تذكرون سالفتي مع رفيجتي والفلوس تعالو اقول لكم شصار:(

وليش تتصلين وتعتذرين؟!!!!!!

ييعني انتي شخصيتك ضعيفة قدامها؟

انتي تحسين نفسك غلطانة؟؟؟

شلون تكتبين بالمنتدى والله انا ما مسؤولة عنها وعن ماركاتها ومصاريفها وقدامها تروحين تعتذرين وتستسمحين منها وتبجين؟؟؟

عزيزتي المفروض انك تكوني اقوى من كذا، انتي ما غلطتي هي بغت فلوس وانتي ما عندك انتهت السالفة وخلاص

اما انها تقولك انا اختبرك وانتي ما تحبيني وكل شي بيننا انتهى فهذا اولا ابتزاز نفسي يعني تخلي نفسها المسكينة وانتي اللي غلطتي بحقها ، وثانيا تبي انك انتي تركضين لها وتطلبين السماح عشان تحس انك تسوي لها اي شي واذا انتي جلستي تركضين وراها كذا فهي بتجلس كل مرة تطلب فلوس لانها تعرف انك ما تقدري تستغني عنها.

شوفي خليها كم يوم ولما تشوفيها بالدوام سلمي عليها وقولي لها فلانة شوفي انا علي مصاريف وبصراحة هالمرة ما قدرت اعطيج لانه صار لنا ظرف بالبيت وما اظن الصداقة تنقاس بالفلوس ، واذا انتي تشوفين الفلوس اهم شئ بصداقتنا فأنا اسفة ما اقدر استمر بهالصداقة.

اختي الصداقة اللي يكون معيارها مادي ما تعتبر صداقة بل استغلال ، وانا لو عندي صديقة من 20 سنة معاي واتصرفت معاي هالتصرفات صراحة استغني عن صداقتها لاني اعرف اني بحصل صديقات اوفى منها.

بالنهاية قرري تبينها تسيطر على حياتك وفلوسك وتفكيرك ، او انتي اللي تسيطري على حياتك .

اما انك تبجين وتسوين مناحة لوحدة ما تحترم مشاعرك وتبي صداقة فلوس فهذه قلة العقل بعينها

وسامحيني على كلامي القاسي بس صدقيني هذا لمصلحتك

لازم تحطي النقاط على الحروف وتكوني اقوى

واتذكري انتي عندك بيت وزوج ووقت الضيق ما تنفعك صديقتك ولكن زوجك ينفعك وبيتك واولادك وفلوسك هم اولى بيها فخلي فلوسك لهم واتذكري ان الدنيا فيها يوم ابيض ويوم اسود وكل مبلغ وفريه لهم . لو هي محتاجة في علاج او ازمة نقول ما عليه تساعديها بس تروح تشتري الماركات للفشخرة ، وبعد شهر ترميهم وكأنهم مال بلاش وما تعرفين متى ترجع لك فلوسك هذا اذا رجعت لك بعد.

الله يسعدك ويفرحك ويعطيك القوة ويرزقك بالرفقة الصالحة