التجمع الثامن للحوامل اللاتي يلدن في شهر 3 ( مارس/آذار ) 2010 م - بإذن الله

بنات اذا تذكرون في بنت كانت معانا اسمها دلوعه زوجها من التجمع الاول انقطعت اخبارها عنا فجأة كان عندها مشاكل نزيف على ما اذكر طرشت لي رساله بعد ما سألت عنها اتخبرني انها اجهضت وتوها رادة علي اتقول بعد الاجهاض تعبت نفسيتها

بنات ادعوا لنا ربي ييسر ولادتنا وانجوف عيالنا سالمين وادعوا لها ولكل محرومة من الذرية ان ربي يكرمهم ويعطيهم القوة والصبر

آمين يتوم ربي يسمع منج

\\

انا بعد سمعت عن الابره وناوية اخذها اذا كان ما فيها مضره او لزقه مانع الحمل
رفيجتي من قطر تستخدمها

قلب البتول;11341893:
بنات اذا تذكرون في بنت كانت معانا اسمها دلوعه زوجها من التجمع الاول انقطعت اخبارها عنا فجأة كان عندها مشاكل نزيف على ما اذكر طرشت لي رساله بعد ما سألت عنها اتخبرني انها اجهضت وتوها رادة علي اتقول بعد الاجهاض تعبت نفسيتها

بنات ادعوا لنا ربي ييسر ولادتنا وانجوف عيالنا سالمين وادعوا لها ولكل محرومة من الذرية ان ربي يكرمهم ويعطيهم القوة والصبر

والله دوم ادعي
حتى يوم اروح الشيشه
وعسى ربي يرزقها بالذريه الصالحه ان شاء الله
ويعوضها خير يارب

الله يعوضها بالذرية الصالحة ان شاء الله

يتوم;11341822:
يقولون الابرة ب 10 دينار والله العالم ..

اختي بعد تقول عنها وما ادري شسالفة للحين ..

وثاني حل اهو الحبوب لانة ما عندي حل ثاني :(

10 دينار يا بلاش لا يبي لنا نتصل عيادته نستفسر عنها وعن معلومات عنها

لان لازم انقرر شو بنستخدم خاصة اللي عندها اعيال من قبل تحاسب اكثر لان التربية مسئولية ما تنتهي مو مثل الحمل 9 شهور ويخلص التربية مشوار مدى الحياة

والطرق الطبيعية مو مضمونه مرة نجحت معاي ومرة فشلت ما في اللي انخلي ارجالنا اصومون عن الجماع مدة 9 شهور على الاقل هههههههههههههههههههههه مثل ما احملنا 9 شهور بس يتوم وجود ارجالهم بيصومون اقل هههههههههههههههههه

اليوم يوم رحنا لعبادي
في ولد عنده مشاكل بالتنفس
كسر خاطري
يوم تجمعوا عليه الدكاترة والنرسات
عشان يحطون له انبوب التنفس ويوصلون له من حلجه
اقول حق زوجي وين هله عنه
والله ولا مرة رحت لعبادي شفت حد عنده
سواء الصبح ولا بالليل
ربي يشفيه ان شاء الله ويطلعه بالسلامه
ولو انه وزنه كيلو وشي
بس يمكن الام ما كانت ماخذه ابره الرئتين او شي
ما ادري والله
بس من اول ما يابوه بالحضانه وهو عنده مشكله بالتنفس

ههههههههههه قلب البتول
الود ود زوجي يبي اييب اكثر من 5
قلت له احلم تبي روح تزوج خخخخخخخخ
يقول لي بس هاللي فالحه فيه
والله محد يحس بالحمل والتعب
غيرنا احنا
وبعدين معاشاتنا الصراحه ما تسوي تخلي الواحد اييب
5 ولا اكثر
الحين اللي عندهم 4 يا دوب يقدرون يصرفون عليهم

جود نزلوا لج 120 مال البطالة او للحين مصخوها كانهم طولوا اني بقى لي شهرين واكمل اتصدقين بيزاتهم ما فيها بركة اطير بدون فايدة من حوبة الناس لانهم موراضين انها تنأخذ من معاشاتهم

يلا بنات اخليكم على الخير

بس لقيت طريقه حلوة حق تزيد الحليب
قلت افيدكم فيها لأني بكرة بسويها

بكرة قلت لأختي تمرني 7 ونص بروح وزارة العمل
بشوف سالفه المراجعه
يبقى لي مرة وحده وينزلون لي هالمذله اللي نبيها
والله ما يسوى علينا

المهم هذي الطريقة

المقادير :
7 تمرات من دون النوى
ملعقتين طعام حلبة ( حبوب )
حليب
سكر حسب الرغبه

الطريقة

تفورين التمر مع الحليب والسكر الين يغلى
وبعدها تحطون الحلبه وتخلونه يغلي مرة ثانية
وتسكرون النار
تخلونه لين ما يفتر ويصير دافي تشربونه


وانا بقولكم تجربتي بعد ما اجربها

قلب البتتول ذالينا على الـ 120 لا بركه فيهم ان شاء الله
ما يسوى علينا نراجعهم 4 او 5 مرات عشان ينزلون لنا

عاد ان شاء الله بعد شهرين احصل منهم وظيفه

يلا بنات تصبحون على خير
اشوفكم بكرة
قلب البتول لا تنسين رقمج
على مسج فديتج

وخلينا نشوفج بالتجمع

جوووووووووووووووود شنو اسم ام البيبي ؟؟؟؟؟؟؟؟؟؟؟؟؟؟؟؟؟؟؟؟؟

البيبي اللي شفتية متى جايبينة ؟؟

حماتي اخت زوجي والدة في نهاية السابع وولدها في الشيشة علية تنفس بعد في السلمانية .. ولدت ليلة السبت ..

јǿđ;11341938:
ههههههههههه قلب البتول
الود ود زوجي يبي اييب اكثر من 5
قلت له احلم تبي روح تزوج خخخخخخخخ
يقول لي بس هاللي فالحه فيه
والله محد يحس بالحمل والتعب
غيرنا احنا
وبعدين معاشاتنا الصراحه ما تسوي تخلي الواحد اييب
5 ولا اكثر
الحين اللي عندهم 4 يا دوب يقدرون يصرفون عليهم

اي هم وش وراهم بس المشكلة ان لرجال ما تقدرين تمنعينهم عن الجماع اذا كانوا ناوين الشيء يأخذونه غصب زور لا بتهمهم ريحتج ولا شكلج ولا انتي نايمة او قاعده ههههههههههههههههههههههههه

ما في الا نقعد في غرف ابروحنا مدة سنه جدي ما يجون انامون صوبنا ومن يدخلون البيت نلبس هافات حديد لان لرجال ما شاء اللة عليهم حساسين لو بس اتقولين لهم كلمه حلوة اشتغل الفرن اللي داخلهم ههههههههههههههههههههه

واجد هالمرة افكر بالموانع مو مثل اول حمل ولا فكرت بالسالفة لكن مع المانع الطبيعي ما حملت تقريبا 3 سنوات ونص وما حملت الا لما وقفنا المانع الطبيعي فقلت لا هالمانع ناجح ولما جربناه في الحملة الثانية انغشيت فية وحملت على ولدي فقلت توبة يبي لنا مانع عدل مو كل دورة ما اتجي الا طالعه روحنا

على سالفة الدورة قربنا انشوفها ههههههههههههههههههههههههههه

يتوم وجود جتكم الدورة او للحين ههههههههههههههههه

يتوم متة بتختنون ولد وش قالوا الدكاترة متة تقدرون اتختنونه

خلة يطلع من المستشفى علشان اقدر اختنة :)

يتوم;11342030:
خلة يطلع من المستشفى علشان اقدر اختنة :)

اللحين شنو اللي مخلنه في المستشفى الوزن؟؟؟؟؟؟؟؟؟؟؟؟؟؟

انتي اذا كل شيء اوكي وبيطلعونه سأليهم اذا عادي اتختنينه من اطلعونه ختنية وافتكي واذا عادي اختنونه في نفس اليوم اللي بيترخص فية ختنية خل يرتاح الجاهل كلما كبر تحزبين وياه وطرشي لي حلوة التختون

افا عليج نطرش لج حلاوة التختون بس للحين اهو بالمستشفى .. وزنة 1.840

والدكتورة تقول للحين ..

الله يطلعه لك سالم كيفك انتي يا قلبي يا يتوم عساك احين احسن ؟؟؟

السلام عليكم بنات اشلونكم

قلب البتول - تو ما نور التجمع وحشتينا واااااااااااااااااااااايد وشخبار الحمل والتعب وياج خلصتي امورج والا ليحين .

جود - ربي يطلع ولدج سالم غانم وان شاء الله يا رب يزيد وزنه بسرعه وتاخذينه معاج البيت وانا اقولج صوريه احسن .

يتوم - بس كنت باقولج عن خلطه للخياط انا استخدمته في ولديني واهي خلطه قديمه تروحين الحواج واتقولين له ابي لوشن بنفسجي اهو بيلج نوع البودر
تاخذين قرشة ماي صحه وتحطين فيه كميه من البودر ( ىاللوشن البنفسجي ). وحطيه في الحمام وتغسلي منه كل ما تروحين الحمام . وبعده نشفي المنطقه وحطي كريم ميبو .
وربي يطلع ولدج سالم غانم وصبري على الاختان على الاقل ليما يصير وزنه 4 كيلو ودش فيه العافيه .