محتارة مع روضة ومدرسة طفلك.. حياكم

هديل الليل84;13138138:
و شرايكم بالشرق الاوسط و و ين موقعا

مالك القلب;13134987:
كلمة الحياة مشكورة ...بس تقدرين تقولين لي جم رسوم التسجيل ..اذا ما عليش امر

دلوعة بنكية;13135707:
ممكن إذا احد يعرف رسوم مدرسة الــ AMA ووين موقعها بالضبط ؟؟؟

بوح الكلمات;13121779:
حبيبتي ياسمينة ادا قمنا ندقق على كل شي معناته ما بنودي أولادنا الروضة ولو كانت الر
وضة مجهزة على أحدث طراز وآمنة من كل النواحي ( يعني الحديقة والألعاب والأرضيات وصالة الألعاب الرياضية ) بتطلع أغلى من بيع السوق خخخخخ وبعد الياهل معرض للسقوط وين ما كان والله الحافظ صح ؟ ؟
روضة أطفال المهنا كانت رسومهم 30 مع المواصلات بس ألحين غلوها شوي سووها 32 مع المواصلات يعني كلش عاد من زود الشهرة والسمعة الزينة خخخ تصدقين هالروضة من بد الوضات ما أدري ليش كل انفكرها تسكرت من زود ان مانسمع عنها أي شي واذا سمعنا يكون الشي سلبي تصدقين مديرتها كانت تدرس ويايي لما كنت أدرس رياض أطفال في الأكاديمية وكنا نقعد يم بعض ونركب الباص مع بعض وكل شي مع بعض بس طلعت حدها باااردة وعلااقاتها مع الناس جافة توقعت لما سجلت ولدي عندهم بترجع علاقتنا شوي مثل أيام الدراسة بس كانت كلش جافة ودائما ردودها مختصرة وما تاخد وتعطي ويا الواحد أبدا وحتى الابتسامة عندها بالحسرة هي ما تغيرت واجد عن أيام الدراسة لأن طبعها جدي بس عنجد انصدمت ولا كأن كانت ليي علاقة فيها من قبل ! ! يعني مثلي مثل أي ولية أمر ثانية ! وحتى خالتي عندها نفس الفكرة عنها جافة حدها وما تحاول تكسب أولياء الأمور على الأقل لمصلحة الروضة مولأي شي ثاني ! وهذا الشي ماخذينه أثناء الدراسة ! ! بعكس مديرة مملكة النحل لو الود ودها تحط ولي الأمر في عيونها بس مملكة النحل ألحين نقلوا مبناهم يم روضة السندباد في بوري ، وبوابة المعالي صدق مبناها كبير ويجذب بس بالنسبة للتعليم مايمدحونهم بس أول ما فتحوا كانت ليهم سمعة زينة ألحين سمعتهم تراجعت شوي ، وروضة الرضا لأسباب معينة ما أحب أني أعلنها على المنتدى ما أفكر فيها غير انها بعيدة شوي . طولت عليش بس عشان ادا في أحد ثاني حاب ياخد فكرة هذا اللي أعرف بالتفصيل الممل . :D ، انتي وين سجلتين عيالش ؟ ؟

زهور يانعة;13143904:
من قبل اسمع واجد يمدحونها بس من السنة الي فاتت تغيرت المديرة وصارت مشاكل كبيرة في الأدارة وحتى المدرسات صاروا مو ثابتين على طول يتغيرون وكثير من الأهالي سحبوا عيالهم

وهي تصير قريب للبرتش كونسل بس ما اعرف اوصف مدخلها بالضبط

بوح الكلمات;13160046:
غريبة يا ياسمينة يعني هم مسوين حق كل دفعة يوم يداومون من زود الاقبال ؟ ؟ شوقتيني أروح أشوفها :adore::adore:

البراق العربي;13160335:
شخبارش اخت ياسمينة الفريج اليوم ولدي مواليد 2006بس داوم اليوم في انوار الغدير اني مسجلتنه من قبل انتين موا مسجل

احلام مبعثرة;13159000:
سلام
بنات بغيت اسألكم في مدرسة خاصة
في منطقة عذاري او بالقرب من شارع الخدمات

أم ميمي وعلاوي;13167497:
ممكن يا ياسمينة الفريج معلومات اكثر عن روضة انوار الغدير ..

عن مستوى التعليم ..

عن الروضة وسمعتها ..

ويا ريت لو اذا تعرفين احد درس فيها تخبرينا ..

وشلون على الرسوم .. ؟؟

برامجهم التعليمية ..؟

ومسامحه على الإزعاج ..

وبنات ابي اسألكم عن احسن روضة حتى لو غالية بس تعليمهم قوي ومضمون بكون شاكرة لكم ..

واهم شيء تكون قريبة من منطقة السكن يعني لو في مدينة حمد اوكي او في عالي او في بوري المهم تعليمهم راقي ومميز وقوي .. يا ريت والله تجاوبوني ..

وشكرا لكل مساعدة .

~sweety girl~;13167729:
اعرف وحدة ممكن تكون قريبة من عذاري
في الصالحية مدرسة المجد الخاصة
والثانية في بلاد القديم لؤلؤة الخليج
,,
بنات بسألكم تعرفون روضة او حضانة على مستوى راقي تكون قريبة من عالي او في المنطقة الوسطى
وهل في حضانات تاخذ من عمر سنتين؟ وسؤال ثاني هل لازم قبل ما يبدأ الفصل الدراسي عندهم اكون مسجلة بنتي اوعادي حتى لو بدأ الفصل؟