عمتي والحقد الدفين ... وبعدين معاها

السلام عليكم
انا عندي عمة الله يهديها ما تداني أمي من زمان
وحاطة دوبها ودوب أمي يعني حقد وحسد
لدرجة لو أمي مرضت و تنومت بالمستشفى كمن ساعة تحسدها تقول مو مثلي تنومت بالأيام
المهم انا مالي خص فيها و ما احتك فيها خير شر و عمري ما قلت لها شيء أو سببت لها مشاكل بس شكلها مو بس حاقدة على امي حتى على عيالها و انا وحدة منهم....
المهم انا بعد الولادة الاولى اكتشفت انها كانت كل مرة تسأل الناس اللي يقربون لي عني اذا كنت حملت مجددا أم لأ...واذا قالوا لأ : تقول أحسن .. مدري ايش السبب
المهم صارت لي بلاااااااااااااوي والتهابات وقرحة عنق الرحم وزوجي خلاص احسه ينفر مني ويبي يسافر ويهج من البيت على قولته - وعلى قولة امي تقول شكله صابتني بعين أو عملت لي سحر لانها سبقت وتعاملت بالسحر- و ظليت حوالي سنة اتعالج و بفضل الله حملت
وعلى فكرة انا مادريت انها تترصد لي وتسأل عني الا بعد ما صارت لي مشاكل كثييييرة والناس بدأت تعرف مشاكلي - يعني خلاص الخبر انتشر ...و بعدين صاروا يخبروني انها كانت تسأل عني من ورا ظهري وتقول عني كلام
مع انها قدامي ما تقول شيء ولا تسأل بس احسها ابد ما تجاملني يعني احس في قلبها كراهية تجاهي..
المهم...
بعد ما جبت النونو الثاني مادري عنها هل مازالت تسأل عني ام لا..
المهم الحين صارلي مدة ماشفتها وهي كل مرة تتكلم عني قدام بناتها وتقول اني ما اروح بيتها و إني أمنع بناتي من زيارتها الخ....وبناتي كل ما يشوفوني بالمناسبات يسمعوني تلميحات بأني قاطعة واني مانعة بناتي من زيارتهم و يزنون على راسي يبوني أخلي بناتي عندهم كل ويك أنك ....
كيف اتصرف معاها يعني انا عادي بزورها بس خايفة منها خاصة اني اما احب اخذ بناتي معاي يعني هي من الاول ما تبيني احمل كيف لو شافتني مع اطفالي اللي اصلا ما كانت تبيني اجيبهم وكيف لو شافتني حامل للمرة الثالثة....
والله اخاف يصير فيني وفي عيالي شيء لا سمح الله واقول بقلبي الباب اللي يجيك منه الريح سده واستريح
وبنفس الوقت احس خلاص طولت من زمان ما سرت لها و بدؤوا يتكلمون عني ...