تجمع ربات البيوت القمورات يدا بيد نحو النظافه

السلام عليكم 00
الثلاثاء صحيت الظهر وسويت غدانا رز ودجاج وبطاطس مقليه 00تفدينا والعصر سويت قهوه لزوجي واخذها معاه وخرج 00وانابدات الكنس:068:ماخليت شي في البيت 00ترتيب سريع وكنس وغسلت ملابس لولدي 00وغسلت حمام 00وتروشت وبس00كان نفسي امسح دولاب المطبخ من فوق والثلاجه 00بس اجلته وقعدت ادرس ولدي 00
المكياج.. يربطني..ما اقدر احك عيني:023:الله بشرح صدرك والله اني ضحكت من قلبي 00من جد هذي معاناه 00مايحلى لنا الحك الا وعيوننا فيها كحل والامكياج 00وتعالي شوفي دمج الالوان على اصوله00
انثى 00شدي حيلك ياقلبي مدام وراك نقل وتعزيل00وجيبي لك شغاله بالساعه لمده اسبوع تجيك وتساعدك 00وشوري على زوجك وقولي له خلنا نرتب الشقه الجديده ونخلص اشغالها من مطبخ وحمامات عشان ننقل على نظافه00وبدون حوسه عمال رايحه وجايه00
الله ييسر لكم 00
يوياااااالله يعينك على دوامك00بس مع هذا ماشاء الله عليك مرتبه نفسك00ومنظمه00الله يقويك00
مهاااا00الله يسعدك 00انا زيك اموووووووت في شي اسمه نسكافه 0ومعاها شوكلاته00ادووخ عندها 00ماينعدل مزاجي الافيها00اذا ماشربت احس كاني مضيعه شي 00
وماتلاحظين اغلب البنات في المجموعه يشربون نسكافه!!!!:093:
00وبروح اتسدح لين ياذن للفجر00
شذى,حكاية عطر,جداويا,كوامن ,
سلخير,همس,00الله يقويكم على طاعته
مدنونه وحشتني يومياتك00 الله يجمعنا بك على خير

:087:للجميع00

شوشو كيف حال ابنك اليوم ان شاء الله ايده صارت احسن

ولتكوني حامل عشان هكي متاخرة الاكس عليك



جوجو سلامتك من البرد والسخنة

وحبيبتي اساليني انا عن الحموضة تعرفي اني يوميا ما اقدر انام بدون ما آخذ حبة ا لرينيه تبع الحموضة

ويوم الجمعه اللي فاتت اخدت المساء 5 حبات بالضبط

واللبن = الزبادي احسن للحموضة من الحليب

وترا وعد الحر دين عليه
حاولي انك تفهميها انك اليوم تعبانة وتاجليها ليوم تاني

ظهر الخير لاحلى قمورات
قمت الصباح وقومت ولدي وكان تعبان ياقلبي بس ماحبيت اغيبه ومن قلت له ابوك راح ينزل معك
ويركبك الباص انبسط ياعمري بيتي بالدور الثالث ويخاف ينزل بالاصنصير لحاله!!!
حسيته كذا حس بالأمان وانبسط
نزل معه ابوه وراح بسلامته وجاء الظهر وهو مسخن ومكان التطعيم فيه ورم بسيط واحمر !!!
رتبت حوستهم سريع وباقوم شوي اسوي الغداء ....
......................
مها
الله يسلمك يارب والدوره تتاخر كل شهر هذا حالي تجي بالبدايه افرازات (تكرمين )لمدة اسبوع
وبعدين تنزل يعني ابقى في حيره أصلي ولا لا؟؟؟غير كذا النفسيه تتعب اسبوعين
الله يصلح الحال بس انا مهملتها بالمره..
وانتي طمنينا كيف الدوام معك؟
..................
حبيبة زوجها
عساك عالقوه وياقلبي عليك صفار الزعفران مره وحده هذا لو لمسه بسيطه تبقع الدنيا عاد شلون لو انكب؟؟؟
..................
جداويا
يمكن بنتك ماشبعت نوم .
والقاعده النورانيه انا فهمت منها انها مقسومه قسمين حروف قويه هي اللي ياخذونها اول شي وهي اللي
ماتحتاج تمسك باللي بعدها مثل (ر _ ز _ و _ د )وهكذا قيسي عليها
والقسم الثاني الحروف الضعيفه اللي تحتاج انها تتمسك باللي بعدها مثل (هـ _ ع _ ل ) وقيسي عليها الاحرف الباقيه
هذا شرحي حسب فهمي من معلمة الروضه حقت ولدي كانت لما تشرح اي حرف تسالهم الحرف هذا قوي والا ضعيف؟
طيب بنتك ليش مادخلتوها من النصف الاول؟ يعني السنه الجايه مدرسه والا تمهيدي؟
..................
انثى
الله يسهل لكم النقل يارب وابدي من الحين احسن.
....................

مساء الخير :


امس رحنا لاهل زوجي ومارجعنا الا الساعه 12 وماسويت شي حطيت راسي ابي انااااام ولا جاني النوم الا الساعه 3 :(


اليوم صحيت الساعه 11 على طول كلمت مامي:053: من زمان ماكلمتهاا وخذتنا السوالف ماسكرت الا يوم سمعت اذان الظهر ,,:047:

طيراااااااااان ع المططبخ طبخت الغدا كبسه لحم حمرا مع مقلقل كبده وسلطه ,,

وجا زوجي تغدينا وعقب بديت اغسل المواعين على طول ومسحت الفرن باقي لي كوي وامسح الاثات والطاولات ,,:060:


اليوم بعد بنروح لاهل زوجي ,,

ما ابي اطلع الا البيت نظييف ان شاءالله ,,:065:

انثى ذوق :


ليش متذبذبه انتي ؟؟ :039:

خلاص بتنقلون يعني لازم تبدين ترى مو ضروري احد يساعدك لاتجلسين كل شوي تقولين ماعندي احد وانا بلحالي ومن هالكلام كذا بتصتصعبينها على نفسك ,,:057:
انا نقلت من شقتي وانا بالتاااااااااسع تخيلي :096::096::096:!! ولا احد ساعدني لا اهلي ولا اهل زوجي وللمعلوميه بيت اهل زوجي عندهم كان 4 خدامات :047:وابوي عنده وحده ومع ذلك ماطلبت من احد الحمدالله الي يبي يساعد بيساعد بدون مشاوره ويوم نقلت واستقريت وشفت الكراتين والحوسه طقتني الغلقه مع اني منظمه كل شي وكاتبه على كل كرتون اسم محتواه بس الحمدالله ربك يسرهاا ,, شوي شوي وبتخلصين ,,:087:


وبما ان عندي خبره بالنقل اقولك اهم شي اهم شي التنظييييييييييم يعني انتهبي انتبهي انتبهي تبدين في غرفه وتتركينها وتروحين للثانيه سواء وانتي تعزلين الان او وانتي مستقره باذن الله في بيتك الجديد ,, بدأتي بغرفه خلصي منهاااااااا مرررره وسكري بابها واطلعي وانتي مرتاااحه وعقب ابداي بالثانيه ,,

اهم شي ابدأي الااااان وماعليك من احد ,, كرتني زي ماقلتي وعبي بالمجلس وخليك واثقه من نفسك يمكن ترتيبك انتي لبيتك يكون افضل مية مره من ترتيبهم ههههه:093:



مها :


رحمتك ياقبي احس شغلك مره متعب ,, بالتوفيق ان شاءالله ,, وومشكوره على اهتمامك وسءالك فيني ,, الحمدالله ظهري الحين تحسن ,,



سلخير :

مشكوره ع طريقة الماش بس انا عندي ماش + حلبه من عقب نفاسي وبصراحه ماودي اخذها اخاف انتفخ :085:



جداويا :

ولدي ياقلبي عمره 3 سنوات و7 شهور تقريبا ,, باذن الله ودي ادخله السنه الجديده ان الله كتب ,,


كوب نسكافيه الله يعافيك ,,



روز :

هههههههه ياحبيلك ياشيخه ,,


شوفي ابقولك شي ,,


يختي يقهر رجلك بصراحه خخخ يوم يقول انتم يالسعوديات يعني الحين كره السعوديات يوم شاف حريم برا :039: ترا هو غلطان وانتي بعد غلطانه

لازم تحطين ميك اب لاتقولين ما احب او هو ولاهمه انتي وضعك غيير في غربه واكيد وهو طالع لدوامه يشوف اشكال والوان فلازم انتي تحفظييييينه واكيد انتي عارفه هالكلام ,

ما ابيك تزعلين مني بس انتبهي لزوجك ولاتخلين في باله شي وماسويتيه ,,,

الله يوفق الجميع


:032::032::032: تحياتي :032::032::032:

صباح الخير

يومياتي..

امس.. طالعت جبت البنات ورجعنا للبيت وسويت لهم بيض<<< ما عاد سويت فيش فينقر يا مها خخخخخخ

ورقيت غيرت لبسي وكشخت بس ما تمكيجت..عناد :02:

عناد = اسوي اللي براسي وعكس اللي المفروض اسويه

قعدت مع البنات شوي ثم جا ابوهم..

وسألني اذا حمام البنات نظيف لأنه يبي ياخذ حمام فيه..

حمام بناتي هو الوحيد اللي فيه بانيو..وحمامي مروش فقط..

رقيت بسرعة شلت الزبالة اللي معطرة الحمام :worn_out: وفتحت الشباك يتهوا..

و شغلت الموية الحارة..ولما جا زوجي يدخل دخلت قبله وسكرت الشباك..

وقال: لا تفتحينها مره ثانية:034:.. حتى غرفتهم ..الله يستر تنسينها والا شي..

قلت بنفسي: والله لو تدري اني ناسيتها يوم كامل بليلته :096::-#

وركبت على القهوة..ثم الشاي..ثم سويت العشى..

ونامو البنات وانا قعدت احل لعبة سدوكو بالجريدة:082: وما دريت الا وهاللي يقومني!!!!

:050:رقيت وكملت نومتي..:075:

واليوم.. لا جديد.. قمنا لبسنا فطرتهم طلعنا .. ورجعت افطرت ثم سويت لي كوبتشينو..:C:

وبعد ما خلصت مسلسلاتي اللي احب اتفرج عليها رقيت ارتب الغرف..

ثم جيتكم...

ودي انظف الثلاجة.. وشيل الثبج اللي متجمع بالفريزر.

عاد لو تدرون شكبر ثلاجتي كان فطستو من الظحك..

كبر ثلاجة غرفتي اللي بالسعودية :085:<< تدرون شكبرها!!؟

والغسيل ما كملته امس.. ابشطب عليه ان شاء الله..

وباقي اكبر شخبوطة على الجدار ما بعد نظفتها<<< توني اذكرها:sleep:

وقطو..

حكاية عطر..

يا حبي لك والله.. يا شيخة لو تجين تشوفين الحريم هنا..

كل وحده متعرفطه اكثر من الثانية!!!

وما فيهم زين ابد.. يعني ما بعد شفت شي يخليني اخاف عليه او اغار عليه..

لأن البرد مسترهم غصب عنهم..خخخخ

<< شايله هم الصيف والمناظر والاشكال اللي بتبين..

وناوية اسير اتمكيج مرة بالاسبوع..ان كاني ذكرت :worn_out:

جداويا..

وين كبيره معه!! اقول كبر ثلاجة غرفتي.. ثلاجات الغرف تجي صغيرة مرة..حق عصيرات وموية..

بس ربي طارح فيها البركة.. مكفيتنا!!!!!

_____________

طفشانة..اليوم وامس ما قابلت صديقتي عند المدرسة..

ومشتهية شي حالي..ومره اشتهي شي مالح!!! تقولون اتوحم!!!!:063:

وه يا بغضي لهاللي تقعد تحوس هرموناتك قبل تجي باسبوعين..

واسبوع تغثك..وما يبقى لك من الشهر الا اسبوع ..

المهم..بعدكم غسلت المواعين..حاولت انظف الشخابيط.. وجِعت ورقيت كلت لي شي سريع..

و رتبت الملابس اللي بالغسيل.. ولأني ما طلعتها على طول من النشاف..سارت تبي كوي..

جبت البنات من المدرسة ..سويت لهم بيض ورقيت تروشت..

ثم نزلت اشيك عليهم..ظفيت حوستهم.. ثم رقيت استشور شعري..:049:

ونزلت قعدت ادور وامشي بالصالة ما ادري وش ابي!!!:057:

ورقيت لكم..

وقطو..

السلام عليكم

أخباركم كل ابوكم وكل امكم

هاليومين لاهيه عن المنتدى في الاسواق ,,فصلت غرفةبناتي وألوانها مره حلوه ,أحمر وأخضر وبنفسجي وفيها فراوله مجسمه ’’

وفصلت لولدي سرير ولادي معهم ,,وه بس فديته ياناث ,,

واليوم ان شاء الله بروح لبيتي ,,بس تكفون أبي الفزعه ,,اللي تعرف أرقام شغالات سنعات يجون للسويدي ,,

تراسلني ع الخاص واللي يعرفون رقمي أرسلوه لي تكفون

لأني دقيت على شغالات وكلهم مشغولات <<حلوه صح

روز ,,ههههه والله موتيني ضحك انتي وسلخير على عرك العين ,,صادقين والله ,,

وذكرتيني بسالفة زوجي وانا في السوق قلت له بمر محل المكياج أبي روج ,,قال لي هالروج نشتريه ولا نشوفه خخخخ

مها عبدو ,,الله ييسر أمرك ويبارك في وقتك وان شاء الله توفقين بين بيتك وشغلك ,,وبوسي لي ميور ,,

الباقين راح أشتاق لكم لأني بروح بيتي ,,في حفظ الله جميعا ,,اللهم سخر لهم أزواجهم وأصلح ذرياتهم ,,واجعل الفردوس مثواهم,,

خوخة حياتي مبروك الرجعة للبيت
ومبروك الغرفة لبناتك وابنك وعجبوني الالوان هلبة
وصلت البوسة لميور وهي وامها ترسل بوسة لبناتك
ولا تطولين ما تطلين علينا



دووونة وينك ياغالية طولتي هلللللللللللللللللللللللللللبة
ان شاء الله تكوني بخير ومبسوطة

صباح الخير00 اخباركم اليوم قمت الضهر والحمد لله ماعندي اي تنضيفات البيت مرتب ونظيف مسيطره عليه الى الان اول باول000 قمت وطلعت الدجاج وسويت لنا ياسلخير ذاك المرقوق الي يحبه قلبك خخخ وتغدينا وشلت الصحونوغسلتها وجاء زوجي متاخر واعطيته غداه تغدا وجاب لنا حبحب (بطيخ) اكلنا منها واستشورت شعري خفت جارتي تقول تعالوا اسمروا عندي اكون جاهزه لكن محد درى عني خخخخخ استشورت عالفاضي العشاء طلعنا الاستراحه وماخذت معي الا ترمس قهوه بس مافيني حيل اسوي حلا سمرنا وتعشينا فيها ورجعنا
سلخير صادقه مايخرب الجمعات الا البزران الله يصلحهم في الديره كذا لاتجمعنا انا وخواتي نص الوقت نفك مهاوشات وغثى ضربني شاتني الله يصلحهم
جداويا كويس انك رحتى لاختك تغيرين جو وبناتك ينبسطوا
حكايه عطر كلامك سليم لذوق لازم تبدء حبه حبه
مها عبدو خخخخ تخيلتك وانتي تمسحي الكحل وربي منشفتي لوتشوفينها خطوط سوداء خخخخ
خلود مبروك الاثاث الجدديد وماشاء الله يتهنوا العيال بالغرف تخيلتها تهوووس
الباقيين الي ماذكرتهم ترى سقطوا سهوا ذاكراتي هالايااام ماتجمع
بنات بسئلكم اول ماتحملون شهيتكم تنفتح مثلي انا لسا ماتوحمت بس اكل بششششده خخخ الله يستر من الاوزان تهي تهي
فوتكو بعافيه على قولة ام حمودي الله يذكرها بالخير مدري وين ايامها الله يسعدها

صباح العسل للعسولات

سوسو ذكرتيني والله حتى انا عندي يومين من رمضان وما صمتهمش
الله يستر وما انساهم
المفروض اصيهم توا قبل لا يسخن الجو ويزيد النهار يطول
ربي يتقبل منك الصيام
وشهيتيني ع التشيز كيك



هموسة ياحليلي على اللي تتشهى الاكل
احنا في ليبيا نقول البيبي هو اللي يتشهى اخخخخخخخخخخخخخخ على اساس ان الام مالها دخل
وهو العكس صحيح طبعا :01:
وبالنسبة لي في حملي في البداية كرهت الاكل فترة 3 شهور الاولى وبعدها انفجعت ع الاكل
وصرت كاني ديناصور منقرض اكل كل شي وما اترك شي :037:
لدرجة ان وزني صار يزيد 2 كيلو بالاسبوع
لحد ما نبهتني الدكتورة من الزيادة :02:
قالت لي ان الحامل في فترة الحمل كلها تزيد من 12 الى 15 كيلو مش في شهر تزيد 10 كيلو وقالت لي ان الزيادة ليها مضاعفات ع الحامل اولها احتمال حدوث تسمم للحامل او ارتفاع الضغط بعيد الشر عنك وعن كل الحوامل

وبعدين صار لي التهاب في المعدة سبب لي حموضة مستمرة فمعاش قدرت ناكل
والحمد لله سيطرت على وزني بعدها وصرت ازيد 2 كيلو بالشهر بس :03:
والحمد لله رب ضارة نافعة
ووقت الولادة صرت مثل الفيل :063: وتوقعت ان البيبي يجي وزنه كويس على حسب حجمي بس طلعت بنتي وزنها قليل يادوب 2 كيلو و86 جرام صغيروووونة

وشي تاني ان سمنة الحمل صعب تروح وتسبب تشققات بيضاء بالجلد منظرها كريه

وبعدين حبيبتي الف صحة وهنا ع الاكل اللي تاكلينه