بنات شرايكم في ابره الظهر؟

من خبرتي ابره تريح وايد ومكان الأبرة يتم يألم جم يوم عادي بس في ناس تكبر المواضيع وتهولها وما ارتاحت لهالأبرة واعتقد المسألة ترجع من جسم لي جسم ثاني الله يقومج بالسلامة ..

أختي ما ادري اي ابرة تقصدين!!
إذا الإبرة اللي تخفف آلام الطلق فسمعت عن الأبرة إنها تسبب مشاكل
توكلي على الله و خلي كل شئ طبيعي و مثل ما قالت روح الهمس كل شئ عليه أجر عند الله
الله عطاش البيبي و بيعطيش القوة في ولادته

أما إذا تقصدين إبرة البنج اللي في الظهر للقبصرية فتوكلي على الله لأنها ما راح تحسين فيها يعطونش في عضل الظهر
و أحسن من البنج الكامل

والله مادري صراحه ، ناس يمدحون وناس يذمون ، والحين اغلب المستشفيات يستخدمونها ، ودنا نسمع تجارب اكثر ...

ماادري انا اخاف منها

مشكورين على الردود,,
وانا متعمده اطرح الموضوع لان ودي اسمع تجارب اكثر علشان نزيد خبرتنا واحس ان في بنات بعد حابين يعرفون؟؟
ف بليز عطونا من تجاربكم

والله بسمع انها كويسه
بس لو مش الواحده مضطره تاخدها يكون افضل انها تستحمل الالم لتكفير الذنوب واحتساب الاجر

انا اؤمن بانها آمنة جدا وما فيها شي
تستخدم في كل مكان في اوروبا وامريكا وآسيا
وكل مكان

الا احنا اللي نطلع في كل شي عيب .. حتى لقاح انفلونزا الخنازير
نقلت لك من موقع جريدة الرياض اليومية استشارة الطبيب

الدكتور عبدالله الغامدي
استشاري تخدير وعلاج الألم
ورئيس شعبة الألم


مخاطرها
هل هناك مخاطر من إبرة الظهر، وكيف يمكن تفاديها؟
- توجد بعض المخاطر المتعلقة بإبرة الظهر، في 1% من الحالات تثقب الإبرة عرضاً كيس السائل النخاعي، وذلك ليس خطراً إذا تم اكتشافه ولكن قد يؤدي إلى صداع فيما بعد، إذا كان الصداع شديداً فهناك علاج له. وبالرغم من أن الأنبوب قريب من الأعصاب الشوكية فإن إمكانية حدوث تلف دائم بالأعصاب تظل متدنية جداً. يعتقد الكثير من الناس أن إبرة الظهر ستؤدي إلى ألم في الظهر فيما بعد. إلا أن الدراسات قد أثبتت أن السيدات يشعرن بألم في الظهر خلال الحمل والمخاض والولادة وليس لذلك علاقة بالإبرة. يحدث عادة ألم مؤقت عند الضغط على موضع ادخال الإبرة بسبب اختراق الأنسجة ولكن ذلك الألم يتلاشى خلال بضعة أيام. لا تكون إبرة الظهر فعالة بدرجة كافية في بعض الحالات إذا كان التخدير غير كاف. أو إذا كان ضغط الجنين في قناة الولادة كبيراً جداً. ويمكن تحسين ذلك في أغلب الحالات عن طريق تعديل وضع الأنبوب أو تغيير نوع المخدر الموضعي. وتكون هناك حاجة لإعادة ادخال الأنبوب في بعض الحالات من أجل تخفيف الألم بدرجة أفضل.

تأثيرات جانبية
ما هي التأثيرات الجانبية التي من الممكن أن تحدث للسيدات عند استخدام إبرة الظهر؟
- تحدث لبعض السيدات تأثيرات جانبية طبيعية من الإبرة. وتشمل هذه التأثيرات القشعرية والحكة وعدم القدرة على التبول. وإن سبب حدوث القشعريرة غير معروف ولكنه غير ضار ومن الممكن أن يحدث خلال الولادة من دون وجود إبرة الظهر. يمكن استخدام البطانيات لتدفئة الأم عند حدوث القشعريرة. أما الحكة فهي نتيجة لعقار الفنتانيل الموجود في المحلول. وتتم إضافة المسكن لزيادة تخفيف الألم. أما إذا كانت الحكة مزعجة فإن الكمادات الباردة تساعد في ذلك. في الحالات الشديدة يمكن اعطاء محلول التخدير الموضعي من دون الفنتانيل ويتم اعطاء المريضة هذا المحلول عبر الوريد لتحقيق التأثير المطلوب.

بنات انا جربتهاااا


والله انتي تحسفت على قد شعر راسي لاني اخذتها

بس ما كان قصدي اخذهااا لان الدكتور بمستفى حكومي قالي ان المستشفيات الحكوميه الكويتيه تعطي بنج كامل ولمن دخلت عليهم ودخلوني بغرفة الولاده ما معاي احد قالتلي الدكتوره الي تولدني ان ما نعطي بنج عاام بس ابرة ظهر وما قدرت اتحمل وجع الولاده لان قعدت يوم كامل وقلت مو مشكله ابي ابرة ظهر

وقبل لا يطقوني ايها عطوني ورقه اوقع عليهاااا
ما ادري شنو فيهااا لان ما قدرت اقراء
المهم لمن ولدت والحمد الله قعدت 10 شهور والله العضيم وظهري يعورني

بس طبعا يخف تدريجياااا والحين نادرا ما يعورني وبنتي عمرها سنه

بس نصيحه اذا كان في بنج عام لا تروحين الابرة الظهر

وكل بنات خالتي الي جربوها اهم بعد تعورهم وخصوصا اذا تنامين على ظهري توجعع وااااااااااااااااااااااااااااااااااااايد لدرجه ما تقدرين تقومين

وزوجي زعل علي وااايد لاني اخذتهااا

ونصيحه لج لا تاخذينهاااااااا

صلي استخارة

انا ما جربتها كل ولاداتى عادى اتعودة على الالم اعرف واحده من اهلنا اخدة وما صار لها شى زينه

اختي نصيحة من اخت تحبج فالله

لا تأخذين الابره لانها مضره انا خالتي خذت الابره و الحين صارلها سنه و نصف و تشتكي من ألم في الرجل و الظهر و هذي اثار الابره...

أختي ألم الطلق و الولاده دقايق أو ساعات و تخلص بس الابره تريح و بعدين لها اضرار

و بعدين لاتنسين الاجر و صدقيني راح تنسيني الم بعد ما تشوفين البيبي..

و الله يهون عليج إن شاءالله و تربين بالسلامه...

حبيبتي اني عايشة في امريكا
ودكتورتي نصحتني فيه
راح اشوف اذا ماقدرت اتحمل الم طلق ان شاء الله اخذه

لو ناوية تاخذين اخذيه

ومن اعراضها الجانبية الم في الظهر والصداع بس مو كل وحدة يجيها الصداع
وسبب الالم ممكن يطلع شوية دم اثناء وضع الابرة في الظهر فيسبب صداع

وعلاج المشكله جدا بسيط
ياخذون دم من الشريان بنفس الطريقة اللي ياخذوها للتحاليل
ويحطون الدم بمكان الابرة ويختفي الصداع والم الظهر

حبيبتي كل جسم يفرق عن الثاني .. في جسم ما صار له وفي جسم تاثر ... فانتي لا تحطين نفسج محط تجربه يا تصيب يا تخيب .. انا اشوف ان انتي مو مضطره .. يعني اذا في اضطرار الواحد يقول ما باليد حيله ...

انا اضطريت اخذها من شهرين في عمليه الربط ,, ولحد الحين ظهري يعورني والله ... اذا قعدت قعده غلط 5 او عشر دقايق اقوم وظهري كله ماسك ببعض ويعورني ... نفس الشد العضلي ... وحتى مرات اذا زودت في القعده آخر ظهري يعورني واجد ...

معن ان سويت الربط من قبل .. وفي حملي الاولى كنتاشتكي من الوزن الزايد بعكس الحين.. بس ابد ما كنت اشتكي من ظهري ... بس الحين وووايد وااايد يعورني .. ان شاء الله مع الوقت يخف الالم ..

الله يجزاااكم خير حبيباتي ودعوااتكم لي :)

الله يسهل عليك ولادتك يارب