مشترياتنا من معرض الخريف بالصور 2010 (2)

سلآآم ..

آنه بقول لكم شنو شريت من المعرض .. لان حاليا بعض الاغراض مو عندي واذا قدرت بصور لكم وبراويكم .. وطبعاً كل روحاتي كانت ويا خطيبي

رحت ثاني يوم يعني يوم الاثنين وشريت عطور ملايين طقم ،، وامي خذت معمول البيت 5 تولات بـ 5 دينار .. وشريت فراش ماروني 6 قطع بـ15 لغرفتنا وستارة مارونية .. وستارة ع بني وبيج لصالتنا << قاعدين نأثث .. وستيانات ..

ويوم الاربعاء من كثر ما جفت مدحكم للبيت الدمشقي رحت وخذت لي 5 عطورات .. و 2 لزوجي .. وخذت ستيانات زايدة حسيتهم مريحين ..

وامس رحت وكان حده زحمة شريت لامي الله يخليها ربطات مال ستاير و عطور للوالد وبس ..:037:

بناااات احنه وياكم ان كلشي متوافر هني

بس بنفس السعر نقدر نحصله ؟؟

اذا بنفس السعر خصوصا للمفارش دلوو البنات خل يروحون واذا بنفس زهوه اللي بالمعرض

اما باقي الاشيه مال البيت صح انه وياكم بس بعد في اشيه ماتتوافر بكل مكان

وعن نفسي بتكلم لان انه المعرض ككل مايهمني فيه شي بس صوب العطور العربيه بعد باقول ان وايد هني بس المحلات الكويتيه هني؟؟ اذا موجودين تسون خير تدلوووني

تتهنون بمشترياكم .. وسمعت في خيمة في بوري او سوق واقف فيها فراشات نفس المعرض تقريبا ..

بنات بسألكم ..

آنه عضوة يديدة ابي احط توقيع ليش ما يصير ..

السلام عليكم ورحمة الله وبركاته

أني كنت متابعة الموضوع من بدايته بس من خلف الكواليس وتتهنون بمشترياتكم جميعاً ومن هذا لمعرض 2011 :077:

توني أمس رايحة مع العائلة بعد ما حاولنا مع الوالد:059: لأنه خواتي عندهم امتحانات وما وافق إلا بالغصب :03:
المهم رحنا وطبعا ماحصلنا باركات فنزلنا اخوي وراح وقف في مجمع البحرين وعقب ماشرينا التذاكر اكتشفنا ان صديقه كان مع المنظمين ودخل أخوي ببلاش لأنه دخل بعدنا :091: وتحسفنا على 2800 كانت بتنفعنا في وقت الضيق مثل ما تعرفون يعني

أول مادخلنا شرينا بجامة لأخوي الصغير فديته :050: بدينارين وخذ له فوطة باكوجان واختي فوطة هلو كيتي وبعدين أخذت حقي جلابية من عند الصينيين بدينارين ونص خذيتها بدينارين وبعدها شفت ستيانات حلوين على دينار وأخذت وحدة ولما رحنا الصالة الثانية اكتشفت انهم يبيعونهم على نص دينار اخذت لي ثنتين بعد

وبعدها أخذنا عطور من البيت الدمشقي ( طبعاً ماكان في رجالي ) أخذت لي "لاف باي نينا ريتشي" وخواتي اخذوا "مس ديور شيري" و "اسكادا ماغنتزم" وكلهم طلعوا بستة أو خمسة ونص ما اذكر.

وبعدين دخلنا قاعة الصينيين "أعشق منتوجاتهم ولا عاد الملابس" :072: وشرينا قميصين لي ولاختي الواحد باربعة عطتنا اياهم بسبعة وبعدين أخذنا اكسسوارات " سويرات وتراكي ومناظر" من عند صيني بعد طلعوا كلهم بخمسة

واحنا نتجول :064:شفت المركز الملكي للعطور في وجهي وانصدمت :093:لاني كنت حاطة عطر زينب في بالي من السنة اللي طافت ولا اخذته واليوم اروح مجمع سترة ما حصلته واخذت عطر فاطمة المهم اني اخذته امس واختي بعد كانت تبي عطر مرايم بس كان مخلص :rolleyes: لكن للأسف ماشفنا الفودري والثلجي الا في النهاية واحنا طالعين ( على فكرة الفودري وين بالضبط في البحرين ؟)

واخذت لي شنطة باربعة وخواتي خذوا لهم بعد من محل ثاني بستة ونصوبعدين خذينا شنطات من محل ثاني اخذت ليي بنفسجية بستة وأختي حمراء بخمسة وبعدين أخذت نعال أحمر وانتوا بكرامة بخمسة وثاني دهبي بسبعة والبيج بأربعة وبس
وفي آخر الجولة حطت امي رحالها صوب عشقها محلات الحلاوة والمكسرات الإيرانية والسورية واخذنا حلوى إيرانية وحلويات سورية.

طبعاً كنا نمشي بغير هدى بسبب الزحمة ونوقف عند المحلات بشكل عشوائي بس بعد احس الزحمة اخف من السنة اللي طافت بالنسبة لآخر يوم

وبث خلاث :030:

الترجيه;11240601:
بناااات احنه وياكم ان كلشي متوافر هني

بس بنفس السعر نقدر نحصله ؟؟

اذا بنفس السعر خصوصا للمفارش دلوو البنات خل يروحون واذا بنفس زهوه اللي بالمعرض

اما باقي الاشيه مال البيت صح انه وياكم بس بعد في اشيه ماتتوافر بكل مكان

وعن نفسي بتكلم لان انه المعرض ككل مايهمني فيه شي بس صوب العطور العربيه بعد باقول ان وايد هني بس المحلات الكويتيه هني؟؟ اذا موجودين تسون خير تدلوووني

خيتوو احنه مو ضد المعرض ومشترياتهم واسعارهم لكن بذمتج لو كان في تنظيم وتعاون من الناس الي تروح مابتكون زحمه بهالطريقه وحتى لو زحمه وفي نظام الوضع بيمشي عادي بدون اي مشاكل

لكن تخيلي انتي واقفه تشترين من محل وهذا الموقف صادنيوتي وحده ماشالله عليها وبكل ادب تنط في نص النقاش مع الي يبيع وتساله شي ثاني وتيج غيرها نفس الطريقه وتصير الفوضه هذي تبي تاخذ وتخلص وهذي تنتظر وتقوم لج قومه


يعني انا اعتقد لو المعرض يسونه يوم للعائلات ويوم للنساء ويم للرجال ويم خلط بكون وايد احسن بدل هالعفايس

وفعلا اسعار المعرض ماتلاقينهم برا وبالاخص للمفارش برا غير واسعارهم على 50 و55 وفوق لو في بنفس السعر بكونون مو نفس النوعيه عرفتي

وهم نفس الشي للعطور


وفعلا في محلات مو متوافره هني في البحرين وماتلاقينهم اله بالمعارض
بس يالله الحمدالله عدة على خير :013:

وفي انتظاره السنه اليايه اذا الله احيانه:093:

هل انتقلوا المعرض الى سترة والى متى معرضهم

تتهنون بالمشتريااات
انا ما رحت المعرض الا مره وحده كان يوم الاثنين و الصبح
وكان عاادي مو زحمة وااايد
ولا فكرت اروح مره ثااانية لان عااارفة بروح وبتشرى في اشيا ما ابيهااا
وساعات الاسعار الرخيصة هي الي تحدج انج تشترين وجوووفي الفااتوره في الاخير
اكثر من المحلات الغالية

يعني ما مددوه حسافه عبالي مددوه جان ابي اروووح مره ثانيه

لان ابي اشتري عطورات من الدمشقي حلووووين


يله السنه اليايه خخخخخ

شرايكم كل وحده تحط تجربتها في المعرض عشان السنة الجاية ما ننصاد؟؟ وكل المحلات اللي في المعرض وموجودة في البحرين ذكروها عشان نستفيد
اني ببتدي
تعرفون القطاعه اللي يبيعونها هم 3 وحدات اللعام اخذت منهم وبصراحة اللي تقطع الطماطم ما استفدت منها ما اسرع ما اختربت واللي تقص البصل مو الى ذاك الزود لان كانه عصير بصل مو بصل مفروم
اما ثالث وحده صراحه للحين عندي احبهااااااااا واجد ريحتني اقصص فيها حلقات خيار وبطاطا وملفوف عملية عدل وما تغيرت
بالنسبة للمفارش اني واختي ما اخذنا لان سنة من السنوات اخذنه نوع واختربو فاتعقدنا ما ناخذ من المعرض
الاكسسوارات حلوين ولا يتغيرون خصوصا مال السوريين بس عاد خذوهم اخر يوم عشان السعر ينزل
عطورات البيت الدمشقي روووووعة ولا تفرق عن ريحة الاصلي في شي وتثبت في الثياب عددل
جبن كنتاكي يوم خذيته شفت محطوط عليه رقم تلفون في البحرين يعني اتوقع عندهم محل اذا فضيت بتصل اسال
بعد شنو ياربي
اي احد فيكم اخذ هذا القدر؟ منه فايدة لو هرار؟ واللي تسوي المساج بعد
اخذت شورت من عند الصينين ب2 ونص عن يازعم يخش الكرشة ولما لبسته حسيته طفرها زوود:085:
هذا اللي اذكره اذا ذكرت شي بعد بكتب بس يلا انتو بعد كتبو ها لا تفشلوني:040:

تذكرت بنات شريت لي شنطة ب 9 دينار

بنات صدق بينقلون المعرض إلى سترة؟؟؟؟؟؟؟؟؟

ام عايشه تتهنين حبيبتي

سلاطين ماجربته ولا موده :(
ان شاءلله السنه اليايه ان الله احيانه وياكم

جاذبيه رغم انه ثقيل بس حلووو وحطيته بورقه وتم جم يوم ثابته ريحته

عنااااق عطر عجييييييييييب

لولوه كانت اخر حبه رحت قبل اخر يوم قالي اخذيها لاتفوتينها بس كان خاطري اكثر بدموع الالماس

الله يتمم لكم ياربي وتعرسين ويسعدكم رب العالمين

AL'MaNaMeA;11239492:
يوووو صج في ؟ متى شفتينهم بروح باخذ لي

خبريني اوكو حتى لو على الخاص

لا مثل الي انتي شريتيه مافيه اناا رحت وما شفت والي بالمعرض اشكاله مميزه ماتحصلينها برامز او الانوار:ok:

برائة عروسة;11234539:
miss designer عليج بالعافية تتهني فيهم ان شاء الله
تستاهلي تقيم
والله اني اجوف الواحد يروح اخر المعرض يسوى لانهم ينزلون واجد
مثل الفراش الي قالت فيه الاخت miss كان صج ب35 صار ب20 :091: خطيبي كان عاجبنه

الله يعافيج حبيبتي :087:

صح كلامج مع الايام يبدون يخفضون اسعارهم :091: بس انا كنت خايفه مااشتري وبعدين مااحصل ... لان في اشياء كان خاطري فيها وكل مرة اروح اقول خله لمرة ثانيه عشان يصير ارخص لين ماكملوا :039:

بنات بذكر لكم تجربتي مع جهاز البخار للوجه

اليوم استخدمته

وحطيت مع الماي ملح + ماي ورد

واول ماشغلته سييييده اشتغل و بسرعه طلع الهوى حتى امي تقووول قصري عليه خخخخخ

والحمدالله ماشفت معاه مشاكل

بس في البدايه استخدمت مقشر وايييد حلوو اللوز وايد عجبني خذيته من اللي يبيع نفس الجهاز وعطاني معاه

كريم ماسك بالخيار + كريم مرطب

استخدمت الكريم المرطب بالتفاح مع البخار وقعدت امسح بويهي مثل مانصحني

ومثل ماهو مكتوب بعلبه الكريم

ينصح باستخدامه مع جهاز البخار

وبعدين غلست ويهي وحطيت فيه الماسك واايد عجبني شد ويهي يوم حطيته ,,

وبعد ماغسلت ويهي بالمااي وايد حسيت بفرق ويهي احسه صار صافي ونااااعم

وحتىى اختي يوم شافتي تقول شنو حاطه بويهج

على بالها حطيت كريم اساس

قلت لها ولا شي تقول صاير صافي وابيض

عاد انا حدي تشققت

وناااااااسه

سلام عليكم عروساتنا الحلوين ...

الله يهني كل وحدة فيكم بلي شرتة ... وجمعوا من الحين لسنة الجاية ...:ok:

حابة اشكر أختي الترجية على جهودها الحلوة معانا ما قصرت الله يعطيها العافية ونولها الا في بالها في القريب العاجل

بالنسبة لمشترياتي كانت متواضعة وبسيطة .. وكان المفروض ما اروح المعرض لظروف خارجة عن إرادتي بس ما قاومت

الإغراء الا سوته ترجيتنا الغالية .... خلصينا عاد 8o|

المهم شريت عطور من الفودري ( نهاوند ـ لولوة ـ عناق وأحلى وردة F:لترجية على هالعطر عجبني واااايد )

واخذت من الملكي ما أدري شسمة عطر ( علي ورقية )

فستان من عند السوريين ـ جلابيتين من الصينين ـ شنطة شانيل وردية ـ نعال وجوتي أسود عزكم الله من الباكسني

وخلاص .. والحمد لله ..