immortal;11152075:
السلام عليكم بنات
امي عندها صديقة لها بأعمال السحر والشعوذة تتعامل ويه هالسوالف يعني
وابراج ومادري شنو
واحس انها مسوية لأمي شي اللي مو قادرة تفج عنها
المهم انا على وجه خطوبة
عقدي بعد شهر تقريبا
وانا ارتحت للصبي وتعلقت فيه
المهم جافتني وقايلة لي ان برجي القوس وهو الدلو ومابيصير في توفيق
وان لو صار بننفصل
وان برجي يقول اصلا شهر 2 بتصير مشاكل بيني بينه احتمال تخلينا نتفرق
مرعوبة انا يابنات ماتخيل بعد هالتجهيز اللي جهزته
وانا وهو ماشيين مضبوط مع بعض يفهمني وافهمه :(
من قالت لي جذي وانا بس قاعدة اصيح محاتاه وخوف ومادري شسوي والله
قولو لي :(
اختي تحملي تحملي من شي:
اكيد بتصير بينج وبينه مشاكل شهر 2 ولا غيره ، تحملي من اول مشكلة تصير في شهر 2 تقولين" صح كلامها ، واحنا مش مناسبيين لبعض" ، احذرج اختي ، هي ترى ماجابت شي جديد، كل المتزوجين تصير بينهم مشاكل ، ويتجاوزونها ،
وبعدين حتى لو برج القوس ما يتوافق مع الدلو هاي مش معناته علاقتكم مكتوب لها الفشل شادخل ، انتي معاه كبار واعيين ، اذا صج تحبون بعض مهما كانت شخصياتكم مختلفة الحب بيجمعكم ، يعني مثلا العقرب مع الجوزاء يقولج يتذابحون ، انا اعرف بنت برجها عقرب ومتزوجة واحد برجه جوزاء وحياتهم ولا أروع ، ممكن يتزاعلون بس هم حابيين بعض ومستانسيين.