( تعالي نقول لااا للضرب , نعم للعقااب ) , تجاربكم !!!

كنت أبي أطرح استفسار على نفس الموضوع ... ما هي طريقة التربية الأمثل ؟؟؟؟؟؟؟؟ والله احترت :02:

انا كنت أظن اني ببدع في تربيتهم خصوصا لاني انسانة تربوية ومثل مايقولون الناس قلبي وسيع بس مع ورداتي ( بناتي ) الحبيبات مادري ليش اعصب بسرعة وصايرة ما استحمل خصوصا في الأشياء الروتينية مثل قومة الصبح للروضة .. الاكل .. التبديل.. عدم سماع الكلام والعناد صايرة على طول يصيبني قهر عليهم واعاملهم بقسوة :047: مثلا اللي ماترضى تقوم اسحبها ن فراشها بقوة وادزها للحمام .. اضربهم احيان خصوصا الصغيرة لانها كل تعاند .. اسمعهم كلام قاسي مثل خلاص انا ما احبكم وما ابيكم .. اذا ما طعتوني راح اطلعكم برع .... غير الهواش على اقل شي... يمكن لان انا نفسي عندي هموم وصايرة ماعندي تحمل بسرعة اتنرفز ... بس عدين أقول شذنب هالاطفال ؟؟؟؟؟؟؟؟؟؟؟؟؟؟؟؟؟
تلقوني لما اهدي اضمهم واراضيهم ولما يكون مزاجي زين احب اطلعهم ولازم امر بهم البرادة
على قولة اختي ماعندك حل وسط اما قمة الدلاعة او قمة العنف ؟؟؟؟؟؟؟؟؟
والله احترت شسوي .؟؟؟؟؟؟؟؟؟؟؟؟

أبتهال الروح;11246177:

يعطيش العافية ام علاوي على الموضوع المفيد ولا لا للضرب >>ههههههههه خذني الحماس ..

انا بنوتي ربي يحفظها ويخليها بعمر السنتين وافف وشقد تعذبني وتتطفر معيشتي وبصراحه >>:040:اعتراف قاسي يوصل بي احيانا العصبية الى اني اضربها عاد مو ضرب قاسي بس تتاثر صارت من اعصب حتى لو ما بجي اضربها ترفع يده خايفه على عمري مني وهالشي ماثر على نفسيتي واحاول بقدر الامكان لمن يكون موجود ابوها اهو يتعامل وياها لانه اهو احكم مني باعصابه .. بس بغيابه صرت بقدر الامكان اتلاشها .. اخليها تاخذ حيفها باللعب والتعفس اقول بالنهاية هذي طفلة في يوم من الايام كنت امعذبه امي جذي .. ولمن ابغي اوصل لها فكرة انه هالشي غلط اهتم بنقطه النزوال لمستواها واطالعها بعينها وافهمها وابين اني زعلانه من تصرفها ..

بصراحه الصوره الثانيه ذكرتني بمره من المرات اشلون واني جايه امعصبه عليها بس ما كنت ابد بضربها اشلون رفعت يدها خايفة مني .. وتاثرت جداً من الموقف :'(..واحياناً لمن اكون امهاوشتنها تروح لابوها وتأشر علي >>تقول ماما شيطانه .. فنصيحة لكل الامهات بقد ما تقدرين خلي اعصابك ثلج:090: مع الطفل وبالنهاية هذلين ملائكة رحمه بيد رحيم بكرة يكبرون ينفعونه بالدنيا ..والضرب ما بولد فيهم الا العنف والحقد والروح الشيطانه .. والله يهدي الجميع ويحفظ اعيالنه

دعواتكم الله يهدي بنوتي ويجعله من الصالحات والبارات .. يا رب

تقبلي مروري >>الموضوع ضرب على اوتار حساسه وفضفضت ..

تسلمين خيوو على الفضفضه :032:..!!

احنا هني محتاجينها ,علشان نستفيد من بعض اكثر ..

والله يهدي الحلووه ويهديج ويطول بالج معاهاا ..

وشقااوتهم تخلينا غصب مرات نعصب.. ونسوي الا ما نبغي نسوويه:060: ..

اذا كانت النظره العصبيه منج تفيد معاها :014: خلاص اعتمديها لحظات الغضب ..

احسن من الضرب :091:الا يتعب النفسسيه ويضعف الشخصيه ..!!

الله يهديينا يارب ..

lovely-one;11246201:
نااااااااااااااااااااايس

تسلميين :065:

بسمة أطفالي;11246303:

صباح الخيرات

طبعا الموضوع لا يعلى عليه بس الميزان رفض التقيييم

المهم ضربتيني عالوتر الحساس

اني( واعوذ بالله من كلمة اني) لما يغلطوا كتاكيتي اتحمل واكتم واتجاهل وووو

وبعدها لما انفجر اضربهم ضرب !!!!!! <<< للأسف يعني

واظل اندم طول يومي حتى النوم مااعرف انام !!! كل حين اقول انزين وغلطوا ليش اضربهم ؟؟

بس الحمد لله مااحب ابد اضربهم تحت أحد >>> تبي تصلح الموضوع خخخخ

والحين متعودة لما يغلطوا اليهم يقعدون بروحهم في حجرتهم هههههه

قاعدة احاول اقلل الضرب ادعوا ليي الله يهديهم ويهديني وياهم ان شاء الله

صباح / مساء الخير بسووومه منووره :032: حبيبتي ..!!
وبالنسبه للتقييم اعتبريه ووصل ولوو ..

ويارب الله يهديش ويهديهم وياش وما يتعبوونش ..

مهو الضغط يولد الانفجاار :039: .. يعني ردت الفعل بتكون مضااعفه ..
وبتقصفينهم مساكين .. حاولي تفرغين عصبيتك اول باول ..!!

وطبعا مو بالضرب باي شي ثاني او اي عقاب بسيط وقتها ..
افضل من ان يتراكم وطلع بعددين شديد !!

وحلووه فكرة انهم يقعدون بالغرفه وما يطلعوون :057: ..!!
اذا تحسينها تجيب نتايج معاهم خلاص اعتمديها وطبقييها ..

أكبر قلب;11246366:
موضوعج رهيب يعطيج العافية

اني كنت مستحيل امد ايدي على نور والي عمرها الحين 5 ونص بس صادتني فترات ما اقدر اتحمل عنادها واضربها بس مره من المرات شفت زوجة اخويي تضرب ولدها قلبي تقطع على شكله وهو يبغى يحم نفسه منها وقلت اكيد شكل بنتي اذا اضربها يكون جذيه وعاهدت نفسي اني ما اعيدها والوبي صار اني اهددها بحرمانها شي تحبه ب للاسف اذا ما رضخت لامري ما انفذ تهديدي وهذا الشي يزيد في عنادها.....

خلنا نشوف تجرب الامهات ونستفيد

منووره خيوو اكبر قلب :083:..!!

وحلو اننج اخدتي عهد على نفسج ووفيتي ..!!
وحلو البحث عن وسائل عقاب غير ..
علشان نخلي الطفل يعرف غلطه وما يحاول يكرر اغلط ..

وعلشان اختري حرمانها من اي شي تحبه..
المفروض تمشين كلامج وما تتنازلين :057: ..!!
علشان تعرف انه هذا ردت فعل على العمل الا عملته ..!!

وان شاء الله نستفييد من تجاارب باقي الامهاات :072:

ام حمود 2005;11246486:
الموضوع حليو وضربتيني على الوتر الحساس
لي عودة

تسلمين خيتوو:f: ...

بنتظاار عودتك ..!!

مسز عادل;11246558:
يا ربي أم علاوي

جتني الصيحه :'(

صراحه اني ما اايد الضرب بس صايره في الفتره الأخيره عصبيه

و ولدي الله يحفظه مطفشني و احس الحين انه كبر والي يسويه مال عناد من جدي بعض الأحيان أضربه بس مو هذا أسلوبي المعتاد وياه إذا وصلت حدي ضربته على خفيف بس هو ينقهر حده و تحسينه ان كرامته مجروحه ويبي ينتقم مع انه يضربني عادي عنده

واحسه هو في قمة غضبه و صياحه منتظر مني احضنه و ابوسه

يا بعد عمري

خليتوني احس اني بصيح و خاطري احضنه الحين بس هو في الروضه و توي معصبه عليه لأن مو راضي يقعد الصبح و الباص باقي عليه 10 دقايق بس فقام يصيح حده

صح سكت في النهايه و حبني و حضنته و طلع وهو مبتسم بس كاسر خاطريييييييييييييييييييييي

جاري التقييم أم علاوي

الله يخلي حسووون :032: يارب ..
وهدي بالج عليه لا تطلعين زيران الحمل عليه مسكين هههه ...

واختاري اي شي ثاني غير الضرب حتى لو الضربه ما تعوور ..
الا تعور النفسيه وشخصيه اكثر :091:..!!

دوري لج شي ثاني تعاقبينه فيه ..
يكون له اثره يعني ينفع بس ما ياذييه ..!!

وتسلمين على تقييم ان ان صار ولا لا :014:..!!!

ام نور وعلي;11246799:
يعطيج العافية ام علاوي على الموضوع الحلو
صراحه ما أيد الضرب بس انا من النوع العصبي وايد
بنتي وايد هادئة ما شاء الله عليها بس ولدي متعب بشكل ما تتصورينه يعني عادي يعفس في الشقة ليما يقول بس ، أخليه على راحته وبعد ما يخلص أرتب كل شئ مكانه ، بس المشكلة لما أكون تعبانة من الشغل والبيت أحط حرتي كلها فيه وأصرخ عليه وهو مسكين يحط يده على أذونه ، ولما توصل العصبية حدها خلاص أضربه وبعدين أتأسف
يعني تقدرين تقولين أني أصارخ أكثر من أني أضرب

الله يخليهم لج يارب :f:..!!

ويهدي علاووي وما يغربلج ..
لصراخ بعد مو خوش عقااب احسه صعب شووي ..

وخصوصا على نفسيه .. << من يتكلم خخخ

اني بعد اصاارخ واطفح :039: واخرتي امد ايدي ..!!
معنى ما ابغي اربيه على هذا الاسلووب لاني ما احبه ..

بس مراات كثيير احس فقدت السيطره :057: ..
وبعدين انددم لا لصراخ ولا الضرب عقااب ..!!

يبي لنا ساليب غيرر الضرب , للعقااب بس يكون عقاب تربووي..
يعني للتحسين مو نضرهم فييه :014:..!!

خلينا نشوف باقي الامهاات وان شاء الله نستفيد من تجاربهم ..!!
وتسلمي على المشاركه غالتي:032: ..!!

الدمشقية;11246802:
موضوع حلو كتير ام علاوي مشكووورة
انا الحمد لله ناادرا اني اضرب اطفالي خلاص احسهم كبروا ويفهموا علي ماشالله عنهم ممكن اهددهم اني زعلت منهم وخلاص لا يكلموني
وهي لحالها عندهم تعني عقاب قوي

وعلى فكرى والله يابنات طفلك على ماتعوديه يعني من عمره سنة عودتيه على مناداته بالفاظ سيئة وضرب خفيف يكبر ويزيد هالشي ويصير مايتعامل غير
بالضرب وياليته يفهم او يرد عليكي
اما من صغره عاملتيه على العقاب اللين اللي هو خلاص مااحبك,, زعلت منك ,,, لا تحكي معايي ,, الخ وعاملتيه على عدم الضرب راح يكبر على هالشي
ويصير ابدا مايتعامل بالالفاظ السيئة ويقلد لان اصلا هالشي عنده عيب وغلط وكمان ان الضرب سيئ ويجرح مشاعره ,,, والنيجة راحة بال ورضى عن تصرفاتك
وتربيتك له

فانتبهوا ياامهات انتي مرآة لطفلك وفيكي يشوف نفسه ويقلدك ويكتسب منك اشياء كثييرة

مشكوورة مرة ثانية ام علاوي يعطيكي الف عافية

:ok:حبيبتي الدمشقييه :032: مشرفتنا العزيزه ..

حبيت كل الكلام الا قلتيه واايد,!!
كل شي قلتيه وصح و الطفل على ما تعووديه ..

بس مرات الام تحكمها عصبيتها ..
ولو تصرف الطفل باي تصرف ما تحس على نفسها الا وهي ضااربته ومخلصه بعد ..!!

الله يهديينا ,,
واكيد استفدنا من اضافتك :f:مشكووره يالغلا ..!1

عروس جنان;11246971:

اشكــر ام علاوي على طرحها لهالموضوع

الي شاغل بال كثير من الامهات واولهم انا

انا ولدي اضربـه ضرب خفيف لما يعصبني
بس الحين لما يضايقني
اقوله ما احبك. زعلانة منك

صار يقلدني الحين لما انازعه
يروح يركض ومبوز ويقولي انا زعلاااااااان ههههه
بعد شوي يجي يبوسني فدييته حبيبي
اهم شي الحين جالسـة اسيطر على نفسي لما اعصب

منوره مشرفتناا :f: ..!!
واهم نقطه السيطره ..!!

وحلو اسلوب عقابك له عجبني ..
تحسسينه انك زعلانه خلاص وانه لازم يراضيك ...!!

واهو بعد اكتسبه منج بدال ما يضرب..!!
او يصدر اي درت فعل ثانيه قاعد يقلدك وهذا الاسلوب كلش حلوو :014:..

ربي يخلي ويحفظه لج ياررب ..!!
اسعدني تواجدك :072:..!!

*ام وسام*;11247122:
سلام يا احلى ام علي ..

حلو كثير ... ومفيد جدا

انا اايد في حملتك ((((((((( لا للضرب )))))))))))

والضرب ما بيجيب الا الضرب والقسوة

انا اكتشف ان الضرب مع وسام ابني ما بيساعدني ابدا بل بيزيد الطينة بله مهما كان الموضوع

من فترات بدأت عنده عادات التف ويضرب الناس .. كيفية التعامل مع السلوك السيء هذا علمني الكثير ... كنت اضربه وكنت اصيح يعني الاساليب كلها عنف.. كل اللي حصل انه كان بيزيد .. وكل عادة سيئة اخذت وقتها وراحت ... وهذا اللي تعلمته::::

- بالصياح وبالضرب فقط بتزيد من مدة التخلي عن العادات السلوك السيئة والتجاهل وعدم اعارة اي انتباه له بيسرع من التخلي عنها .. لما الطفل يشوف ردة الفعل الخرافية لما يعمل شي مثل التف والتلفظ بالفاظ سيئة ... بيكررها كلما اراد انتباه ... لا تعطيه هذا المفتاح ابدا ... كل ما يقول اللفظ او يتف او يضرب طفل ثاني ... كل اللي عليك انك تسويه انك تنزلي لمستواه وتقولي له وبكل هدوء وبكلمات واضحة وبكل صرامة (( ممنوع الضرب او تف لااااا )) او هكذا واوقفي وابتعدي منه ..

- نفع معي اسلوب (( انا زعلانة منك لا تكلمني )) وكل ما يجي بتكلم معي اسكت منه واتجاهله ... طبعا بيعمل المستحيل علشان يلفت انتباهي ... وبعدين بفهمه ليش انا زعلانة او اسأله ليش انتا زعلانة؟؟ وهو حيقول وبعدين اطلب منه ان ما يكررها خلاص ... الحركة بتأثر كثير في نفس الطفل وما بيعود يكرر الشي هذا تاني ...

- شي مهم جدا ذكرته الدمشقية
الاطفال مرآة للام والاب ... ما بتقدر ابدا تعرفي قدر كيف طفلك بيراقبك وبيعجب بحركاتك انت وابوه وتلقائيا بيدأ يقلد ... لهذ قبل ان تعاقبي الطفل يجب انك تمنعي الناس اللي حوليه او تمتنعي انت وابوه من اي حركة غير لائقة او كلام غير لائق قدامه ولما تمتنعي انت وابوه هو تلقائيا حيخليها .. بس لا تعاقبي الطفل على شي انتم في الاساس السبب فيه . حتي السلوك المقتبس من خارج البيت بسرعة بيخليها .. انت كل اللي عليك تسوية كمان تنزلي لمستواه وبكلمات واضحة وبهدوء وبصرامة ممنوع لهذا الشي ...وتكرار بيعلم الشطار ما نيريد نقول الحمار هههههههه

- العقاب كثير مفيد .. منها الحبس ...او الحرمان ... او التجاهل بتجيب نتيجة ..
وسام عنده مسدس مع طلق بلاستيكية ... بس بيشيلها وبيلعب فيها بضرب الناس بالطلق ةهذا شي مزعج .. بعطيه تحذير اول بعدم ضرب الناس والتصويب بالجدار .. طبعا ما بيسمعني .. فبقوم وبقوله انا حذرتك وبشيلها نه وبرفعها بعيد .. بيبكي شوي وبعدين بعتذر وبطلب مني اعطيه اللعبة وبوعد انه لن يكرر الامر وبينجح..

في دراسات علمية بتقول ... ان الطفل ما بيقدر يسمع عندما تصرخي في وجه وما بيفهم كمان ... لهذا لازم الهدوء مع شي من الصرامة والجدية لما تنقلي له معلومه معينة

هذي الاشياء افادتني كثير مع وسام ... اتمنى انتم كمان تستفيدو منها


مشكورة على الدعوة للموضوع الحلو .. بس ما قدرت اقيمك الميزان مشكلة

تحياتي

ام وساام دائما متالقه بردودك :032: ..!!

ردك هذا استفدت منه كثييير ,
ويصلح موضوع لعرض تجربتك لكل الامهاات يستفيدو منه ..
وتستحقين التقيم عليه بصرراحه لرووعته وروعة مافيه من خبره ..!!

اوافقك :ok:بكل كلمه قلتيها وانا شخصيا عصبييه كثير ..
وان شاء الله استفيد من تجربتك الا عرضتيها في هذا الرد ..!!
وكل كلمه قلتيهاا احسهاا نصييحه مفييده :f:..
الى كل ام ولازم كلنا نطبق كل كلمه فيهااا ..

ماعندي كلام بعد كل الا قلتيه كفيتي ووفيتي خيتوو ..
و حبيت مشاركتك او خلينا نقول :095: اضافتك للموضوع لانها اضافه رااائعه عن جدد..
ومشكووره حبيبتي وربي يرزقك باخت حق ووسام ياررب ..!!

رٍوٍـــآنٍ;11247156:
يسلموووو ع الموضوع الرائع

بس انا بنتي توها صغيرة عمرها 5 شهور

يعني باقي على العصبية

الله يخلييها :f:..
ولا يجيب العصبييه وتابعينا علشان تستفيدين:049: لبعددين ..!!

أساير الروح;11247432:

انا معاكم لا للضرب ونعم للعقاب

انا معاكم متابعه وتوني ام لطفل عمرها 5 شهور ومن الحين ازرع فيه الشيء اللي ابيه يعني اصقله واكونه على التربية السلميه اللي ما يلخبطها وابي اتعلم منكم:040:

اساير:f: ..

ان شاء الله تستفيدين :014: من خبرة اللامهاات وتجاربهم ..!!
وخلج متاابعه يالغلا ..!!

خواطرمنسيه;11247740:
الله يصلح حالهم موبس يعصبون الايخلونك تفقدين السيطره

على نفسك من كثرعنادهم بس الحمدلله تحسنت

وصرت مااضربهم كثيرالله يصلحهم ولااااااللضرب

خوااطر ..

ربي يخليهم لج يارب ويهديهم :f: ..
والحمد لله في تحسن انو تحاولين تبتعدين عن الضرب :014: << عقبااالي يارب ..
و واكيد نقووول .. لالا للضرب ..!!!

**ام عبادي القمر**;11248119:
موضوع وايد مهم
اني وايد عصبية وكل من يعرفني يعرف فيني هالشي واول ماكبر عبادي اشوي قمت كلة اضربة يعني مثلا ماينام الليل اضربة واشياء ثانية بسيطة ماعندي صبر عليهااا
فشفت روحي انه الي اسوية غلط والحمد الله صحيت على نفسي قبل لااعقد ولدي
قمت دائما ادعي انه ربي يعطيني الصبر علية وان الله يهديه
والحمد الله الحين مااضربة واجد
الا لمن كلش فقت اعصابي
وواجد اطنششششششش علشان مااعصب بسرعة
يعني اذا قعد يصيح مثلا اطنشية على الاخر
وبعدين يسمت بروحه
بس الي فيني اني مااحب اضربة كف يعني او يده او اي مكان الا كف
لانة قريت اكثر من مرة انه الصفعة على الوجه تخلي الطفل ماعنده ثقة بنفسة
والمشكلة اني مالاقي مكان اقرب من وجه وقت العصبية ههههههه
ولا احب اضربة قدام احد
الا لمن كلش مارضى يسمت مثلا اا يصيح ادري انه غلط بس الله يعطينيا الصبر عليهم

منووره ام عبوود حبيبتي :032: ..

واخس مكان في ضرب الطفل على وجهه :091:..
تسبب مشاكل واايد حتى على المدى البعييد ..!!

خلي اعصاابك في فليزر:095: هذا الا لازم نتدرب عليه ..
ودوري لج عقاب ينقع معااه من غير ما تأذيينه ..!!

حرمانه من شي يحبه او اي شي ثاني :057: ..
الله يعطينا الصبر ويهديينا ويهديهم بعد :f:..!!!

أم عبادي @;11248627:
يعطيش العافية ام علاوي على الموضوع المفيد ولا لا للضرب

تسلمين ام عبادي:f: ..!!

ومثل ما قلتي لا لضرب اكييد :095:..

جروحي مليانة;11248947:
انا مااضرب بنتي وايد بس اذا كلش كلش معصبة مااقدر استحمل>>يعني تضرب

بقول لكم مثال على شي سوته ...

كنت في بيت ابويي يعني يوم الجمعة نكون متجمعين

وبنتي راحت الغرفة تلعب مع بنت اختي وبنت اختي عمرها 6 سنوات

وبنتي اربع سنوات المهم وهم يلعبون بنت اختي قصة شعر بنتي ذكلتها من جدام سوتها لها قصيرة وايد

ولما رحت لها الا الطامة الكبرى لما شفت شعرها مقصوص >>خخخ

على طول مديت يدي عليها لاني خلاص مااقدر اشوف شعرها جدي ..

وتسلمين على الموضوع تم التقييم يالغلا

تسلمين جرووحي :f:..!!
بس مو اهي الا قصت شعرها بنفسهاا ههه ..

الله يخليها يارب ويهديج .., ولا تضربينها دووري لج اسلوب عقااب ثاني..
ترتاحين فيه وابتعدي عن الضرب ..!!

كلمة الحياة;11249026:
ماشاااء الله ام علاووووي دوووم مواضيعج متميزه
ومشكووووووووووووره على الموضوووع الحلوووووو
وللاسف ميزانج ما ادري اشفية رااافض يقيمج
على العموووم بنتي عمرها سنة وشهر بس ماشااااااااااء الله
عليهاااا حركية وعنيييييييييده ولا كأنها عمرها سنة على هالتصرفاات
تقهرني وتنرفزني بس ما اقدر اضربهااا حدي اصرخ عليها عشان
تفهم ان هالشي غلط بس لا حياه لمن تنادي ههههه

تسلممين حبيبتي ام رتوووله :032: ..!!

والحمد لله انه مافيج هذي العاده الشنيعه نقدر نسميهاا ..
ومن الحين خففي صراخ ودوري لج اسلوب عقاب ينفع مع رتووله ..!!

مثل مثلا ما اكلمك او انا زعلانه .. جذي يعني عوديها من الحين ..
وان شاء الله تجيب نتيجه معاها القممره:f: ..!!

ام حمود 2005;11249546:
آآآآآآآآآآآآآآآآآآآآآآآآآآآآآآآآآآآآآآآآآآه على عصبيتي الا ما اليها حدود اني اطنش بعض الأوقات ولكن اذا عصبت اصب غضبي بأكمله على أولادي وأعمارهم مبينة في الشريط ساعات أضربهم بلا رحمة واذا انتبهت الى روحي أغاور ولكن بعد ويش توني أمس ضاربة ولدي الكبير على شي تافه وراز انحاسه الا يبغيه واني مو راضيه أعطيه وهو اذا يبغي ينرفزني يخرب لي أشياء تخصني مثل أمس سكب لي المعقم على طول الشقة ليثير انتباهي واني في لحظة غضب ما ملكت اعصابي وقمت وعطيت ضرب وجموع على ظهره حتى أصابعي بينت في ظهره وفلته في حجرة بروحه ايصيح بعد يمكن5 دقائق بعد ما هديت كسر خاطري وعورني قلبي عليه رحت اليه اراشيه وحضنته ولكن بعد ويش أما بنتي مسكينة على رغم صغر سنها ولكن بعد تحصل نصيبها من الضرب مثلا اذا كتبت على الجدار او اي شي ثاني أضربها ما اتحمل

واني قاعدة اكتب جايتني الصيحة على روحي لأن أدري الا قاعدة أسويه غلط ولكن ويش أسوي في عصبيتي حتى أولادي صاروا عدوانيين مني واحسهم يميلون لأبوهم أكثر مني لأن هو ما يضرب ولا أأيده وكل يعصب عليي اذا ضربتهم
بنات أمانة الا تقرأ موضوعي تدعوا اليي بالصبر والهداية وأن أكف يدي عن ضرب أبنائي
ان شاء الله أصير مثلكم ما أضرب لأن واني أقرأ ردودكم انكسر قلبي ليش بس اني اضرب والبنات لا بالرغم احبهم الى درجة الجنون وما اسخي عليهم واسعي ان يكونون دائما من المتميزين في كل شي بين أقرانهم

ام حموود :f:..

حاوولي قد ما تقدرين تخففين العصبيه الا عندج ..
ترى اني ما حطيت الموضوع الا اني ما اتحمل..!!
ومن اقل تصرف مسكين ولدي يحصل نصيبه معنى على عمري بعده صغنون ...
ومو حابه استمر في هذا الاسلووب :091:..!!

ولانه الطفل يضرر من كل النواحي ..
وغير انه الضرب مو مشرووع في ديننا لا كامسلمين ..
ولا بكل الاديان بعد , والبعض يجوز دفع فلووس لطفل الا امه تضربه ..
واحنا عندنا نعمه الكثير يتمنونها ربي يرزقهم :057:..!!
ويخلي عيالنا يارب ويحميهم ..

فاليش نبخس فيها !! ونعاملهم بعصبييه ومن اقل القليل نضربهم .!!
ومن بعد هذا الكلام كل ام تحب عيالها حتى لو كانت مرات تعصب..
وتضرب بعدين تندم واشد الندم بعد ..!!

ام حمود دوري لج اسلووب للعقااب وحاااولي تبتعدين عن الضرب ..
وكرري على نفسش :095: انو عيالي لو شنو ما سوو ..
اني احبهم واني عايشه علشانهم ..
وما يستاهلون مني اني اضربهم او اعاملهم بقسووه ..!!!
و صديقني راح ترحمينهم كثيير كفايه انهم قطعه منش:032:..!!

الله يهديش ويهديهمم ..
ويهدي كل ام عصبييه يارب ..
وتخفين عليهم شووي يارب ..!!

زهور يانعة;11249719:
مشكورة ام علاوي على الموضوع ولي عودة

تسلميين ..

وبنتظار عودتك :f:..!!