تجمع حوامل وامهات دار الزين ( مملكه البحرين ) لشهر ربيع الاول1431ه

أساير الروح;11414963:

صباحكم عسل يا عسولات

امس رحت الستي سنتر يازعم بتعشى في وافي غورميه بل بس ماخلتنا اخت ريلي اذا راسها ايعورها من الليتات الموزعه هههه وتتطحلطم واتقول مافي شي ذي المطعم ومادري شنو عاد انا وصلت حدي وكنت تعبانه الصبح ويازعم بغير جو في المطعم وخربت مزاجي وقول حق ريلي قوم بس ما نبي انتعشى وتنرفزت حدي ويابو الماي الغرشه العودة ب 1.300 دفعناها وخذيت الغرشة هههههههههههه عبالهم بخليها وه:085:واللي يمنا ايطالعوني وشعلي منهم دفعت ومايستاهلون اخليها والله وبس ريلي واخته مو عاجبهم المطعم ومادري شنو وغالي اووووف تمللت جافني ريلي ماده البوز الا ايقول اي مطعم اتأشرين عليه بوديج عاد انا كلش ماعرف ادلع:041: مابي مابي خلاص جعت نفسي عن الاكل واخرا رحنا العالي وتعشينا في الابراج اووف انا تمللت من الابراج بس الله كريم :037:

مو هالشي يقهر

قصة حياتي:093:

دمـعـة;11415315:
..ويلي اختي تخاف عليكم ,,من جديه تسألكم عن الغداء :037::037:..

الله يخليكم لبعض.. اني اذا يسوي شي منه ومن نفسه اوكي.. وساعات اخليه يسوي لي حاجة بسيييييطة,, وداك اليوم كنت ابدل حمود وبعدين سويت له المرضعة وبعدين نيمته وكنت تعباااانة,,, قلت له حط طاولة الكواي.. لأن اذا اخلص يقول لي شيليها ووقفيها على جنب تسوي المكان ضيق..
المهم قلت له مادام الحين فاصل بين الشوطين قوم حط طاولة الكواي,,, راح يحطها وهو يتحلطم,,
يوم رجع قلت له انزين مافيها شي لو حطيتها!! واذا ماتبي تحطها جان قلت لي مابحطها,, يقول لي انزين انا حطيتها وخلاص,, واذا فيه شي تقدرين تسوينه سويه مو لازم تقولين لي!! :047::047::047: الله واكبر!!:047::047::047:
ماصارت طاولة هذي,, اللي يسمع يقول خليته يكوي او يصنع طاولة هههههههه
بس بشكل عام هو خاااااايب ومتعود على هالشي,,
الا مرات قليلة يساعد.. وويا حمود الحمدلله احسه اوكي.. يعني ادخل اسبح وهو يجوده او يلعب وياه,, وهالنتفة بعد يحب ابوه وااااااجد.. حتى اذا يشوفنا اثنينا واقفين يطالع ابوه ولا يطالعني :039::039:.. وحتى لو ابوه نايم يقعد يطالع في وجهه ويضحك له>>>فديته هالنونو الدليع :087:

دمـعـة;11415315:
..سمعت عن جير,, ومو لازم في استوديو اطفال,,, اني صورت حمود في استوديو عادي بس كان لقطات للاطفال وخلفيات رسوم وهالسوالف,,, واني قايلة لها ابغي صور عادية بس هي حطت لي هالخلفيات
هالمرة صورته في سكوب بس بخلفيات مالت كبار مو برسوم
لأني ناوية اصوره في جير بعد>>> على عمري بملله من كثر التصوير

ولو تشوفونه الصلاة على النبي وآله,, مستاااانس والفلبينية مالت سكوب متشققة ابه.. اخذته من مني وتهاجل ابه,, وتروح تفوشر به للفلبينيات,, وهم مستانسين
بس يقولون له: حموووودي ويصفقون له وهو يضحك وصوته يوصل لوين,, وجوا كلهم التموا عليه ويضحكونه,, على عمري تعب من زود الضحك وظل يسعل,,
واقول لها لاتضحكينه في التصوير لأن خبرش عيونه جاينيز ويختفون لما يضحك ههههههه
وهي تسوي روحها مابتضحكه ومن يطالعها تسوي له حركات او تنخش عنه وهو يضحك,, كل الصور يضحك فيها .. تقول له انت احسن جاهل صورناه,, انت مثل امك وابوه تعرفون تصورون والواحد يحب يصوركم هههههههه
لأن ماسوينا فيها سوايا في زواجنا :085::085:..

>>>هذيان اني قلت مابقول لكم عن الصور,, بسويها مفاجأة وبجيبهم يوم الجمعة,, بس بما انش تطفلتين والحين تدخلين تجمعنا ,, استري على اختش ها هههههههه
خلي الصور مفاجأة :085::085::041::041:

