عندك مشكلة في ديكورات البيت ؟ تفضلي هنا ( كل ما يتعلق بالديكور ومشاكله )

السلام عليكم ورحمة الله وبركاته

هلا أختى الغالية الاميره الحلوه

:smile: لو يعني سويتي اصفر يكون الفرش اصفر واذا مشمي يعني الارضيه تكون مثل الجدار ابغي لون يخلي الغرفه واسعه ويعطيها حياة الرمنسه

0000
لا موشرط يا الغالية كنت اقصد الحمام مو شرط يكون فرش الغرفة نفس الطلاء ممكن اختيار لون ثاني يتناسب
انا اقصد خلى سراميك الحمام نفس لون جدار الغرفة هذا الى اقصد

انتى عندج من قبل بيج تبي غير صح خلى أصفر فاتح لون الجدار
وافرشي أصفر غامق منقش ،، ممكن يكون النقش بنى فاتح
والستائر أصفر
اما الحمام خلى نص الجدار أصفر معتق والنص الثاني بيج
راح يطلع حلو

0000

بالنسبة الى الحمام الأضاء أنتى ودك سبورت لايت
سبورت لايت حلو واحنا عندنا في الحمام سبورت لايت
بس بحجم كبير علشان تكون أضاء حلوه في الحمام
00000000

بالنسبة الى هذا السؤال

وعن حوض السباحه لانه مقاسه صغير مش كبير تنصحيني اسوي حوض ولا على شكل باب مغلق فهمتي قصدي ومشكوره

يا الغالية إذا عندك المساحة صغيرة انصحك عمل حوض
علشان ما ايكون المكان ضيق

بحاول احط لج صور علشان تنسيق الغرفة بألوان أخرى علشان تكون منسقة أكثر :up:

بجد ودي افيد الجميع اختي الاميرة الحلوة

بس مشكلتي الوقت



بالنسبه للون في الغرفه اختاري اللون اللحمي الفاتح..... أواللون الكوفي الفاتح اضافه الاحمر العودي كاكسسوار... يمكن انتي تركبين حسب ماتحصلين من اكسسوارات .متوفرة بالسوق

اما بالنسبه للحمام.... حاولي تختارين نوع البورسلين.... بمقاسات صغيره
حيث انا القطع الصغيره تعطي حجم واتساع اكبر للحمام .... واللون دخلي اللون البرونزي والبيج وافصليهم بالسكري...

مع ان اقتراحي قابل للتغيير لصعوبة الحكم على شي ماشفته... وتعتمد الالوان على نفسية صاحب الغرفة واتساعها..... بس النصيحه الاخيره عندك دائرة الالوان واختاري الوان متباينه... وشكرا.







سلام

مشكوره عزيزيتي على الرد وانشاءالله نور الهدى
والله يسعد ايامج صدق ساعدتيني بمشكلتي في تنسيق الالوان والله يسعد ايامج يمكن احد عنده صوره لي لوانين اصفر ومشمشي يخليني اشوفه احسن :up:

مشكور اخوي سمايت
على رايك وما قصرت والله يسعد ايامك واذا عندك افكار حلوه لا تبخل علي لاني خلاص مافيني صبر على غرفتي :D2والله يسعد ايامك يارب تحيـــــــاتي الاميـــــره الحــــــــلوه

هلا اختي ارجوا منش مساعدتي في اسرع وقت ممكن لانني محتاج وااايد لمساعدش

اختي لون غرفة نومي بيج متحيره اصبغ الغرفه باي لون اريد لون

رومانسي وجميله لاني توي عروس جديد :shy:

شكرا اختي

السلام عليكم ورحمة الله وبركاته

أختى الفاضلة tft

ممكن توضحي السؤال ودك تغير لون الغرفة
واللون الحالى بيج ؟؟؟ وضحى السؤال:smile:

السلام عليكم ورحمة الله وبركاته

أعتقد أن قصد الأخت tft

أن لون الأثاث (الفرشه) بيج

وتسأل أيش لون الصبغ المناسب

صح؟!

بس لازم تزودينا بمعلومات أكثر عن لون الأرضيه مثلاً

وإذا عملتي الستاير ولا لسا!!

مشكورين خواتي على الرد :clap: :clap:

اني قصدي ان للون الفرشه يعني ( السريروالاثاث كامل ) للون بيج ومتحير

شنو اصبغ للون (الجدار) ا...... وبعد للو سمحتين اختي تنصحيني شنو

اخذ للون للستائر ولأرضيه بعد ....... مسامحه أختي زادت طلباتي:o

....اني ما سويت اي شي :confused: في الغرفه بس اخترت للون الفرشه ((السرير
ولاثاث ) ......فقط....

