منتدبات تمكين يتفضلن

سندس84;11299524:
شكرا ابتسامه نور على التقييم والدعوة الحلوة
انتي في بتلكو تدريبش ؟؟ وشنو دراستش
تجيني أيام احس بتفاااااااااااؤل كبير وان الله بيسرها لنا بعد هالمده الموقته
وساعات لما اشوف حال الديرة الاعوج يجيبي اكتئاب واحباااط
الله يسهل على الجميع

جزر مبشور;11308117:
ترى اني اتابعكم من خلف الكواليس

لكن اخذوها نصيحة مني لا تضيعون عليكم هالفرصة ولا تتحججون على اي شي

شغلكم في الوزارات او في الشركات الكبار لمدة سنتين وبراتب 270 الى 300 فرصة زينة >> خاصة ان في احتمال تثبيتكم مستقبلا ..

صدق الراتب ونوعية الشغلة مو قد تعبكم وشهاداتكم

لكن احسن بعد من قعدة البيت

وتتوقعون لو رفضتون الشغل واستقلتون او قلتون خلاص ما نبغي نشتغل بعقد مؤقت من صوب تمكين بتحصلون شغلات افضل في هالفترة ؟!!

انتون اشتغلوا وجاهدوا وفي نفس الوقت لا تنسون روحكم وقدموا في اماكن ثانية بعد يمكن تحصلون فرصة افضل

بس مو تقعدون في بيوتكم وتنتظرون وظيفة ما تدرون تجي لو ما تجي

انتون اول شي بتكتسبون خبرة .. ثانيا في فرصة لتثبيتكم مستقبلا .. ثالثا بتحصلون راتب .. رابعا بتطلعون من حبسة البيت

اني اقول هالكلام لأني حاسة بمعاناتكم وجربت قعدت البيت واشتغلت شغلة في وزارة ومو بمؤهلاتي وكنت اصلا مو راضية اداوم ومصدقة عمري اني بحصل شغلة احسن وافضل .. لكن زين اني رضخت للامر الواقع وقبلت بالوظيفة وكانوا زملائي كلهم ثانوية عامة في الوقت اللي اني كان عندي بكالوريوس .. وقال لي الزمن صبري .. فكرت بقعد شهرين لو ثلاثة لو ستة لو بالكثير سنة وعقبها بحصل شغلة احسن >> مالت على الثقة العمياء خخخخخخ

المهم كاني في السنة الرابعة وعروض الوظائف اللي جتني خلال هالفترة قليلة جدا رغم اني لحد الحين واني كل وظيفة اشوف عنها اعلان اقدم لهاا ..

معناته اني لو ما رضيت بهالشغلة جان ليومكم هذا واني في البيت انتظر حلم الوظيفة ..

Cute Mother;11308475:
مرحباااا

شخباركم؟

اني خريجة علم اجتماع تقريبا 4 سنوات بدون شغل
ووقعت اني ما ابغي في خااص من زمااان

واشوفهم هالشهرين الا طافو هابين يشغلون الناس مؤقت في الوزارات
واني لا حس ولا خبر ولا احد اتصل!!:039:

عاد صديقتي العزيزة تخصصها جغرافيا توها وظفوها مؤقت في مركز صحي قريب بس سوو وياها مقابلة وخذوها لا امتحانات ولا بطيخ!
قالت لي بتصل لش في تمكين وبستفسر عنش<< كسرت خاطرها على عمري الحنونة!:040:

ردو ان اسمي من ضمن المرشحين للعمل المؤقت في وزارة الصحة
ولا يندرى صدقهم من جدبهم!! للحين ما اتصلو!!:057:

وان شاء الله عن صلاح:025:
قاعدة في بيتي مع جهالي وكلللش مو هاميني مالت عليهم!!:041:

سندس84;11310175:
الحين معظم الوظائف راح تكون تبع الصحه
وبنشوف لما يخلصون الصحة يدورون لاي وزارة
خوب التربيه ما اعتقد بيجي دورها