عندك مشكلة في ديكورات البيت ؟ تفضلي هنا ( كل ما يتعلق بالديكور ومشاكله )

السلام عليكم ورحمة الله وبركاته

هلا أخت نجوم الليل

إذا عندك المكان ضيق ودك في مكتبة مع المدخنة
ممكن تعملى تصميم مناسب بحيث انك اتخلى مع المكتبةمع المدخنة

يعنى تنعمل المدخنة وفي نفس الحائط تصمم مكتبة ناعمة وبكذا راح تأخذين نفس المساحة حق الأثنين ..

السلام عليكم ورحمة الله وبركاته.....

أولا أحب أشكركم على طرح هذا الموضوع المفيد جدا وتثبيته لأهميته البالغة...

ثانيا أنا عندي شبه مشكله صغيرونه وهي عباره عن ديكور غرفتي الجديده وانا حاطه في بالي بعض الأفكار وأريد آخذ رايكم ونصايحكم واقتراحاتكم قبل لا يبدا العامل بالتنفيذ وهي خلال مده قصيره ....

1. ورق جدران:

اخترت ورق جدران عباره عن لونين بنفسجي غامج (( هذا لون لحاله )) وأصفر فاتح وفيه نقشه صغيره موزعه لونها بنفسجي (( لون لحاله )) وحزام يجمع اللونين البنفسجي والأصفر ..

طريقة وضع الورق جدران حبيت أغير فيها عن الطريقه المألوفه وهي عباره عن ثلاث طبقات كالتالي (( الطبقه العلويه بنفسجي - حزام - طبقة الأصفر المنقش نقوش صغيره - حزام (( نفس الحزام اللي فوق )) - طبقة سفليه بنفسجي مثل اللي فوق

بالنسبه للحجوم تكون غير متساويه يعني البنفسجي اللي فوق وتحت مثل الحجم بالضبط وهي أقل من حجم الطبقه الصفراء اللي بالوسط يعني الأصفر أكثر من البنفجسي

وتقريبا حجم طبقة البنفسجي اللي فوق (( وهي نفسه حجم اللي تحت لانهم متساوين )) بتكون نصف حجم طبقة الأصفر

مع ملاحظه أن الحزام غير عريض بل متوسط وزين حجمه

وفي فوق بالأعلى بالسقف في جبس داير ما يدور أطراف الغرفه

2. الأرضيه:

سيراميك وردي وأبيض (( القطعه الواحده لونها تمازج بين الوردي الخفيف والأبيض))

3. الستاره:

الستاره مشكله عندي بس فكرت اني ممكن اختار قطعة ستاره لونها بنفسجي قريب من لون ورق الجدران البنفسجي ممكن تكون ساده او أخلي راعي المفروشات يعمل عليها نقوش ورود صغيره صفراء متوزعه وتكون قطعة الستاره غليظه

واضع على الستاره هذه طبقة ستاره اخرى شيفون أصفر فاتح قريب من لون الورق جدران الأصفر ساده وتكون غير مثبه على الستاره البنفسجيه بل موضوعه عليها بطريقة تماوجات (( ثلاث تدرجات او تماوجات )) وممكن يكون طرف طويل وطرف قصير أي طرف الستاره اليمين يلامس الأرضيه وطرف الستاره الشمال يكون طوله نص الستاره البنفسجيه

4. الأثاث:

بصراحه انا ما حبيت لون الأثاث البني المحروق الغامق ولو انه دارج هالفتره عندنا

شفت في محل مفروشات طقم أثاث سرير وتسريحه وخزانه كبيره لونه خشب بيج فاتح وعجبني بصراحه بس ما ادري شو يناسب الغرفه اكثر البني المحروق والا الفاتح؟؟

انا افضل الفاتح بصراحه بس اريد رايكم؟؟؟

5. كنبه:

ناويه اشتري كنبه ام نص ظهر ويكون لون خشبها بني فاتح اذا اشتريت الأثاث الفاتح بس لون قماشه ما ادري كيف بيكون؟؟؟؟

وناويه احط عليها مخدات بنفسجيه وصفراء عليها خرز

وبعد ناويه احط كرسي قدام السرير حديد مشغول لونه ذهبي وبدون ظهر بس حديد على الجنبين وروعه شكله ملكي بصراحه


6. السجاد:

ناويه اشتري سجاد لونه بنفسجي قطعتين بنفس الحجم اوزعهم بالغرفه وما اشترط يكون فيهم لون اصفر وراح اعوض عن وجود اللون الأصفر بمخدات موضوعه على السجاده بشكل عشوائي بس مدروس وجنب بعض


7. الإضاءه:

ثريتان في وسط الغرفه على شكل ورود نازله ولون زجاجهن تقريبا مائل إلى الأصفر

وجداريتان نفس تصميم الثريتان على الجنبين فوق السرير

ومصباح جانبي طويل بحطه في طرف الغرفه زاويتها

وشايفه بعد ابجورات لونها بنفسجي وعليها خرز وايد حلوه بنوتيه تجنن بشتريهم ان شاء الله

8. صالة الحمام:

بين الغرفه والحمام توجد صاله صغيره ناويه احط فيها خزانه للثياب بس هي تنشاف من الغرفه لان بين الغرفه وصالة الحمام فتحه معموله على شكل دائري وعليها جبس (( آرش )) ولا يوجد بها باب يعني مفتوحه

وناويه اعملها ورق جدران اصفر مثل الطبقه الوسطيه اللي معموله بالغرفه

وفي بالي أضع عليها هالسلاسل اللي بينهم خرز و اللي تكون تنزل من اعلى لأسفل لحد ما تلامس الأرضيه وافرق بينهم بالوسط واثبت نصفهم للجدار واخلى النصف الأخر منسدل يعطي منظر

9. بس وسلامتكم :)

آسفه طولت عليكم بس انا اثق في رايكم ونصايحكم فأرجوكم لا تبخلون علي لأني محتاجه رايكم ويا ليت بسرعه شوي لأن العامل بيبدا وانا توني دريت عن منتداكم الحلو :)

وشكرا جزيلا مقدما على المساعده اللي وثاقه انها بتكون مفيده

اختكم الجديده
قلب حساس

السلام عليكم مره ثانيه :)

نسيت أقولكم شي اني اريد غرفتي تكون رومانسيه وحالمه جدا ومريحه في نفس الوقت :o

وبعد بحط فيها طبعا اكسسوار وتحف وفازات فيها ورود ب طبعا بعد ما اخلص الشي الأساسي والاكسسوار ما اريده وايد عشان ما يزحم الحجره وهذا اخر شي بيكون

الله يخليكم لا تبخلون علي برايكم :)

اختكم
قلب حساس

السلام عليكم مره ثالثه :shy:


افاااااا وين مساعدتكم لي والله محتاجه للآراءكم لأن العامل بيبدا التنفيذ بكره :o

من ثلاث ايام نشرت الموضوع بس محد عطاني ويه :o

طبعا مقدره ظروفكم وانشغالكم بس مستعجله واريد اقتراحاتكم (a)

سامحوني ازعجتكم :)

قلب حساس

السلام عليكم ورحمة الله وبركاته

أسفة يا الغالية ((قلب حساس)) بس ما كان عند اتصال علشان كذا ما دخلت

الحين نبدأ ... في البداية ذوقك حلو ما شاء الله
بالنسبة الى ورق الجدران .. عجبتني الطريقة .. من جد فكرة حلوه

بالنسبة الى الأرضية
الوردى حلو على البنفسجي بس مو قادرة استوعب
انك راح اتخحطة ورق جدارن أصفر على بنفسجي
واتحطى بالأرضية وردى ... لو يتغير لون الوردى وهذا رأى
ممكن يكون ذوقك غير يا الغالية


.....


بالنسبة الى الستارة فكرة بعد حلوه وذوقك رائع
بس لو يكون العكس لأن عندك لون الجدارن أصفر وبنفسجي
وهذا اللون ايغمق المكان طبعاً الأصفر فتح اللون
علشان أفضل في الستائر يكون اللون الفاتح هو الغالب على اللون الغامق
وأختيارك بعد حلو:smile:

بالنسبة الى الأثاث .. الحين موضه الخشب المحروق بشكل عام
مو بس البنى حتى البيج
وفي بيج محروق جداً رأئع ممكن اختيار الدرجة المناسبة
موفقه يا الغالية عادية يناسب البيج المحروق بس أنتى حاولى تختارى درجة مناسبة من البيج وأنتى إذا شفتى لون الجدران بيكون أختيار لون الأثاث سهل ..


-------------
بالنسبة الى الكنبه .. ممكن أختيار بيج والقماش يكون مخطط بتعرجات من الذهبي .. أو كريمى .. وممكن اصفر فاتح أو قريب الى لون الجدار لو كان هذا الكنب في الغرفة الى فيها ورق الجدارن الى فيه بنفسجي وأصفر
.. وممكن بنفسجي على أصفر
يعتمد على المكان الى راح اصير فيه الكنب
علشان يكون تناسق في الألوان ..

---------------
بالنسبة الى السجاد حلو قطعتين والأكسسسورات راح اتكمل التنسيق اللونى

-------------


بالنسبة الى صالة الحمام بعد فكرة حلو

أي سؤال حاضرين يمكن نسيت سؤال منك ما رديت عليه خبرينى فيه

اهلين اخواتي المشاركات في المنتدى


احب اشكر اختاي roooomyونور الهدى الجهد الكبير لانجاح هذا القسم وعلى تعاونهم معنا ... واحي الذوق الرفيع والافكار الجميله



والان اطرح مشكلتي اذا ماعندكم مااااانع

عندنا فيلا وزي منتوا عارفين الفيلا دورين وبينهم درج دائري السيراميك في الدور العلوي لونه بيج وفي الدور الارضي اعتقد انه بيج بس لسه ماخترنا ولون الجدار في الدور العلوي اصفر فااااته ( يعني ليموني)

والدور الارضي وهوا للضيوف يعني فيه الصوالين وغرفة الطعام ومااخترنا لون البويا برضه

المشكله الجدار اللي ورى الدرج الدائري ايش نسويه
اذا عندكم اي افكار اي اقتراحات ياريت تساعدونا ... هذا بالنسبه للصاله


نجي حبيباتي لغرفتي:smile:
بصراحه خايفه تطلع ماهي حلوه:s2

لون الارضيه خشبي فاتح ولن الجدار انا فكرت احطه ورق وفوقه تنضرب البويا واخترت اللون العووووودي شكله راح يطلع رائع لكن اخترته واحد جدار وال3 الجدران الباقيه لون يناسب مع العودي


لكن المطلوب منكم هل اجلعه لون العودي في جدار واحد ولا في فكره تانيه

ولون الفرش والستائر ايش اخليه ....؟؟؟:o

عارفه اني تعبتكم معايا ........ على فكره الحمام (الله يكرمكم)

داخل الغرفه وبينه صاله صغيرررره مررررره يمكن اخلي فيها الدولاب

ولونه زيتي فاتح وبيج

ولكم جزيل الشكر واتمنى انكم تردوا عليه في اقرب وقت

تحيااااااااااتي

وعليكم السلام ورحمة الله وبركاته

هلا أختى الغالية بالنسبة الى السؤال الأول

المشكله الجدار اللي ورى الدرج الدائري ايش نسويه
اذا عندكم اي افكار اي اقتراحات ياريت تساعدونا ... هذا بالنسبه للصاله

عندك الجدار في الصالة ليموني حلو
اشوف اختيار اللون السماوى جداً رائع الى الجدار الى خلف الدرج
اللون السماوى :smile:

لكن المطلوب منكم هل اجلعه لون العودي في جدار واحد ولا في فكره تانيه

ممكن وضع لون جدار مختلف عن باقي الجدران
وأهم شي تكون المساحة كبيرة مو حلوه تطبيق هذي الفكرة على مساحة صغيرة ..
ووممكن تخلى العودى مكان وضع السرير


أو في الجدار الى راح اصير فيه الباب

ولون الفرش والستائر ايش اخليه ....؟؟؟

اختاري الفرش من لون الجدار
وممكن تدخيل لون ثالث على الفرش يتناسب معاهم
ممكن اضافة اللون الذهبي الى الستائر طبعاً لون الجدار الى عندك
وأفضل يكون العودى هو الى اخف في اللون في الستائر ممكن تنسيق الألوان على حسب موديل الستائر .. إذا فيها شيفون والله لا ..

داخل الغرفه وبينه صاله صغيرررره مررررره يمكن اخلي فيها الدولاب

ولونه زيتي فاتح وبيج

وهذا حلو الأختيار موفقه

وأي سؤال تفضلى

السلام عليكم ورحمة الله وبركاته....

شكرا جزيلا أختي العزيزة ((نور الهدى)) على هذه المساعدة الكريمه :) ...

مشكورة حبيبتي والله ما قصرتي والله يعطيج الف عافيه وتسلمين يا رب :) ...

عزيزتي بس حبيت أشكرج وأبشرج أني الحمدلله سويت الغرفة ورق جدران وطلعت الغرفة جدا جميله ...

وناويه اكمل واسوي الباقي ان شاء الله ....


تسلمين يا الغاليه ولج أطيب تحياتي وشكري لج واحترامي ...


أختج الصغيره ..

(( قلب حساس ))

السلام عليكم ورحمة الله وبركاته

هلا ((قلب حساس))

مبروك عليك الله يجعله سكن العافية :smile:

السلام عليكم و رحمة الله وبركاته
مشكوريييييييين خواتي على هالجهود الجباره و عساكم ماجورات إن شاء الله

اما مشكلتي انا ف فعلا عويييييييييييييييييييييييييييييييييصه
انا راضيه عن الصبغ و لونه بس المشكله اني ما رتبت الغرفه من البدايه يعني ما شتريت اكسسوارات وغيرها.

التفاصيل:
لون الغرفه وردي فاتح درجتين الجدار مقسوم نصين اللي فوق شوي اكبر من الجزء السفلي.الصبغ فوق فاتح وايد و اللي تحت شوي اغمق. على فكره الجدار مغطاي بورق جدران ابيض مثل النسيج مصبوغ فوقه باللونين اللي قلت عنهم.
البوردر من نفس نوع الورقبس فيه شكل ورود ولونه ماخوذ من لون الصبغ ، بعدين ممسوح.
السيراميك بيج رخامي مع شوية بني.

الاثاث:
لون الاثاث بني غامق بس مب المحروق يعني مثل لون الكلكاو تقريبا.

الفرش مال السرير لونه وردي وبيج ، بس الودي مع انه فاتح بس اغمق من لون الجدار.
الستاير من نفس لون و خامة الفرش.

و انا غرفتي كبيره يعني تقريبا 13*7

واثاث ولدي عباره عن سرير و كبت و ادراج محطايين في الجهه الثانيه من الغرفه. و لونه خشبي على اصفر و فرشه لون ازرق.


يللا ساعدوني عشان احل هالمشكله العويصه.

السلام عليكم ورحمة الله وبركاته
هلا أختى الغالية 3roosah

ما فهمت طلبك

ودك تنظيم الاكسسورات والترتيب يعنى ؟؟

كيفك اختي رومي

اللة يعطيك الف عافية على هالموضوع الرائع وعلى افكارك المميزة جدا ...

عموما حبيت استشيرك بشغلة مزعجتني جدا

مجلس الرجال سراميك ابيض

وفرشتة كنبات كحلية موديلها كانها مخدات متراصة ..شي منة سادة وشي معرق بذهبي ...

وفرشت الارض سجادة كحلي وفيها نقوشات بيج ..

والطاولة اللي بنص المجلس قاعدتها جبس كبيرة وسطحها قزاز..والدولاب كمان جبسي ...

كلة مافي مشكلة وطلع حلو لاكن قاعدات الكنب ازعجتني ..

الكنب لة قاعدات خشبية وواضحة جدا مو بس الملكي كل الكنبات لها قاعدة خشبية ..وحسيت انها متضاربة مع باقي الديكور اقصد الطاولة والدولاب الجبسية ...

حبيت اشوف اذا عندك فكرة لحل هالمشكلة ...