السلام عليكم ورحمة الله وبركاته

أختى الغالية لون البيج لون رائع ويتناسب مع جميع الألوان

أي لون تختاري راح يطلع حلو ومتناسق
عندك الفرش بيج ولون البج لون فاتح مشع

اختاري لون غير مشع ممكن اختيار اللون السماوى
أو اللون البطيخي

وطبعاً لون الأرضيه راح تعتمد على اختارك الى لون الطلاء

ممكن لون صبختى مثلاً الغرفه بطيخي

خلى السجاد منقش بين البطيخي والبيج راح يطلع حلو

في ملاحظة

لو عندك مثلاً المفرش كثير النقوش ممكن اختاري ستائر ناعمة قليلة النقوش
حتى يظهر جمال الستائر والفرش عندك حلو

وأي سؤال حاضرين

كاتب الرسالة الأصلية : نور الهدى

أختى الغالية لون البيج لون رائع ويتناسب مع جميع الألوان

مشكوره اختي :smile:

عندي اسئله واااايد اخاف تتمللين من اسئلتي الكثيره لكن اعذريني لاني

جالس اجهز شقتي :o اول شي : هل اصبغ شقتي كامله نفس للون وهي مكونه من غرفتين وصاله او ان اصبغ كالغرفه للون ولو سمحتين اختي

دليني على الالوان لي اختارهم لكل غرفه واي للون اصبغ السقف او اني اخلي ابيض ........؟؟؟ واي للون اخذ السجاد لكل غرفه وللون الستاير

والكراسي ......؟؟؟ كاني طولت عليش بسالتي
اني بس اخترت للون (السرير والاثاث لي معاه ) وهو للون البيج ..

مشكوره اختي وااااايد

أختي العزيزة tft

تعدد ألوان الغرف راجع لذوقك الشخصي ورأي شريك حياتك أيضاً بالطبع

بس لو حبيتي أنك تصبغين الشقه كلها لون واحد من الأفضل طبعاً أن يكون اللون فاتح خصوصاً أنك قلتي شقه مش بيت يعني أكيد المساحات صغيره أو محدوده نوعاً ما
وأحرصي أيضاً على أختيار لون محايد حتى ما يعذبك في أختيار الأثاث المناسب له

وإذا حبيتي تنوعي بألوان الغرف ممكن تختارين لون رسمي للصاله مثلاً بيج أو أحدى الدرجات الرمليه بشكل عام أما الغرف فممكن تختاري لها ألوان رايقه مثل الوردي أو البنفسجي أو الأصفر أو أي لون أنتي تحبينه ويمشي مع مساحة وأثاث الغرفه

بالنسبة للسقف طبعاً لازم تختارينه أفتح من لون الجدران
وإذا كان الجدار فاتح أختاري لون السقف أفتح منه بدرجه مثلاً أما إذا كان غامق فأختاري أفتح منه بثلاث درجات مثلاً

أما ألوان السجاد والستاير وباقي الأثاث راح يعتمد على ألوان الصبغ إللي راح تختارينها
يعني بعد مرحلة أعتماد ألوان الصبغ تقدرين تبدأين في مرحلة أختيار ألوان السجاد والستاير


أرجوا أني قد أفدتك وأتمنى بعد أن الأخوات يقدرون يفيدونك بآرائهن

مرحبا الغالية

أنا حابة أاثث شقتي بس محتاره بالالوان اللي لازم أختارها:eek2: مع العلم أن كل غرفه لازم يكون لها لون و غرفة النوم ابغي الوانها تكون حلوه و هادية يعني ما تجلب الكآبه:confused::confused: و الصالون أبغي أحس أني جالسه في صالون مش كل شوي و أتثاوب يعني شو لون الجدار اللي يناسب هذي الاماكن و مشكوووورين و نخدمكم فالافراح:up::up:

السلام عليكم ورحمة الله وبركاته

هلا أختى الغالية دم الوريد

شوفي يا الغالية طبعاً دائماً يفضل أختار الألوان الفاتحه
ممكن اختيار اي لون بس الأهم هو درجة اللون يعنى تكون افتح درجه راح يطلع اللون حلو ....

بالنسبة الى غرفة النوم طبعاً هي غرفة نوم يعنى أختيار اللوم مو لازم يكون من الألوان الفاتحه هناك ألوان بطبعيتها تكون فاتحه
يعنى أنتى ورغبتك في اللون .. مثل لون الكوفى هذا لون حلو الى غرف النوم لو طبق بالدرجة المناسبة أو اختيار اللون الليموني الفاتح

----------

بالنسبة الى الصالة طبعاً مثل ما قلت هناك ألون من طبعتها تعتبر أولان فاتح والمقصود انها تجلب النور اتسحي انها منوره المكان

مثل اللون الأصفر الفاتح جداً أو اللون البيج المعتق بألوان فاتحه
راح يطلع روعة

ولا تنسي وجود النافذة في الصالة لها دور واعتبر وجود الشمس القويه في الصالة شيء مهم جداً لأن مكان يكثر فيه الجلوس

