طبعي سبب مشكلتي ,,

هلا حبيبتي

خلاص دام انك رسلتيلة كذا مرة وما رد عطية فرصة يومين ثلاثة لا ترسلي , خلية يقول انك صاحبة قرار وقررتي انك ما تتصلي ولا ترسلي لانك اديتي الي عليك , بس ان شاء الله باذن الله ما يكون مغير رأية ويرجعلك احسن من الاول اميييييييييييييييين

واذا كنتي تعرفي وحدة من اخواته يمكن تتصلي تسولفي شوي معاها بعد كم يوم , عشان يعرف انك تعرفي تتواصلي مع الناس وشخصيتك حلوة

ثالثا حبيبتي من اليوم لغاية ثلاث ايام الزمي قراءة سورة البقرة والزمي الاستغفار عشان الله يفرج عنك ويلين له راسه , ونصيحة من اخت تصدقي ولو بشي بسيط عشان الله يكتبلك الخير بالموضوع والله يدفع عنك اي سوء بالموضوع بس اخفي الصدقة لا تخبري فيها احد فقط بينك وبين ربك

وموفقه يا عسل وان شاء الله بتكوني احلى عروس قريبا يااااااااااارب

اهلييين
انا احس انهاا تكلمه من رقم ثاني مو رقمهااا وتقوله انها تحبه
واتقوله لو مايبيها انها ماراح تزعل وبلعكس ( خطوبته منها خيره عليهااا هوا وعااها بلي هي فيه وراح تستوعب الحياه اكثر
واكثر وراااح تغير مجرى حياتها بشكل كبير بالعكس هذا شي زين) بعديين اذا قالت لها هال الكلام رااااااح يعجب بكلامهاا بشوفهااا
انسانه ايجابيه بهالمواقف مو سلبيه

يا هلا وغلا فيج ام حواري ,, من بين الأسطر اللي كتبتيها انا كتبت رسائل جي ,, وما قلت عن عصبيته قلت لو كان اسلوبك قاسي وغلاتك مازعلت لانه لمصلحتي ولكن كنت اتمنى تكون بطريقه ثانيه ,, وانا مابينت له الأسباب لاني مابي اظهر ضعيفه جدامه لكن قلت لني عشت فتره مهمومه وكنت احتاج لشخص افضفض له واقرب انسانه كانت دايم تستصغرني وهالشيء مابين الأشياء الكثيره اللي خلتني جي اكون ,, بس مافي انسان يتغير بين يوم وليله ,, وحتى قلت في حريم تلاقيهم مرحات قبل الزواج وقد المسؤليه بس يتزوجون يتغيرون ,, وفي ناس ماعندهم اي مسؤليه لكن سبحان الله الزواج يغيرهم وايد كلام قلت له بصراحه ,,

احيانا لين اقعد مع اي حد اسولف وجي طول ما احس براحه تلاقوني سوالف اخذ واعطي وامزح ,, لكن وياه ,, مدري ليش كل ها صار لي ,, ومدري ليش التوتر ياني ,, بغض النظر عن بعض الأمور اللي صدق محتاجه اكون ملمه فيهاا

تسلمين عزيزتي على نصايحج ودعمج بارك الله فيج ,, :)

يا هلا فروحه ,, احيانا القلب يحن بس بحاول قد ما اقدر امسك نفسي ,, وياااارب يااارب يرجع لي وماياخذ اي قرار ثاني :( ,, ويكون عند حسن ظني ,, ولكن اللي الله كاتبه انا راضيه به اكيد برضى ربي راح اتوفق ان شاء الله ,, وعن خواته لا صغار بعدهم ,,

بس عندي بعض الأستفسار انا ربيعتيه قالت لي اقرى سورة البقره 40 يوم ,, طبعاً انا اقراها ,, لكني ماخلصها في يوم واحد اخلصها في ايام احيانا هي في 3 ايام اخلص السوره بيوم واحد ,,

ونصايحج ع العين والراس ,, والله يسمع منج وابشركم ادعوا لي بس ,, جزاج الله خير ومشكوره على حرصج ومتابعتج الغلااا ,,

