رابطةأمهات وأطفال مصر لشهر ربيع الاول(كل عام وانتم بخير) ....

فعلا يا نهى كلمي دكتر مدحت ماشاء الله عليه
وان شاء الله تطمني عليها

*Om Mo3az*;11436699:
نهى الف سلامة على ملك يا حبيبتي معلش ربنا يشفيهالك يارب
طب جربي تغيري الشاور جيل بتاعها بس تسالي الدكتور الاول وقولي له يكتب لها على نوع مايعملش حساسية
وربنا يطمنك عليها يارب ويشفيها

ربنا يخليكى يا ايمان انا قولت ان شاء الله مش هحميها بشاور اليومين دول ولا احطلها برفيوم هى اخرها ماية بس وربنا يسهل انا نفسى بس اوصل لسبب عشان ارتاح
ايمان انا امانى مش نهى واضح ان شقاوة معاذ ماثرة عليكى:f:

هههههههههههههههههههههههههههههههههههههههههه
مش قادرة يا اماني امسك نفسي من الضحك
معلش يا جميل الزهايمر المبكر بقى عامل عمايله

وعلى فكرة البرفيوم اكتر حاجة تهيج الحساسية خلي بالك
وربنا يشفيهالك يارب



انا هقوم اتعشى وارجع تاني
محدش يمشي بقى لنا كتير مش اتجمعنا

ولا يهمك يا ايمان وبالهنا والشفا

مشيتو ولا اييييييييييييييييييه

ايمان ازيك انا رجعت من عند ماما على فكرة
انا مستنياكى بكرة بقه ان شاء الله

أم عمرومنة;11427472:
ادعووووووووووووولي بنات ربنا يفك كربي ويزيح همي
ارجوكم مش تنسوووني بالدعااااااااااء محتاجاه قوووووي

ربنا يفك كربكويزيح همك يارب ياسمسمة احنا وانتو ومل المسلمين يارب العالمين

mokka;11436574:
بنات لو سمحت ادعو لملك لحسن الحساسية مبهدلها خالص انا وديتها لدكتورين دكتور جلدية ودكتور الاطفال بتاعها وكتبولها على ادوية وكل ما تخف ترجع تانى تظهر فى مكان جديد وجسمها متبهدل خالص وعلى الرغم انى منعت عنها وعنى( لانى برضعها لسة) كل الاكلات اللى بتسبب حساسية بس لحد انهاردة بتظهر وللاسف ظهر وحدتين فى وشها انا نفسيتى وحشة جدا بسبب الموضوع دة ومش عارفة اعمل ايه اخدت مضاد حيوى قوى واخدت دوا حساسية وكريم ولوشن مش عارفة اعمل ايه
طب تفتكروا الشاور بتاع الحمى هو اللى ممكن يكون بيزودها والدكتور قاللى اغسل سجاجيد الشقة كلها بس انا مش عايزة اعمل كدة دلوقتى عشان البرد
لو سمحت يا بنات ادعولها انا املى فى ربنا ثم فى دعائكم كبير

امانى الف سلامة على ملك شفاها الله وعافاها ان شاء الله هتبقى زى الفل

سالي حمدالله عالسلامة
هشوف بكرة والله حسب الجو
بس انا عاوزة انزل المكتبه الجديدة اللي فتحت في 6 اكتوبر دي شفتيها
عاوزة اشتري لمعاذ لعبة ذكاء تنمي اي حاجة عنده مش عاوزة لعبة تقليدية بقى زي اللي عنده دول ولا عربيات ولا الكلام ده
عاوزة اجيب له بازل او مكعبات هاوزة حاجة جامده كده
لو مالقتش حاجة هنا هروح تطوير تون اللي في جيهان

شكراااااااااااااا بنات لكل الى دعالى وربنا يتقبل دعائكم يارب
سلامة بنوتتك ملوكة يا اماني شافاها الله وعافاها معلش انا عارفة الوضع الى انت فيه
انا ابن اختى كده وعارفة المنظر والعذاب ده ربنا معااك ونطمن عليها قريب

توتى الف سلامة على مايا وربنا يشفيها وتنزل الحرارة بس بقول تروحي لدكتور احسن

ندى الف سلامة عليك حبيبتي من ايه ده مليون سلامة عليك معلش الموضوع ده حصلي في الرضاعة
داومي بس على المضاد الحيوي ودايما اشطفي بمايه دافيه


باقي الامهاااااااااااات ازيكم واز يالكتاكيت بتاعتكم وازي الحوام لمنكم يار بتكونو بخير
والى غايبين ازيكم وحشتوناااااااااااااااااا

ندى الف سلامة عليكى خير اللى حصل ده من ايه؟؟ربنا ييسرلك امرك ويشفيكى ياحبيبتى بإذن الله

توووتى الف سلامة على مايا العسل يارب تكون الحرارة نزلت وخليكى معاها بالكمادات لان الخافض مش هيعمل نتيجة غير لما الحرارة تنزل ل38 وربنا يتم شفاها على خير

*Om Mo3az*;11437006:
سالي حمدالله عالسلامة
هشوف بكرة والله حسب الجو
بس انا عاوزة انزل المكتبه الجديدة اللي فتحت في 6 اكتوبر دي شفتيها
عاوزة اشتري لمعاذ لعبة ذكاء تنمي اي حاجة عنده مش عاوزة لعبة تقليدية بقى زي اللي عنده دول ولا عربيات ولا الكلام ده
عاوزة اجيب له بازل او مكعبات هاوزة حاجة جامده كده
لو مالقتش حاجة هنا هروح تطوير تون اللي في جيهان

اه يا ايمان شفتها بس مش عارفة عندهم العاب ولا ايه وتطوير تون طبعا عندهم العاب احسن
ومدام هتخرجى هستناكى بقه ان شاء الله

ازيك يا ام عمر عاملة ايه واخبار الولاد ايه

انتي بتسهري وبتصحي بدري ازاي كده عشان عمر ولا بترجعي تنامي بعد ما ينزل

ايمان حلو النيو لوك مبرووك عليكى

سمسمة اسمك منور تحت ازيك وازى الحلوين؟؟
مالك ياحبيبتى ربنا يفك كربك يارب

اه يا سالي عندهم العاب
انا هتفرج ولو لقيت الجو حلو ممكن اروح تطوير تون انا عارفة انه احسن بس بقول عشان دي قريبة وكمان اختي دخلتها بتقول لي فيها العاب وحاجات بس هي ماتفرجتش كويس يعني

هنبقى على تليفون ان شاء الله بكرة

الله يبارك فيكي ياسالي
بقى لي كتير عاوزة اغيره بس ماكنتش بعرف اقعد عندي في شقتي خالص

ايمان انا راجعة من عند ماما من ساعة بالضبط يادوب حميت محمود ولسه نايم حالا
هاقوم احط غسيل فى الغسالة وارجعلك على طول ان شاء الله

سالى واسماء ازيكوا وازى اولادكم عاملين ايه
مرسى يا بنات انكم دعيتوا لملك ربنا يجزيكوا خير يا رب

يتصفح الموضوع حالياً: 5 (5 من الأعضاء و 0 من الزوار)
‏أم حموودى القمر, ‏*Om Mo3az*, ‏Boody we zady, ‏mokka, ‏أم عمرومنة+

ماشاااااء الله ربنا يزيد ويبارك يااااااااه من زمان محدش دخل كده
يلا ارغو بقه

mokka;11437079:
سالى واسماء ازيكوا وازى اولادكم عاملين ايه
مرسى يا بنات انكم دعيتوا لملك ربنا يجزيكوا خير يا رب

اهلا اهلا يا امانى انتى بتشكرينا على ايه يا بنتى ملك بنتنا زيك بالضبط
طمنينا هى عاملة ايه دلوقتى بقت احسن؟؟