تعالو شوفو شو سمعت!!!!!!!

حبيبتي ما اظن هذي الاشياء تأثر على النطق
بس انتي حاولين تلعبين معاه لاتخلينه دايم قاعد عند التلفزيون يضعف نظره
تبينه ينطق سولفي معاه دايم
واي شي يبيه حاولي تقولين له اسمه
وانتي تلبسينه اقري له قران او غني له او سولفي معاه
وينطق انشا الله..
انا بنتي بعمر ولدك تقريبا..
الله يخليه لك ويبارك لك فيه

اول مرة اسمع بهالشي وما اعتقد انه صحيح
انا بنتي بعمر 8 أشهر والوقت كله قدام التلفزيون وصارت تنطق في شوية حروف مثل ( با - مام - ديدة واللي معناها جديدة لجدها - تع )
وربي يحفظ لنا عيالنا من كل شر

اول مرة اسمع بهالمعلومة

بس مااعتقد صحيحة

أول مرة أسمع عن هذا الشيء
على العكس بنتي سنتين و8أشهر
أحسها ما شاء الله عليها تحفظ كلمات من التلفزيون ..

وين البقية
للرفع

ابدا اختي ماله هالشي علاقة بالنطق.. أنا ولدي من عمر الأربع شهور كنت أخليه مع التلفزيون وماشاء الله نطق بسرعة.. وأخته الحين اللي ماتدري بالتلفزيون كاهي كملت عشر شهور وللحين مانطقت غير دادا وبابا وماما.. ولدي كان اسرع منها بالكلام بهالعمر كان ينطق كلمات أكثر منها....

بصراحه احس ماله علاقه بالنطق

انا ولدي 24 ساعه عند التلفزيون

والحمدلله بدأ ينطق بعض الكلمات البسيطه

لا بصراحه احس التلفزيون يساعد على النطق انا ولدي 24 ساعه على طيور الجنه ماشاء الله عليه صار ينشد معاهم صح مو كل الكلمات بس ياخد الكلام الاخير وانت لما تتكلمي مع ولدك كلميه عادي كانه كبير كذا بسرعه ينطق

اتفق مع الامهات ..

لكن أضيف تنبيه لك اختي ، حاولي تقللي قدر الامكان من مشاهدة ولدك للتلفزيون لأنه كثرته عارفين سلبياتها أكيد مااحتاج لذكرها !


و بالمناسبة ، توي قرأت معلومة غريبة .. انه التلفزيون يساعد في اتلاف بعض خلايا المخ المسؤولة عن تطور الإدراك ..

بالاضافة الى انه لو كان طفلك يشوف التلفزيون طول اليوم .. اتوقع انه نشيط دائما و حتى في وقت ما قبل النوم .. لأنه التلفزيون ينشط مادة بالمخ تصحي المشاهد و حتى لو كان نعسان ..

و اتمنى عموم الفائدة .

لا ما اعتقد .. ولدي اسم الله عليه ما شاء الله .. واايد فطين ويسوولف .. وأغلب وقته مجابل التي في ..

والله انا اول اسمع بهالشي ...

ماعندي اي خلفية ... بس انا اشوف بنت خالتي 24 ساعة جدام التلفزيون ...
واللحين عمرها سنتين ... وتتكلم عااااااااادي ....

شوفي اختي باقولك شي بس ياليت ماتتريقين علي تعرفين القهوه العربيه قهوتنا السعوديه كل ماتقهويتي عطيه 3 نقاط لاتكثرين وشوفي النتايج والله في دكتوره من جماعتنا دايم اولادها لا اله الا الله يتكلمون وهم ماكملو 8 شهور الكل ملاحظ وسالت اخت زوجها عنهم ماشاء الله الكل ملاحظ مو بس انا وقالت لي انها دايم على قهوة العصريه تذوقهم القهوه تقول انها تسرع النطق فعلا جربتها مع بنتي وماشاء الله تبارك الله فعلا كانت نتايجها روووعه واتمنى اني افادتك بتجربتي

ماليشي علاقة التلفزيون

ماعتقد صح هالكلام ولا ماكنتي شفتي ولاطفل يتكلم بالذات مع وجود قنوات الاطفال

ترا الاولاد يتكلموووو بعد البنات

البنات بسرعه يتكلمون ماشاء الله عليهم بعكس الاولاد خخخخخ

انتي لاغيه طول الوقت وهو راح ينتطق ان شاء الله

كمان القهوه العربيه يقولو انها تنطق الاطفال مادري هل الكلام هذا صح او لاا

حتى انا قريت هالمعلومه بالجريده بس كانو يقصدون الاطفال الي عمرهم اقل من سنه
لان يكونون شوي مشوشين ويحاولون التقاط اول كلمه او اي صوت عشان يقلدونه
والتلفزيون يعتبر مشوش ومزع بالنسبه لهم واكثر من صوت يمنعهم من التركيز
بس بالنسبه للي يتكلمون بالعكس ينفعهم كثير
وانا الحين بنتي الي في عمرها قالو ام واب وهي ماقالت شي
وانا طول الوقت مشغله لهاا طيور الجنه عشان تلهى
واخاف هالشي يأثر انتي حاولي لما تكلمينه يكون هدوء ويسمع منك الكلمه كويس
وردديها اكثر من مرا وان شاء الله خير
وهو يختلف من طفل لطفل
الوراثه لها دورر
انا سمعت بعد ان التسنين له دور في تاخر النطق
الي يسنن بدري يتاخر بالكلام شوي والعكس
والله اعلم

مالظن هاي الشي ..الان اللطفال مشاء الله عليهم ..يتعلمون من التلفزيون وايد كلمات مثل اخت صديقتي وبنت عنتي يتكلمن عربي فصحة ...مشاء الله عليهن كله هذا من التلفزيون ...وانتى حطي حق ولدج قناه براعم الانها واييييد مفيده الاطفال وسبيستون بعد .... ولا تستعجلين على ولدج ولدج بعده صغير ...الله يخليلح اياه ..

انا بعد سمعت ان التلفزيون ياخر ما ادري والله لان ما ايخليهم ايلعبون ويكتشفون بس انا اخلي ولدي يطالع التلفزيون وما اشوفه نطق عمره 19 شهر وكلماته مو مال سنه يقول بابا ماما ما ايقول بس ابوه جنه هو اللي تاعب عليه ههههه . دائرة ... وكلمات كلش محدودة مع اني اتكلم وياه اجكد ما ادري وراثة الله اعلم
بجرب طريقة الاخت بالقهوة وان شالله ايكون خير