تجمع حوامل وامهات {قطر} لشهر ربيبع الاول لعام 1431 ه ***

باااك من البيت

يزوووي
بتجيين العزييمه يالدبه عشان اشووفج واعض خدووودج خخخخخخخخخخخ

دلووعه حبيبج
شخباارج حبيبتي؟؟
قلبي معوورني عليج :(

تمام ام الغالين
والله من الصبح لين الغدا ماشربت الا نسكافيه خلاص بمسك بوزي

تخيلي امس حماتي جدام ريلي تقووولي متنااانه وووايد
انحرجت حسيت ويهي صاااااار احمر وحااار :(
بس عزمت اسوي رجييييييييم قاسي

قطووور

مب زيييين تسوووين ريجيم قااااسي بعدين اللي بتنزلييينه على قووولة لولوة الدوووحه في وجبة دسمه وحده بترجعييينه

اللــــــــــــــــــــــــــــه رقدت ومادريت بحمود..
قمت حصلته راقد في سريره.. زين سوه ابوه رقده..

برب بطل عليكم بعدين
بنطلع :) بس مادري وين خخ

MoZ(a)N;11515137:
اللــــــــــــــــــــــــــــه رقدت ومادريت بحمود..
قمت حصلته راقد في سريره.. زين سوه ابوه رقده..

برب بطل عليكم بعدين
بنطلع :) بس مادري وين خخ

نوووم العوااافي

استمتعي ف الطلعه

اللوك يهببببببببل احلى من ذاك

مساااكم حب

الليازي;11505074:

كححح كححح كححح


احممممممم


لووو سمحتووا لحدددددددد يعقرررر إي ترى الله فووووووق






اليوم سويت حركة حلوه بس مب قايله لكم لووووول <<< مذله

وخذيت لي شي حلو بعد مب قايلة لكم <<<

وتعشيت شي حلو وبعدددد مب معلمتكم <<<

هههههههههههههههههههههههههههههههههههههههههههههههههههه

ذبحتيني ضحك يزوووووووووي يالدبووووووه




شخباركم وحشتووووووووووووووووووني حيييييييييييييييييل

السلام عليكم

شخباركم

السلام عليكم ورحمة الله وبركاته
الموضوع يتحدث عن مشكلة تعاني منها الكثير من النساء
الخطوط البيضاء ماهي اسبابها وطرق علاجها واشياء كثير من خبرتي وبحثي في هذا الموضوع بين ايديكم..

يتبع..


ماهي الخطوط البيضاء ؟ (Stretch Marks )
هي الخطوط الحمراء أو الوردية أو الأرجوانية التي توجد على امتداد البطن والردفين والفخذين والثديين أثناء الحمل ولدى النساء ذوات الوزن الزائد. وهي علامات او شروخ ضيقة متمددة على الجلد وتكون على شكل ندبات وهي ناجمة عن تمزق الادمة (طبقة الجلد الخارجية ).وهي أكثر وضوحاً لدى النساء بيضاوات البشرة.
تبدأ هالخطوط حمراء وبمرور الوقت تتحول بيضاء لكن ماتختفي ، يبقى أثرها للأبد يمكن تخف بس ماتختفي وفيه طرق كثيره بستعرضها بالموضوع تساعد على إخفاء هالأثار البشعة .



أسباب ظهور الخطوط في الجسم :-



- النمو السريع ( في سنوات البلوغ )
- زيادة الوزن او النقصان السريع في الوزن
- الحمل ، المرأه الحامل تواجه هذه المشكله في البطن والارداف واحيانا في الأكتاف والصدر
- الجفاف وقلة الترطيب سواء الخارجي او الداخلي ( قلة شرب الماء)
- السمنة


يتبع..

[FONT=Monotype Koufi][COLOR=darkred]طرق ووصفات لعلاج الخطوط البيضاء :-

طبعا علاج اقصد التخفيف منها لانه ماثبت للآن طريقة للتخلص تماما من هذه الخطوط



[COLOR=darkred]1. الطريقة الصينية :-

الحالات اللي يمنع فيها استخدام الطريقة :
الجلد الحساس جدا واللي ينجرح بسهوله
كثرة التحسس من الكريمات وغيره
جلد جاف جدا جدا(حالات متقدمه من الجفاف)
اذا كنتي تستخدمين أي علاج هرموني او فيه ستيرويد لا تستخدمين البرنامج...لان الستيرويد يسبب تشقق الجلد
اذا ما عندك هالحالات هذه تقدرين تستخدمين البرنامج لازالة التشققات..او على الاقل تخفيفها بشكل كبير
-اذا ما لاحظتي أي تقدم خلال اسبوعين ثلاثه معنى هذا انك تستخدمين البرنامج غلط
-راح تلاحظين ان التشققات بالبدايه صغرت في حجمها وعمقها..ومع الاستمرار تختفي
نبدا بابرنامج....راح تلاحظين انه بسيط جدا..لكن لازم تتقيدين فيه لانه كل شي له سبب

الادوات المطلوبه:
اداة المساج
الاداة اللي لازم نستخدمها...حجمها بحجم اليد....وهي مصنوعه اما من الخشب او البلاستيك....والقاعده مصنوعه من مطاط ممكن تلاقينها في الصيدليات او محلات المساج وغيره....

السكرب
سكرب الخوخ ... حاولي تحصلين عليها او شي مشابه

زيت زيتون...
مستخلص الصبار

وهذا يساعد في نمو انسجه جديده
تقدرين تحصلين عليه من نبة صبار عمرها سنتين او اكثر
واذا ما عندك النتبة...حاولي تحصلين على جل الصبار ويكون اصلي...وتقدرين تعرفين الاصلي بشكله... الاصلي يكون له لون بني خفيييف وريحته زي نبات الصبار....ابتعدي عن الجل اللي يكون مضاف له عطور ومحسنات ويكون لونه ابيض...

لوشن الكولاجين والاستين



المقادير
3-4 ملاعق صغيره من السكرب
نقطتين من زيت الزيتون
نصف ملعقه صغيره من مستخلص الصبار
اذا كنتي بتستخرجين الجل من نبات صبار ..اغسليه ونظفيه اولا بعدين اقطعي طرفه بالسكين واعصريه يطلع لك الجل...ولازم تكون النبته عمرها سنتين او اكثر
اخلطي المقادير في وعاء وخليه على جنب راح نستخدمه في الخطوه الثانيه
الطريقه
اخلطي المقادير في وعاء(وهي كافيه لمساحة 2 قدم تربيع)..واذا احتجتي زياده سوي نفس المقادير مره ثانيه...
الافضل انك تستخدمينه كله بمره...يعني لا تخلطين كميه كبيره وتحفظينها
واذا عندك تشققات في مناطق عديدة من الجسم ركزي على مكان معين واشتغلي عليه... وبعدين انتقلي للمكان الثاني...عشان تحصلين على نتايج افضل

الخطوه الاولى: تطرية الجلد

خذي دش واغسلي جسمك كله...لمدة 5 او 10 دقائق لتطرية الجلد...عشان نقدر نزيل الطبقه الميته...مو بس تبللين المكان...لازم تستحمين

الخطوه الثانيه المساج:

يفضل استخدام الطريقه قبل النوم...عشان لما تزيلين الطبقه الميته يكون الجلد مستعد لبناء انسجه وانتي نايمه
نشفي جسمك بعد الحمام...بس خليه شويه رطب..لا تنشفينه 100%....بعدين ضعي قليل من الخلطه اللي سويتيها في الوعاء(طبعا تسوينها قبل الدش)...ضعيها في الاماكن اللي فيها تشققات..وجيبي اداة المساج وابدي سوي مساج ...والطريقه كالتالي: كانك تصبغين الجلد...وليس العضله..انتبهي...عشان نزيل الجلد الميت ...ولا تضغطين على العضلات...ركزي على الجلد...وحركي الاداه باتجاه عقارب الساعه على شكل دوائر قطرها 1-2 انش...وحاولي تركزين على كل جزء...وعلى شكل دوائر..وابدي ببطء وبخفه...حتى يتعود الجلد..وعلى شوي شوي زيدي السرعه والقوه..(على فكره الخلطه اذا نشفت في الوعاء حطي عليها شوبةماء)