وجود ,, انا ماعمري تنرفزت من تصرفاته ولا عاندته بشيء وماكنت سلبيه ,, بالعكس كنت ابشره بالخير بس احيانا في مسائل انساها مثلا لين يسئل سؤال اقول ماعرف الله يسامح اهلي هم حطوها براسه ,, ان دايما اقول ماعرف مثلا لين قالوا لي شو تبين او ماتبين ,, ,, او سكوتي يطول او اتوتر لين اكلمه ,, حتى اقوله ,, ان هشيء مو ذنبه ذنبي انا وقاعده احاول اتغير ,,

بس ان شاء الله خير وانا ليحين اتريا الفرج من الله ,, سبحانه وتعالى ’’ تسلمين حبوبه على كلامج الحلوو ,, وجزاج الله خير ,,

هلا حبيبتي

عادي مو مشكلة حتى انا بالبداية كنت اقرأ البقرة كاملة بثلاث ايام بس مع الوقت صرت احفظ الايات والحمد لله الله يسرلي الامور وصرت اخلصها بيوم واحد حطي جزء الصباح وجزء العصر وجزء بالليل , رغم انها تحتوي على بدايات الجزء الثالث مو كامل ,وكل البنات بدوا كذا كانوا يقروا سورة البقرة بثلاث ايام بس مع مرور الايام صاروا يقروها بيوم واحد , بس عادي حبيبتي لك الثواب والاجر انما الاعمال بالنيات وكل امرئ وما استطاع , نصيحة شغلي سورة البقرة واستمعي لتلاوتها لان هذا بيسهلك القراءة لانك اذا ضليتي تسمعيها كل يوم بترسخ بذهنك وعموما ترا واجد زين انكم تشغلوها يوميا ببيتكم عشان تطرد الشيطاطين .عموما ترا بتشوفي بمرور الايام ان قراءة سورة البقرة بتاخذ منك ساعة او اقل بشوي بعد , صدقيني كثرة الاستماع لها يسهل القراءة كثييييييير

موفقه يا عسل والله يفرح قلبك وقلبي

غلاي،والله حبيتك من غير ما أعرفك،وحسيت باللي تحسين فيه،لأني كنت مثلك تقريبا،يعني ما كنت منطوية بالبيت،بس كنت من الدراسة للبيت والبيت للدراسة،أمي الله يحفظها كانت تخاف علينا كثير وما تخلينا نشوف العالم الخارجي،ما نطلع إلا معها وما نرد إلا معها،العلاقات اللي كانت عندنا كانت علاقاتنا بصديقاتنا وبس،هذي كانت القاعدة الأساسية عند خواتي لحين اتزوجوا الله يبارك لهن
لكن أنا والحمد لله تمكنت من كسر هاذي القاعدة من سنة تقريبا، نوعت علاقاتي بالناس،يعني ناس من أجيال غيرجيلي وأيضا من جيلي انا، اتعلمت ولله الحمد أطور طريقة تفكيري وكلامي،بعد ما كنت كل الوقت متفائلة الشيء اللي كان يعطي للأخرين انطباع على إني هبلة،الحين صرت واقعية وأقدر أتكلم قدام أي شخص مهما كان مستواه الفكري من دون خجل ولا ارتباك ولا تأتأه، سامحيني إن طولت عليكي،بس حبيت بينلك شيئين: الأول إني قديش حاسة فيكي،والثاني إنو ما في شيء مستحيل إن رغبت فيه بشدة.
حبيبتي أنا من المغرب وأول مرة أتمنى إني أكون بمكان غير بلدي،لأني حبيت بشدة إني وقف جنبك وأساعدك،لكن راح حاول ساعدك باللي أعرفه.
بعض البنات تعاليقهم مية مية صح،بس ينسون إنك عندك خوف،يمكن بعد ما تطرشينله مسج راح يفرح أو لما تكلمين أخته راح يعرف إنو عندك علاقات،بس راح يكون محدود في الزمن وراه ترجعين لحالتك الأولى ولخوفك إنك تفاتحينه بموضوع جديد,وبكذا راح يظن إنك بتعطيه وعود و أوهام مانتي بقدها،لنعالج المشكلة لازم نعالج مصدرها بالأول.
حبيبتي،إنتي مشكلتك بالأساس خوفك من فتح موضوع وترددك وعدم تقثك في نفسك، طيب حسب ما قلتي إنتي الحين قاعدة بالبيت ما تسوين شيء، خدي ورقة وقلم،شيء بسيط وعادي وما راح يحتاج منك تردد ولا تأتأة، الورقة هاذي تخصك،ما راح تعضك
تكتبين فيها كل اللي نفسك تسوينه،وبعدين ترتبينه بالأولوية،وطبعا أول س؛يء راح يكون في القائمة: أحافظ على خطيبي، ثاني شي: أطلع الخوف من جواتي،3: أكتسب ثقتي في نفسي، 4: أتعلم لغه أجنبية (ارجعي ودرسي وبينيله إنو عندك طموح وعندك هدف راح تجتهدي لحتى توصليه)...
اكتبي كل اللي نفسك تعمليه،ورتبيه حسب الأولوية، وحتفظي بالورقة وراح أقلك شنو تعملين فيها بعدين.
بعد ما تنتهين من الورقة حطيها جنب،وخدي نسخة منها وراح أطلب منك تعملين شيء ممكن يسببلك إحراج بس صدقيني نتائجه راح تكون رهيبة.
عندنا إحنا الدول العربية فكرة غلط عن الدكتور النفساني إنو بيعالج المجانين فقط
وهي فكرة أكثر من غلط،حبيبتي إنتي نفسيتك تعبانة وإنتي بتخربينها لما تقعدين ويا نفسك تلومين حالك وتقولين إنك فاشلة وووو، والدكتور النفساني موجود ليحل مشاكلنا النفسية، ويبعد عنا لاخوف اللي جوانا ويرد لنا ثقتنا بنفسنا،لمتى ستبقين كذا ما تتقدمين،إتبثي لنفسك قبل زوجك إنو مرحلة الإنطواء راحت وإن وحدة جديدة راح تنولد اليوم،
روحي للدكتور،وأنا أفضل إنها تكون دكتورة،لأن المرأة ما تفهمها غير المرأة، وفي بنات في المنتدى مرة اتكلمو عن دكتورة معروفة بالخليج اسمها ناعمة الهاشمي ويمدحونها كثير، حتى لو ما تمكنتي من إنك تروحين عندها ابحتي عن إيميلها وخليكي معها على اتصال، ورحوي بنفس الوقت عند دكتورة أخرى،إحكيلها عن أساس مشكلتك،وعن السبب فيها وعن موقف خطيبك منها وعن كل شيء،ولا تخبين شي ولا تخافين إنك تفشلين قدامها،ترى ما راح تأذين غير نفسك لو خبيتي شيء.
وراويها نسختك يلي عملتيها،قولي لها إنك بدك تطورين نفسك وتوصلين لهاذي الأهداف وتسترجعين تقتك وتقة خطيبك فيكي,وبعدين قولي لها إنك على مستوى شخصيتك، بدك تتعلمين كل هالأشياء في ظرف شهرين مثلا، بس على مستوى شخصيتك، و دام إنك قاعدة بالبيت قولي لها إنك بدك حصص مكثفة يعني مو مرة كل أسبوعين، بالعكس،3 مرات كل أسبوع ويا ريت لو أكثر، اطلبي منها تحددلك فترة محددة تكوني في آخرها تقدمتي على المستوى الشخصي (راح قلك ليش بعدين)
واطلبي منها تنصحك بأخصائية لتعليم إيتيكيت الكلام بشكل راقي ومثقف،وطريقة عقد علاقات مع الآخرين،و إذا كانت هاذي الأخصائية تعطي دروس في هاذي الأشياء خير وبركة، وبعدين لما تحددلك الوقت مثلا شهر أو شهرين،حتى لو ما تحسنتي كليا راح يكون التحسن بدأ يظهر وبنفس الوقت انخرطي في دروس دعم وتقوية اللغة، ونصيحتي تبتدين بالإنجليزية دامها مستعملة عندكم بشدة،وبعديييييييييييييييين تجي الخطوة الكبرى يللي مشانها قلتلك تحتفظين بقائمتك وتسألين الدكتورةعن المدة التقريبية، راح تختاري الطريقة اللي تناسبك،إذا بتلتقين بخطيبك او تتكلمون على الهاتف أو أو أو،الطريقة اللي تريحك،و لو إني أفضل بما إنك لسة ما ابتديتي بالدروس، فأنا أشوف إنك تاخدين ورقة بيضاء وصافية مثل بياض قلبك وتكتبين عليها قائمتك،و طبعا أول شيء بالقائمة هو: الاحتفاظ بخطيبي،وزوج المستقبل وإسعاده.وبعدين تكتبين باقي القائمة بشكل مرتب،وطبعا ما راه تكتبين عليها (بروح طبيب نفساني،هذا ما راح ينقص من قيمتك شيء أبدا ،بس لازم تحسسيه إنك ناويه؛ تعملين هاذي الأشياء بمجهودك الخاص واجتهادك) وطبعا راح تخبريه بعدين بهذا الأمر لما تنتهين من عندها.مو لأنك خايفة منو،لكن لتأكدي بأنك مستعدة تواجهي كل الصعوبات لتوصلي لهدفك وإنك ما بتستسلمي.
المهم نرجع لرسالتنا الغالية،بعد ما تكتبي كل يللي بدك توصلي إليه، اكتبي بعدها، إنك صحيح واجهتي صعوبات في الماضي ونطويتي على نفسك،بس هذا الكلام كان من زمان وإنك ما راح تعيدي وتزيدي فيه، والبنت الضعيفة راح تقوى،بس ما في شيء بيتغير بين وم وليلة، قوليله اعطيني مهلة شهرين،بس،وراه يبينلك الفرق (حتى لو قالتلك الدكترة 3 شهور، لأنه باجتهادك أكيد شهرين راح يكون الفرق واضح وضوح الشمس في نهار جميل)،وقوليلو إنك بحاجة لدعمه، وهذا الدعم لازم يكون عبارة عن تهديء أعصابه وتشجيعك،وفي حالة الغلط لازم ينبهك ليه بطريقة مقبولة،لا تطلبي منه الكثير ولا تظهري أنك تريدين التغيير من أجله ففي الأول والأخير التغيير لصالحك أنت وأنت المستفيدة، اطلبي منه الدعم والتشجيع ووجوده بجانبك فقط. انهي الرسالة بطريقة حلوة ومرتبة واسليها له في عمله أو بيته أو مع أخوانك أو اللي يريحك،واطلبي منه أن يرد عليك جوابه بعد قراءة الرسالة ومتأكدة إنه يحبك ولما يشوف إن زوجته عندها هدف وطموح حتى لو كان متواضع وبدها توصله راح تجدينه بجانبك بإذن الله.
حبيبتي تراني طولت عليكي بس والله من حبي ليكي ولمساعدتك بس أحب انبهك لشيء مهم، لا تنتظرين إنك وحدك تقدرين تعملين هذه الأشياء، لازمك دكتورة لأنها هي الوحيدة القادرة علا مساعدتك في ذلك،وهد؛ا لا يعني إنك تعتمدين عليها كليا،لآآآآ
هي راح تكون كالمرشدة،راح بالأول تعالجو مع بعض أساس المشكلة وبعدين راح تحتاجين للمثابرة والصبر ولدعاء والصلاة والاستغفار.
ونجاحك ما يعني توقفك بالعكس،راح تتعلمين مثل ما اتعلمت أنا إنه الطموح ما عنده نهاية وNك أول ما تحققين هدف بتسعي ورا الثاني،وتأكدي حبيبتي،التردد والخوف والطموح مستحيل يجتمعو بشخص واحد، وزوجك بيحبك ويضحي عشانك لازم تكوني قوية؛ وصبورة لتضحي عشانو،رغم إنك ما راح تضحي بشيء عالي،دام إنك راح تضحين بالخوف والتردد.
حبيبتي إنتي طلبتي النصيحة وأنا نصحتك باللي أشوفه صح، لازم نحل أساس المشكل لنحل المشكل بعدين،وصدقيني راح تحسين براهة وفرحة غريبة بأول 0أيام تقدمك ولما تشوفين نفسك تتطلعين على العالم الخارجي،ولا تخافين من الأخرين،ترى خوفك ناتج عن إنك ما تعرفينهم،كل ما تعرفتي عليهم نقص خوفك منهم.
بنات لو غلطت في شيء رجاء صححوه لي،ولا تنصحوها بحلول فورية وذات مفعول محدود،ما في بناء من دون أساس،و غاليتنا بدها تبني بيت وعائلة.
راح حط هالموضوع في المفضلة وراه تابع أخبارك أول بأول، وياريت تعطينا خبر بجديدك لنتابعك،و شخصيا راح حاول أساعدك بقدر المستطاع،ويا ريت لو تبتدين بأول خطوة بأقرب الآجال،ألا وهي كتابتة القائمة.
دمت بود غاليتي وأنا جد جد جد آسفة على الإطالة.

زينب

أنتَ حُبي;11268932:

عزيزتي ربي يفرج همج وييسر لج امورج ,, فعلا اهي مسالة وااايد صعبة لين كان احد الطرفين قوي الشخصية ويتفاجأ بالشريك بشي ماراح نقول ضعيف بس بسيط الشخصية .. فخلي بالج من نفسج عزيزتي واعملي على تصحيح الاخطاء اللي صارت بحياتج وابنيها من جديد ... الثقافة مهمة ولابد انج تتطلعي على الحياة وخلج واثقة من نفسج ولين تكلم وياج بقسوة ردي عليه عشان يحس اللي يتكلم وياها لها عزة نفس وغرور وما تسمح لحد ان يلمس شخصيتها بسوء اهو يبيج تدافعي عن نفسج وانتي لازم توضحي هالشي .. لاترسلي مسجات وخليه يحس ببعدج شوي لانه بيكون ينتظر مسج منج مثل ماهو متعود يسمع التلفون يرن كل يوم .. تركيه يوم يومين وان شاء الله هو اللي يبادر بهالشي .. واذا الله تمم على خير استمري بنجاح نفسج لان باين عليه يحب التغير وان الزوجة تسوي حركات واشياء ومفاجات لزوجها .. ربي يوفق دربج ..

اللهم آمين ,, كلامج حلو وفي بعض النقاط لبعض المراحل اللي حاول يجربني فيها ,, يمكن سكوتي كان سبب بعض سؤ الفهم أو مثلا يغايضني بموقف وانا اسكت اتضايق من داخلي بس ما ابين له هشيء ,, وهو يعصب ويحسب اني انسانه لامباليه ,, وعن المسجات وجي موقفه ,, احس اليوم عندي سنه وانا مدري عنه ,, وبصراحه صرت افكر ما ادري ينتظر مني رساله او يغض النظر عن الموضوع ,, التفكير المشتت مع اني متطبمنه ومتوكله على ربي بس احيانا اوسوس وماعرف الحين كيف يفكر فيني ,, والله يقدرني على هشيء ان شاء الله ,,

FARAH 2009;11269027:
هلا حبيبتي

عادي مو مشكلة حتى انا بالبداية كنت اقرأ البقرة كاملة بثلاث ايام بس مع الوقت صرت احفظ الايات والحمد لله الله يسرلي الامور وصرت اخلصها بيوم واحد حطي جزء الصباح وجزء العصر وجزء بالليل , رغم انها تحتوي على بدايات الجزء الثالث مو كامل ,وكل البنات بدوا كذا كانوا يقروا سورة البقرة بثلاث ايام بس مع مرور الايام صاروا يقروها بيوم واحد , بس عادي حبيبتي لك الثواب والاجر انما الاعمال بالنيات وكل امرئ وما استطاع , نصيحة شغلي سورة البقرة واستمعي لتلاوتها لان هذا بيسهلك القراءة لانك اذا ضليتي تسمعيها كل يوم بترسخ بذهنك وعموما ترا واجد زين انكم تشغلوها يوميا ببيتكم عشان تطرد الشيطاطين .عموما ترا بتشوفي بمرور الايام ان قراءة سورة البقرة بتاخذ منك ساعة او اقل بشوي بعد , صدقيني كثرة الاستماع لها يسهل القراءة كثييييييير

موفقه يا عسل والله يفرح قلبك وقلبي

ماعرف شلون اشكرج على وقفتج ونصيحتج الغاليه ,, وانتي لاتنسيني بدعاء والله يرده لي ان شاء الله ,, ويهدي قلبه ويسخره لي ,, صدق محتاجه لهشيء مثل ما انا محتاجه من تغير نفسي ,, رغم العيوب اللي في كل انسان ورغم بعض المشاكل لو كانت بسيطه او صعبه انا ابغي احس اني ابتدي حياه يديده واحس هو الانسان اللي بيوقف معاي ,, و اواجه الصعوبات اللي بتمر علي بعقلانيه ,, الاهم من هشيء تكون عندي الشجاعه الكبيره ,,

{دلوعة بو حسون};11270243:

اختي المشكله ان انتي تحبطين روحج زوود يعني تقولين انا فاشله و ماعرف و انا غلطانه و اهو الله يهديه واايد يضغط عليج مدري احسه يساعدج بطريقه غلط و بسرعه يبيج تتغيرين

انا كنت مثلج منطويه وكنت استحي ارفع التلفون اكلم اي احد حتى للمطاعم كنت مستحيل اتصل دايم اخلي اختي بس الحمدلله حاولت ابني شخصيتي بنفسي مع ان مريت بظروف تضعف الشخصيه
الحين صرت واثقه بنفسي و ما اسمح لاحد يحبطني و يضعف شخصيتي و لا اضيع حقي

اول شي لازم تكون عندج شخصيه عشان حتى اهو مايقدر يغلط عليج و بالنسبه للكلام و التحاور انا اشوف ماشاء الله عليج اسلوبج حلوووو في كتابة الردود فحاولي يكون هالاسلوب بحياتج مو بس بالنت وحاولي ما تقطين روحج وايد عليه خليه اهو يكلمج عشان مايمل

الله يوفقج و يسر امورج

أنا أؤيد كلام اختي الفاضلة miss zineb وانا بعد كنت نفسج وسويت بالضبط كلامها ... ونفع معاي وااايد ...
والله يا كناري الشارجة انا حبيتج وااايد وحسيت فيج ... فديت قلبج ... والله يوفقج ويسعدج ويحقق لج مرادج وربي يخلي زوجج لج ولا يبعده عنج ... ويحقق لج كل أمانيج ومرادج ... اللهم آمين ...
حبيبتي اذا حابة اي شي ومحتاجة لاي شي طرشي لي على الخااااااااااااااص فديتج ...
وبصراااااااااااحة انا حابة اساعدج باي طريقة ... وياليت استوي صديقج اذا حابة ...

أختج / حبيبي أحمد

قريت ردودكم رد اختي miss zineb واختي حبيبها أحمد ,, بصراحه دمعة عيني حسيت بحجم الحب وقلت الحمدلله ماكتبوا لي هالشيء إلا يدل على حب الله لي ,, وان شاء الله برد عليكم بس كلمه بخاطري اكتبها لحظة قرائتي ردودكم ,, والله ماتقصرون وصدق اتمنى وقفتكم لو بيننا صفحات نت ,, بس سبحان الله تحصلون الأجر من وراي لأن وقفتوا بهاي اللحظات الصعبه اللي احتاجها صدق ,,

بارك الله فيكم وجزاكم الله خير

اللهم صلي على محمد وال محمد

حبيبها احمد والله مشكوره على مشاعرج الطيبه وكلامج ودايم ادعي لي بصلاتج هذا اللي اتمناه ويسخره لي ويرده لي ,, ويهدي قلبه ان شاء الله ,, واتشرف بج اخت عزيزه وغاليه وتسلمين فديتج ,,



واشكرج اختي اسيا ام حسن ,, وعليه الصلاة والسلام ,, جزاج الله خير اختي ,,

هلا حبيبتي

طمنينا عليك هل اتصل ؟ هل صارت اي تطورات ؟

الله يوفقك وسعدك دنيا واخرة يارب

حبيبتى حاولي باي طريقه انج تكلمينه


خليج جريئه شوي وخلي عندج ثقه فى نفسج

لا تستحين تكلمي كانه تتكلمين مع اخوج ولا ابوج عادى بادب واحترام

دامه شاريج حاولي تشكرينه وتكلمينه بسلوب حلووو خليه يحس بانه فيه وحده يقدر يعتمد عليها