هل وياي حق ولا ؟؟؟؟؟

الله يعينيج

اليوم كلمت زوجي ...
الظهر دخل الغرفة ومعاه ولد أخته ....
وأنا صراحه فولللللت :039: ....
المهم ترييته لين طلعاه برا ... وقلتله بصراحه بقولك شي ومابغيك تضايج ... ولا تزعل ...
قالي شو ؟؟؟
قلتله بصراحه أنا ماحب كل ما ينفتح الباب يدخلون ...
لازم تكون في حدود ولازم يتعلمون يدقون الباب ومب كل وقت مسموح لهم يدخلون ...
في أوقات مسموح لهم وفي أوقات لا ....
والله اني ما انفجرت في ويهه ... كنت صريحه وياه بس ما عليت صوتي ... بس كان يبين علي الضيق ....
المهم إلا ينفجر فيني ... ويقولي انتي لو ما في سالفه ... بتخلقين سالفه من ماشي بس عشان تضايقيني ... وكبري عقلج ولا تفكرين مثل الياهال ... هذيل إلا ياهال وما يفهمون ...
قلتله ما شاء الله عليهم كبار ويفهمون البنت في الروضه ... والولد ان شاء الله السنه اليايه بيدخل الروضه ...
وأقولكم كأن يوم القيامه قام علي ... تم يحذف الاغراض ويكسر الالعاب ... بس عشان قلتله جذيه ... تخيلوا !!!!!!!!!!!!!!!
والله اني انصدمت ....
قلتله أنا وياي حق لان هذي غرفتي ويحق لي اني آخذ راحتي فيها وراس مالي هذي الغرفه بس ... وقلتله اذا تبغي تلعب معاهم خذ الالعاب والعب معاهم برا ....
والله استغفر الله كأني كفرت ....
والله مليت ولاعت جبدي ... الله يهداه والله مب مخليني آخذ راحتي في أي شي ...
حتى النفس اتنفسه بصعوبة ... طفرت واليوم والله حسيت ان الدنيا سووودا في ويهي ...
ودعيت الله ان يفرج علي ويجبر بخاطري ... لان ريلي كل يسكتني وبس ...
والله كل حد يكسر خاطره الا أناا .... مستحيييييييييييل يدافع عني ....
أشتهي مره وحده بس يقولي الحق وياج وكلامج صحيح ....
مستحيل يتقبلني بأطباعي .... يبغيني بالغصب أغير أطباعي عشان حضرة جنابه يرتاح ... مع ان والله ان أطباعي زينه ... والحمدلله الكل يمدح فيني وفي أخلاقي ... صح في سلبيات لكن والله تنازلت عن أشياء وايد عشانه ...
أففففففففففففففففففففففف عيشة تزهقققققق ...

شوفي حبيبتي الحل ان زوجج يتغير و انتي اللي لازم اتغيرينه لا تقولين ماقدر ! اتقدرين زعلي عليه شوفي لج صرفه بس مب انه يقطع اعيال اخته خير شر .. اقصد في حدود تعطينه ويه وايد يعني
احين عقب اللي سواه خلج سامته .. سوي واجباتج لكن
خلج حزينه و مكسوره و لين انفتحت السالفه قولي له والله اني احبهم و ذلين يهال بس حتى اعيالي انا ماحب ايدشون علي كل وقت..

بس تبين الصج تره زوجج احسه جنتل مان لأنه ايحبهم و ما يأثر عليه حجي مرته والله رياييل غيره خوافيين ايخافون من نسوانهم و ممكن بعد يتبرون من اهلهم عشان نسوانهم..و بعد حنون على

مرحبا اختى

ما ادرى كانج تتكلمين عنى نفس مشكلتى ويه زوجى حياتى منقلبه فوق تحت وكله اهواش ابسبت هالموضوع حماتى مع اعيالها كانها مرته الثانيه مو اخته وعيالها اثنينهم البنت والولد اكبار مب اصغار مثل اعيال حماتج لااااااا البنت فى ثانى اعدادى والولد فى صف السادس حماتى ربى يهديها من اتشوفنى لابسه عبايتى علطول تستلم زوجى ابيك اتونى هالمكان الفلانى او ابغى اروح اتشرا اغراض والله اعيالى يبغون اروحون هالمكان وعيالها على طول ويانا فى شقتنا من الظهر اله الليل كانى انى امهم ولاتفتكر اتقول انه مرت اخوى عندها جهال اصغار او بتنظف شقتها يعنى بالمختصر ما تدرى عن اعيالها وكله تبغى زوجى يطلعها
انى مو معترضه انه يطلعها او يوديها بالعكس الى مافيه خير فى اهله مافى خير ويه الغريب بس الشي طاف حده يعنى بشكل يومى ما احس انه زوجى لااا اله ادريول حق اخته وطلباتها الى ما اتخلص واذا اكلمته اتكون رده فعله نفس زوجش اتقوم القيامه ويعفس الدنيا وعادى عنده بالايام ما اكلمنى عشان اخته وعيالها الى امطيحه عندنا 24 ساعه وغير تدخلاتها فى حياتنا بالمختصر امنغصه علىيى عيشتى كانها مرت زوجى الثانيه مو حماتى اه اه وبعد اه ونسيت اقولش بعد انها تنتظر يوم اجازته الاسبوعيه ابفارغ الصبر قلبتى على المواجع

