تجمع ربات البيوت القمورات يدا بيد نحو النظافه

السلام عليكم و رحمة الله و بركاته

يومياتي الجمعه

صحيت 12 و نص ويمكن بعد على صوت الكبيره نزل من خشمها دم و تخاااف

مره غسلت له و نظفتها و غيرت للصغيره و صليت و جهزت الفطور و فطرنا

و رتبت البيت عالسريع و حطيت شراشف بناتي بالغساله و غسلت النحاس

و سويت كوب نسكافه و جلست شوي عالنت و قبل المغرب خرجوا بناتي مع

ابوهم و انا رتبت حوسة العابهم و كنست الصاله و المقلط و جلست عالنت و اسمع

برنامج غدا نلتقي على دبي و المغرب جو و نامت الصغيره صليت و روشت الكبيره

و تعشينا و نامت و انا حاولت انام بس مافي بدري و صحيت الصغيره على 10 و نص

شبعااااانه نووووم و يجي زوجي الساعه 12 قبل ما ينام يقول اكوي ثوب و شماغ!!

بغيت انفجر في وجهه بس بركه تداركت الموقف و سكت و جلست عالنت و على

1 قلت بانسدح لما تنام و انا نمت و مدري متى فتحت عيوني لقيتها نايمه وديتها

على فراشها و قلت يا بنت ارتاحي شوي و قومي اكوي و لااااا اقوم الا على صوت

زوجي يقول كويتي؟!! يا لهوتييييييي طبعا ما يحتاج اقول انه عصب

و كواها بنفسه و انا فطرت جوري و لبستها و مشطتها و ودعتهم و حسيت

بجوووووع عملت لي ساندويشه و كوب شاي و جيت عالنت و بس...

خلود ريحة العود
مبروك رجعة البت و مبروك التجديد و الله يرجع زوجك بالسلامه



مدنونة حمود
ماشاء الله عليك الله يحميك يارب و شفتي كيف متفقات عليكم خخخخ



وحيده بدنيتي
الله يجمعك مع زوجك على خير


انثى ذوق
ماشاء الله حلو غيرتم جو


روز
يا قلبي عليها بنتك حزنتني يا روحي بس حلو تسبينهم ما يفهمون



سلخير
الف سلامه عليك الله يشفيك انتي و ولدك


خاطري في بنوته
ما اعرف ان شاء الله وحده من البنات تفيدك


ام العصلا
سلامات الف سلامه عليك الله يهون عليك الحمل و يرزقك ولاده سهله بوقتها يارب



كوب نسكافه
آآآآآآآآآآآآه يا قلبي قلبي عورني من وصف المشهد بس يا روحي على امه
ايش اسم الفيلم؟
و الحمدلله اللي عجب اهلك انا عجزت اتقبله احسه يغث و مافي طعم كيف تجي مدري!!

و الثنائي المرح الله يصلحهم اقول لزوجي امس بس يتناقرون خخخخ

مساء الخير
يومياتى امس قعدت على النت اسولف ماسن في موضوع
مزعلنى مررره وسولفت لصديقاتى غثيتهم وبس :085:
الحين يابنات سؤال يطرح نفسه لو جاتك وحده تقرب لك ولزوجك
وقالت انا مؤيده لتعداد الزوجات وحاولت ازوج زوجى وقال ماعنده فلوس وش رايك يافلان اللى هو زوجك انا اعرف بنات ومعلمات يبون الستر والزواج وابسعى بخير واوفق بين راسين بالحلال لان العنوسه منتشره بالسعوديه وانتى ياانثى لاتزعلين بالعكس هذا اجر اسعاد مسلم ولو جاب منها طفلين يملون حياتها لان زوجك غايب طوال اليوم فماتفرق معك بالله وش رايكم ماتنقهرون يابنات
زوجها مايبي تعداد لكن تبي تزوج زوجك وبرضاك ومسويه حمله نعم للتعداد واختها اللى اصغر منها تو متزوجه لها سنتين موافقه على التعداد بس مابتزوج زوجها لانها لسه ماشبعت منه لكن احنا لنا سنين خلاص راحت علينا وان الرجل مراهقته تبدا بالاربعين والوحى نزل على الانبياء وهم بالاربعين وبالثلاثين تقل خصوبه المراه وزوجك يابنات شاق الخشه :094: وموافق على الموضوع ومؤيد وانتى فيك الصيحه واخرتها نمزح بس ترى مابنزوجه الا بموافقتك
يارب اللى يسعى بخراب بيت احد ينخرب له بيته ويذوق من نفس الكاس وينحرق قلبه حسبي الله وكفى :066:


المهم نرجع ليومياتى امس نمت بدرى وجاء زوجى وتفلسفت على راسه على هالموضوع يقول انتى حساسه :085:
واليوم لبست بنتى لبس مرتب لان عندهم حفل للجنادريه وولدى مسخن ماراح ومعلمتها قالت لاترسلين معها الا الطبق اللى مسويته وفلوس والا هناك محد اعطاها فطور ياقلبي وزعلت جيعانه انقهرت من معلمتها مررره وجات منقشه ايدينها عروسه البنت :094:
وكنت مطلعه دجاجه ابطبخ الا حمولتى قالوا بيسخنون اكل امس اللى بالبر بس يبون طحينه انا اسويها قلت اريح وسويت لى بيض حشيتهم بصامولى وكوب نسكافه وجالسه افطر :040:
وسلامتكم



روز قطعت بنتك قلبي لكن لازم من الصعوبات والله يوفقها ماتخلص السنه الا هى مكونه صداقات وسلامه بناتك
سلخير سلامتك يالغلا
ساكون :085::085: ياويلك من الله اما زوجك بيهج من البيت

كوب نسكافه قد قالوا لى عن هالمسلسل تراه مو فيلم بس يفجع حرام عليك انا مااقدر اتابعه للاسف اخاف

مدنونه الله يسعدك مدام رهوفه ماتنتهى يومياتها حتى انا افكر اسوى لها كتاب خخخخ

مها البنات الباقيات وينكم

مساكم الله بالخير يا حلوييييييييييييييين
كيفكم؟ وحشتوووني

خلود ريح العود (مبارك عليك غرفة البنات والمقلط - وسلامة ولدك حبيبتي)
مدنونة حمود (يعطيك العافية وماشاء الله عليك تبارك الله انتي أكثر وحدة تردين على البنات ، اقلك بنعزم نفسنا انا وانتي على كوب نسكافه وجداويا؟؟؟)
جداويا وكوب نسكافه (أفااا تتزاورون؟؟؟؟؟؟ لا هذه خيانه ولا إيش رايكم يا بنات؟
انتم تعرفون بعض من المنتدى ولا تقربون لبعض؟)
وحيده بدنيتي (الله يكون في عونك وتولدين بالسلامة ويارب تنقلين عند زوجك ، ودامك معانا في المنتدى والبنات الحلوين اللي في هذا التجمع مارح تكونين وحيده ان شاء الله)
أنثى ذوق (ياليتني معاكم ، أحب طلعات البر ، وترى حتى احنا رحنا مع أهل زوجي أمس الجمعه البحر وانبسطنا الحمد لله ، ولا بصراحه هذه اللي قالتلك كذا اكيد مو صاحيه ، أنا لو مكانك اتجنن ، قال توفق زوجين بالحلال قال)
روز (يعطيك العافية ويا عمري على بناتك)
سلخير (سلامتك حبيبتي ما تشوفين شر)
خاطري في بنوته (ما عندي علم والله ويعطيك العافية)
أم العصلا (تولدين بالسلامة ويعطيك العافية)
كوب نسكافه (يعطيك العافية وطيب تتزاورون انتي وجداويا من ورانا ها؟)
شمواه (الله يعينك حتى أنا أكره الغسيل بس أجبر نفسي ، وكمان وانتي تغسلين اتفرجي تي في شويه وادخلي المنتدى شويه ، و زي ما قالتلك اختي مدنونة حمود)

يومياتي:
الخميس: صحينا أنا وزوجي على الساعه 9 ونص ولبسنا ورحنا فطرنا ومرينا على البحر شوي بعدين رحت المستشفى عشان عندي موعد مع الدكتورة ، لأنه عندي قرحه في الرحم ومأخرة الحمل وبشوف إيش قصتها؟ واعطتي ادوية ، ورجعنا البيت على الساعه 12 ونص ، وكان في لمة كل شهر حقت أهلى في استراحه يتجمعون جماعتنا كلهم ، وكان في عشا عند خالة زوجي ، انا رحت الاستراحه لأنه من زمان على أهلي بصراحه وبالقوة خلاني زوجي اروح (زعلان) وهوا راح عند خالته ، أنا رجعت الساعه 2 الليل وهوا راح من عند خالته على اصحابه في القهوه ورجع الساعه 3 ، بس ما انبسطت في الأستراحه ، أول شي لأنه زوجي وافق من غير نفس ، ثاني شي الأدويه اللي أخذتها سببتلي غثيان ودوخه واستفرغت في الاستراحه الله يكرمكم ،،،،،

الجمعة: صحينا الساعه 12 ، زوجي راح الصلاة وانا طلعت عند عمتي سوينا غدا برياني بالجمبري مرررررة حلو تغدينا ونزلت لأني تعبانه ، والعصر رحنا البحر مع أهل زوجي وكان الجو مررررة حلو وقعدنا الى العشا ورجعنا وبس،،،

السبت: اليوم صحيت الساعه 12 انا وزوجي قمت رتبت البيت وصليت وبدأت في الغدا سويت كبسة مع بطاطس مقلية (زوجي نفسه فيها) وتغدينا وراح زوجي الدوام وانا جيت عند حبايبي اقلهم يومياتي...

بنات نبغا نتعرف على بعض أكثر بس بعرف كل وحده من فين من السعوديه وكم عمرها ( أنا من جده وعمري 24 )

مدنونة حمود (فضفضي حبيبتي ، ترى هما الرجال كذا يسوون الشي ولا يحسبون انهم غلطوا ، بس على قولك هذه ملح الحياة)

روز (انا عندي قرحه في عنق الرحم ، والدكتورة قالتلي رح نستمر على الدوا لمدة اسبوعين اذا ما خفت رح تكوي)
طيب قوليلي كيف الكوي يألم؟ بصراحه