هل الاعتراف بالحب لزوج يدفعة للغرور

حياج الله احلى ورده في المنتدى....

انا مب متزوجه..بس باجاوبج على اسئلتج من خلال سماعي لسوالف المتزوجات...

يعني خذت خبره بسيطه منهم...

المفروض انه الزوجه تعترف لزوجها انه تحبه...بهالطريقه بيرتاح الزوج..و ما بيحاول يخفي مشاعره ..بالعكس هالشي بيشجعه انه هو بعد يظهر مشاعره...
و بهالطريقه الزوج ما بيحاول يدور الرومانسيه و الحب بره البيت ..لان هالشي متوفر عنده ..و الرومانسيه موجوده عنده زوجته..

زيارات الزوج ..لازم ..عشان يتعودون على بعض..بس مب وايد..بعني يكون ثقيل الزوج شوي..

و الكلام في الهانف .هذا شي لابد منه...يتفاهمون و يعرفون شخصيه بعض....و لازم يطولون..لانه عقب ما بتكون فيه مكالمات لفترات طويله...

انا قلت رايي,,و اعتقد المتزوجات خبرتهم و رايهم احسن عني...

هلا والله ومرحبا فيك ورود في عروس ....

شوفي أختي ......بالنسبة للإظهار مشاعرك له أثناء فترة الملكة....ماأوايدها

في الفترة هذي .....بتلاحظين أن الزوج هو اللي راح يظهر مشاعرة ، وكلامه

بس بعدين بيقل كلامة ...وقليل تسمعين منه شيء

وحكاية الزيارات فترة الملكة ......حلوة ولا ذكريات خاصة ...

بس ماتكون الزيارات كثيرة .....(( يعني أنتي أثقلي شوي عليه ))

والزيارة .....ماتطول كثيررر .........(( هذا رأيي ))

والمكالمات .........خذي راحتك فيهااا ، وممكن تفهمين وجهة نظرة في بعض الأمور

بشكل غير مباشر ...(( تقولين مثلاً : صديقتي عندها المشكلة الفلانية ))

أيش رأيك فيها ؟؟؟؟ إيش الحل ؟؟؟؟

بكذا تفهمين أكثر .......

هذي النصائح أنا ماسويتها قبل .........:(

تزوجت صغيرة ماأحد وعاني ونصحني ......

بس الحمد الله على ماعطى.......

دعواتي لك بالتوفيق والسعادة ....

أختك:همسة

موضوع رائع...وفعلا كان يقلقني فترة الملكه....


ليش الزوجه ما تقول لزوجها كلام حب فترة الملكه؟؟؟ليش مو هي بعد تحب تسمع؟؟؟والحياة اخذ وعطا؟؟؟؟

هالشي يتوقف على شخصية الرجل؟؟؟
بعضهم يقولون بسوي اللي اسويه فيها..عادي بتتحمل...مو هي تموت فيني؟؟؟؟
ما يعرف ان هالحب ممكن يقل..وممكن ينعدم؟؟؟

وبعضهم يقولون مثل ما هي تحبني..بحبها زود وزود...وبعيشها احلا عيشه؟؟؟

الاهم ان هالكلام كله يستمر لبعد الزواج....

تصدقين انا صار لي موثقف مع زوجي ...(صح انها من خصوصياتي.....لكن بقولها عشان يستفيد الكل)...

كنت مرة اقول له كلام حلو...بالتليفون...وزوجي من النوع اللي يضحك كثير ويمزح...
تخيلي انه تمسخر على كلامي؟؟ ؟؟؟ من يومها انا ماخذه موقف للحين....
لأنه كسر بداخلي شي...

ونبهني...

انه من كثر ما انا اقول كلام حلو....اصبح ما يحس حلاوة الكلمه...وتصير في اذنه مثل الروتين؟؟؟

والله ..للحين احاول...ارجع اللي انكسر بداخلي ..مو قادره...

رومانسية .........على اسمك ....فعلا كلامك رومنسي وحبيته .......

بس احيانا الرومنسية الزايدة تكون الضد .......وهذا كلام الاخوت دليل .

همســــــــــــــــــــــة ......... وعروس قديمة .........

يعطيكم العافية ........ كلامكم سليم وهو وجهة نظر من تجربة ......

بس هم بعد راي باقي الاخوات شنهو ..........

هلا اختي ورود ..

ما ذا لو لم اسمع من زوجتي كلام حب ؟؟
وانا من اعطيها الكلام فقط ..

لماذا لا تعترف لي بحبها لي وانا فقط من يعترف لها ..؟

تلك بالتاكيد هي كلماتي لو لم تعترف لي زوجتي بحبها لي ..

هذه الكلمات او الاعترافات لها نكة خاصة في الحياة الزوجية وحتى في فترة الملكة ..

اما من ناحية الزيارات فهي ممدوحة بشرط الاعتدال فيها وعدم الاكثار ..

اما التلفون فهو امر لا بد منه من اجل ان يفهمو بعض اكثر ..
واكيد ما احد راح يسال والفواتير هي الي تحكي ..

تحياتي

اختي الغاليه ورده..

الاخوات اولا لم يقصرو ا معك

انا ارى ان المراه تعطي زوجها مايريد ولماذا لا تعطيه فهو قرت عينها

لابد من اظهار المشاعر فالرجل بشر ايضا هل تريدين ان يكون هو المتحدث دائما ؟
سيمل الرجل من عدم بث المراه لمشعرها ..... وسيحبها اكثر عندما تعبر عن مافي نفسها من حب وشوق
كما تريد المراه يريد الرجا ...

اا خروجه ودخوله في فتره الملكه فهذا صراحه لا اايده كثيرا ..
ليس لشيئ .
من حقه ان يتصل كثيرا على زوجته فهذه هي اسعد الايام عند الزوجين
هذه وجه نظري ... وبما اني متزوجه بس صراحه ما جربت مرحلت الملكه

فترة الملكه ما تتعوض... واللي ما تستغلها صح راح تفوت عليها أشياء كثيره... وعن تجربه... لا تبخلين على زوجك بالكلام والفعل سواء في فترة الملكه أو بعدها...لأن مهما كان الريال مثل الطفل مثل ما تدلعينه وتهتمين فيه راح يتعلق فيج ومع الأيام ما راح يستغني عنج... ولا تنسوون إن الريال في فترة الملكه يحب يعرف الإنسانه اللي إرتبط فيها ويريد يحس بأنه قريب من هالإنسانه وإنها مب غريبه عنه...

هلا فيج عزيزتي في المنتدى
موضوعج جميل جدا ويستاهل المناقشة ..
انا بعد مو متزوجة .. بس حلو ة الزيارات المتكررة و السوالف لساعات طويلة .. هذا مفيد لج انتي . من خلال هذي اللقاءات تتعرفين عليه اكثر .. ددقي في سمعج وعرفي منه الي يحبه والي يكرهه و طموحاته ومغامراته .. من خلال هذا الكلام تعرفين تتقربين له و تعرفين شخصيته عن قرب .. طبعا ماراح تعرفين شخصيته بنسبه كبيرة .. لكن تقدرين تعرفين جوانب مهمه من حياته وشخصيته .. وطبعا لا تتسرعين وتقولين كلمه احبك بسرعة .. خليج ذكيه .. خليج ثقيله وغاليه .. خليه اهو الي يقولها ويمل من كثر ما يقولها وانتي بس بيني مشاعرج من خلال لمسات بسيطة تحيي قلبه وتعطيه الامل ;)