والله حبابه حاسه بمعاناتش بس تبغين نصيحتى بما انى امر بنفس معاناتش حاولى مع زوجش بالسياسه وبالدلع انش تكسبين زوجش فى صفش لانه بتتعبين اذا وقفتين فى وجها ضد اهله لانه بكل بساطه بترتفع كفه اهله ضدش دلعيه وونسيه وحاولى انش تسهينه عن اعيال اخته وحاولى قبل لا يجون بيتكم اتكونين طلعتين ويه زوجش

وللكلام بقيه

ومسامحه هذرت وايد بس طلعت نص القهر الى اعانى منه :039:

اتصدقين وايد من الكلام اللي كاتبته انمسح ..بارجع اكتب

بصراحة الله يعينك أختي
هذي بصدق مشكلة تبط من الخااااااااااااطر

الغريب زوجك ما يسمع لك
وإّا حميتك إنسانة متفهمة وخلوقة كلميها وهي راح تفهم.. بس لا تشكي لها من عيالها.. اشكي لها من زوجك وإنك ما تحصلي فرصة تنفردي بيه :)

نفس الي كان يصير معي بس الحمدالله ربي رحمني وطلعت من جنبهم احبهم صح بس زي ماقلتتلي المهم انا معك بان طفل االي يشوافها يروح ينقلهاا حصلت معي بنت اخت زوجي كنت في بيتي لابسه ومكياج وقصير المهم راحت قالت لا منو لا اخوان زوجي شوفوووووووووووووو الاحراج بجد تمنيت اموووووووووووووووووووووت وعاد المسخره الله يا كافي الحمدالله اطلعت الله يريحك منهم

اختي شوفي انا بقولج وسوي هالشي
انا زوجي عادي عندي نفس ريلج بالضبط
يعني حتى لو امه تيي وسوتها كم من مرة عادي

يعني بقولج الفرق بين امي وامه
يعتمد على البيئه اللي تربوا فيها

مرة غيرنا كل شي بغرفه نومنا وقلت لها تعالي شوفي
شرايج فيها .. شوفي لأي درجه قالت لي لا هذي خصوصيه
عيب اني ادخل غرفتكم

وامه عادي تنام بغرفتنا وسوتها كم من مرة !!!
ويوم عيال اخوانه او خواته اييون البحرين نفس الشي
يتمون بالغرفه يعفسون ما اعرف ايش

انا كلش اتضايق بس ان قلت شي تضايق زوجي مني وعصب
فـ اخليهم على راحتهم
بس احط بخاطري

بس اول امس حطيته عند حده وقلت له هالشي عيب ومحد يرضاها
فأنتي مثل ما قالت لج الاخت اللي فوق
انقلي بعض الالعاب الى الغرفه الصغيرة
ويوم اييون سكري باب حجرتج
وقولي لهم محد يدخل الغرفه لأنه عيب
اذا امهم ما علمتهم على الحدود انتي علميهم
مو عيب ترى

وريلج عاد اذا لقيت لحل لريلي بقولج ولو انه مدري مستحيل
يسوي شي يضايق هله
اما انا احس عادي .. يعني المرتبة االاولى هله والثانيه انا طبعاً

الله يعينج

ياحبيبتي ماتنلامين والله الصغار اذا دخلو المكان يعفسونه ويحوسونه ..

بس حلك الوحيد بماانك ماقدرتي على زوجك انك تحطين مكان مخصص برا غرفتك للالعاب عشان مايدخلون غرفتك ابد.. لان الصغار يدخلون الغرفه يبون الالعاب ولو مالقو شي كان مادخلو وملو من الغرفه اصلا

اقولك خطة ازعلي من زوجك وخلي يسالك وش فيك وقوليلة وفهمي ان انتي مضايقة ومو قادرة ع هالعيشة ونزلي كم دمعه عاد الرجال بس يشوف الدمعه يروح فيها والله يفرج همك وييسر لك (: