البحرينيات اللي سافرو ( تايلند او ماليزيا ) تعالو هني

Stylish Girl;11332883:
السلام عليكن

شخباركم بنات؟

بنات حبيت استفسر على اللي اسافرو تايلند او ماليزيا

حق شخصين طبعا

جم كلفتكم السفر من ناحيه

التذاكر و الفندق والصرف؟؟؟


بلييييييييييييييييييز ساعدووووني

والله ما عندي فكرة << ليش رازة ويهج عيل خخ
ان شاء الله البنات يساعدونج

انا بعد ابي اعرف

------------------------------

اختي انا رحت كوالالمبور-لانكاوي(ماليزيا)
شانغماي - بانكوك (تايلند)
كلفتنا السفر 2200 وماقصرنا على عمرنا والفنادق 4 او 5 نجوم
وبس

ما ادري اذا الرد متاخر او لا

بس بقول ليش عن سفرتي اللعام الى تايلند

رحت تاريخ 18 مايو و رجعت تاريخ 5 يونيو

رحلتنا كانت

يوم بانكوك

5 ايام شنغماي

5 ايام بوكيت

6 ايام بانكوك

سافرنا على طيران الخليج كانت التذكرة 200 للشخص بالاضافة الى بنتي 160 المجموع 560 دينار

بانكوك سكنا في 7 الايام في الامباسادور فندق على ما اعتقد 3 نجوم بس مصنف 4 نجوم كانت اليلة 20 دينار

رحنا بوكيت كان في فندق مقابل الباتونغ بيتج ...نظامه يعني زي القديم بس جديد صغير نسبيا و مافيه اصنصير ( ما يتعدى ثلاث طوابق) كانش ساكنه في كوخ بس فندقي اسمه رويال بالم و كانت اليلة شكله 16 دينار

شنغماي سكنا في فندق و الله ناسيه اسمه بس يصير قبال فندق الميريديان اسمه كارلتون او شي يعني من هالقبيل و بعد ماكان غالي ما اعرف كم بالضبط

الطيران الداخلي كان

من بانكوك الى شنغماي......اسيا اير و كانت رخيصه بس ناسية الاسعار

من شنغماي الى بوكيت.....الطيران التايلندي و هذا كان ازيد شي

من بوكيت الى بانكوك ..........ون تو go

السفره كانت تشمل كلشي ( سياحة........و تسوق)

ماخلينا مكان مارحنا..............رحت ب 2 شنطه و رجعت ب 6 شنط و ثنتين هاند bag

و رجعنا بفلوس تقريبا .....160 دينار بحريني

و اللي وديته كان وايد تقريبا 7000 دولار لكلشي و اني على فكرة اشتريت هدايا من الصغير اللي في بطن امه الى الجدة و الحمد لله


على فكرة الفنادق ما كانت تهمني الدرجة ( نجوم ) اهم شي يكون نظيف و افطاره بعد يكون اوكي

فندق شنغماي و بانكوك من حيث الاكل كان وايد اوكي و بالاخص في بانكوك يكتبون ليش انه كل الفطور حلال ماعدا البورك موجود على صوب

اللي في بوكيت كان عادي يمكن بو 3 نجوم و اكنت اصنافه في الافطار تنعد على الاصابع بس حلو في وسط السوق