مشكله ما اعتقد لها حل دخيلـــــــــــــــــــــــــــــــكم

"عرش الجمال";11329728:

حبيبتي نصيحه لج...صح اهي ربيعتج وصديقتج الروح بالروح بس ابد لا تدخلين ف حياتها ولا تحطين نفسج في موقف محرج لانج تعرفين رأي وطبيعة زوجها فما يصير انكم تحطونه ف الامر الواقع

يعني اذا سوت لولب واكتشف لا سمح الله اهي ممكن تضعف وعشان تصلح علاقتها بزوجها تقول ان انتي اللي شرتي عليها وهني بتصيرلج مشكله انتي ف غنى عنها,,,

انا عندي حل ما ادري اذا هي جربته او لا...خليها تسير ل دكتوره نسائيه وتشرح لها حالتها ووضعها وتقنع الطبيبه تتكلم مع زوجها وتخبره ان الولادات المتكرره مو ف مصلحة زوجته وان اذا حملت ممكن تتعرض لامراض وتسؤ حالتها...عاد هني اذا هو فيه جانب انساني طيب اكيد ما بتهون عليه زوجته وبيراعي سلامتها واذا ما بيراعي صحتها وسلامتها ياخي تكلم امه او خواته
ما فيه شي اهم من الصحه

واتمنى التوفيق لصديقتج وعسى يا رب يفرج همها