 5 جنية اما عن الشنط كانت حلوة اوى حاجات على العربيات تبدا من 7.5 ج للشنطة و في محلات هدوم عليها سيل حلوة اوى اوى المهم دخلت سنتر جدة لاقيت فيه شوية اطقم جميلة و قمصان نوم بس حسيت ان خامة قمصان النوم مش حلوة اوى و غالية عالفاضي المهم نزلت و روحت ليدر عجبتنى الجيبات الى هناك و البنطلونات و اسعارهم حلوة اوى و لافيت لاخر الشارع يمين و شمال ولاقيت محل الامانة بتاع هدوم دلع و اسعارهم حلوة المهم جبت 3 شنط واحدة لحماتى و 2 ليا بتاعة حماتى كانت بـ 55 و اخدتها بـ 35 ج و بتاعتى كانت بـ 45 و خدتها بـ 33 ج وجبت واحدة صغيرة كانت بـ 33 اخدتها 22 بالعافية ههههههههههههه طلعت عين الراجل ههههههههه في الوقت دة كان جوزي خلص شغل و ملحقتش اشترى حاجة المهم وانا طالعة عجبنى اوى محل على ايدي الشمال معرفش اسمه بس بيبيع حاجات دلع اوى جبت منه 3 بدل رقص و دول صورهم
دي اول بدلة كانت بـ 40ج اخدتها بـ 27 ج
ودى لونها تركواز غامق و بتلمع فيها ترتر رفيع اوى كانت بـ 45 ج اخدتها بـ 35 ج
ودى كانت بـ 55 ج اخدتها بـ 30 ج
و بعد كدة روحنا جاد بس ملقتش اكل عاجبني فروحنا رمسيس جوزي كان عنده شغل هناك المهم خلص وانا مخدتش بالي من التوحيد و النور فلاقيته بقى و عجبتني حاجاته بس شوفته من برة و ان شاء الله نازلة القاهرة تانى يوم 15 / 3 عشان المعرض بتاع ارض المعارض في مدينة نصر و ان شاء الله عشان عايزة اروح روكسيو التوحيد و النور ..
و بالنسبة للبنات الى كانت بتسال على النساجون الشرقيون لسة الاوكازيون شغال بيبدا من 15 % إلى 50 % دة شوفته اول ما دخلت القاهرة كنا على كوبري كدة بس معرفش اسمه ههههههههههههههه
و بعد كدرة روحنا كارفور الى جنب البوابة ودخلنا كنتاكي اتغدينا و فطرنا و اتعشينا هههههههههه و جبت ازازة مية من كارفور و اتخانقت مع جوزي و احنا جايين و بعدين اتصالحنا و نمت و قعد هو وامى يصحونى عشان منمش اتخنقت فقومت عملت هيجان و لعب و غلست على جوزي وهو بيحب الهدوء و هو سايق هههههههههههههههههههههه
وجينا الحمد لله ..
اه و نسيت اقولكم انا وجوزى اتخانقنا كمان على ازاة المية و كمان اتخانقنا على البيبسي هههههههه بس اتصالحنا و شربني ببسي و خلالالاص هههههه
يارب التقرير يعجبكم و عايزة رايكم في الحاجة الى جبتها و هبقى اصور لكم الشنط ان شاء الله و متنسوش التقييم يا قمرات
تم التقييم ياقمروتقرير مفصل ومبروك عليكى مشترياتك ومش حرام تجيبى الازالة وراكى من اسكندرية :085:بهزر معاكى ومبروك عليكى مشترياتك ياسكر ولما جوزك يزعلك قوليله انت اخدت جوهرة :087:
مشمشة تامر;11507757:
بصوا يا بنات المفرش السوري الى جبته من المعرض بيقولى الراجل اسمه مفرش هندي هو تل وانا فرشته على اللحاف الفيبر بتاعى الراجل قالى انه بـ900 وشوفته عن اكتر من واحد واحد قالى بـ 1000 وواحد قالى 750 وواحد تانى قالى 800 المهم ان انا خدته بـ 350 ج
بس هو ماشاء الله كبير عشان كدة مش عارفة اجيبه كله بس دي حتت منه
ايه رايكم في يا بنات ؟؟؟
انا صورته من اولة و اخرة و بعد كدة الوردة الي في النص ومن الجوانب و الفرنشة
ماشاء الله المفرش جميل ربنا يهنيكى بيه
وجدعة انتى اوى فى الفصال مية مية اعملى بقى موضوع عن اسرار الفصال :085:
مشمشة تامر;11507837:
و بالنسبة ليوم 3/3 الى فات كدة انا كملت سنة على كتب كتابي طبعا عملت حفلة صغيرة اولا روحت سموحة جبت بودر مائي وردي لان الى عندي فاتحة مش وردي و انا كنت عايزة ادمج لونين البودر مع بعض و جبت له هدية حلوة فيها قلبين و جبت وردتين و كارتين و جبت له برفان و دي صورة الهدية
و لبست له فستان كتب كتابي تانى و انا بعرف اعمل مكياج لبنانى و دخانى فعملت مكياج فرحى تانى و تسريحة قريبة لبتاعه فرحي لانى ميح في الشعر هههههههههههههه يدوب بعرف اسلكه هههههههههههههههههه
و مردش البس الجزمة بتاعة فرحي كانت عالية و خنقتنى في فرحي و غيرتها يوم فرحى ولبست جزمة الخروج بتاعتى السودة كانت كعبها 3 سم و بتاعة فرحى كانت 17 سم فمعرفتش ارقص بيها ههههههههههههههه عشان كدة افتكرت اليوم دة ومردتش البسها و لبست شبشب البيت الفرو ههههههههههه
و ايه رايكم في الهدية ؟؟
كل عيد جواز وانتوا طبيبن والسنة الجاية تحتفلى فى بيتك
soasa;11508008:
هايااااات يا بنات .. انا جديدة في المنتدى بس بصراحة عجبني شغلكم جدااااااااااااااا
وكنت عايزة اسأكم منين ممكن اجيب بدل رقص قطعتين تكون حلوة وسعرها في المعقول،، لأني رحت خان الخليلي مول بس لقيتهم في العلالي اوووووووووووي مش اقل من الالف
يعني كنت عايزة كذا واحدة وتكون سعرها في حدود 200 او اقل ياريييييييييييت، لأني للاسف هجيبهم من تحويشي :036::022:
انزلى الموسكى ياقمر لسة مشمشة كانت هناك وعملت شوبنج
حبيبة كريم;11508314:
:093:مشمشة تامر:093:
الف مبروك على مرور سنه على كتب كتابك يا قمر وتعيشى وتتهنى ويارب يجمعكم على خير وياربكلكم انتى وكل البنات يارب
اما المفرش والهدايا بسم الله ماشاء الله :ok:تحفة تتهنى بيهم يارب
:074::074::074::074::074:
علشان المخالفة يا بنات فين المفارش السيرما و بتكون فى حدود كام؟؟؟؟؟؟؟؟؟؟؟
حتلاقى فى المعرض اللى حيبدا يوم 11 مارس لان السوريين عندهم مفارش تحفة وفيهم شغل سيرما
قرآنيه;11508476:
اول مره اعمل اقتباس طويل كدا وطلع بايظ خالص
معرفتش انا رديت على مين
هههههههههه
يلا خير المهم
صحيح يابنات ايه موضوع الهون دا
انا رأى التجمع دا نسميه الهون وبنات مصر
سؤال
احسن ماركه فى صوانى البيركس اسمها ايه
وسعرها كام
حلو الاسم ده
البيركس ماركة بيركس الفرنساوى وماركة مارينكس
GANNA 23;11508764:
هوا فيه ماركة ميكب اسمها pretty woman
وهل هيا حلوة ولا اى كلام
كمان كنت عايزة اعرف مقاسات الطاسات التيفال اللى المفروض اجيبها
ماركة بريتى وومن كويسة فيها الايشادوهات وبيثبت
المقاسات الطاسات المتوسطة 24 و26 و28
semsema_semsemy;11509571:
ازيكوا يابنات اخباركوا ايه جميعااا..وحشتونى جدا جدا جدا
انا محتاره ومش عارفه اجيب ايه لطنط مامة خطيبى فى عيد الام
النهارده وانا راجعه اشتريت ليها طبق فاكهه كريستال سوجا
وجبت طقم كاسات لومينارك شكله عجبنى انا اوووى بس مش عارفه هيعجبها ولا لا هو ايده رفيعه اوى وطويله ولونها ازرق غامق
بصيت ع الملايات لقيت اسعارهم غاليه ع الفاضى
اجيب ايه بقى مع الطبق الفاكهه والطقم الكاسات ؟؟ افيدوووووووووووونى :)
هاتى بوبنيرة تكون لايقة على طبق الفاكهة
حبيبة كريم;11509688:
:032: :032: :032: sally2007:032::032::032::032:
:072:وحشتينى يا قمرية يارب تكونى بخير يا قمر كنت عايزة اعرف الملايات المفروض يكونوا كام ملاية وكمان عدد المفارش:ok::ok:
12 طقم ملايات ولو عندك سراير اطفال يبقى كل سرير 3 اطقم
semsema_semsemy;11509740:
لو مكنتيش تحلفى يارشروش :) خلاص كفايه
الصيفى نزل ولا لسسسسه يابنات
الصيفى نزل فى بعض المحلات فى اسكندرية
seymaa;11510193:بنات انا نزلت انهاردة مع سمسم المهندسين مش عارفه اقولكم سماح دى طيبة قد ايه
احنا مش جبنا حاجات كتيرة بس هى صورت ليكم شوية حاجات
بس كنت عايزة اسأل هو البيركس و البورسلين ممكن يدخلوا الفرن العادى اللى هو بالغاز و كمان سمعت انهم ممكن يتم وضعهم على نار البوتاجاز العادية بس نضع مثلا شياطة تحته علشن اللهب بتاع النار مش يكسره
ايه النظام فى الكلام دا؟؟؟؟
الاتنين بيدخلوا الفرن
لكن البيركس ينفع يتحط على البوتاجاز بس لازم تجيبى نوع نضيف
totatota42;11510439:السلام عليكم ياا حلى عرايس فالدنيا
انا قلت امسى عليكم واقلوكم ادعولنا نحصلكم
وعايزه حد يفدنى فى موضوع التيفال وانواعه
ناويه اشترى حاجه واشلها يمكن اتخطب قريب
ربنا يسعدك ياجميلونفرح بيكى قريب
التيفال هاتى تيفال زهران احسن الانواع وحتجيبى 3 حلل و2 صنينة منه للفرن
وحاولى تبداى تجيبى فى حاجات المطبخ والمفارش للسراير
Heba 87;11510635:
مشمشة ماشاء الله عليكي في الفصال :085:
انا عاوزة كورس لحسن انا فاشله اوي في الفصال :085:
بنات انا حماتي كانت قالت قدامي ان الحلة التيفال بتاعة الرز قشرت وهي عاوزة تجيب واحده
هيبقي شكلها وحش لو جبتهالها في عيد الأم وجبتلها معاها عباية بيت مثلا؟
طبعا هاتيها ومتلا تجيبى طقم 3 حلل مع بعض ومعاه براد هدية اى حاجة تكون مفيدة للمطبخ ليها
دلوعة الغالى;11510904:
البنات القمرات اللى عايشين فى السعودية
يقوليلى ايه الحاجات اللى اجبها من السعودية عشان بابا عايز يجبلى حاجتى الايام دى
انا قولتله البطاطين والحاف والمكنسه وشنطه ملاعق والحاجات المعروفه دى ياريت تفكرونى فى ايه ممكن اجيبه من هناك
اسئلة بقى
فى هناك مفارش سفرة حلوة ؟
وصوانى التقديم فى حلو ولا لا ؟
اجيب الخلاط بروان العائلى ولا ايه وهو بكام ؟
وصينية الاكل فى مصر احلى والا السعودية ؟
كفااااااااية كده
تقدرى تجيبىالبطاطين اللحاف مفرش سفرة مفرش سرير
المكنسة والكيتشن كينوود او المالتى كويك شنطة المعالق
ميكب ماركات زى مابيلين او ماكياجى اوماك ومن عبد الصمد القريشى هاتى زيوت للشعر ومسك العروسة وبخور وفواحتين للشقة كمان منتجات بدى شوب هناك ارخص من هنا ممكن تجيبى مجموعة للجسم بدى بتر وبرفام وبدى سبلاش
OM MALK;11511143:
السلام عليكم
كنت عايزة أسئل العرايس اللي في اسكندرية يا تري في مكان يتعمل فيه فرح مش تقليدي يعني مثلا زي فللا المعمورة بس طبعا حاجة اكبر يعني جنينه فيلا بسين في نادي بس طبعا كبير
ياريت اللي تعرف مكان تقولي عليه وجزاكم الله خيرا
فى المعمورة وفى شارع اكاسيا
مكرووونة;11511463:
هو الخلاط اللى ليه حنفية دا مهم ؟
يعنى ايه فايدة الحنفية اللى فيه تفرق عن اننا نصب من الخلاط عادى ؟
لا عادى مش مفيد اوى هاتى خلاط عادى
* كلاسيك *;11511561:
معلش يا قمر اتأخرت عليكي ف الرد
توتي , قطقوطة , نانى فيبس
ربنا يكرمكم يارب يا بنات ويسعدكم
خيااااااااااااااااااااااااااااااااااااانة :039:
بس كويس علشان مش تتعطلوا بسببي
انا احتمال منزلش اصلاً خالص الفترة دي علشان تعبانة اوى
انا النهارده نزلت تانى وجبت حاجات ليا ولخطيبي
بس بكرة بأمر الله اصورهالكم بقيت مدمنة صرف بشكل غبي
بس والله كلها حاجات حلوة الحمد لله وتنفع يعني
وبجد يابنات روحوا عمر افندي ف اى محافظة بجد حاجات حلوة موت
وبالله عليكم ادعولي تانى لأنى بجد تعبانة جداً وكل شوية اعيط
:083:
سلامتك ياسكر الف سلامة عليكى ربنا يشفيكى يارب
دلوعة الغالى;11511811:
بنات ايه رايكم فى الكوبيات دى مرات اخويا جابتهلى بس اللون طالع مش حلو فى التصوير هو افتح من كده
مبروك عليكى ياقمر
حفيدة فاطمة;11512229:ازيكم يا بنات دى صور الطقم الاركوبال
الورد دة 52 قطعة بس]
واوراق الشجر دة اللى انا كملته 12 من كل طبق عشان يبقى زى الصينى
مبروك عليكى ياسكر ومن رايى حطى الاركوبيركس فى النيش
دلوعة الغالى;11512402:
ماشاء الله جميلة اوى ياحبيبتى تتهنى بيه يارب
بنات هو احنا بنجيب كام طقم صوانى تقديم
طقمين ياقمر
بطة من رايى لو حتستلمى الشقة قريب يعنى خلال شهر ولا اتنين اوك استنى
لو اكترمن كده يبقى اقتراح خطيبك صح شقة ايجار قديم افضل