بالنسبه للجلد السميك
دلكي المنطقها الواحده(مساحة 5 او 6 انش) لمدة 3 دقائق او اكثر..(حسب احتمال جلدك) ولا تتعدي 5 دقائق للمنطقه الواحده

الجلد الرقيق:
يكون غالبا فاتح جدا
دلكي المنطقه لمدة 2 دقيقه...او حسب احتمال جلدك..ولا تتعدي 3 دقائق
لاحظي تغير الجلد للون احمر...وهذا يدل على دوران الدم في المنطقه...ويدل انك ماشيه صح...
- بعد تحول الجلد للون احمر...استمري شوي بالتدليك...حتى تحسي بجلد يقرص شوي بعدين وقفي
استخدمي فوطه مبلله لمسح المنطقه ثم ضعي كميه اخرى من الخلطه على الجلد لمدة دقيقه واحده(لا تدلكين بس خليها دقيقه(
بعد كذا اغسلي جلدك.

ملاحظه:
لا تحاولين عمل التدليك زياده عن المطلوب.....اذا حسيتي بجلدك يجرح معناها انك زودتيها بالتدليك..
اذا جلدك مره حساس وحسيتي بحساسيه وقفي العمل

الخطوه الثالثه
نشفي المكان..وضعي الكريم المكون من اللوشن(كولاجين) والصبار بكميه متساويه(كانك تحطين كريم عادي) والجلد مازال احمر...ودلكي باصابعك حتى يمتصه الجلد تماما

ملاحظات:
راح تسالون كم مره بالاسبوع تسون الطريقه؟؟
لا تعتقدين انك كل ما كثرتي من عملها بتساعدين جلدك...هالكلام غلط...لازم تعطين جلدك فتره يرتاح...
وفيه جدول يبين لك كم مره بالاسبوع تسويين الطريقه
يوم1 :صنفره +كريم(الكريم اقصد فيه اللي بخطوه 3)
يوم 2 : كريم فقط(اختياري(
يوم3 : كريم فقط(اختياري)
يوم : 4 صنفره+كريم
يوم 5 : كريم فقط(اختياري)
يوم 6: كريم فقط(اختياري)
يوم 7: صنفره +كريم
يوم 8: كريم فقط(اختياري)
يوم 9 : كريم فقط(اختياري)
يعني يوم ايه ويومين لا .......... وتستمرين كذ اسبوعين او 3
بعدين تغيرين الجدول
يصير يوم ايه…و3 ايام لا

والان ملخص الطريقه كالاتي:

خلط المقادير المشروحه اعلاه في وعاء
الاستحمام لمده لا تقل عن 5 دقائق
تنشيف الجسم ولكن لا تنشفينه 100% ...خليه رطب شوي
خذي بيدك من الخلطه وحطي على المكان المطلوب...وبعدين امسكي اداة المساج ودلكي حسب نوعية جلدك(اذا سميك 5 دقائق -واذا رقيق 3 كما هو موضح اعلاه(
التدليك يكون كما هو موضح اعلاه
استمري حتى يصبح لون جلدك احمر دلالة على تنشيط الدوره الدمويه...توقفي عند الشعور بقرص في الجلد.
امسحي المكان بفوطه مبلله
خذي كميه اخرى من الخلطه وضعيها لمدة دقيقه واحد
اغسلي المكان بالماء
ضعي الكريم المكون من (الكولاجين والصبار) ودلكي باصابعك حتى يمتصه الجلد.
نامي جيدا



2- زيت الزيتون :-

زيت زيتون + ليفه للجسم انا استخدم الليفة المغربية
الطريقة سهله وفعاله نسبيا لتخفيض حدة الخطوط
وهي انه تفركين المنطقه بالليفه لحد ماتصير حمراء بعدين تدهنينها بالزيت وتكرر هالطريقه يوميا
بعد اسبوعين الى شهر تلاحظين تحسن كبير بنسبه 50% او اكثر من الخطوط
وهذي انا مجربتها شخصيا لانها سهله ومايبي لها شيل وحط وبنفس الوقت فعاله



3- زبدة الكاكاو :-

زبدة الكاكاو من بالمرز وكل منتجات بالمرز مميزة وتساعد على تخفيف آثار الخطوط البيضاء.

