zest;11448471:
السلام عليكم
بنات نفسيتي تعباااانة واجد
اني كنت ماخذة ابرة تفجيرية هالشهر واليوم ١٥ من اخذتها
حللت في البيت اليوم وطلع ما في حمل :( الحمدلله على حال
كنت متفائلة واجد :(
الله يرزقني ويرزقكم ان شاء الله بالذرية الصالحة
بقايا فجر
ممكن تعطيني اسماء المراكز المتخصصة اللي قلتين عنها
لأن آبي اوقف حبوب وخرابيط واستبدلها بأشياء طبيعية
بقايا فجر;11448649:
ما ادري حبيبتي ماعندي فكرة بس في وايد محلات
اسالي تذكر يوم في عندها علاج مع دكتورة بالطب البديل يعني بالاعشاب
وان شاء الله البنات يفيدونج
بقايا فجر;11447763:
هل اختي في تحاليل كثيرة يعني الله لا يحوجك لها بذكرها لج
في تحاليل للمراة وتحاليل للزوج
تحاليل المراة الهو ثاني يوم الدورة ما ادري مال شنو و21 الدورة حق يشيكون التبويض
تحاليل للمرأة ايضا عن الغدة الدرقية -هرمونات الجسم ومنها هرمون الحليب
تحاليل الزوج تحليل الحيوانات المنوية
تحاليل للزوج والزوجة للامراض الوراثية والكروموسومات (لازم قبل اسبوع ممنوع شرب اي نوع من الادوية الى باستشارة)
أشعة للزوجة: هناك اشعة بالصبغة هذي تكشف اذا كان الرحم فيه تشوهات خلقية او اية اشياء
اشعة ثانية للرحم من الداخل تكشف عن التكيسات او سلامة المبايض والرحم وهاي يسونها ولازم تكونين محصورة عشان يبين واضح
كل هالتحاليل تقدرين تسوينها في الفاتح اذا كان عندج ملف هناك
اني سويتها هناك وان شاء الله تكون نتيجة تحاليلي وتحاليل زوجي الغالي سليمة وترتاح نفسيتي
ان شاء الله ما طولت عليج بس حبيت افيدج وافيد الباقي
هلا فاتي شخبارج عمرة موفقة يارب تقبل الله ... بس حبيت اسال هل الدكتور العلاقة المنتظمة بس مرتين او 3 مرات !مستغربة اي دكتور خبرج
حلم السعادة;11442328:هلا اختي
انا كانت تعطيني الدكتوره حبوب فيميار اهو نفس الكلوميد بس احسن منه واهو اغلى
10 حبات سعرها ب 33 دينار و3 ربيات اعتقد جذي
اتمنى اني افدتج
AM Mariam;11447486:
بسم الله الرحمن الرحيم
السلام عليكم ورحمة الله وبركاتة
مساء الخير باهل ديرتي ..شخباركم
عزيزاتي يمكن بعضكم يعرف قصتي مع الحمل لكن برد اعيدها لليدد
انا عندي بنوتة عمرها 3 سنوات وخمس شهور وحملت ابها طبيعي لكن من يوم عمرها سنة وثمانية شهور حاولت احمل الي هو الحمل الثاني بس كان بصعوبة ما حملت إلا بعد تسعة شهور وكان للأسف حمل خارج الرحم والحمدلله ان الله ردني على هالدنيا حق حبيبتي بنتي وزوجي ..لأن انفجر الأنبوب اليمين وسوولي عملية قيصرية وشالوا الأنبوب وهذا كان شهر 16-5-2009 وظليت بانبوب واحد ومن شهر عشرة حاولت احمل والله للحين ما كتب لنا ,,,,,وشهر واحد الي طاف استعملت كلوميد ..وصار حجم البويضة وايد زين حق حمل بس ربكم ما كتب وردوا هالشهر عطوني بعد كلوميد ..وانا اتعالج عند فرح بالتخصصي وايد مرتاحة لها..والحين قاعدة اضرب اخماس اسداس ياليت الي عندهم خبرة واستعملوا كلوميد يفيدوني هل استعملوا وصارت حجم البويضات زين وما صار حمل ..؟؟ او احملوا من كم شهر بعد استعمالهم للكلوميد..
