انا المفروض انزل شغلى قريب يا ايمان بس انا هجرب الاول اوديها حضانة لو لقيتها انسجمت مع الاطفال وماشى الحال هنزل الشغل ولو لقيت الموضوع هياثر على نفسيتها هكمل الاجازة واستنى عليها شوية
انا كمان حاسة انها ممكن تستفيد من الحضانة اكتر من القاعدة فى البيت يعنى انا بحس انها عندها مواهب كدة ممكن الحضانة تنميها هى بتحب تقلد اوى اى حد يعمل حاجة غريبة قدمها تقلده وبتقلد اصوات بعض الحيوانات انا معلمهالها وبتعد على صوابعهاواحدا واتنين واربعة التلاتة وقعة عندها
هما فى الحضانة بيدخلوهم الكلس على سنتين كدة بس التيتشر قالتلى لو حسينا ان عندها استعداد تتعلم ممكن ادخلها الكلس
رعشة ده غير كمان انهم بيبقو قريبين اوي من الارض وشايفين اي فتفوتة صغننة اد كده تلاقيها في بؤهم على طول هههههههههههه
كده احسن يا توتي شجعيها على المشي احسن
ربنا معاكي يا اماني يارب
انتي بتشتغلي ايه
فعلا يا ايمان
مانا بقولها هتنضفلك البيت من غير ما تشيلي هم
ههههههههههههههههههههههههههه
دى اصعب مرحله فى حياه حسن مرحله الحبو
انا كنت بنام واحلم انه مشي
ههههههههههههههههههه
ماشاء الله على ملوكة
على فكرة البنات بتتكلم بدري اوي عن الولاد
بنت ابن عمي برضو اصغر من معاذ وما شاء الله عليها رغااااااااااااااية مووووووووووووووت وبتعد برضو واحد اتنين تلاتة
انما الولاد دول بقى مبلطين مش عارفة ليه كده
انا عاوزة اجيب لمعاذ لعبة ذكاء غير الباذل بتاعته دي حفظها مع اني مش سايباهاله طول اليوم عشان مايزهقش منها بس عاوزة اجيب له حاجة اصعب بقى
بفكر اجيب له بتاعة الارقام هي من سن سنتين ونص او تلاتة بس هجرب كده اجيبهاله
بنات الجو حر قوى
وبقولو بكرا درجة الحرارة 37
حسن نايم عرقان خااالص ياقلبي
هههههههههههههههههههههههههههههههه
ضحكتيني يا رعشة
جوزي انهرده الصبح بيقول لي مش انا حلمت ان معاذ بيعمل بي بي في الحمام
بقول له الجعان يحلم بسوق العيش ههههههههههههههههه
ومعاذ كمان يا رعشة عرقان خالص
انا شلت الغطا من عليه
انا دكتور صيدلانية يا ايمان وبشتغ فى الادارة المركزية للصيدلة يعنى مكان مسئول عن الادوية فى مصر تسجيل الدوا واستيراده وتصديره والتفتيش على مصانع الادوية يعنى بمعنى عام الرقابة على الادوية سواء اللى بتيجى من بره او اللى بتتصنع فى مصر
اه فعلا انا بسمع ان البنات بيبقوا انصح من الولاد فى اول 3 سنين بس بعد كدة بيبقى عادى
ههههههههههههههههههه اه والله
ده كل مرة ييجي يشتري فيها بامبرز لازم نتخانق
نفسي اغمض عيني وافتحها الاقيني خلصت من موضوع البامبرز ده بجد
معاذ منشف دماغه عالاخر ومش راضي يقعد على التواليت وبيعيط بطريقة غريبة جدا
انا كمان عايزة اجيب لعب ذكاء لملك محدش يعرف مولات او سنترز للعب الاطفال
طب ولو خرجتي يا رعشة هتلبسيه بكم قطن ولا ايه
ربنا يخليكى يا ام حسن انا كمان بحب شغلى اوى
ايمان واضح ان كل الرجالة كدة انا كل ما اقول لجوزى على البامبرز لازم يدينى كلمتين بهزار بس ببقى فاهمة قصده كويس