وطبعاً وضع الأثاث والديكورات المناسبة لها دور في جعل المكان ينبع بالحيوية

وبالتوفيق لج

كاتب الرسالة الأصلية : tft
مشكوره اختي :smile:

جالس اجهز شقتي :o اول شي : هل اصبغ شقتي كامله نفس للون وهي مكونه من غرفتين وصاله او ان اصبغ كالغرفه للون ولو سمحتين اختي

شوفي يا الغالية بقول لج رأى الخاص طبعاً أنتى في شقة
وإذا كانت صغيرة علشان ما اتحسي بالملل من صغر المكان
خلى كل مكان بألوان .. علشان اتحسي انك طعلتى من مكان ودخليت في مكان ..
وأنتى عندك غرفتين خلى الغرفتين نفس اللون والصالة لون غير

كاتب الرسالة الأصلية : tft
مشكوره اختي :smile:

دليني على الالوان لي اختارهم لكل غرفه واي للون اصبغ السقف او اني اخلي ابيض ........؟؟؟

طبعاً السقف يفضل يكون لون فاتح وممكن اتخلى لون في الصالة من السماء بس هذا غالى على ما اعتقد
والغرف خلى السقف ابيض وعلى فكرة اللون الأبيض الى السقف من أفضل الألوان

كاتب الرسالة الأصلية : tft
:smile:

واي للون اخذ السجاد لكل غرفه وللون الستاير

كاتب الرسالة الأصلية : tft
:smile:

واي للون اخذ السجاد لكل غرفه وللون الستاير

والكراسي ......؟؟؟ كاني طولت عليش بسالتي
اني بس اخترت للون (السرير والاثاث لي معاه ) وهو للون البيج ..

مشكوره اختي وااااايد

أختى الغالية طبعاً أختيار بالنسبة الى السجاد ولون الستائر يرجع الى قراك الأن في اختيار لون الجدار علشان يتم اختيار بعد ذلك لون السجاد والستائر

ومثل ما قلت لك لون البيج لون من أروع الألوان الى ما فيها حيرة ابدً في اختيار الصبغ لها
توكلى على الله واختاري لون

شوفى هذا اللون الى في الغرفة حلو



هذا لون أصفر راح يتناسب مع اللون البيج الى معك
واختاري لون الستائر ساده نفس درجة لون السرير وراح يطلع في غاية الروعة

أول شئ يعطيكم ألف عافية على مجهودكم الرائع:clap:

ثاني شئ عندي كم إستفسار أرجوا منكم مساعدتي

عندي كنب تركي مذهب لونه كحلي غامق ومحتارة بلون الفرش اللي يناسبه والستاير أتمنى تعطوني إقتراحاتكم

وكمان عندي غرفة النوم لونها سكري وفكرت أفرشها إما بني شكولاته أو زيتي غامق إيش رأيكم إي لون يناسب أكثر

وأخيرا الجلسة اللي في الصالة لونها زيتي وفرشت معها موكيت بأرضية بيج وتشجير بسيط زيتي ..هل تتخيلونه حلوا


وتقبلوا خالص تحياتي...:shy:

السلام عليكم ورحمة الله وبركاته

عندي كنب تركي مذهب لونه كحلي غامق ومحتارة بلون الفرش اللي يناسبه والستاير أتمنى تعطوني إقتراحاتكم

هلا يا الغالية من رأى لون البيج واللون الأصفر واللون الكريمى

--------

وكمان عندي غرفة النوم لونها سكري وفكرت أفرشها إما بني شكولاته أو زيتي غامق إيش رأيكم إي لون يناسب أكثر

طبعاً اللون السكرى يتناسب مع جميع الألوان تقريباً
لون البنى حلو بس أختيارى درجة فاتحه جداً

___-

وأخيرا الجلسة اللي في الصالة لونها زيتي وفرشت معها موكيت بأرضية بيج وتشجير بسيط زيتي ..هل تتخيلونه حلوا

اكيد حلو تدخيل لون البيج جميل جداً

يعطيك ألف ألف عافية ..أختي العزيزة نور الهدى

بالفعل لكل إنسان من إسمة نصيب
وانتي إسم على مسمى

جزاك الله خير الجزاء على ردك السريع


تحياتي

تكفون ساعدوني في ترتيب غرفة أولادي
الغرفة مساحتها 4في6
السرير طوله مترين وعرضه 115سم عدد السرر 2 )

المكتب عرضه 115سم وعدده (2)

الكومدينه عرضها 45سم وعددها (1)

طاولة كمبيوتر وعرضها متر

السلام عليكم ورحمة الله وبركاته

هلا بالأخت الغالية يا ريت اتحددى لى مكان النافذة والباب

شوفي الرسمة الى تحت وحددى لى