المهم طولت عليكم ياليت تقبلون انضمامي لكم
تحياتي
ام مريم
zest;11448471:
السلام عليكم
بنات نفسيتي تعباااانة واجد
اني كنت ماخذة ابرة تفجيرية هالشهر واليوم ١٥ من اخذتها
حللت في البيت اليوم وطلع ما في حمل :( الحمدلله على حال
كنت متفائلة واجد :(
الله يرزقني ويرزقكم ان شاء الله بالذرية الصالحة
VIP Lady;11458096:
تذكر يوم
أنا أتابع بعد عند الدكتورة كيرن واهيا بعد عطتني أروح للدكتورة الي قلتي عنها بسبب الاجهاضات المتكررة بس أنا ما رحت
هل تحسي انج راح تستفيدين منها ؟؟
وبالضبط صادني مثلج رحت اليها قلت أبيج تجيكين عن الالتهابات قالتلي عندج افرازات قلت اليها ساعات و ما جيكت مدري ليش:01:
اللؤلؤه السوداء;11458110:
السلاااااااام عليكم بنااات
شخباااركم وحشتوووني وااايد
حابه ارد عليكم وحده وحده
بس وايد تعبااانه من الوحام
على طول اتذكركم وادعي لكل محرومه ربي يرزقكم مثل ما رزقني
*الفراشة*;11459598:
كيفكم صبايا
حبيت اسألكم المرقدوش هو نفسه ماي لقاح لو يختلف ؟؟؟
ومشكورين حلوين
AM Mariam;11461297:
وايت روز ..يبلج اختي اتابعين عن دكتورة ..عشان تطمئنين بس بداية روحي المركز مالكم قولي لهم انج تاخرتي وصار لج اكثر من سنة يعني المدة بيكتبون لج تحاليل حق هرمون الحليب والغدد ..هذا ابسط شيء ..انا بنت عمي ضلت اكثر من سنة ما يابت بعدين راجعت المركز ظهر هرمون الحليب مرتفع تعالجت والحين عندها اثنين الصلاة على النبي محمد وآل محمد
تحياتي
ام مريم
fati55;11306398:
أحلى تجمع لأحلى بنااااات
الله يرزقكم جميعا يااااااارب ويقر عينكم بشوفة ضناكم يارب
اللؤلؤة حبيبتي شكرا على فتح الموضوع وجزاج الله خير
ويارب تنجح العملية وتكونين حااااامل يارب بتؤام
بنات يمكن بعضحكم يعرف اني الحمدلله فحوصاتي كلها سليمة بس زوجي نور عيني عنده ضعف وقلة في عدد الحيوانات المنوية والحركة
وحاليا يتعالج عند د محمد الدرازي ويمكن يسوي عملية دوالي قريب
ادعو له بالشفاء العاجل
النجــلا;11476773:
مبروك يا اللؤلؤة وربي يتمم عليج حملج يااااااااارب
يمكن انا اقدم وحدة فيكم بعدد سنوات الزواج::)
صار لي 17 سنة وللحين ما حملت
كل شي سويت وواصلت لكن بدون فايدة والحمدلله على كل حال
اخر مرة رحت حق موزة طبعا ما عجبني علاجها وبعد لان نفسيتي تعبت
رحت حق احمد بركات الصراحة وايد زين وقال بيسويلي انابيب بس وقتها ما كان
عندي المبلغ مال العملية ..مع اني اقدر اسويها في العسكري بس ماااااابي عندهم
احس مافي اهتمام وخصوصا ان مرتين بلاش وعقب بفلوس
ابي اسال اللي جرب احمد بركات يقسط مبلغ العملية والا لا ؟؟
مشكلتي دورتي ما تنزل الا بحبوب واغلب شي حتى بلحبوب ما تنزل والله تعبت
لكن الحمدلله ما ياست وللحين عندي امل
جربتو التبخر بالشاي ؟ افكر اجربها بس لازم اخذ حبوب عشان تنزل الدورة
الله يرزقكم ان شاء الله ويرزقني وياكم اللهم امين :)