4- خل التفاح :-


قبل النوم إدهني جسمك بخل التفاح و أقل شي بتخليه ثلاث ساعات و الأحسن أنك تخليه للصبح عشان تمتصه البشرة أقصد الخطوط المزعجة و ما في داعي تخففي الخل بالماء عشان يعطي نتائج أحسن بس الله يعينكم على الريحة
و بعد أسبوع حيبان الفرق و خلال شهر تكون خفت كثير



5- زيت جنين القمح :-

نفس طريقة زيت الزيتون ، وفوايد هالزيت كبيره منها انه يبيض بعد




6- contractubex:-
رووعة هالكريم من اول استعمال يفرق معك ، عبارة عن جل تدهين فيه المنطقه ويقشرها لك، وسمعت وقريت مكتوب انه يبني صفايح جلد جديدة

7- الليزر :-
آخر العلاج الكي سمعت من تجارب الناس انه مو فعال كثير ، وممكن يكون عكسي ويقلب الخطوط سوداء [/COLOR]


- طُرق الوقاية من الخطوط البيضاء :-


- ترطيب البشرة وبالذات الحامل لازم من بداية الحمل تعتني بترطيب البطن والجسم
- شرب الماء بكثره لانه يرطب الجسم من الداخل ويقوي الجلد
- المحافظه على الوزن وعدم التذبذب فيه لان كثرة النحف والسمن تدمر البشره مو بس خطوط وترهل بعد


خلاص انا كذا خلصت ليت نسمع منك تجاربكم اذا كنتم تعانون منها ؟؟
وطرقكم في التخلص منها ؟

[/COLOR][/FONT]

يعطيييج العافيه قطووووور

بغيت اقيمج مارضى السخيييف

مرحبااااا


شخباركم



يزوي
خخخخخخخخ عيل وناسه الدوام


قطريه اتش
تسلمين حبوبتي
وعن نفسي اولردي الخطوط بيضه عندي
بس بسوي زيت الزيتون والليفه
وبالمرز للحمل استعملته وريحني الحمدالله
بس صج لازم لازم الحامل ترطب من بدايه الحمل مو لما تدخل الثامن تشتغل عاد ترطيب يكون خلاص الجلد والكولاجين اللي فيه انكسر وماينفع الترطيب الحين لازم من البدايه عشان تتجنبين الخطوط وفيه حريم سبحان الله ينتفخون مع الحمل وغصب عنهم تطلع فيهم الخطوط



ماميييييييز شخباركم

تست

حلو والا؟

خخخخخخخخخخ

يضحك

شخباركم بعد

منورييييييييييين :)

لولوة الدوحه

منوووره


عرووس

شخبااارج؟؟
اللي تحت حلو بس غيري اللي فوووق
ولو سمحتي اسدحي الجدوووول

:01:هلا قطريه مشكوره عالموضوع انا جسمي عالريحه تطلع الخطوط الحمد لله...

مساكم الله بالخير

اكتب لكم وعيووووني مسكره

عروووس فور ايفر

وحشتيني موووووووووت يالدبه
وينج غاطه
وشله ماتحطين الجدول كل فتره عشان تخرعينهم
صاروو مايخافووون منه :(
..

اليوم رحت الستي مع بنت حماي الصغيرة وخواااتي
الصراحه فله استانسنا ودخلنا فلم اليس في بلاد العجائب
روووووووووووووووعه وخصوصا ال 3D مسوي اكشن

يالله اخليكم مسطله حدي

بصراحه الاعلان يحررررررر :(

كله يشير الصفحة واصكها

ماقدر اسوي رفيريش؟

كلكم يصير لكم جي؟

بسووومتي

اهم شي استااانستوووا

نوم العوااافي حبيبتي

عروووس

اي كلنااا هههههههههههههههههههههههه

اما الجدول ماصار يخرع اي عادي الا ولاده:015::015: