عندك مشكلة في ديكورات البيت ؟ تفضلي هنا ( كل ما يتعلق بالديكور ومشاكله )

[CENTER]نفس الشي حبيبتي يعني لو اللون الماروني هو لون الأثاث تقدرين تسوين الصبغ بيج مع درجة ال baby pink

يطلع روعة وزيني الغرفة كلها بالورد تطلع غرفة نوم رومانسية

السلام عليكم و رحمة الله تعالى و بركاته


أنا إنشاء الله مشتركة جديدة في المنتدى و قد سررت جدا بهذا النوع الراقي من المعاملة و أطلب من الله العلي القدير أن

يجازيكن خيرا


وكنت أتنى لو كان هناك نصائح أو دروس في أعمال يدوية مثل البورصولين أو الخياطة أو غيرها


و الله الموفق


و شكرا

يا هلا فيك اختي

سعيدين بانضمامك الينا

حبيبتي فيه ركن خاص للأعمال اليدويه شوفيه على هالرابط

ركن الأعمال اليدوية

تحياتي لك

السلام عليكم

انا اول مرة اشارك في القسم

بس بصراحة محتاجة لكم وافكاركم النيرة وراح ادعيلكم

شوفوا حبيباتي انا راح اسكن بيت انشاء الله ومشكلتي ياحبيباتي

ان عندي في الصالة شباك مكشوف طويل 7في 2 ومحتارة في ستارته

فكرت في الستارة العادية بس شفتها عند وحدة ومو حلوة علشانها طويلة مرة

فكرت في اللي شكل الدرابية مزمزمة راح تتعبني في التنظيف

الله يخليكم من عندها فكرة جديدة

اختي اخر ساعة

مبروك عليكم البيت الجديد وان شاء الله تتهنون فيه

مثل ما تفضلتي وذكرتي الستائر الدرابيه صعب تنظيفها خاصة انها راح تكون طويلة

شوفي روابط هالمواضيع من الركن كلها مختص بالستائر وفيه موديلات حلوة

ستائر 1

ستائر 2

حاولت ادور لك مواضيع اكثر بس للأسف مالقيت

وعندك هالصور

هلا حبيبتي
RoOoOmy_M
الله يجزاك كل خير .... و يكتب لك الأجر على مساعدة الاخوات ........

معليش عيوني تأاخرت بالرد لأنه فكرت الموضوع وقف ......

الألوان انا افضل الالوان التي تبعث على الدفء وزوجي يفضل الألوان الهادئة مع انه ما بأفضلها لغرف المعيشة صح؟؟؟

عموماً بحكم خبرتك وذوقك الرائع ماشاء الله ممكن دمج الدفء والهدوء ....

و ما احب اني التزم ببناتي ..... لأنها ليست غرفة مستقلة لهن .....:cool2:

تسلمووووووووووووووووون

°ˆ~*¤®§(*§*)§®¤*~ˆ°لو سمحتي أختي أني عندي مشكلة في غرفتي للنوم لأنها مظلمه و منطفيه و بغيت أجدد حيويتها بدون أي أشياء مكلفه و حبيت اسألش ايضا عن اماكن الأثاث و أريد رأيش بسر عه شوي إذا قدرتين أختي و مشكورة°ˆ~*¤®§(*§*)§®¤*~ˆ°

اختي مدام تفاحة

طبعا اختيار الوان الصبغ يعتمد على ذوقك انتي ذكرتي انك تفضلين الألوان الدافئة وزوجك يفضل الهادئة بس ما ذكرتي هل تفضلين الأصباغ المعتقة او اللي فيها شكل معين او السادة


الأصفر لون رائع



الأخضر الهادئ



بعض درجات البرتقالي



وفيه الوان كثيرة تعتبر الوان دافئة مثل المشمشي مع الاصفر المشرق وبعض درجات الاخضر بشرط استعمال اللون الاصفر معاها

اما الالوان الهادئة فهي الألوان الترابية او ألوان الأرض earth tones

البيج بدرجاته



غرفة البنات انصحك تصبغينها لون حلو يناسب البنات مثل البنفسجي بدرجاته والوردي او البرتقالي يعني لون بناتي طفولي








وابتكري في غرفهم من ناحية الصبغ والاكسسوارات والفرش

فكرة السرير الطابقين عملية جدا خاصة مع صغر المساحة المتوفرة لديك





بس حبيت انصحك نصيحة ... غرفة الجلوس او صالة صغيرة مهمة في البيت حتى لو كانت شقة وصغيرة ... اذا حسيتي انك تستغنين عن مجلس للنساء استغني عنه وحوليه الى صالة تنفع للجلسات العائلية

عزيزتي ذواقة الرجاء ذكر الوان الصبغ والارضية والاثاث في غرفتك وايش اللي راح تغيريه عشان اقدر اساعدك

بانتظارك

السلام عليكم ورحمة الله وبركاته ... شكراً لك اختي الكريمه على هذا المقال .... كيف الحال إن شاء الله دوم بخير ؟
أني بغيت اقولش أولاً إني عمري 13 سنه .....
و أن الوان غرفتي بني متوسط و بيج متدرج و السرير رملي و الخزانه ايضا و الديكور صاير عندي او من وجهة نضري مخلبط فبغيت اعدله و ارتبه و اضيف جو مرح على الغرفه من غير تكاليف او مثل ما يقولون عمل منزلي يدوي غير مكلف فإيش رايش بالنسبه لعمري لأني حبيت هذا المنتدى مرة كثير و حبيتك إنتي بالذات و أرجوك تعطيني رايك بأقرب وقت؟... الحمدلله والصلاة والسلام على رسول الله وعلى آله وصحبه أجمعين ...:.

تسلمين أختي على هذا الموضوع لأني وايد محتاجه أستفسر عن شي وايييييد مزعلني في غرفتي ألحين ثالث مره اصبغها والصبغ يتقشر من اسفل الجدار والسبب الحمام وانت في كرامه ما اعرف شنو اسووي في هذي الزوايا المقشره هل ألصق عليها جلاد عادي مال الدفاتر أم الصق عليها جلاد جدران

عزيزتي ذواقة ...

فهمت من كلامك انك ما راح تغيرين الصبغ ولا اي شي ثاني في الديكور بس تبين قطع تزيد جمال غرفتك صح ؟

بشكل عام الديكور الوانه متناسقة



بس بما انك صغيرة في العمر ... اقترح عليك تضيفين لون ثاني عشان الغرفة تبان مناسبة لعمرك مثل اللون الأحمر أو الطوبي او البرتقالي





باضافة اكسسوارات بسيطة راح تحولين غرفتك الى مكان خاص فيك

ابجورات - ساعة - شموع - تحف وفازات متنوعة - مناظر جدارية

كل هالشغلات تلاقيها في مكان واحد بأسعار مناسبة مثل City Plaze أو Home Plaze عندكم بالبحرين في مارينا مول الدور الأول والثاني فيه حاجات روعة تناسب غرفتك

واحرصي على اختيار لون آخر مثل ما نصحتك

ايضا اضافة قطعة سجاد صغيرة بلون مشرق راح يغير من غرفتك كثير



مخدات صغيرة ترتبينها على السرير او في زاوية في الغرفة فكرة ممتازة





مفرش بلون حلو





ستارة

اختي

~*¤ô§ô¤*~مضاوي 991~*¤ô§ô¤*~

هي فعلا مشكلة والسبب الأساسي هو الرطوبة واللي مصدرها الحمام ... عندك ثلاثة حلول :-

(i) اعادة صبغ الغرفة للمرة الرابعة ( أمرك لله ) بس بشرط عمل معالجة خاصة للجدار لضمان عدم تأثير الرطوبة عليه ( وطبعا لازم تشوفون مصدر تسرب الماء من الحمام الى الغرفة )

(i) تغطية الأماكن المتضررة بحاجز من السيراميك اذا كانت غرفتك سيراميك بشكل حافة صغيرة

(i) اذا كانت هالعيوب في زوايا الغرفة تقدرين تحطين وحدة رفوف تغطي المنظر المزعج او شجرة كبيرة

مرحبا

اريد اغير لون غرفة النوم هي لونها وردي والاثاث لونه بيج .mile:"

مرحبا ياعرايس

حبيبتي رومي الله يعينج علينا.بصراحه ماقصرتي:up::up:
انا عندى مشكلة وهي الصاله حقت الضيوف سادة بكل معنى الكلمة يعني السراميك بيج والكنب بيج والطاولات بيج والستاره بيج....
صج نسيت بعد قطعة الموكيت بيج بعنابي.
وكل مرة اروح ابي اشتري قطع اكسسوارات احتار شنو اختار وارجع اديني فاضية.
ملاحظة:انا موجريئةفي الاختيار يعني اذا عجبني شي احاتي مايعجب الباقي:think:
فياريت تساعدني باللون الي ممكن يكسر لون الصالة

وسامحينا كلفنا عليج:shy:

عزيزتي

الظبيانية22

ما وضحتي يعني هل ودك تغيرين لون الصبغ ؟

حبيبتي

المسك82

لاكلافة ولا شي احنا بالخدمة ...

اختي تبين بس اكسسوارات او تبين تغيرين لون الصبغ والأرضية ؟

بانتظار ردك عشان اقدر اساعدك

نعم اريد اغير لون الصبغ على فكرة لون الستارة ذهبي مع ورود وردي و بطيخى وموف ولون السيراميك وردي مع رصاصي ولون السجادة ذهبي وبطيخي وزيتوني.

لا انا مااقدر اغير اي شي لان صالتي جديدة
لان صارلي سنة ونص متزوجة.......
انا ودي احط اكسسوارات بس مادري شنو اختار وهم الالوان عندي مشكلة فيها