وكمان الطاولة اللي بالنص صايرة فاضية شريت لها سبحة لاكن حسيت الطاولة لا تزال فاضية ..اذا عندك افكار ممكن املي فيها الطاولة غير الشموع لاني حاطة شمعدان على الطاولة اللي بالزاوية بعد مافرشتها مخمل كحلي وقماش هندي شفاف منقوش بلون ذهبي وبطريقة عشوائية وطلع منضرهم ولا احلى ...وكمان غير فكرة المفرش لان صعب القى شي يناسب اللي حاطتة بالزاوية ومو معقولة اشتري شي يختلف عنة ...



انتضر ردك



اختك
مرفا الوجدان

لسلام عليكم ورحمة الله و بركاته....

أختي العزيزة روووووووومي...أنا عندي مشكلة في كيف أختار أثاث غرفة نومي....و أ ريد منك المساعدة في هدا الشيء من الألف إلى الياء...حيث أريد منك إخباري بالمكان المناسب في وضع الكمبيوتر و كيفية وضع الديكورات والتحف و البراويز و غيرها من الامور...فأرجو الرد علية [أقصى سرعة لانني في عجلة من أمري بحكم الانتقال..., أرجو الرد علي عبر البريد الالكتروني
و هدا ملف مرفق لشكل الغرفة

ممنوع وضع البريد الالكتروني

نور الهدى

:down:شكرا

السلام عليكم ورحمة الله وبركاته
اود اولاً ان اشكر الأخت الكريمة نور الهدى على المجهود الطيب
وأورد مشكلتي
أنوي حالياً تأثيث غرفة ابني وابنتي
وأتمنى أن أجد لديكِ بعض الأفكار في اختيار الأثاث من خزائن وطاولات الكتابة وغيرها .
اتمنى الاّ أكون أثقلت عليكِ
موفقين

اختي الغاليه نولر الهدى

شكرا على اهتمامك:smile:، وانا بصراحه مشكلتي اني احس ان الغرفه كلها مب راكبه على بعض فحبيت انكم تساعدوني في كيفيت ترتيبها و تنسيق الاثاث ، و شو ممكن اضيف الها من اكسسوارات عشان تجمع الغرفه مع بعض.:shy:















سوري على كثرت الطلبات.(a)

مرحبا أختي RoOoOmy_M

ياليت تساعديني : أختي ناويه تغير غرفتها كلياً
الأن غرفتها : لون الجدار أصفر
وهي ناويه تسوي أرضية الغرفه خشب وتبي تصبغ جدارها اللون البرتقالي أو الوف وتبيه معتق

ياليت تساعديني في تنظيم غرفتها ( غرفتها صغيره)
وتقترحين علي ألوان , وطريقة تعتيق الصبغ
وإذا تعرفين أماكن حلوه بالخبر أو الدمام



أدري طولت عليك:shy:

سلاااااااااااام


موضوع راااااااااائع :up:

اختي مرفا الوجدان

بالنسبة لقاعدة الكنب أنا شايفة انها مو مشكلة كبيرة يعني المكان كله مرتب وفيه ذوقك الخاص عشان كذا لا تحطين بالك على قاعدة الكنب اللي مزعجتك لأن الحل الوحيد للتخلص من المشكلة هو التخلص من الكنب وهو حل صعب صح ؟؟

بالنسبة للطاولة تقدرين تزينينها بأشياء كثيرة غير الشموع

مثلا بعض الصناديق الخشبية القديمة
او النحاسيات القديمة المتوفرة في محلات التراث
مفرش مطرز بالخرز والمرايا والخيوط الذهبية
بعض الخرز والأحجار ذات الألوان البراقة

انتي بس دوري في محلات التحف والاكسسوارات راح تلاقين افكار كثيرة حتى محلات الأثاث نفسها تعطيك أفكار لترتيب الطاولة شوفي اللي يناسبك منها ونفذيه

تحياتي لك

اختي

walaa15

سوي بحث تحت اسم (( غرف الأطفال )) وراح تلاقين مجموعة كبيرة من الصور والأفكار لترتيب غرف نوم الأطفال سواء بنات او اولاد

حاولت اسوي بحث بس بسبب خلل في جهازي ما تتم العملية

ان شاء الله اضيف لك روابط المواضيع المتعلقة بديكورات غرف الأطفال

تحياتي لك