التجمع الثامن للحوامل اللاتي يلدن في شهر 3 ( مارس/آذار ) 2010 م - بإذن الله

السلام عليكم بنات شخباركم توني راده من موعدي طقيت مشوار على الفاضي كان ارفعوا السماعه وقالوا لي نتايجي اوكي لاتين رحت قالت كل شي اوكي باقي عندج حديد وفولك قلت لها عطيني بيكملون نزلني ريلي العياده وقال بيروح للعمال وبيتأخر علي كلها 10 دقايق وخصلت وكلمته ومسكين رجع لي قلت ماتسوى قومة الصبح

اما بنات على طاري غسيل ثايب الياهل انا امي غسلتهم لي اليداد والقدامى بصابون مال يهال وبعدين بخرناهم بياوي ومادري كانه شبة ولبان عشان اي بكتيرا ولا شي عالق عليهم ويكونون معقمين اصلا ريحة الثياب تحسسج انه مال يهال نتاتيف قعدت اشم وانا البق شنطتي ههههههههههه حلوه الريحه
وهذي الطريقه دوم اسويها في الاربعين بعد كل غسلة ابخرهم بالياوي ويتعقمون اضمن وريحة الياهل تصير تهبل اخذوا لكم ذي اللي تحطين عليها الثياب حق تبخرينهم اسمها المبخرة شكلها مثلث ترسي ثياب الياهل فوقها وحطي المقبس من تحت

الحلم الأزرق;11297426:

لوليكي شخبارج حبيبتي إنشاء الله تكونين بخير إنتي ولولو

يتوم;11297481:
لوليكي هلا بيج الله يسلمج واقرأي قصة ولادتي بتشووفين اذا سهلة لو صعبة

هسا قرأتها حبيبتي ما كنت شايفتها المهم الحمد لله على سلامتكم:025:

شوشو84
شنو القطور اللي كنتي تستخدمينه ؟ وهل فادج او لا ؟

مادري انا بالغسالة بس صابون عليه صورة بيبي لانه خفيف واذا عندك لبان او شبة مادري اذا تعرفينهم بخريهم فيه لانه تعقم الثياب

يتوم الحمدلله على السلامة وين قصة الولادة

الله يسلمج عيون المها

http://forums.3roos.com/showthread.php?t=512863

هذي قصة ولادتي

مرت اخوي المفروض اليوم موعد ولادتها بس شكلها صموود للحين مافية اعراض ولادة

يسلمو عيون انا بسمع بالشبه بس مابعرفهم

دلوعة انه 4 انواع قطور استخدمت من كثر ماكانت حالتي متازمه واول نوع ماتذكر شنو اسمة وايد نفعني وفتح خشمي خصوصا حزه الرقاد وعقب ماستخدمته قريت عليه لاينصح باستخدامة للمرأه الحامل جان اوقفه واتصروع وبعدين خذت كذا نوع يازعم مال الاطفال ومخفف بس مافادني كلش ... ام زوجي قالت لي سوي لج ماي وملح وقطريه في خشمج وبيروح تقول وايد زين واهي دايما تستخدم هالطريقة بس ماجربتها صارحة حسيت بيحرني خشمي هههه

يتوم انه حسيت شوي اسهل ولادتج يمكن لان البيبي كان حجمه صغير وبسرعة يمزق على قولتهم ههههههههه

المشكله ان حتى اوتريفين مال الأطفال مكتوب عليه لاينصح الحوامل والمرضعات باستخدامه ، وقريت عن الماي والملح في جم منتدى شكلي بجربها اذا وصلت حدي ...

الحمد لله رب العالمين الله يسر لي ولادتي ..

وطول الوقت طبعاً كنت اذكر رب العالمين بصووت خفيف غير مسموع ..

اي الحمدلله الولادة كانت سهلة وبالنسبة للخياطه انا باقولج طريقة يلتأم الجرح بسرعه انتي شريتي مره عشان تغسلين ابها اذا ماشريتي خلي يجيبون لج من العطار وبعدين صبي عليها شوي ماي بس عشان تقدرين تاخذين من نقوعها واذا دخلتي الحمام الله يعزج وغسلتي وطهرتي مكان الجرح اخذي كلينكس وبللي مكان الجرح بنقوع المره ولين جيتي بتطلعين من الحمام ولبستي ( الكوكو ) اخذي الكلينكس وبللي فيه المره وعصريها على ( الفوطة الصحيه هههههه) مكان الجرح وبتلاحضين يومين وبيلتأم الجرح انا وايد فادتني الطريقة وان شاء الله البنات يستفيدون منها

يتوم حبيبتي اي مستشفى ولدتي وعطوج الكمام الي يدوخ والالا؟؟

Daloo3t_Obooy;11298036:
المشكله ان حتى اوتريفين مال الأطفال مكتوب عليه لاينصح الحوامل والمرضعات باستخدامه ، وقريت عن الماي والملح في جم منتدى شكلي بجربها اذا وصلت حدي ...

اي دلوعة مالج الاا تجربين ماي وملح وامرج لله بس صج الزكام يذبح يلوع الجبد وخصوصا احنا حوامل وثقال ومب مستحملين روحنا بعد زكام :039:

حدي دايخه -_- ZzZzZzZz

مساء الخير مادري عشان نفسية تصير اوكي وارتاح كله احاتي الولادة وخايفة الله يستر

ساره توني قارية قصة ولاده وحده كاتبه الشي الي ساعدها في الولاده التفكير الايجابي كله حاطه في بالها انه الولاده سهلة بس فيها الم شوي ولازم نستحمله جم ساعة ... عاد الحين انه باسوي روحي فن يازعم وباخلي تفكيري ايجابي هههههههههه

لا اليوم كلش حالتنا صعبه حتى ماسولفنا مثل كل يوم ، ربي يسهل علينا ان شاء الله ، انا خلص دوامي وبرجع البيت اشوفكم على خير وتحملوا بروحكم وبدبابكم ...