الدكتورة فهيمة المطوع

خيو انصحش ابها احسن دكتورة في التصوير الرباعي
وعلى كيفش اذا تبغين دي في دي او تبغين صورة انا انصحش الحين تروحين موفي التاسع

هي قالت لي احسن وقت الشهر السابع اكون اوضح التصوير وهي دكتورة خلوقة وحبوبة

لالا مااعتقد 50 انا قبل 3 سنوات رحت لها 30 مع دي في دي وكل ماارتفعت الاشهر ارتفع السعر عندها!!
والله اعلم بس هي نقلت عيادتهامن سترة الى الزنج جنب الدكتورة سميرة المتروك

هي شاطرة انصحج تروحين لها
مع الدي في دي 50 دينار
من دونه 45 دينار

عن نفسي رحت لها بحملتين واعتمدتها دكتورتي في الاشعه الصراحة خبرة واخلاق

وعيادتها في الزنج انتقلت من سترة

والسعر 45 بدون شريط

والشهر التاسع ما تسوي اتسووين ملون السابع والثامن افضل ابان عدل

مرحبا
ممكن تدلووني على عيادتها وين تصير بالضبط ،،
وال عندها رقم تلفونها تحطه هني
وشكككرا مقدما

ام احمد 21;11339676:

شكرا اختي محمدية الهوى على الرد ,, يمكن اروح نهاية السابع لانة باقي لي اسبوعين لانة خذيت راي كذا وحدة قالوا لي السابع احسن , لانة في التاسع يصير مسكين مفعوص

و الاخت JOD بعد

وياريت اسمع رأي الباقي

برأيي الدكتورة فهيمة أفضل دكتورة متخصصة في هذا المجال حالياً ... وأكثرهن سعراً أيضاً :02:

فقط أحببت أن أؤكد كلام أخواتي اللاتي سبقنني أفضل فترة للتصوير الثلاثي أو الرباعي للحصول على صور مميزة للطفل السابع ... بعدها يكبر حجمه ويضيق الرحم عليه فيتخذ وضعيات محددة يصعب معها تصوير ملامحه بدقة

أنصحش بها و بشدة
أني فترة حملي كنت أتابع الألتراسوند عندها
ما شاءالله شاااااااطرة و حبوبة
تعطيش التفاصيل و تنصحش وش تسوين
للحين أطالع السي دي مال بنوتتي خخخخخ
تخصصها ألتراسوند و جهازها من أحدث الأجهزة و تشوفين البيبي ع شاشة بلازما خخخ و ش كبره

بس لا تسوين الرباعي إلا في نهاية السابع لأن البيبي واضح و كبر

أما الشهور الباقية سوي العادي و هو عندها العادي ثلاثي الأبعاد

الفلوس فيها مو خسارة

الله يتمم عليش خيو

انا سويته عندها بالاسبوع 29 وكم يوم وكانت بنتي خاشه ويها فماشفت ملامحها عدل ، احس المفروض كنت اروح قبل ، اهي تسويه من الاسبوع 26-32 بس كلما كان البيبي اكبر قلت الفرصه انج تشوفينه واضح ، والسعر 50 دينار من السي دي ...
وهذي رقم عيادتها بالزنج 17232202 صايره جهة لاميزون كافيه وقبل عيادة د. سميره المتروك ...

انا باقي لي يومين وادخل الثامن يعني يصلح اروح لها الحين ولا لايعني خلال هاليومين او اول ما ادخل الثامن؟

حوامل البحرين .. (مرجع للدكتورات اللي نقدر نتابع الحمل عندهم ) ،،

ام زوبا;11343613:
انا باقي لي يومين وادخل الثامن يعني يصلح اروح لها الحين ولا لايعني خلال هاليومين او اول ما ادخل الثامن؟

أحين أختي أنسب وقت بعدين بصير البيبي أكبر و تقل حركته و تكثر السوائل و يصير وجه البيبي منتفخ عدل

اعذريني يالغلا ..... مااعرفها............

دكتوره فهيمه زينه وانا واجد ارتحت لها

بس التااسع متاخر على التصوير الثلاثي لان مابيكون مبين واضح بيكون كبير ومتكرفس على نفسه

افضل بالثامن لاني قبل رحت لها بالتاسع وقالت لي لاتسوين رباعي سوي عادي لان مو واضح وبتدفعين على خرطي حرام

دكتورة خلوقة وشاطرة

بصراحة انا جربتها ببداية الاشهر يمكن لي 8 اسابيع

كانت سريعة واجد وما فهمت منها اي شي حتى النبض سمعت دقتين وسكرته

ولما صار لي موعد الالتراساوند تبع المركز حولوني لمستشفى احمد كانو وكانت هي الي سوت لي السونار طبعا تبع الحكومة مو بعيادتها ولما سألتها عن جنس الجنين مهلت شوي وتالي قالت لي بس انا شاكة انه مو أكيد قالت صح لان بسرعه بسرعه وما ادري حظي وياها شذي ليش حتى سمعت تراوي كل شي انا ما شفت شي ولا راوتني شي اطالع الجدار وهي الشاشة حتى الصورة كانت كلش مو واضحة ولا فهمت منها شي

في احد تابع وياها وقالت له الجنس وبعدين طلع غير ؟؟؟ أفكر اروح لدكتورة منى الشرقي اتأكد

يالله بالفرج;11544210:
بصراحة انا جربتها ببداية الاشهر يمكن لي 8 اسابيع

كانت سريعة واجد وما فهمت منها اي شي حتى النبض سمعت دقتين وسكرته

ولما صار لي موعد الالتراساوند تبع المركز حولوني لمستشفى احمد كانو وكانت هي الي سوت لي السونار طبعا تبع الحكومة مو بعيادتها ولما سألتها عن جنس الجنين مهلت شوي وتالي قالت لي بس انا شاكة انه مو أكيد قالت صح لان بسرعه بسرعه وما ادري حظي وياها شذي ليش حتى سمعت تراوي كل شي انا ما شفت شي ولا راوتني شي اطالع الجدار وهي الشاشة حتى الصورة كانت كلش مو واضحة ولا فهمت منها شي

في احد تابع وياها وقالت له الجنس وبعدين طلع غير ؟؟؟ أفكر اروح لدكتورة منى الشرقي اتأكد

أول مرة أسمع أحد يذمها

ويمكن ماعطتش تفاصيل كاملة عن البيبي لان في الحكومي مو في عيادتها !

وبالنسبة لجنس البيبي مامرة سمعت وحدة تقول انها قالت لها شي وطلع خطأ والعلم عند الله

البنات كفو ووفو دكتورة فهميه مو احسن دكتورة امراض نساء وولاده لانها في الاساس تخصص طب عائله لكن احسن على مستوى الالتراساوند ومعرفة جنس الجنين يعني انا حاليا اتابع عند دكتوره هدي احس السونار مو واضح بس الدكتوره شاطره يعني انتي لو تطالعيين ما تفهميين شي ولا يبين لج شي عكس سونار دكتوره فهميه البيبي يكون ماشاء الله كلش واضح وحركته بعد واضحه وتعرف جنس الجنين من وقت يعني تقريبا على نهاية الثالث ويطلع بالفعل نفس ما قالت وعن تجربه اختي جربتها وقالت لها بنت وفعلا ولدت وطلعت بنت وانا جربتها وقالت لي ولد واجهضت والجنين اللي اجهضته فعلا كان ولد عكس باقي الدكاتره ما يعرفون إلا في الشهر الخامس او السادس وبعد ممكن يكون في اخطاء وطبعا العلم عند رب العالميين في الاول والاخير

يالله بالفرج;11544210:
بصراحة انا جربتها ببداية الاشهر يمكن لي 8 اسابيع

كانت سريعة واجد وما فهمت منها اي شي حتى النبض سمعت دقتين وسكرته

ولما صار لي موعد الالتراساوند تبع المركز حولوني لمستشفى احمد كانو وكانت هي الي سوت لي السونار طبعا تبع الحكومة مو بعيادتها ولما سألتها عن جنس الجنين مهلت شوي وتالي قالت لي بس انا شاكة انه مو أكيد قالت صح لان بسرعه بسرعه وما ادري حظي وياها شذي ليش حتى سمعت تراوي كل شي انا ما شفت شي ولا راوتني شي اطالع الجدار وهي الشاشة حتى الصورة كانت كلش مو واضحة ولا فهمت منها شي

في احد تابع وياها وقالت له الجنس وبعدين طلع غير ؟؟؟ أفكر اروح لدكتورة منى الشرقي اتأكد

اغلب اللي اعرفهم والعائلة الكريمة كلها تروح لفهيمة وحسب علمي ما غلطت في جنس الجنين مع أحد منهم يمكن لأنها وعلى لسانها قايلة أنها مستحيل تقول الجنس إذا شاكة فيه ولو بنسبة 1 %

وأكيد بتكون اسرع من العيادة لأن المراجعين اكثر وفي ضغط غير أن في عامل ثاني أن اجهزتها في العيادة من أدق الأجهزة في مجال الاترساوند ومستحيل أجهزة المركز تكون مثلها أو تعطي نصف دقتها لأن اللي في المركز أبيض وأسود وغالباً يكون موديل قديم وهي عندها رباعي وثلاثي

هو مو دفاع عنها خيو وللأمانة أختي كان انطباعها عنها سيء في أحد المرات كثير وقالت أن بالعكس هي كانت سريعة سريعة وفي المركز الدكتورة عطتها تفاصيل أكثر بس راحت لها مرتين بعدها عشان صور البيبي تبي صور ثلاثية لألبومه وقالت أنها كانت غير ومثل ما كنا نقول عنها دقيقة وتآخذ وقت كافي ... يعني يمكن كانت ذيك المرة حالة استثنائية وشاذة لها أسبابها

بس هذا ما يمنع ان اسعارها غااااااااااالية كثير وفرق عن البقية لكن بالنسبة لي النتيجة تستحق هي اسعارها معلنة وفي غيرها كثير فاختيارها راجع لتقديرات الشخص

انا أهم شيء عندي المعاملة ما أحب اروح لدكتورة تتنيزر علي خصوصاً في عيادة خاصة وفي نفس الوقت احب اكون واثقة من الدكتورة اللي اتعامل معاها ومن دقتها عشان جدي عندي عادي ادفع المبلغ بطيب خاطر