كفتة الرز بالصلصة من مطبخ **كلمة حب** وبــــس

السلام عليكم ورحمة الله وبركاته

انهرده عملت اكلة جميلة قوووووي انا باعشقها بطريقة فظيعة خصوصا مع مخلل اللمون يا سلاااااااام
وقولت للبنات إن شاء الله هانزلها واخويا رضى عني ونزلي الصور على جهازه ونقلته لجهازي
المهم بلاش القصة اللي تجيب الشلل دي :085: :085: :085:
وهادخل في المقادير



:: المقاديــــــر::

نص كيلة لحمة مفرومة + حزمة بقدونس كبيرة +بصلتين كبار+ 5 فصوص ثوم كبيرة + كباية رز كبيرة + ملح + فلفل أسمر + شطة + نص معلقة جنزبيل+ شطة + نص معلقة صغيرة نعناع ناشف
3 طماطم كبيرة + معلقة صلصة + قرن فلفل أخضر

:: الطريقة ::
1/ نغسل الرز كويس قوووي وننقعه في مية فاترة مايلة للسخونة شوية لمدة ربع ساعة
بعدين نصفي الرز ونضعه على ورق ونعرضه للهوا بحيث ينشف شوية
لما يصبح مندي شوية نفرمه في المحطة لحد ما يبقى زي الدقيق ناعم قوووووووووي



2/ في المفرمة نفرم (البقدونس + بصلة ونص + 3 فصوص ثوم كبيرة) ويصبح ناااااااعم جداااا الخليط
وفي طبق كبيرة نضعه على الرز ونضيف عليه البهارات (الفلفل الاسمر +شوية ملح + الزنجبيل+ شطة+ النعناع)
ونقلب جيدااا



3/ وبعدين نضيف عليه اللحمة



ونخلط كويس جداااااا




4/ وبعد كده ارجعها تاني للمفرمة وافرم كل المكونات مع بعضها مرة تانية لحد ما تبقى عجينة ماسكة في بعضها بالشكل ده



5/ أجيب بعد كده صينية كبيرة وكباية زيت جنبي واعمل كور صغنونة اوعي تكبريها عشان لسه هتتحط في الصلصة والنشا بتاع الرز هيخليها تشرب مية فهتكبر اصلا، خليها صغنونة قد العقلة او اكبر سنة بس قبل ده اضبطي بقى الملح بتاعك كويس قوووووووي



6/ اقليها في الزيت لحد ما لونها كله يتحمر ومتبقاش طرية لازم تتحمر في القلي
على فكرة انتي ممكن تشوفيها سودة تقولي دي اتحرقت بس عشان فيها الخضرة بتخلي لونها غامق وبتنشف معاكي عشان الرز
وبعدين طلعيه كله على ورق يتصفى وبعدين حطيه على الصلصة في النار




6/ تكوني بقى سبكتي الصلصة قبل ما تعملي الشغل ده كله، (يعني تسيبي الصلصة تتسبك وتعملي الكفتة دي أوك) الترتيب كويس بينجز الوقت :014:

التسبيكة بقى احنا حطينا طبعا بصلة ونص، هاتي النص التاني خرطيه نونو خاااالص مش كبير وفي زيت شوحيه لما يبدأ هيدخل على لون هاتي برضه نص فص ثوم كبير وخرطيه نونو خااااالص وضيفيه عليه مجرد ما يبيض لونه نزلي عليه الطماطم وقرن فلفل اخضر وفلفل اسمر ومعلقة الصلصة وسيبيها يتسبك كويس قووووي
لما تتسبك ضيفيلها حوالي نص شفشق مية او هقولك مثلا 3 كبايات مية وحطي فص ونص ثوم متخرط ده اللي باقي ني وسيبيها تغلي10 دقايق ، وتضبطي الملح

:: آخر خطوة::
تضيفي الكفتة للصلصة المتسبكة بعد ما ضيفنا لها المية سيبيه يغلي حوالي 5 دقايق او لحد 10 بس المهم الكفتة متتهراش كده واطفي عليه النار



هتلاقي المية كتيرة مغطية الكفتة مش مشكلة سيبيها ربع ساعة مغطية الحلية هتشرب الكفتة الصلصة وهتنفش والصلصة هتقل وتوصل للكمية المناسبة

وعملت جنبها رز ابيض بالشعرية ومخلل اللمون طبعا



مستنية رأيكم يا بناااااااااات :040: مع التقييم طبعا يعني ده شئ مفروغ منه :085: