رابطةأمهات وأطفال مصر لشهر ربيع الاول(كل عام وانتم بخير) ....

كاتو ازيك يا قمر وازى اميرة

سالى حبيبتى اخبارك اية
انا الحمد لله تمام واميرة ماشاء الله كبرت شوية
انتى اخبارك اية ومحمود عامل اية معاكى عرفتة ان فى نونو جديد جاى فى الطريق ان شاء الله ولا لسا ربنا معاكى وتولدى بالسلامة يا قمر

ازيكم؟؟؟
مبروك علينا وعليكم الجزء الجديد
توتى
لو عايزة امة لا اله الا الله ترن عليكى قولى بس هنا وفى تجمع الحوامل
وانا ممكن اظبطك رن وكلام
بس خايفة الموضوع يقلب بغم وجوزك يتخنق من الموبايل ويكسره
وانا لو منك اضحى بالراجل لكن مضحيش بالموبايل
دة بكاميرا يا شيخة
هههههههههههه

ربنا يكرمك يارب ياندى
ههههه
انا متنازلة عن الموبايل
هو اى نعم جديد
واى نعم كاميرتة 8 ميجا
بس مش هيقدر يكسرة علشان هو شاريهولى هدية الاجازة اللى فاتت هههههه
وبعدين ياستى لو هيكسر الموبايل مش مهم بس يعرف ان مراتة بزنس وومن ومهمة بئة وحبايبها كتتتتتتتتتتتتير غيرو :)

السلام عليكم
ازيكو يابناااااااات

مبروك الجزء الجديد

ادعوووولى يابنات كتيرررررررر ان اروى مترضعش صناعى انا مديقا اوى ونفسيتى زفت
كنت عند الدكتور امبارح وقالى ان ونها قليل شوية وادانى هربانا لتزويد اللبن قالى نجرب
لو مزدش هندى صناعى

كمان غير كدة ياحببتى ع المعاناة اللى بتعنيها لما تيجى ترضع مافيش دقيقتين والقيها ااتشنجت ووشها احمر وزهقت لان فعلا اللبن قليل اوى
الحمد لله ع كل حال

دعواتكو الله يخليكوووووووووو

تنصح جميع الدراسات الحديثة الأمهات بالرضاعة الطبيعية

خاصة فى الأشهر الأولى من عمر أطفالهن، بعد أن ثبتت فوائدها

فى حماية الأطفال الرضع من التعرض للعديد من الأمراض

وزيادة مناعة الجسم أيضا ولإن لكل شىء أصوله، فإن الرضاعة

الطبيعية أيضا لها أصولها حتى لا يرفض الطفل تناول الثدى أو يتقيأ

اللبن إذا ما بلعه فمن الأخطاء التى قد تقع فيها الأم أحيانا دون أن

تدرى أن ترضع طفلها بعد قيامها بمجهود عضلى عنيف مثل تنظيف

المنزل أو تعرضها لبعض الإنفعالات النفسية كالتوتر، أو الغضب

نتيجة وجود خلافات مع الزوج ويوضح أحد مستشارى التغذية

والصحة العامة والمناعة أن المجهود العضلى أو النفسى العنيف

للمرأة المرضعة يزيد من نسبة حامض (لاكتيك) فى لبن الأم أربع

أضعاف، ويستمر فى ثديها لمدة 90 دقيقة قبل أن يختفى

وهذا بالتالى يزيد من تخمر اللبن فيغير من طعمه

مما يدفع الطفل الى رفضه او تقيؤه
منقول للفائده

ازيكم ياماماهات وحشتوني
اوووي

السلام عليكم

ازيك ياسالى انتى هنا؟

‏أم حموودى القمر+

CuTie KaTkOoTa;11343685:
تنصح جميع الدراسات الحديثة الأمهات بالرضاعة الطبيعية

خاصة فى الأشهر الأولى من عمر أطفالهن، بعد أن ثبتت فوائدها

فى حماية الأطفال الرضع من التعرض للعديد من الأمراض

وزيادة مناعة الجسم أيضا ولإن لكل شىء أصوله، فإن الرضاعة

الطبيعية أيضا لها أصولها حتى لا يرفض الطفل تناول الثدى أو يتقيأ

اللبن إذا ما بلعه فمن الأخطاء التى قد تقع فيها الأم أحيانا دون أن

تدرى أن ترضع طفلها بعد قيامها بمجهود عضلى عنيف مثل تنظيف

المنزل أو تعرضها لبعض الإنفعالات النفسية كالتوتر، أو الغضب

نتيجة وجود خلافات مع الزوج ويوضح أحد مستشارى التغذية

والصحة العامة والمناعة أن المجهود العضلى أو النفسى العنيف

للمرأة المرضعة يزيد من نسبة حامض (لاكتيك) فى لبن الأم أربع

أضعاف، ويستمر فى ثديها لمدة 90 دقيقة قبل أن يختفى

وهذا بالتالى يزيد من تخمر اللبن فيغير من طعمه

مما يدفع الطفل الى رفضه او تقيؤه
منقول للفائده

جزاكى الله خير يا كتككت

بنات ادعو لبسبس انا كلمتها وقالتلى ان جالها مغص جامد الصبح بس مش طلق لا مغص فى معدتها وكلمت الدكتور قالها روحى على المستشفى طلع عندها تسمم وادوها مطهرات للمعدة والدكتورة قالها تعالى العيادة بالليل علشان يكشف عليها وتقوله على الطلق اللى بيروح ويجى ده وهى ان شاء الله هتروح بالليل وتبقى تدخل تطمنكم بنفسها ان شاء الله
ادعووووووووووووولها كتييييير

ربنا يشفيها يارب
الدور دة سخييييييييييييييف اوى
انا جالى بردو تسمم بس كنت في السابع واتبهدلت اوى فعلا
ربنا يشفيها ويعافيها يارب وتقوم بالسلامة هيا والولد ياذن الله
لو كلمتيها ياسالى بعد اذنك وصللها سلامى وياريت لو تقوليلها انك تدينى رقمها علشان اطمن عليها

وميرسي ياقمر على الصبح مواااة

الف سلامة عليكي يا بسبس
وجالها منين التسمم ده ياسالي
بقولكم ايه البس لمار دلوقتي ايه الجو حر مووووووووووووووووووووووووووووووووت وصعبانه عليا من الحر ده
وطلعلها حمونيل في رقبتها اعملها ايه علشان يروح

ميرسى يا حبايبى جدا لكل اللى دعولى وتسلمولى يارب

بس ادعولى والله مش عارفه اكل والوجع بشع فى معدتى حاجه يعنى استغفر الله العظيم

انا جيت البيت اهو عشان اجهز للدكتور بس مستنيه السخان يعمل شوية مايه :)

كوباية مايه;11348205:
ميرسى يا حبايبى جدا لكل اللى دعولى وتسلمولى يارب

بس ادعولى والله مش عارفه اكل والوجع بشع فى معدتى حاجه يعنى استغفر الله العظيم

انا جيت البيت اهو عشان اجهز للدكتور بس مستنيه السخان يعمل شوية مايه :)

الف سلامه عليكي
ربنا معاكي ياحببتي بس جالك منين يابسبس اكلتي ايه حرام عليكي شوية ابنك هيطلع ويقولك ارحميني اوعي يكون من الرنجة والبصل :D

garfeild;11348294:
الف سلامه عليكي
ربنا معاكي ياحببتي بس جالك منين يابسبس اكلتي ايه حرام عليكي شوية ابنك هيطلع ويقولك ارحميني اوعي يكون من الرنجة والبصل :D

ههههههههههه المنتدى كله عرف انى اكلت رنجه وبصل ههههههههههههههه

لا الرنجه دى كانت من يومين

دانا امبارح كنت معزومه على الغدا عند حماتى امبارح ووانا طالعه ادتنى تانى من اكل الغدا قالتلى انتى مكلتي كويس خدى و اخدتهم واتعشيت من نفس الاكل

بس شكل معدتى فيها حاجه او الاكل اللى كان فيه حاجه لان محدش فيهم كلهم حصلهم حاجه غيرى

بقول لجوزى مانتوا عيله متربيه على الفول

انما انا اهلى مربينى على الكورواسون والزبده والتوست :041:

هههههههههههههههههههه يخرب عقلك يابسبس

garfeild;11348414:
هههههههههههههههههههه يخرب عقلك يابسبس

:02::02::02::02::02::02:
:02:
بقولك انا هقوم بقى هروح اجهز عشان اروح للدكتور عندى كشف انهارده ويارب بقى يبقى النونو نزلو والدكتور يقولى هتولدى بكره :037:


سلام يا سيمو

وعلى فكره البنات فى تجمع الحوامل كتير ابقى ادخلى اتسلى معاهم :025::025::025:

سلام يابسبس ربنا معاكي

مبروووووووووووك الجزء الجديد
وانا عماااااااااااااااالة ادور عليكم
بوسبس الف سلامة عليك

ازيكم بنات

اخباااركم واخبار الكتاكيت

الجو صعب اوووووووى وغريب جداااا وانا مش عارفه مالى كدة

تعباااانه جدا ومجهدة على الاخر وحاسه انه ضغطي واطي

الحمل المرة دى تعب اوووووى ادعولى ربنا يهونها يااااااااااااااااااارب