تعبت نفسيتي بسبب؟؟

لا تضايقين روحج عمري، وانتون بعدكم صغار واستانسوا بحياتكم ولا يهموش الناس ترا الناس ما بتنفعش واهم وشي والحمدالله ان انتون ما فيكم شي وياربي يرزقش مرادش

انتي سليمة
زوجك عمره 21
يعني انتي اصغر منه اكيد او بعمره
يعني للحين اثنينكم تشووونة ^_^
ولاتتحسسي من مرت حميك
انتي افضل منها
هي مخطوبة وحامل !
بس انتي متزوجة وكل شي في وقته حلوووووووووووووووووووو :)

استناسي في حياتك علشان كل شي يجي لك بسهووولة
اتوقع بكرة اذا جبتي البيبي بتقولي وووين ايام قبل الحمل ايام الدلع مع زوجي
بعدين اكيد مابيقصر بس بتنشغلوا بأشياء ثانية الطفل والتربية وصحته ووو الخ)

موفقة

مرحبا حبيبتي في كل صلاة اتصلينها ادعي هذا الدعاء(ربي لاتذرني فردا وانت خير الوارثين) صدقيني هذي من واقع تجربه

"ربي لاتذرني فردا وانت خير الوارثين"
"ربي لاتذرني فردا وانت خير الوارثين"
"ربي لاتذرني فردا وانت خير الوارثين"
"ربي لاتذرني فردا وانت خير الوارثين"
حبيبتي
قصتي مثل قصتك تماما
لازم الانسان دائما يحمد رب العالمين

لانو الكمال لله يعطي حاجة ويدي حاجة
بس ما فينا الا الصبر
والحمد لله كثييييييييييييييرا لانكم صغار انت وزوجك ولانكم سالمين من الامراض
هذه نعمة بس هو فيه شوية تاخر بس
الحين انا مريضة وزوجي مريض عندناتقريبا 3 سنوان
وبعض الاطباء فقدونا الامل
بس والله الامل في رب العزة
لانو سبحانه وتعالى مو غافل عن شيء
كوني واثقة واحسني الظن بالله
صدقيني
ما خاب من احسن الظن بالله
اسال الله ان يقر اعيننا بالذرية الصالحة
وكل المحرومات
يا رب

خيو اني بقول ليش اني تاخرت في جملي سنة كاملة وزوجي اول واكبر واحد في اخوانه والكل كان يحن على موضوع الجهال بس هو كان عادي واني كنت موترة روحي وكل صياح ومن اسمع وحده حامل جتني حالة نفسية واكتئاب ماليه علاج بس خيو بقول ليش اللحين الله رزقني والحمدلله على النعمة بنتين يجننون بس اذا اتذكر السنة اللي تاخرت فيها اتحسف مو لاني جبت الجهال بس لاني ما عرفت استغلها صح يعني كنت اقدر ادلع زوجي واسوي ليه ليالي رومانسية لان ما عندي جهال والبيت فاضي واقدر اسوي مساج وبرامج وبلااااوي ما سويتها كل لاني كنت متوترة ومتنرفزة ومتضايقة طول الوقت
زوجة اخوي صار ليها 6 سنين وبتكمل ال7 قريب وهي ما حملت واثنينهم مافيهم شي والحمدلله عايشة حياتها مع اخوي كل مرة تسافر مكان وراحت الحج وهذا اهم شي وقضت الفرض ودايم تصلي وتدعي وتستغفر ولا ياست ولا فقدت الامل وادعو لها الله يرزقها
اللي ابي اقوله ليش
انش استغلي هالفترة في تطوير نفسش دشي دورات درسي تعلمي شي مثلا طبخ خياطة لغة اي شي مفيد تشغلينه فيه وقتش وترة ربش كريييم خيوووو لا تياسين من رحمة الله واحسني الظن برب العالمين

حبيبتي الله يسهل اموورج ولا تخافين مراده الله بيرزقج الذرية الصالحة بس كثري من الدعوات في كل صلاة واذا هالموضوع يضايقج قولي الى زوجج ان يقول لاهله انه ما يفاتحونج في الموضوع لانه يضايقج بس من غير ما يعرفون ان اتي اللي طالبه منه والله يعطيج الذرررية يااارب

الله يجزيج بكل خير والله يفرجها عليج ويفرح قلبج
ويرزقج بالذرية الصالحة ويرزق كل محرومة
عاجلا غير أجل
امــــــــــــــــــــــــــين
وكثري من الأستغفار وقولي
(ربي هب لي من لدنك ذرية طيبة انك سميع الدعاء).

