nemonamanemo;11627789:
صباح الفل يا حلوين
انا كلمت بيبو و الحمد لله هي بخير و جودي كمان
ربنا يباركلها فيها
ما شاء الله الف مبروووك عقبالك يا نيمو يارب ربنا يجعلهلها ذريه صالحه ويباركلها فيها يارب
nemonamanemo;11628379:
هو ظروف سفره ايه منتظمه ولا ملهوش مواعيد
امممم ممكن اعملي اي حاجه تسليكي ده غير ان معنوياتك هتترفع لما تخسي
انا بردوا كنت بشتغل قبل الجواز و سبته لان سافرت مع جوزي اول ما اتجوزنا بس دلوقتي حاسه بفراغ فظيع
اللي اتعود علي الشغل مش بيقدر يقعد في البيت
جوزى ظابط مهندس نظام اجازته بيتغير وانا مخطوبه كان بيشتغل اسبوع واجازه اسبوع
بعد الجواز بقى اسبوعين شغل واسبوع اجازه
ودلوقتى هوا ف القاهره فممكن وقت يجى كل يوم وممكن يجى خميس وجمعه بس
وطبعا فى كل الحالات الايام اللى بيبقى فيها اجازه بيبقى قاعد ف البيت خاصة الصبح فمينفعش انا ابقى بره او حتى اطول بره
لان وانا بشتغل كنت برجع من الشغل على 5 كدا فلو قعد دا كله لوحده هيزهق ويضايق
فاملى كله فى شغل حكومه بقى حاجه كدا ف اللذيذ تخلص الساعه 2 اخرها 3 وممكن الواحد يزوغ منها
ربنا يسههل يارب
وانا ناويه ان شاء الله اروح جيم مع ان دماغى مش مبطله تفكير فى ان دا مجهود ولحسن يكون فى حمل تانى مش عارفه
ربنا يسترها ان شاء الله
nemonamanemo;11628404:
صباح الفل يا ياسمينا اخبارك ايه
والله يا بنتي احتارت اكتر و اكتر عملي سونار و قولتله اني سمعت ان ممكن علي الشهر الرابع احتاج ربط و كده قالي بس انتي حالتك مستقره و مش محتاجه حاجه
دلوقتي دكتور يقولي خدي حقن السيوله و مش محتاجه ربط
و التني يقولي متخديش الحقن و محتاجه ربط
اعمل ايه بس انا بفكر اروح لحد تاني بس جوزي هيضربني لو قلتله كده اصلا الرجاله ملهاش خلق علي الحاجات ديه
اقولك حاجه اولا طبعا استخيرى ثانيا ان كانت حقن السيوله دى لو بتتاخد مفيش منها ضرر يبقى خوديها
وعمليه الربط مفيش فيها حاجه على فكره
ميكو الى كانت معانا فى التجهيزات هى حامل فى تؤام وباباها دكتور نسا قلها اعمليه مع انها مكنتش محتاجاه بس قالها ان التؤام بيعمل حمل وكدا واللافضل يتعمل
وهى اصلا مكنتش فى مصر كمان عملته بره
فاعتقد لو اتعمل برضه طالما مش هيضر خلاص وريحى نفسك من الحيره دى
ربنا يسترها معاكى ومع كل اللى زيك يارب
بصى هاقولك كمان حاجه قريبه مراة اخويا كانت عامله حقن مجهرى باين ولا مش عارفه اطفال انابيب تقريبا المهم كان معاها 3 تؤام الدكترو قلها احنا كدا تمام وبتاع ومش محتاجه تثبيت وكدا
نزل عليها دم فماماتها راحت جيبالاها حقن التثبيت وبرشام ولبوس وبقت تاخد التلاته
فالدم وقف وكمل حملها وجابت بنتين هوا بس واحد سقط والباقى بقى كويس
قصدى ايه من الحوار دا ان لو الدوا اللى بيتاخد ملهوش اثار جانبيه ومش بيضر ايه المانع انه يتاخد حتى لو كوسيله من الاطمئنان او الشعور بالامان
اسئلى بس دكتور على لو اخدتى دوا السيوله ممكن يأثر فى حاجه تانى ولا لا لو لا خلاص خديه مش هتخسرى حاجه
وربنا ان شاء الله هيتمملك حملك بخير
انا رغااااااااااايه اوى ايه دا
المهم ازيكو عاملين ايه انا جايه اسلم وامشى بقى عشان جوزو اتصل وقالى انه جاى فى الطريق
اشوفكوا على خير ممكن السبت ان شاء الله وممكن تطق ف دماغه ويعض
هتوحشونى كتير بوسولى نفسكوا سلام