رابطةأمهات وأطفال مصر لشهر ربيع الاول(كل عام وانتم بخير) ....

رعشة
انا مش منتقبة بصراحة
بس بحس ان الاسود احسن وارقي كتير عن الالوان
دة رائي :)

تووووووووووتي
ازيك عاملة ايه وحشتيني ومايا ازيها
باقت كويسة ولا لسة

mokka;11483333:
سالى ربنا صبرك على بعد جوزك فى الفترة ديه انا حاسة بيكى جدا على الرغم انى مجربتش ان جوزى يبعد عنى بس لما بتخيل الموضوع بتعب ربنا يصبرك وييسرلك باقى حملك وولادتك انتى وام حسن وشهيدة

اميييييييييين يارب يا امانى انا كمان اول مرة يسيبنا فترة طويلة كدة
ربنا يصبرنا يارب وكمان محمود حاسة انه زعلان وناقصة حاجة تفتكرو يفهم دلوقتى غياب باباه ولا لسه مش فاهم ؟؟
انا خايفة ينساه:057::057:

mokka;11483363:
وانا كمان يا ام بودى نفسى اخرج لوحدى واشيل شنط صغيرة زى زمان مفيهاش بامبرز وويبس والكلام دة ياااه فين ايام زمان

احمدى ربنا وايام زمان تقولى نفسى فى بيبى اغيرله واحميه وكده
محدش عاجبه حاله والله هههههههههههه

رعشة قلب;11483440:
بنات المنتقبات

عايزة اسالكم حاجه

انا بلبس كل لبسي اسود فى اسود

وطبعا الاسود مع الطفل بيكون فظييييع بهدله على الاخر
وخصوصا لما يبدا يمشي

شويه بيمشي وشويه يتعب تشيليه فطبعا اخر بهدله بقي

انا بقالى كام يوم بفكر اغير الاسود وفى نفس الوقت بحس ان النقاب مع الاسود احلى وارقي

فعايزة اغير لالوان معينة وشكل العبايه يكون بطريقه معينه ولون النقاب

يعنى فى حاجه فى دماغي كدة ومش عارفه اوصلها هههههههههههههههههههههههههه

توهتكم صح ههههههههههههههه يلا عشان تنسو حاله الملل

اتوهكم شوية

وكمان المش منتقبات قلولي رايكم

بصراحة مش فاهمة الشكل المعين اللى فى دماغك
بس انا كمان مش بفضل غير الاسود ولو مش اسود اكيد هيبقى زيتى او كحلى يعنى برده غامق واكيد هيتوسخ برده وومكن تغيرى العباية وتلبسى ملحفة او تلبسى على العباية ادناء((مش عارفة هتعرفى شكله ولا لا)) بيبقى حلو اوى وشيك وعليه النقاب من بره وموجود منه كل الالون

يتصفح الموضوع حالياً: 6 (6 من الأعضاء و 0 من الزوار)
‏أم حموودى القمر, ‏Boody we zady, ‏mokka, ‏فراشه فى بيتها, ‏رعشة قلب+

ماشاء الله ايه التجمع الحلو ده
ربنا يزيد ويبارك
ازيكم جميعا

فراشه فى بيتها;11483467:
وحشتونى كتييييير كلكو عاملين ايه



رعشه بصى انتى ممكن تلبسى زيتى مثلا او كحلى وتفصلى عبايه وعليها طرحه مترونص مش بتسموها ايه ونقاب مصرى بيكون شكلهم حلو مع انى مش بفضل غير الاسود

ايه نقاب مصري دة

انا ماعرفوش

انا جوزى بيجبلي النقابات والعبايات من السعودية

بس بصراحه عايزة اعمل تغير لانه مش عملى خالص مع الطفل وحركته وكدة رغم انى بحب الاسود جدا مع النقاب ارقي فعلا

عشان كدة فعلا مش هغير الا لما احس واقتنع انه بنفس رقي الاسود

وكمان برضو هلبس العبايات والنقاب الاسود بس مش على طول وفى اوقات معينه وكدة

وبصراحه انا مش عايزة البس اي عبايه

لان فى عبايات بتكون ستاتي اوى

انا قبل النقاب كنت بلبس لبس عادى وعبايات بس بناتى والوان فاتحه وكدة

فمش عايزة مع النقاب البس لبس مش مرتاحه فيه

toty858;11483549:
رعشة
انا مش منتقبة بصراحة
بس بحس ان الاسود احسن وارقي كتير عن الالوان
دة رائي :)

ايوة فعلاااا حتى انا مقتنعه كدة

عشان كدة الفكرة صعبه اووووى

بس هو مش عملى يا توتي

تخيلي كدة لو لبستيه وطلعتى ومعاك مايا

ومع ذلك انا مترددة جدااااا فى الخطوة دى

ازيكممممممممم
ازيك يا ايمان اة الحمد لله مايا خفت اخيرا بس طبعا مش بتاكل خالص بس الحمد لله يعنى كنا فين
انتو كلكو اخباركو اية
سالى انتى جوزك مسافر ولا اية
مش هقولك غير ربنا يعينك حسة بيكى

ازيكم يا حلوين

ما انا عارفة طبعا انة بهدلة
بس اللى لاحظتة اية بئة :)
ان النقاب بيكون ميزة مع الامهات
لان في الغااااااااالب بلاقي الاب هو اللى شايل البيبي :)

*Om Mo3az*;11483525:
رعشة على فكرة انا كنت فكرت زيك كده بالظبط وكمان كتغيير يعني حبيت اجيب عباية
جبت عباية رصاصي بس لبست عليها الطرحة اللي هي مثلثة دي ونقاب مصري
بس كان تعيير وكل اللي يشوفني اصلا يفتكرني مش مصرية ههههههههههههههههه
لان معظم المنتقبات هنا في مصر بيلبسو اللي هو النقاب السعودي ده
بس للاسف بقى العباية اللي جبتها دي كانت فيها بيلمع كتير وجوزي طبعا علق عليها عشان دوشة اوي وفيها بيلمع
كنت لبستها في العيد بس عشان الاسدال بتاعي كان عاوز يتيغير
المهم يعني
اني رجعت للاسود تاني لانه اكتر حاجة شيك ووقار كمان
بس انتي لو حبيتي تغيري جربي عادي
انا طبعا بتبهدل من معاذ شوية يمشي وبعد كده اشيله فيمسح الشوز بتاعه في هدومي هههههههههههههههه
بس هعمل ايه مش قدامي اي حل تاني واي لون هيتوسخ برضو على فكرة

جربي البني هو اكتر حاجة شيك بعد الاسود يعني

فعلا يا ايمان الاسود هو ملك الالوان فعلا

بس زى ماقلتي بيبقي بهدله مع سن حسن ومعاذ هههههههههههههههههه التوأم الروحى

لما تكلمى عن معاذ كانك بتكلمى عن حسن

النقاب السعودي يا رعشة بيترفع لفوق انما المصري بينزل لتحت ههههههههههههه

المصري بيكون قطعة كده مستطيلة وليه استك من ورا وبتلبسيه من تحت عينك على طول وتربطي الاستك لورا ومن فوق بقى عشان الاورةبلبس ايشارب او طرحة وانزله بيبقى فوق عيني بالظبط بحيث ان مافيش حاجة تبان غير عينك بس

فاهمه حاجة

توتى ازيك ياقمر وحمدا لله على سلامة مايا
اه جوزو مسافر ادعيلى يجى بالسلامة بقه

ازيك ياشهيدة اخبارك ايه ياحبيبتى طمنينى على البيبى وعليكى؟؟

ما شاء الله دايما يارب متجمعين عالخير

رعشه
ازيك وازى حسن؟
بجد مش عارفه اشكرك ازاى والله ريحتى قلبي ربنا يريح قلبك


سالى
ازيك ؟ وازى حمودى والحمل؟


توتى

الف سلامة على مايا
معلش مكنتش واخده بالي انها تعبانة
يارب تكون احسن ودايما يارب تكون بصحه وعافيه

اه طبعا يا سالى الحمد لله دول نعمه كبيرة اهو كلام بنقوله بس منقدرش نستغنى عنهم

انا هاقوم اغسل سنانى واتوضى واجيلكم تانى ان شاء الله

ازيك يا شهيدة عاملة ايه انهرده
وعمر اخباره ايه ومغامراته عاملة ايه

ازيك يا شهيدة

ربنا يرجعة بالسلامة يارب ياسالى ويهون فترة سفرة عليكى وعلية وعلى محمود

انا كمان هقوم احاول مع مايا تاكل علشان صحيت وارجع على طول باذن الله
يارب ارجع الاقيكو

الحمد لله ياسالي
ربنا يرجعلك جوزك بالسلامة
انا عارفه يابنتى الموضوع بيكون صعب اد ايه

انا امبارح كانت نفسيتى وحشه جدا وجيت اغير لعمر قمت شايلاه ومن ساعتها تعب جامد اوى ومغص وعمال ينزل دم كتير
ربنا يلطف والله انا طبعا قلقانه جدا عالحمل بس مش عايزة افكر مصدقت انى بدات افوق شويه
الحمد لله

مساء الخير عليكم يا قمرات