الامورة شجن;11415501:
بنات ابي أخذ رايكم في شي

الحين انا متضايقة من ثنتين عندنا في الشغل وحده احسها اتطالعني كله بحسد وغيرة والثانية استغفر الله كانها متخرعه وكله اتسوي روحها عبيطه .. يعني مثلا لبست جوتي الله يعز السامع تقعد تسأل الاااااااي وحلو ومن وين ومو بطريقة عادية اللي احنا نسأل فيها لاء لو كان جذي ما حطيت في بالي بس تسال بطريقه تتدخل في الخصوصية او مثلا زوجي جاني الشغل تقعد اتقول اوه زوجج اهني شنو كان يبغى واني كنت احقرها لان شي مو من شغلج تسالين او مثلا تسال شنو جاب لج زوجج من هدايا واني احقر احسها ما ادري اشلون وتنرفز ساعات مثلا انا اتكلم في التليفون او شي تقعد اتجي توقف على راسي شنو اتسوين ومن تكلمين وتقعد تهذر على اني مثلا اتكلم في التليفون وما اسمع منها شي لان صوتها وايد عالي .. وانا متضايقه منها عدل في البداية كنت ما احط بالي لهسوالف بس عقب اشوف الامور اتزيد وحاولت اقولها في وجهها بس اخلاقي ما تسمح لي فشنو برايكم الحل ؟

ولا المصيبه الاكبر انه انا الوحيده اللي في الشغل بنية بحرينيه واللي البس ثياب ما البس عباية لان اتعامل مع اجانب وجذي ... وهي باكستانية وكله عليها العباية واتجي ساعات بالبيجاما ويبين من تحت الدفه بس الله عالم عمري ما قلت اليها من وين ولا بجم ولا شي لان مالي خص فيها واصلن استغفر الله اللي عليها كلش ما يعجبني واحسها مبهدله والثانية احسها اتطالع بحسد وكله تتذمر بس لين الاولية اهني بس لين مو اهني احسها كلش عادي وياي واتسولف وتضحك ونقعد نتناقش في سوالف عامه ... يعني ما ادري شنو اسوي وياهم لان حدي متضايقة ؟؟؟

دمـعـة;11416263:

..هذي مو بس تقهر.. الا يبي لها جم طرق يعدل وجهها :060::060:
ذكرتيني بصديقة اختي,, كل تعلق.. يعني مسوية روحها ستايل,, ومن تشوف وحدة تعلق على ستايلها,, سواء بالمديح او الذم
مرة قال لأختي هذيان ان اللي عليش حليو,, الا تقول لها اني ثيابي كل حلوووين وستايل>>>يعني تبي تبط جبدها هههههه
وعقب شوي الا تقول لي كشخة ثيابش,, اقول لها والله اني طول عمري كشخة وثايبي كل ستايل>>> ههههههه احنا مو متعودين نفوشر او نسوي هالحركات,, لكن بس ليها نسوي جديه
بعدين تقول: اش فيكم اليوم كل وحدة تمدح في ستايلها؟؟ مو عاجبنش سكتي,, والله!!
وساعات تقول هذا ويش لابسة؟؟ او تضحك وتقول وش عليش؟؟ تقهررررررر اذا تسوي جديه
واول ماحملت انتفخت مرة وحدة.. كل مرة تشوفني تقول لي متنتين,, ومرة قعدت تقارن بيني وبين اختي الحامل,, ماشفتها الا ماسكة يدي تقول: ايدش متنت>>>عجل تبيني امتن ويدي تظل عظامة؟؟ هههههههه استغفر الله
اقول لها ادري.. بعدين تقول لي تغيرتين وااااجد,, ومتنتين,, اقول لها جم مرة قلتين لي هالكلام؟؟
تقول لالا بس شوفي اختش ماتغيرت,, قلت لها اني غير وهي غير,,, هي تشتغل وتتحرك واني قاعدة في البيت مااسوي ولا شي.. زين مني ادخل اسبح ,, ههههههه شكلي كنت ابغي حتى التسبح يسبحون عني او يسبحوني هههه :085::085:
بعدين من الفشيلة قالت لي: بالعكس صرتين احلى,, خاصة من طلع لش خدود,,, حزتها قلت اطنشها احسن,, سويت روحي اكلم اختي واني اصلا ماعندي سوالف,, بس عشان احقرها,, تفشلت وسكتت :03::03::03:
الحين من تعلق آكلها بقشورها,,
تقول لي تعالي بحط لش مكياج.. اني قلت لها ابغيش بس ترسمين لي الآي لاينر لأني مااعرف اسوي مرتب... الا تقول لي بحط لش اني,, قلت لها اعرف احط وماابغي اشياء دفشة,,, حطيت لروحي بسيط.. الا تقول لي ماشاء الله حليو عليش الناعم.. بس تحطين لش البلاشر والكحل والماسكرا وااااجد تتغيرين>>>غريبة اول مرة تمدح هههههههه..
بعدين قلت لها مشكووورة.. الا تقول لي وشعرش؟؟>>>لأني كنت مسوتنه كبابة>>> مالت اول الكلمة
بس بطلته الا تشوفه مقطع وطالع على برة.. ا لاتقول الااااااي عجيييب,, من مسونه لش؟؟ قلتها لها اني,, الا تقول حلفيييييييي.. الصلاة على النبي عجيييب كأنه في صالون,, واني ابغي الشارة,, جان افوشر لها مثل ماهي تفوشر,, اقول لها واني مو صالون؟؟ >>>لأني اني اعرف اعدل:02::02:
تقول لي اي حليو بس لاتخلين قصتش جديه,, وجاية بتعلمني,, اقول لها تبين تعلميني شلون اسوي؟؟ اني معدلتنش في خطوبة اختي وتعلميني؟؟>>> صج ساعات طوالة اللسان والدفاشة والتفوشر تفيد وياهم هههههههه
>>>>>>>>بلللللللللل وش طولها هذرتي