ريحة الشعر الخايسه

اشكركم حبايبي
على الردود والنصايح
انا قررت احط حنه بالمشغل عشان الجو بارد شوي
جزاكم الله خير

اول شي غيري الشامبو
لوريال مع شعر دهني ما يصلح
استعملي سلفكرين بزيت الزيتون
واعجبني الحنه بمويه الثوم عشان لو كان فيه فطريات او اي مرض بالفروه يعالجه الثوم
وادعيلي لاني متاكده من هالطريقه

جزاكي الله خير حبيبتي بموازين حسناااتك

حنه واذا ما تحبين الحنه سدر ومشاط اساسا المشاط معطر للشعر وينشف الفروه

يعني حلو الحنه مره بالشهر

وكل اسبوع سدر او اسبوع سدر واسبوع مشاط

وابشري بعزك بتنسين هالريحه

والله الريحه تضايق كنت دايم اشمها براس وحده معي بالمدرسه كنت احسبنها وصخه ما تتروش

بس بعد ما قريت موضوعك قلت يمكن زيك المسكينه ولمتها

بس والله من عرفتها الين ما ودعتها ودايم اشم الريحه فيها مع انها بنت تهتم بعمرها والشعر دايم مرتب بس والله ما كنت امون عليها

كان بودي اقولها حني شعرك

والعلومه عرفتها من امي لان اختي شعرها دهني وبعد 3 ايام من الترويشه شعرها يعفن

فتجرها امي من شعرها وتحنيها ههههههههه عاد تعرفين البزارين بالاجازه يكرهون الترويش

والله انه بعد الحنه يطول شعرها ما يطلع ريحه

اسفه على الاطاله

واخاف كلامي جرحك ولا ظايقك

وهذي طريقة شامبو السدر نقلتها لك سويها مره والله كانت تجربه حلوه

بس بدون اكليل الجبل وغير شامبو دوف


المطلوب

ماء معبأه الحجم هذا والعلبة تكفي حق غسلة واحدة




ملعقة ممسوحة سدر %سدر اصلي والاصلي يجي لونة غااااامق مثل الحناء



ملعقة شامبو دوف




منقوع عشبهـ اكليل الجبل << للشعر الدهني << من اضافتي انا =)

الطريقة

سهلة جداً وبسيطة
نأخذ ملعقة من السدر ومنقوع عشبه اكليل الجبل
ونضيفها على علبة الماء
وتركها تنقع لمدة نصف ساعة وإذا كاثر مايضر
المهم مواقل من نصف ساعة
وبعد كذا نرج العلبة جيداً
ونصفي الماء بمشخال ناااااااعم او بقطعة شاش
وناخذ الماء المصفى ونضيف عليه ملعقة شامبو
ونخلط المحلول جيداً ونستعمله
نغسل الشعر بالطريقة اللي متعودين عليها
بهذا الشامبو الطبيعي
والكمية لمرة واحدة فقط يعني ما ابقي بالعلبة
شي من الشامبو
والنتيجة شعر صحي قوي لامع ونااااااااعم
مع الأستمرار وأكد مع الأستمرار


وعندي خلطه مجموعة اشياء لا والله اشياء كثيره
والله اذا حطيته وش اقولك فروة راسي تلمع من النضافه بدون مبالغه تشوفين لمعتها بالمرايه
وبقولك شي ادخل اصبع واحد وافرك الفروه احس الفروه ملمسها غريب مقدر اشبهه بس ممكن اقرب شي ممسك السيراميك النضيف هههههههه بس بجد بنضف وينشف الفروه كثثير اذا حابه اعطيك الخلطه تسوينها للعلم اغراضها كثير حنه وسدر ومحلب وزنجبيل وقشر رمان و..و..و..الخ

اذا بغيتي الخلطه هذي قوليلي <<< لها ريحه بس مع البخور تروح من الشعر


عاد بعد كل هل قرقره لا اسمعك تقووولين ريحه خايسه وكل الي قلتلك مجربته شخصيا يعني مو تنضير وفلسفه

وعاد لاتنسين تقولين لنا وش يصير معك