هلا حبيبتي
الأخوات الله يجزاهن خير كفوا ووفوا

بس بقولك:
ليش الحزن والقلق؟
أنتِ مو مؤمنة بقضاء الله وقدره؟
وسنك بعد صغيرة,تهني مع زوجك,وخوذي راحتك قبل ما تتقيدين بالتربية والمسؤولية.

أختي الكبيرة قعدت 6سنوات,والسنة الماضية حملت وجابت بنت الحمدلله,ولو تدرين كيف الناس كانوا مأذيينها بالكلام,بس طنشت ولا كنه شي يصير,بس ترقي نفسها بالقرآن,وتشرب زمزم,وتزوج أخوي بعدها بكم سنة,وحملت زوجته,وجابت بنت ,ويوم السابع أم زوجة أخوي قالت لأختي كلمة حزت بنفسها: (قالت لها الله يرزقك بالذرية أخاف تغارين من بنتي!!) وأراد الله ان أخت حملت بعدها وولدت بنفس موعد بنت أخوي الفارق يومين!!
يعني بنت أخوي أكبر من بنت أختي بسنة بالضبط!!

ربك كريم,وما ينسى أحد من خلقه..
بس انتبهي ترى من معيقات الحمل(القلق والتفكير في الحمل)
استبعدي هذي الأفكار..
وربي يرزقك..

مرحبا..
اتوقع اني تزوجت معاك في نفس الفترة..وبعد ما حملت..بالبداية ما كان يهمنني اني احمل او لا بهد صرت اموت على اليهال..ومن كثر حالتي النفسية صرت ما احب اليهال..تخيلي وصلت الى اي درجة..
بس بعدين قمت افكر بيني وبين نفسي..اقعد اخسر عمري اللي ما يتعوض..واحاتي ليش..رحت من دكتور الى دكتور..تعالجت عند احمد بركات والله كتب لي الحمل شهر 11 لكن في الاسبوع 7 اجهضت والله تمنيت اني ما حملت ولا احمل وبالاخير اجهض وهذي كلها ارزاق..صدتني ظروف فكرت لو عندي يهال شنو بكون مصيرة في هذي الازمة عرفت انه الله اللي يسويه الى العبد كله صلاح الى اموره بس احنا ما ندرك..والحمدلله انا حامل بالشهر الاول وحملت طبيعي من دون علاج..والله يتمم لي على خير..والحين عندي شي عادي حملت او اجهضت الان كل شي بيدالله..والحمدلله

اهلين حبيباتي
راجعة في الرد عليكم
الحين بروح المعهد
مع السلامة

حطي ببالك ياعزيزتي

ان التفكير في هذاالشئ والقلق ممكن ياخر فرصة الانجاب

لاتفكري ولاتتعبي حالك

كل شئ ازلي في علم الله ..

ادعي دائما اللهم يسر لي الخير

موفقة

فرحي لغيرج ترى الفرحة تعدي

الله يرزقش ان شاءالله
ويرزق كل محروم الذرية

ربنا يرزقك الذرية الصالحة عاجلا ليس اجلا يارب ويقر عينك بطفل معافى يارب يكون برا بيكي وبوالدة

(وعسى ان تكرهوا شيئا فهو خير لكم ) يا أختي دائما حطي هالآيه في بالج والله يرزقج بالذرية الصالحة ان شالله

خواتي
قريت ردودكم كامل
مشكوورين من كل قلبي
خليتوني اتفائل اكثر
وكل شي بيد رب العالمين
ماقصرتووون

ربي يرزقك بالذريه الصالحه
عاجلا غير اجلا
خيتا ما في احلا من الاتكال على رب العالمين
وكوني متاكده انه راح يحققلك مبتغاك لما يريد