طفلي , والتقليد ..!!

ولد خالتي كان جدي من كثر التقليد كنا انسميه ببغاء
تعبنه واحنا انكلمة بس ماكو فايده لين كبر وترك ها العاده

عندنا وعندكم خير انا من راح الروضة استجن من التقليد وطبعا اشياء غلط
واذا رحنا بيت عمي بعد يقلد على اولاد عمه ويقلد كلمن عادي يعني واستجن منه جنون ولا يفهم انه غلط لان يقول هذاك يسوي جذي اقول له هو شيطان تسوي نفسه ولا يفهم الله يساعدج واشوى انها فترة مؤقتة الله يجيب ابو علي بالسلامة

الله يعينج ..

لا تقولين ياهل مايفهم ..

لا يفهم قولي له غلط تقط النعمه ع الارض حرام الله مايرضي ..

و للي مايسمع كلام الله الله بيعاقبه ..

ولي يسمع كلام الله و امه وابوه الله بيوديه الجنه وانا بشتري لك لعبه ..

ولا بطلعك الحديقه ..

نتوش بنتي ذاك اليوم بالمول شافت ياهل يقط الشبس و يدوس عليه لقيتاها تصارخ تقول نووو نووو حلام يعني حرام ..

وايد استانست الحمدالله اني قاعده اعلمها وقاعده تستوعب ..

و انتي فهمي ولدج

الله يعينك يااااااااااارب اقترح عليك انك تشترين لهم تركيبات او اشياء يرسمون عليها ويلونون والي يلون ولا يركب زين كافيئة بجائزه اشتريلهم كذا لعبة عشان تكافئينهم مع عبارات التشجيع والثناء بحيث انهم بدل مايقلدون بعض بالتخريب يقلدون بعض بالزين والله يهديهم لكم ياااااااااارب0

ام علاوي لا تعصبي على القمر هم كلهم يستعرضون ويحبون يرضون بعضهم لان علاوي يحس بالملل فيشوف الا يسويه ولد خاله انجاز انتي فهميه ولهيه العبي معاهم لان لوحده مابيسمعك علشان انه يشوف قريبه والاطفال ينجذبوا لبعضهم انت قولي بحزم له ان حرام وشوي بيخزنها حتى يتعلم وعلى فكرة الام تصير عصبية اذا سافر زوجها لان راحتها معاه والطفل يتأثر ببعد ابوه الله يرد ابوكم سالم ويقضي حاجته وترتاحوا وعلاوي بيرد على نظامه الاول
حاولي تطلعيه وتعوضيه وتشغليه باللعب حتى لو مع ولد خاله الله يهديهم ويبلغكم فيهم

الله يساعدش ويساعدنا نفس حركة أولادي يا حبهم للتقليد وفي الأخير يضع اللوم عليهم

الله يعين بس على الاطفال وعنادهم وتقليدهم !!

والله اني توني أكلت دواء يخفف صداع راسي .. كله بسبة عناد ولدي !!!

والله احس اعصابي خلاص ذآآآآبت !!!

اذا مسكت روحي عن الهواش والضرب يعاند ..

واذا ضربته بعد يعاند !!

والله اني ما أدري وش أسوي فيه ؟! ..

واذا رحت بيت أهلي تعالي شوفي التقليد كيف ؟!!

بكل شي .. كبير وصغير !!

الله يعين بس ويسهل علينا ...

مشكوورات عزيزاتي على ردودكم!!
ونصايحكم , انشغلت وما رديت عليكم ..

والحمد لله خلص الوضع المؤقت ..
ورجعنا شفتنا برجوع بو علاووي ربي يحفظه ..!!

وانتهى الووضع وان شاء الله .. واحس ولدي رجع طبيعي ..
صج كنت واايد متاززمه من تقليده الاعمى, بس فتره وعدت الحمد لله ..!!

و مشكوورين جميعا ..!!