رابطةأمهات وأطفال مصر لشهر ربيع الاول(كل عام وانتم بخير) ....

مبرووووك ياسالى البنوتة ربنا يجيبها بالسلامة يارب
وان شاء الله تبئى كويسة باذن الله :)


حد يتصل على شهيدة نتطمن عليها

سالي الحمدلله وبالنسبه للضغط انا كمان ضغطي كان واطي طول الحمل بس مخدتش حاجه الدكتور كان قالي اشرب ميه وسوايل كتير والحمدلله عدى ..ومبرووووك البنووته ربنا يفرحك بيها سليمة معافاه اللهم امين ..استقريتي على الاسم وللا لسه؟

والله يا هوبى جوزى كان مصمم يسمى على اسم مامته ((وفاء)) بس رجع قالى هى هتنزل باسمها ان شاء الله
لسه مش عارفة بس مفيش مانع تفكرو معايا فى شوية اسماء تبقى عندى احتياطى

بصي انا بحب اوي اوي اسماء وهاجر وسلمى وساره ..اكتر اربع اسماء بحبهم بس عموما في نورين حلو اوي ونوريا (بتشديد الياء) وفي سما وفي جويريه (اسم جميل بس اعرف بنت صغيره شقيه ومدلعه وخنيقه موت اسمها جويريه فخنقتني من الاسم) وفي فريده اسم برضه حلو وملوكي كده ..هافكرلك تاني واقولك

تسلمى يا هوبى الاسماء حلوة بس يارب هو يوافق وميصممش على وفاااااااااااااء

بنات عاوزين نطمن على شهيدة
ياريت اللى معاه رقمها يكلمها ويطمنا
وكمان مشامى مبقتش تدخل شكل يوسف ودانا شاغلينها اوى

للاسف انا معنديش نمرتها

صباح الفل والياسمين
ازيكم عاملين ايه يا حلوووين والكتاكيت
مبروووووك سالي البنتوتة ربنا يكملك على خير ويجبها بالسلامة

مبروووووووووووووووووووك يا ام فله روحى بقى هاتى لبسها م الوقتى ودلعيها واسم جاسمن ورهف وجويريه حلو برده وربنا يارب يجعلها صالحه معافيه تامة الخلقه وخدى بالك من نفسك وكلى كويس اصل البت تطلع زى امها

مبروك يا سالى على البنوتة ربنا يجبهالك بالسلامة معافة وسليمة وصالحة
هقولك انا كمان شوية اسماء بنات جودى و لوجين و جنى و ردينة وحبيبة وكنزى ورقية وخديجة وعائشة وشهد ودانة و ديما و رؤى
ووفاء كمان يا سالى اسم جميل والله وفعلا البيبى بينزل باسمه

ازيكم؟

مكنتش واخده بالي ان الموضوع هناك اتقفل
المهم يا بنات ادعولى الله يكرمكم
انا رحت للدكتورة يوم السبت اللى فات والحمد لله شفت نبض البيبي
بس المشكله ان في انفصال جزئي بين كيس الحمل والرحم وعامل تجمع دموى بين الكيس والرحم
يعنى احتماليات الاجهاض لسه موجوده ويمكن كبيرة
انا طبعا من وقتها ملتزمة الراحه تماما بس برضو بينزل دم وبيجيلي انقباضات كل شوية وبعدها بلاقي الدم وطبعا دماغي عماله تودى وتجيب
ده كله غير التعب نفسه بتاع الحمل

دعواتكم الله يكرمكم لانى فعلا تعبانه عالاخر واوقات بحس انى هموت فعلا من كتر التعب
ادعولى كتييييييييييييير

ربنا معاك شهودة ويكملك على خير حبيبتي ويقر عينك بيه
ربنا معاك ويكون في عونك وان شاء الله فترة وتعدي وربنا يطمنا عليك
خلي بالك من نفسك

شهيدة زعلتيني والله
ربنا يعمل لك كل خير يارب وييسر لك الامور ان شاء الله
والفترة الصعبة دي تعدي على خير ان شاء الله وبدون خساير ولا ليكي ولا للبيبي وربنا يطمنا عليكي انتي والبيبي يااااااااااااارب ويكمل لك حملك على خير

طب وعاملة ايه مع عمر بقى ولا قاعدة عند مامتك
ربنا يعينك يارب ويعدي لك الفترة دي على خير

شهيده الف سلامه ياقمر ربنا يثبتلك حملك يارب ويعدي الفتره دي على خير

سالي مبرووووووووووووك والله فرحت لك اوي
ما شاء الله
ربنا يكمل لك على خير يارب وتقومي انتي والبنوتة بالسلامة يااااااااااارب

ازيك يا هبه عاملة ايه واخبار حمادة ايه

يا بنات اللي ولادهم في سن معاذ

معاذ من فترة قصيرة كده بقى بيخاف اوي وبقى جبان اوي يعني لو بيلعب بالكورة في الصالة والكورة دخلت اي اوضة حتى لو النور والع يخاف يدخل لازم ييجي لي ويمسك في ايدي ونروح مع بعض نجيب الكورة
وساعات الموضوع بيبقى زايد اوي بقى لو الكورة راحت في نفس المكان اللي قاعدين فيه بس بعيد شوية ولازم يقومني اجيبهاله والا يفضل يعيط

مش عارفة ايه موضوع الخوف ده مع اني عمري مابخوفه خالص وكمان لما النور بيقطع مش بيعيط بشيله عادي ومش بيعيط
بس مش عارفة بقى ده طبيعي ولا ايه

السلام عليكم
ازيكو كلكو

شهيدة الف سلامة عليكى
ربنا يعدى الفترة دى ع خير

ايماان عملتى اية؟
ازيك الاول وازاى معاذ

الف سلامة عليكى يا شهيدة ربنا يطمنك ويتمملك حملك على خير

ايماان انتى فين

شكلك فاتحا ومش اعدة