التجمع الثامن للحوامل اللاتي يلدن في شهر 3 ( مارس/آذار ) 2010 م - بإذن الله

الحلم الأزرق;11336391:

هودي المولودة الثانية بتكون بنت إنشاء الله

مبروك مبروك
شنو مفكرين تسمونها ؟؟

ههههههههه اي كنت ابي اتذكر شلون تعارفنا على بعض :)

انا ما عرفتكم بالتجمع الاول

لكن ما ادري اي تجمع

الحين بنات شكثر مكتوب اساميهم في القائمة

وما نشوف تحد منهم

عيــ المها ــون;11335844:
صباح الخير بنات شمسوين انا من شوي قايمة ريلي يايب تلفوني يقول امج متصلة 8 مرات كلمتها الا تقول لي اختي ربت الساعه 6 الحمدلله على السلامة وجابت ولد وانا كنت حلمانه ذي الوقت اني قاعده اربي نزل علي شي اخظر وشوي الا قطعة دم وشوي الا اللعاب تطلع مني ههههههههههههههههههههه

الحمد الله على سلامتها ..:025::025::025:

عقبالج يارب بولاده سهله ان شاء الله ..

h . o . d . y;11336398:
مبروك مبروك
شنو مفكرين تسمونها ؟؟

النوووووووووووووودة

الحلم الأزرق;11336648:

بنسميها فطومة بس قصدي إنتي هودي هذا حملج الثاني

اها

انا صايدني زهايمر الحمل هههه

هذا مو الثاني الثالث

shosho84;11336703:
النوووووووووووووودة

انا بعد حدي :096:
ومن مساعه تييني انقباضات وتروح جان ماولد وانا ماجهزت شي الله يستر :091:

h . o . d . y;11336739:
اها

انا صايدني زهايمر الحمل هههه

هذا مو الثاني الثالث

Daloo3t_Obooy;11336831:
انا بعد حدي :096:
ومن مساعه تييني انقباضات وتروح جان ماولد وانا ماجهزت شي الله يستر :091:

لااا دلوعة الله لايقول خل نكمل تجهيزاتنا بعدين خل تيي الانقباضات ههههههههه

ان شاء الله مانولد الا لما ندخل التاسع ...

يوه وناسه واخيرا دخلت التجمع وفيه احد

بقولكم شيء تخيلو الحين انا قالو انه فيني بنت مره وحده ولا مو عند الدكتوره اللي اتابع عندها عند دكتوره ثانيه وهالدكتوره تتابع عندها وحده اعرفها وقالو انه فيها ولد والحين لها اسبوع والده وجابت بنت يعني الدكتوره غلطانه

دكتورتي اخره مره قالت لي مب واضح بعد يعني احتمال كبير ان فيني ولد احترت مع التوزيعات مدري وش اخذ زهري ولا ازرق فراشي حق النفاس مع الروب لونه بيج امي قالت خذي توزيعات بيج بس بصراحه الزهري مره مغري حتى الازرق محتاره

عندي موعد يوم الثلاثا تحليل GTT مدري وشو بس طالبين مني اني اصوم 12 ساعه عند الاكل ماعدا المويه اللي تعرف عن ايش هالتحليل ياليت تقولي
انا قلت يمكن حق السالبيه لان فصيلة دمي سالبه وزوجي موجبه

الاسبوع الجاي عندي موعد سونار من زمان ماسويت حتى اني مشتاقه اشوفها في بطني

واخيرا فيني كسل مب طبيعي حتى الان ماجهزت شنطة المستشفى الاغراض كلها موجوده بس كسلانه احطها بالشنطه كله بس فيني نوم اصلا ماصرت انام زين الله يعين

النرجس
والله وهقه جذي الصراحه ، انا تقريبا 3 دكتورات قالوا فيني بنت فماحس له مجال للشك وخاصه اني سويت الرباعي :)

انا رايي من راي الوالده ، سوي شي بيج اضمن اذا شاكه في الدكتوره ، والتحليل اللي طلبوه منج يسوونه اذا عندهم شك في احتمالية اصابتك بالسكر لاسمح الله ...

تحليل منحنى تحمل السكر ( Glucose Tolerance Test)
ويختصر بـ ( GTT):

يجرى هذ التحليل عندما يكون هناك شك في الإصابة بمرض السكر، ويعطينا فكرة عن احتمال الإصابة بالسكر من عدمه.
عند إجراء التحليل لا بد أن يكون المريض صائمآ من 8 – 12 ساعة ، ثم نأخذ عينة دم وبول ثم يتناول المريض جرعة جلوكوز مقدارها 75 جرام ( أو 1 جم لكل كيلوجرام من وزن المريض) ثم نأخذ عينة دم وبول كل نصف ساعة لمدة 3 ساعات ونقيس السكر في كل عينة دم ، ونكشف عنه في كل عينة بول.

في المنحنى الطبيعي يظهر أن مستوى السكر الصائم من 70 – 110 مجم ، ثم يصل إلى أقصى درجة وهي 120 – 130 مجم بعد ساعة ونصف ثم يعود إلى مستواه الطبيعي مرة أخرى بعد 2 إلى 3 ساعات ، ويمكن ينخفض أقل من الطبيعي ثم يعود مرة أخرى لمستواه الطبيعي وذلك ما يسمى بـ " القذفة الأنسولينية" ( Insulin Shot) وسببها زيادة إفراز الانسولين في بعض الأشخاص.

في منحنى مريض السكر يظهر أن مستوى سكر الصائم أكثر من 130 ويتعدى 180مجم بعد ساعة ونصف ثم ينخفض مرة أخرى ولكن لا يصل إلى نقطة البداية في خلال ساعتين ونصف.

إذا لم يرجع مستوى السكر إلى مستواه الطبيعي في خلال 2 – 3 ساعات ، فهذا مؤشر لإمكانية الإصابة بالسكر مستقبلآ علمآ بأن سكر الصائم طبيعيآ.

النرجس
تأكدي فديتك من الدكتوره ، لأن المفروض يعطونك ابره بس مدري متى بالضبط بما ان فصيلة دمج سالب وفي احتمالية يطلع البيبي موجب مثل زوجك عشان ما يأثر عليكم بعدين عدم توافق الفصيلة ...

السلام عليكم شخباركم!!

وحشتني سوالف الحمل
باقي لكل وحده تقريبا كم اسبوع ويطلون المواليد
عاد مو تنسون كل وحده تدز مسج تبشرنا بولادتها

عبادي طلع نفس فصيله دمي A+

وابوه ما يقدر يتبرع له دم اذا احتاج لأنه فصيلته O+
بس من نفس فصيله دمي يقدر

امس رحت لعبادي
بدوا معاه بـ 4.1 مل حليب

وانا ما شفطت الا 50 مل يعني يصير تقريبا 2 مل
كلش ما يكفي له
ووزنه ثابت من يومين :(
ما اعرف شسوي
اشرب حليب ولبن واكل تمر
بس ما يوصل لين 80 ولا 100 مل
لو يوصل جا كفت له الكميه حق يوم واحد

امس زوجي يقول لي اذا وصلتيه 120 مل بعطيج 10 دينار
اقوله له ليش بقرة ههههههههههه
لأنه مستحيل عارفه عمري
يا 60 يا اقل

جود
انشاء الله بدز مسج لين ولدت خصوصا باقي لي 28 يوم