السلام عليكم ورحمة الله وبركاته ,,
شحالكم عساكم بخير خواتي ,,
ودي تساعدوني بشيء ,, أو بأشياء من خباراتكم ,,
الله يسلمكم انا تخرجت من 10 سنوات تقريباً من الثانويه ,,
عمر ادري ,, خريجة دفعة 2001
درست ادبي ونسبتي كانت ,, 69.9
وقتها رحت اشتغلت في روضه 6 اشهر وفنشت ,, وماكملت دراستي وعقب قلت باخذ دوره في معهد كمبردج ,, بس للأسف وقفوا الدوره شهور عقب قالوا لنا تعالوا كملوا او شلوا فلوسكم ,, طبعاً لا رحنا لا لـ ها ولا ذاك ,,
ومرت علي سنين وصادتني ظروف نفسيه ,, خلتني اسكر على نفسي كل شيء ,,
والحين كملت الـ 26 من عمري ,,
وفكرت اني ارد ادرس ,,
في البدايه ,, انا صح عندي اخوان وخوات بس كل حد مشغول بنفسه ,,
فقلت قبل بستفسر هني عن الجامعات والكليات ,,
جامعة الخليج ,, وكلية البحرين ,, والمعاهد في الرفاع الشرقي ,,
كان ودي قبل ادرس خدمه اجتماعيه ورحت ,, استفسر قالوا ان نسبتي قليله لازم ادرس سنه وعقب اتخصص ,, وتركت هشيء ,,
لو كنت دارستها مرت السنه مثل شرب الماي ,,
لين الواحد مايسمع النصيحه مرده يندم ,,
المهم ,,
اللي تدرس بالجامعه او الكليه ,, او اي معاهد برفاع الشرقي ,,
ابي تحطون لي التخصصات المتوفره ,,
والسنوات والتكاليف ,, وباب التسجيل متى ,,؟؟ وكل شيء وكل شيء ,,
حتى ارقام التلفونات
والسنوات والتكاليف ,, وباب التسجيل متى ,,؟؟ وكل شيء وكل شيء ,,
حتى ارقام التلفونات
اعتبروني وحده مالها خبره وودها تستشير وودها تبتدي من الصفر
,, وانتو خواتي ماراح تقصرون ,, معاي صح ,,
حتى المعاهد ودي اخذ دوره في الانجليزي لأن عندي اللغه شويه مب لين هناك ,,
كنت بسجل مره ثانيه في كمبردج بس كنسلوا اللي بالرفاع بس في المحرق الحين ,,
فشنو احسن المعاهد ؟؟ ,, في الرفاع الشرقي ؟ وخاص للبنات ,,
لأن اذا فكرت بدرس انجليزي وكمبيوتر ويمكن اخذ دورات بالتصميم
الفتوشوب وهسوالف ,,
الفتوشوب وهسوالف ,,
وشنو النصايح اللي تعطوني اياها غير يعني معهد فيه شيء اقدر انمي قدراتي واتعلم واكتسب مهارات ثانيه انا حالياً مافي شيء في بالي ,,
ابي اعرف التخصصات اللي تناسب معدلي وايضاً كوني دارسه ادبي ,,
الله يوفقكم ان شاء الله
:065: