*همس الحراير*;11202867:
حبيبتي الموضوع يبيله صبر وطولة باااال
وترا شئ طبيعي الياهل في البدايه يسويها في عمره
شوفي كل عشر دقايق دخليها الحمام
واذا عندج طفل مقارب من عمرها ويدخل الحمام خليها تشوفه انه يروح الحمام بروحه يمكن وقتها تتشجع
ومثل ما قالت الاخت شووق في البرد صعب انج تعلمينهااا
والله يعينج
جنة القلب;11202930:
البسها كيلوت من سنتربوينت اللي صاير بلاستيك من داخل وقطن من بره
وبالنسبة للبوتي فعندها وحده بس احسها كبرت عليها لأن بنتي
مستوعبه شنو يعني مرحاض ( وانتي بكرامه) وعادي تقعد عليه
واحياناً تسويها فيه بالغلط بس خبرج لازم كل شوي اوديها الحمام
فهي تتملل وتقول مابروح مافيني :033:
أم بسمه;11203701:حبيبتي الغلط منك انت بديتي تعلميها متأخر وكل ما بديتي بتعليم الطفل الحمام متأخر كل ما كان تعليمه أصعب يقول المثل التعليم في الصغر كالنقش على الحجر والتعليم في الكبر كالنقش في الماء
انت لا تعصبي عليها وحاولي تشجعيها بأي طريقه والأهم انك ما تلبسيها حفاظه لا ليل ولا نهار
أنا كل أولادي أعلمهم من سن سنه ونص وما ألبسهم حفاظه إلا لما أبغا أروح مكان بعيد والحمد لله يتعلمو بسرعه يخلصو السنتين خلاص ما شئ حفاظه كل ما بغيو يروحو الحمام يقولو وتكوني انت وطفلك مرتاحين
أم بسمه;11203701:حبيبتي الغلط منك انت بديتي تعلميها متأخر وكل ما بديتي بتعليم الطفل الحمام متأخر كل ما كان تعليمه أصعب يقول المثل التعليم في الصغر كالنقش على الحجر والتعليم في الكبر كالنقش في الماء
انت لا تعصبي عليها وحاولي تشجعيها بأي طريقه والأهم انك ما تلبسيها حفاظه لا ليل ولا نهار
أنا كل أولادي أعلمهم من سن سنه ونص وما ألبسهم حفاظه إلا لما أبغا أروح مكان بعيد والحمد لله يتعلمو بسرعه يخلصو السنتين خلاص ما شئ حفاظه كل ما بغيو يروحو الحمام يقولو وتكوني انت وطفلك مرتاحين
سندس84;11209844:
يا خرابي سنه ونص واااجد بكيير
بنتي ما شاء الله دربتها بعمر سنتين ونص وكان عندها ما شاء الله تجاوب تام
جنة القلب الانسان ما ينجح في كل شي من اول محاوله يعني انتي لازم تخلين في مخش نسبة نجاح معقوله مو باهرة
وشوي شوي عليها كل شي ولا الحلوة
ام علاوووي;11227617:
الله يعينش خيوو ..
واني خااايفه من هذي التجربه احسها اصعب شي ..!!
ويبي لها صبر وسعت باال ..
على سنتين ونص ببداء مع ولدي ..
هو الشهر القادم بيكمل سنتين ويارب يهونها بعيني ..!
متابعيين لج علشان نستفييد ..!!
ريومه الدلوعه;11230773:
نفس مشكلة ولدي ونفسيتي تعبانه انا حامل بالسادس وهو 3سنوات وموراضي يتعلم قطعته وقلت ببدا بربيع على خير
جنة القلب;11231300:
والله العمليه صعبه بس كلما الطفل سواها في الحمام
راح تفرحين وتشجعينه وتتصبرين اكثر لأن بكون عندج
حافز وهذا اللي صاير معاي الحين يعني للحين بنتي ماوصلت
لمرحله انها تقول من نفسها تبي تروح الحمام ولازم كل شوي
آخذها بس الحمدلله زادت المرات اللي تسويها في الحمام
لأني صرت اعرف اقدر التوقيت اكثر من الأيام الأولى
والله يعدي هالمرحلة على خير وخلج متابعتني وان شاءلله
تستفيدين من تجربتي اذا تحقق الهدف النهااائي وهو
الاستغناء التام عن الحفاظه ( أزمة العالم) :)
بنت الاصايل;11231398:
الله يحفظ لج البنت..
بنتي انا عمرها الحين قريب تكمل سنتين ونص وبدأت وياها من 10 ايام بنفس طريقتج!
ما اسكت عنها كل شوي اوديها وساعات غصب تقول لي مافي اوديها بعد.. صج ساعات تسويها لكن الحمدلله احسها بتتعلم .. السالفة يبي لها صبر ولازم تتعبين.. خاصة التطهير يكسر الظهر!!
طبعاً هالخطوة سويتها وكل مرة كنت أأجلها من شهور.. لأني صرت حامل واول الشهور مافيني حيل حق هالشغلة.. بس لأنها كبرت وثقيلة ما اقدر اطهرها في المغسلة.. اغسلها على المرحاض لين تعلمت تقعد عليه الحين..يعني ما احتجت للقيصرية وافتكيت من هالبلوة بروحه قرف من غسالها..
اهم شي بالليل لا تشربينها سوائل وايد.. وقبل لا تنام وديها الحمام.. بعدين اشتري نفس الطربال يبيعونه بمحلات الاطفال ينحط تحت الشرشف مال فراشها ينغسل في الغسالة لو سوتها وهي نايمة.. عوديها ما تلبس الحفاظة طول اليوم بأي شكل من الأشكال لين تتعلم!!
في شي مهم بعد..
يقول لج اذا سوتها في نفسها مو على طول تبدلينها بنفس الوقت.. خليها تحس بشعور البلل شلون مزعج بالنسبة لها ومنها بتتضايق وما بتحب الوضع.. هالشي بيساعدج ان تجي تقول لج لو صار واحتاجت للحمام..
والله يعطيج العافية
ريومه الدلوعه;11236791:
بشوف بجرب بكره وبخبركم
الله يعيين
ام علاوووي;11237579:
الله يهونها ان شاء الله :014: ..
ويهدي الحلووه ..!!
ويكون كل شي سهل وميسرر ..
وياريت الكل يتشاركون معاج الا يدربون عليهم على الحمام ..
ويصير بمثابة يوميات .. تشجعون بعض :095: ..!!
وتخبرونا عن الطرق و الاساليب الا جابت نتيجه و الاشياء الا استفدتو منها..!!
يعني ويومياتكم مع عيالكم والحمام وانتو بكرامه :041:..
واحنا المقبلات ,
نستفيد من تجاربكم وخصوصا انو قريب نوصل للمرحله هذي :060: ..!!
وجدا جدا متخووفه ,, والله يسهلها .!